Թշնամին ինտենսիվ գնդակոծել է Մարտակերտ քաղաքը․ տեսանյութ

372
(Թարմացված է 19:20 11.10.2020)
Ադրբեջանը չի պահպանում հրադադարի ռեժիմը։ Sputnik Արմենիայի նկարահանող խումբը տեսանյութ է ուղարկել Մարտակերտ քաղաքից, որը ողջ գիշեր և այսօր առավոտյան թշնամու կրակահերթի տակ է եղել։

Արցախի Մարտակերտ քաղաքը Ադրբեջանի զինված ուԺերի կողմից ինտենսիվորեն գնդակոծվել է գիշերը և այսօր առավոտյան։ Այս մասին հայտնում է Արցախում գտնվող Sputnik Արմենիայի թղթակիցը։

Տեղի բնակիչների խոսքով ՝ թշնամին կրակում է հիմնականում «Գրադ» համազարկային կրակի ռեակտիվ համակարգերից։ Վնասվել են քաղաքի բնակելի շենքերը։ Sputnik Արմենիայի նկարահանող խումբը նկարահանել է վնասված շինությունները։ Տեսանյութում երևում է, որ բնակելի շենքերից մեկը շարունակվում է այրվել։

Տուժածների մասին տեղեկություններ դեռ չկան:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 11-ի ժամը 11։00-ի դրությամբ` հակառակորդի կրակոցների հետևանքով զոհվել են ավելի քան 400 զինծառայողներ և 20 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 4719 զոհ ունի, ավելի քան 5000 վիրավոր։ 

Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 16 ուղղաթիռ, 165 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 510 տանկ և ՀՄՄ:

Ինչին պետք է ընտելանանք, եթե Ադրբեջանի հետ պատերազմը երկարի

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։

Հրադադար, բայց ոչ խաղաղություն. ի՞նչ խնդիր պետք է լուծի բանակը արցախյան պատերազմից հետո

372
թեգերը:
տեսանյութ, Պատերազմ, Արցախ, Մարտակերտ
թեմա:
Ադրբեջանական ագրեսիան Հայաստանի դեմ - 2020 (151)
Ըստ թեմայի
Ադրբեջանցիներն ավիառումբերով հարվածում են Մարտակերտին. 3 խաղաղ բնակիչ է զոհվել
Մարտակերտը Ադրբեջանի անհաջողության վկայությունն է. Արցախի ՊՆ մամուլի խոսնակ
Ռմբակոծված Մարտակերտի լուսանկարներ են հրապարակվել

Թուրքիայի սանձարձակ պահվածքը վկայում է, որ անհանգստացած են ՄԻԵԴ–ի որոշումներից

240
(Թարմացված է 13:28 30.10.2020)
ՄԻԵԴ-ում Հայաստանի ներկայացուցիչ Եղիշե Կիրակոսյանը Sputnik Արմենիային տված հարցազրույցում ներկայացրել է ՄԻԵԴ–ին ուղղված դիմումների ընթացքի մանրամասներն ու դատարանի որոշումների կարևորությունը Հայաստանի համար։

Վերջին Արցախյան պատերազմի ողջ ընթացքում Հայաստանն արդեն մի քանի դիմում է ներկայացրել Մարդու իրավունքների եվրոպական դատարան` Ադրբեջանի ու նաև Թուրքիայի նկատմամբ միջանկյալ միջոցներ կիրառելու պահանջով։

Դրանցից մի քանիսի վերաբերյալ դատարանն արդեն իսկ որոշումներ է կայացրել։ Թե ինչ իրավական ուժ ունեն այդ որոշումներն ու ինչ կտան դրանք հայկական կողմին, Sputnik Արմենիային տված հարցազրույցում ներկայացրել է ՄԻԵԴ–ում ՀՀ ներկայացուցիչ Եղիշե Կիրակոսյանը։

«Ցավոք, ռազմական գործողությունների վրա դրանք անմիջական զսպող ազդեցություն չեն ունենում»,– ասաց Կիրակոսյանը` միաժամանակ հույս հայտնելով, որ Եվրոպական իրավական կառույցի որոշումների ազդեցությունն այդ երկրների վրա նկատելի կլինի ավելի ուշ։

Համենայն դեպս, Եղիշե Կիրակոսյանի դիտարկմամբ, Թուրքիան ակնհայտորեն անհանգստացած է իր նկատմամբ ընդունված որոշումից։

