«Մենք տեղ չունենք նահանջի». ռուս երգչուհի Չիչերինան երգում է Արցախի պաշտպանների համար

371
(Թարմացված է 12:32 11.10.2020)
Երգչուհին, ինչպես և խոստացել էր, երգել է առաջնագծում կանգնած հայրենիքի պաշտպանների համար: Երիտասարդ զինվորների համար Չիչերինան կատարում է «Մենք առաջնագծում ենք» երգը:

Ռուսաստանցի հայտնի ռոք–երգչուհի և ռազմական թղթակից Յուլյա Չիչերինան, որն արդեն 9 օր է, ինչ գտնվում է Արցախում, երգել է առաջնագծում կանգնած հայ զինվորների համար։

Տեսանյութը հրապարակվել է Youtube-ի` Արցախի պաշտպանության բանակի ալիքում: 

Չիչերինան կատարում է «Մենք առաջնագծում ենք» երգը, որի կրկներգում ասվում է.

«Մենք մեր հողի վրա ենք, առաջնագծում: Ոչ մի քայլ հետ, մենք տեղ չունենք նահանջի: Սա մեր երկիրն է ու մենք կանգնելու ենք»:

Տեսանյութում ներկայացված են նաև Չիչերինայի «համերգն» ուշադիր ու մտախոհ ունկնդրող երիտասարդ զինվորները:

Հիշեցնենք՝ հոտեմբերի 2-ին ռազմական թղթակից, WarGonzо նախագծի ղեկավար Սեմյոն Պեգովը պատմել էր, որ ինքն ու Չիչերինան ապաստարանում են, Աղդամի շրջանում։

Սպանվել է ընդհանուր 20 խաղաղ բնակիչ. Արցախի ՄԻՊ–ը երկրորդ միջանկյալ զեկույցն է պատրաստել

Պեգովը հայտարարել էր նաև Չիչերինայի՝ առաջնագծում նախատեսվող ելույթի մասին:

Յուլյա Չիչերինան ամուսնու հետ Ստեփանակերտի ճանապարհին գնդակոծության տակ էին հայտնվել: Բարեբախտաբար, նրանք չէին տուժել ու շարունակում են աշխատել Արցախում ու իրենց լսարաններին ներկայացնել իրականությունը Արցախի ազատագրական պայքարի մասին:

Տունը վնասվել է, անասնագոմը` ամբողջությամբ այրվել. նոր տեսանյութ Ստեփանակերտից

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 11-ի ժամը 11։00-ի դրությամբ` հակառակորդի կրակոցների հետևանքով զոհվել են ավելի քան 400 զինծառայողներ և 20 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 4719 զոհ ունի, ավելի քան 5000 վիրավոր։ 

Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 16 ուղղաթիռ, 165 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 510 տանկ և ՀՄՄ:

Ինչին պետք է ընտելանանք, եթե Ադրբեջանի հետ պատերազմը երկարի

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։

Հրադադար, բայց ոչ խաղաղություն. ի՞նչ խնդիր պետք է լուծի բանակը արցախյան պատերազմից հետո

371
թեգերը:
Պատերազմ, երգ, Արցախ, Յուլյա Չիչերինա
թեմա:
Ադրբեջանական ագրեսիան Արցախում - 2020 (1684)
Ըստ թեմայի
Մեր պատասխանն Ալիևին. Արցախի ՊԲ-ն Հադրութից տեսանյութ է հրապարակել
«Մեր դիրքերը վերականգնել ենք, ու դեռ մի բան էլ ավելի». նոր տեսանյութ առաջնագծից
Ձեր ցավը տանեմ. Արայիկ Հարությունյանն ու թշնամու գրոհը հետ մղած զինծառայողները. տեսանյութ

Իմ անմիջական հրամանատարն ասաց, որ թշնամու՝ այսինքն հայկական դիրքերը դատարկ են. ռազմագերի

31
(Թարմացված է 16:01 27.10.2020)
Համաձայն ռազմագերու խոսքերի` ամառվանից Ադրբեջանի զինված ուժերում եղել են Թուրքիայի բանակից զինվորականներ, իսկ պատերազմը սկսելու ժամանակ պետք է օգնեին զինվորականներ Պակիստանից։

Հայաստանի Քննչական կոմիտեն հրապարակել է ադրբեջանցի ռազմագերի, ենթասպա Էմին Բախշալիևի հարցաքննության տեսանյութը։ Տեսանյութում ռազմագերին մանրամասներ է բացահայտում Ադրբեջանի կողմից Արցախի վրա հարձակման նախապատրաստումից։

«2020 թվականի սեպտեմբերի 20–ին կամ 21-ին մեր գումարտակով մենք դուրս ենք եկել և «ԿամԱզ» մեքենայով շարժվել Գյուլիստանի ուղղությամբ: Իմ անմիջական հրամանատար Ահմադ Հանիֆաևը մեզ ասել է, որ թշնամու՝ այսինքն հայկական դիրքերը դատարկ են, 5-7 զինծառայողներ կլինեն, հրաման է տրվել նրանց էլ ոչնչացնել, գրավել և տեղակայվել հայերի մարտական դիրքերում: Հրաման էր տրված՝ ինչքան շատ գրավեինք, այնքան լավ կլիներ»,- նշում է նա:

Նրա խոսքով՝ քաղաքացիական բնակիչների տների բակերում տեղադրվել են հրթիռահրետանային միջոցներ, որոնք կիրառվել են ռազմական գործողությունների ընթացքում, այդ բնակավայրերում քաղաքացիական բնակիչները շարունակել են ապրել։