«Թուրքիայի ԱԳՆ–ի կողմից հենց որոշման հրապարակման օրը սուր արձագանք հնչեց ՄԻԵԴ–ի հասցեին, մեղադրանքներ, որ անհիմն, իրավական ուժ չունեցող որոշում է կայացվել։ Նաև դրան հետևեցին Թուրքիայի փորձերը` միջանկյալ միջոցը վերացնելու։ Իրենք ԱԳՆ մակարդակով դիմել էին ՄԻԵԴ`միջանկյալ միջոցը վերացնելու պահանջով` նշելով, որ այն հիմնված է իրենց բնորոշմամբ, անհիմն, ոչ լուրջ ապացույցների վրա։ Սակայն, ի պատիվ ՄԻԵԴ–ի, դատարանը չտրվեց նման հարձակումներին, որովհետև իմ կարծիքով, Թուրքիայի պահվածքը շատ սանձարձակ էր, նաև այն ձևակերպումներով, որոնք օգտագործվել էին նամակագրության մեջ»,– ասաց Կիրակոսյանը։

ՄԻԵԴ–ում ՀՀ ներկայացուցիչը նաև հայտնեց, որ Թուրքիայի ներգրավվածության մասին որոշումը քննարկվել է նաև ԵԽ նախարարների կոմիտեում, որի ժամանակ Թուրքիայի մշտական ներկայացուցիչը բավական կոշտ մեղադրանքներ է հնչեցրել դատարանի հասցեին։

Եղիշե Կիրակոսյանը մեկնաբանեց, որ Նախարարների կոմիտեն է այն մարմինը, որն իրավասու է վերահսկել ՄԻԵԴ–ի որոշումների կատարման ընթացքը։ Դատարանն իրավունք ունի հարցը փոխանցելու Նախարարների կոմիտեի քննարկմանը։ Ու թեև խոսքն այս դեպքում Թուրքիայի նկատմամբ բացառապես քաղաքական ճնշում կիրառելու մասին է, բայց ՄԻԵԴ–ում ՀՀ ներկայացուցիչը հույս ունի, որ այդ քննարկումները ևս կնպաստեն Արցախի ու Հայաստանի նկատմամբ ռազմական գործողությունների ակտիվության նվազմանը։

«Ամեն դեպքում Թուրքիայի նման անհանգստությունը վկայում է, որ կիրառված միջոցը որոշակի էֆեկտ ունեցել է։ Իսկ միջանկյալ միջոցի չկատարումը հանգեցնելու է Կոնվենցիայի 34 հոդվածի խախտման մասին վճռի, ու դա ևս կարող է հետևանքներ ունենալ։ Ամեն դեպքում մենք շարունակելու ենք պնդել այս ուղղությամբ ու ապացույցներ ներկայացնել»,– ասաց Կիրակոսյանը` հավելելով, որ հայկական կողմն առ այսօր էլ շարունակում է իր դիմումները համալրել ամեն օր ստացվող նորանոր ապացույցներով։

Հիշեցնենք` Արցախի ու Հայաստանի տարածքում Ադրբեջանի կողմից քաղաքացիական բնակչության, քաղաքացիական օբյեկտների ու քաղաքացիական բնակավայրերի թիրախավորման, միջազգայնորեն արգելված զինատեսակների կիրառման փաստերով դիմումը հայկական կողմը Մարդու իրավունքների եվրոպական դատարան էր ներկայացրել պատերազմի առաջին իսկ օրը։ Իսկ արդեն սեպտեմբերի 29-ին ՄԻԵԴ–ը որոշում կայացրեց` կողմերին կոչ անելով ձեռնպահ մնալ քաղաքացիական բնակավայրերի թիրախավորումից։

Եվրադատարանին ուղղված երկրորդ դիմումն արդեն պատերազմական գործողություններում Թուրքիայի ու ահաբեկչական խմբավորումների ներգրավված լինելու մասին էր։

Ռուսաստանի ԱԳՆ-ում չեն ժխտում սիրիացի գրոհայինների «ներհոսքը» Արցախից Ռուսաստան

«Այս մասով ևս դատարանն ընդունեց առանձին որոշում`Թուրքիային շեշտելով որպես միջամտող կողմ և կոչ անելով ձեռնպահ մնալ կոնվենցիոն իրավունքների խախտումներից»,– ասաց Եղիշե Կիրակոսյանը։

Հայաստանի Հանրապետությունը Մարդու իրավունքների եվրոպական դատարան է դիմել նաև Ադրբեջանի նկատմամբ  կիրառված միջանկյալ միջոցի շրջանակներն ընդլայնելու պահանջով ռազմագերիների գնդակահարությունների, դիակների նկատմամբ կատարված այլանդակությունների, գլխատումների և այլ դրվագներով, որոնք մարդասիրական իրավունքի, մարդու իրավունքների տեսանկյունից ուղղակի անընդունելի են:

240
թեգերը:
Թուրքիա, գերի, Մարդու Իրավունքների Եվրոպական դատարան (ՄԻԵԴ), Ադրբեջան
թեմա:
Ադրբեջանական ագրեսիան Արցախում - 2020
Ըստ թեմայի
Հայ զինվորի գլխատման փաստը կներկայացվի ՄԻԵԴ
Եվս 5 հայ գերիների համար ՄԻԵԴ դիմում է ներկայացվել
Հակառակորդի զինամթերքի ոչնչացումը․ տեսանյութ

Հակառակորդի զինամթերքի ոչնչացումը․ տեսանյութ

303
(Թարմացված է 12:02 30.10.2020)
Արցախի պաշտպանության բանակը շարունակում է կատարել իր առջև դրված մարտական խնդիրները։ Հակառակորդի զինամթերքի ոչնչացման տեսանյութում երևում է, թե ինչպես է բռնկված կրակը ժամանակ առ ժամանակ ուղեկցվում պայթյուններով։

Արցախի պաշտպանության բանակը շարունակում է մեծ վնաս հասցնել թշնամուն։ Այս անգամ հայ քաջորդիներին հաջողվել է ոչնչացնել հակառակորդի զինամթերքը։ Այդ մասին վկայող` Արցախի հանրային հեռուստաընկերության պատրաստած տեսանյութը հրապարակել է Արցախի տեղեկատվական շտաբը։

Կադրերից կարելի է ենթադրել, որ զինամթերքի պաշարը բավականին մեծ է, քանզի բռնկված կրակը ժամանակ առ ժամանակ ուղեկցվում պայթյուններով։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 29-ի ժամը 18։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6749 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 226 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 632 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

303
թեգերը:
Արցախ, Զենք, տեսանյութ, թշնամի
թեմա:
Ադրբեջանական ագրեսիան Արցախում - 2020
Ըստ թեմայի
Արցախի ՊԲ–ն հակառակորդի 2 ԱԹՍ է ոչնչացրել. տեսանյութ
Հայկական կողմը խոցել է Ադրբեջանի «Սմերչը»․ տեսանյութ
Ադրբեջանցիների խոցված տանկերն ու զրահատեխնիկան. տեսանյութ
Կանանց առաջին վաշտը պատրաստություն է անցնում

Կանանց առաջին վաշտը պատրաստվում է ռազմաճակատ մեկնել. լուսանկարներ

0
Հայաստանում հարյուրավոր կանայք կամավորագրվելու ու ռազմաճակատ մեկնելու ցանկություն են հայտնել։

ԵՐԵՎԱՆ, 30 հոկտեմբերի - Sputnik. Պաշտպանության նախարարության ներկայացուցիչ Արծրուն Հովհաննիսյանը Facebook-ի իր էջում լուսանկարներ է տեղադրել, որտեղ երևում է, թե ինչպես են կանայք ռազմական վարժանքներ անցնում Արցախ մեկնելուց առաջ։

«Կանանց առաջին վաշտը անցնում է պատրաստություն»,-նշել է Արծրուն Հովհաննիսյանը։

Ավելի վաղ հայտնի էր դարձել, որ բազմաթիվ կանայք ցանկություն են հայտնել կամավորագրվել ու մեկնել ռազմաճակատ։ Վարչապետի տիկին Աննա Հակոբյանը նույնպես հայտարարել էր, որ ցանկանում է մարտական պատրաստություն անցնել։

Первая женская рота проходит подготовку
Կանանց առաջին վաշտը պատրաստություն է անցնում

Հարյուրավոր կանայք արդեն անցնել են առաջին բուժօգնություն ցուցաբերելու դասընթացներ։ 

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 29-ի ժամը 18։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6749 զոհ ունի և բազմաթիվ վիրավորներ։ 

Первая женская рота проходит подготовку
Կանանց առաջին վաշտը պատրաստություն է անցնում

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 226 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 632 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

0
թեգերը:
Կին, կամավոր, Արցախյան պատերազմ
Ըստ թեմայի
Սահմանից սահման. Բերդում կամավորական ջոկատներ են կազմում
Ղրիմի կամավորականներն Արցախում են. լուսանկար
Հայ կանանց կամավորական ջոկատում արդեն 100 կին է գրանցվել