Ադրբեջանական կողմում այս պահին 17 հայ ռազմագերի կա. ՔԿ

31
թեգերը:
Պատերազմ, Արցախ, ադրբեջանցի, ռազմագերի
թեմա:
Ադրբեջանական ագրեսիան Արցախում - 2020 (1684)

Եթե թշնամու ոտնձգությունը կրկնվի, գործի կդրվեն զինանոցում առկա բոլոր զինատեսակները․ ՀՀ ԶՈւ

263
(Թարմացված է 15:30 27.10.2020)
Առավոտյան թշնամին անօդաչուներով և հրթիռահրետանային միջոցներով հրետակոծել էր ՀՀ հարավային սահմանի Իրանի հետ հատման կետի հայկական սահմանապահ ուղեկալի դիրքերը։

Հայաստանի Հանրապետության պաշտպանության նախարար Դավիթ Տոնոյանն այսօր հրամանատարական կազմի հետ քննարկել է ՀՀ հարավային սահմանում առկա օպերատիվ իրադրությունը, առաջիկա քայլերն ու խնդիրները։ Տեղեկությունը հայտնում է «Զինուժ մեդիան»։

Մեր տարածք արկերի ընկնելն անընդունելի է․ Իրանի ԱԳՆ

Նշենք, որ առավոտյան ժամը 10:00-10:15-ի սահմաններում հերթական անգամ խախտելով հրադադարի ռեժիմը, ադրբեջանական կողմն անօդաչուներով և հրթիռահրետանային միջոցներով հրետակոծել է ՀՀ հարավային սահմանի Իրանի հետ հատման կետի հայկական սահմանապահ ուղեկալի դիրքերը։ Անօդաչու սարքերի մեկն ընկել է Հայաստանի տարածքում։

«Հակառակորդի բոլոր շարժերը մեր կողմից ֆիքսվում է, չունենք անձնակազմի և տեխնիկայի կորուստներ։ Իրավիճակը շփման գծում ընդհանուր առմամբ մեր կողմից վերահսկել է»,-ասում է հրամանատարներից մեկը։

ՀՀ զինված ուժերը նախազգուշացնում է, որ եթե հակառակորդը կրկին փորձի ՀՀ պետական սահմանին ոտնձգություն իրականացնել, ՀՀ զինված ուժերում առկա բոլոր միջոցներով հուժկու հարված է հասցվելու՝ կիրառելով զինանոցում գտնվող բոլոր զենքի տեսակները։

Մյուս հրամանատարն էլ հավելում է, որ ՀՀ զինված ուժերը շատ լավ գիտեն հակառակորդի կրակային դիրքերը, ու եթե տեղի ունեցածը հանկարծակի կրկնվի, ամբողջը խոցելու են։

Հիշեցնենք` սեպտեմբերի 27-ի վաղ առավոտյան Ադրբեջանը, Թուրքիայի աջակցությամբ, լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 27-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1009 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6674 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 220 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 600 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

263
թեգերը:
ՀՀ Պաշտպանության նախարարություն (ՊՆ), Հայաստան
Ըստ թեմայի
Թշնամին վիրավորներին դաշտում է թողնում. БТР-ները «խոդ տված» թողել ու փախել են. տեսանյութ
Հաշվարկված, ճշգրիտ հարված. թշնամու կորուստները շարունակվում են. տեսանյութ
Ինչպես է հակառակորդը հարված հասցնում ՀՀ սահմանին. ՊՆ-ն տեսանյութ է հրապարակել
Командующий иранской армией генерал Абдулрахим Мусави во время ежегодного митинга перед бывшим посольством США в Тегеране (4 ноября 2019). Иран

Իրանական բանակը կպայքարի իր սահմանների մոտ հայտնված ահաբեկիչների դեմ. Իրանի ԶՈւ հրամանատար

0
(Թարմացված է 16:01 27.10.2020)
Իրանի իշխանություններն ավելի վաղ որոշում էին կայացրել ուժեղացնել սահմանների պաշտպանությունը երկրի անվտանգության ապահովման համար:

ԵՐԵՎԱՆ, 27 հոկտեմբերի — Sputnik. Իրանական բանակը վճռականորեն պայքարելու է իր սահմանների մոտ հայտնված ահաբեկիչների դեմ։ Ինչպես հաղորդում է Miran Press Telegram-ալիքը, այս մասին հայտարարել է Իրանի զինված ուժերի հրամանատար Աբդուլռահիմ Մուսավին։

Ղարաբաղյան հակամարտության գոտում մարտական գործողություններ են ընթանում նաև Իրանի հարակից մասում։ Իրանի ղեկավարությունը բազմիցս անհանգստություն է հայտնել Ղարաբաղում տիրող իրավիճակի կապակցությամբ։ Երկրի իշխանություններն ուժեղացրել են սահմանների պահպանությունն Իրանի անվտանգությունն ապահովելու համար։

«Մեր ուժերը մարտական են տրամադրված և անխնա պայքարելու են ահաբեկիչների, մեր սահմանների մոտ ԻՊ ներկայության դեմ», - նշել է Մուսավին:

Ավելի վաղ հայտնի էր դարձել, որ Իրանի նախագահի հատուկ դեսպանորդ Աբբաս Արաքչին կայցելի Ռուսաստան, Ադրբեջան, Հայաստան և Թուրքիա` ղարաբաղյան հակամարտության կարգավորումը քննարկելու համար:

0
թեգերը:
ահաբեկիչ, վարձկաններ, Ադրբեջան, Սահման, Արցախ, Ղարաբաղյան հակամարտություն, Լեռնային Ղարաբաղ, Հայաստան, Իրանի Իսլամական Հանրապետություն