Տունը վնասվել է, անասնագոմը` ամբողջությամբ այրվել. նոր տեսանյութ Ստեփանակերտից

410
(Թարմացված է 01:16 11.10.2020)
Ստեփանակերտի հրթիռակոծման արդյունքում ավերածություններ կան։ Sputnik Արմենիայի նկարահանող խումբը եղել է քաղաքի այն հատվածներից մեկում, որտեղ ընկել են ադրբեջանական հրթիռները։

Ադրբեջանի զինված ուժերի կողմից Ստեփանակերտի հրթիռակոծման հետևանքով բնակելի տներից մեկը ավերվել է, իսկ անասնագոմում հրդեհ է բռնկվել։ Sputnik Արմենիայի տեղի թղթակիցը հայտնում է, որ տուժածներ չկան։

 Sputnik Արմենիայի նկարահանող խումբը եղել է քաղաքի այն հատվածներից մեկում, որտեղ ընկել են ադրբեջանական հրթիռները։

Արցախի ԱԻՆ էլ հայտնում է, որ հրադադարի մասին ձեռք բերված պայմանավորվածությունից հետո, Ստեփանակերտը նորից հայտնվել է թշնամու թիրախակետում։ Ժամը 23։18-ին Արցախի մայրաքաղաքում հայտարարվել է օդային տագնապ, այդ ընթացքում թշնամին հարվածել է (զինատեսակը դեռևս հայտնի չէ) Ստեփանակերտի ծայրամասային թաղամասերից մեկի վրա։ Ամբողջությամբ ավերվել է մեկ առանձնատուն, այրվել` հարևանությամբ գտնվող տնտեսական նշանակության մեկ շինություն, վնասվել են մոտակա ենթակառուցվածքները։ Տուժածներ չկան։

Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը երեկ Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։ Մասնավորապես, կողմերը պայմանավորվել են, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։

Չնայած դրան, այսօր երեկոյան թշնամին սկսել է հրթիռակոծել Ստեփանակերտը, Շուշին և Մարտունին ու հարակից մի քանի գյուղեր։

Առաջընթացի մասին խոսելն անհնար կլիներ առանց այս իրավիճակին վերջնակետ դնելու. Մնացականյան

410
թեգերը:
հրդեհ, Ավերածություններ, հրթիռակոծություն, Ստեփանակերտ
թեմա:
Ադրբեջանական ագրեսիան Արցախում - 2020 (1765)
Ըստ թեմայի
Հադրութում ադրբեջանցիները սպանել են 2 բնակչի` մորն ու հաշմանդամություն ունեցող որդուն
Ահաբեկիչների ձեռագրին հատուկ դաժանություն, ևս մեկ փաստ վարձկանների ներկայության մասին. 18+
Հրթիռակոծվում են նաև Մարտունին ու Շուշին

Ֆրեզնոյում խաղաղ ցույցի ժամանակ թուրքերը դանակահարել են երկու հայի. տեսանյութ

91
(Թարմացված է 13:41 29.10.2020)
Արդեն որերորդ դեպքն է` Ադրբեջանն ու Թուրքիան պատերազմը սահմանից տեղափոխում են երրորդ երկրների տարածք և սկսում սադրիչ գործողությունների արշավ։

Ֆրեզնոյում խաղաղ ցույցի ընթացքում հայերը ենթարկվել են հարձակման: Երկու հայ դանակահարվել է: Տեղեկությունը հրապարակել է Սփյուռքի գլխավոր հանձնակատարի գրասենյակը, իր ֆեյսբուքյան էջում հրապարակելով նաև այդ մասին փաստող տեսանյութ։

«Սա առաջին դեպքը չէ, երբ Ադրբեջանն ու Թուրքիան պատերազմը սահմանից տեղափոխում են երրորդ երկրների տարածք և սկսում սադրիչ գործողությունների արշավ»,–նշված է տեսանյութին կից:

Ոստիկանությունը հետաքննություն է սկսել:

Երեկ էլ ֆրանսահայերը փակել էին երկրի Ա7 միջպետական ճանապարհը`դատապարտելով Արցախի դեմ Ադրբեջանի ագրեսիան։ Այդ ընթացքում ինչ–որ մեքենայի միջից երեք տղամարդիկ էին դուրս եկել ու մուրճերով հարձակվել հայերի վրա։

Բողոքի ակցիայի մասնակիցներից մեկն ուղիղ եթերում հայտնել էր, որ հարձակվողները թուրքեր են, և նրանք մուրճով հարվածել են հայ երիտասարդներից մեկի գլխին։ Նրա խոսքով` թուրքերի ձեռքին նաև դանակ է եղել։ Վնասվածք ստացած հայ երիտասարդին շտապօգնության մեքենայով տեղափոխել էին հիվանդանոց։

Որոշ ժամանակ անց որոշում էր կայացվել բացել ճանապարհները հետագա տհաճություններից խուսափելու համար, քանի որ մոտակայքում խմբերով տղաներ կային հավաքված, և հայտնի չէր` թուրքեր են, թե ոչ։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Իսրայելում ադրբեջանցիները հարձակվել են խաղաղ ավտոերթ անող հայերի վրա

Հոկտեմբերի 28-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1119 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6749 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 226 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 632 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

91
թեգերը:
Թուրք, հայ, դանակահարություն, Ֆրեզնո
թեմա:
Ադրբեջանական ագրեսիան Արցախում - 2020 (1765)
Ըստ թեմայի
Սիրիացիները հայերի հետ են. նրանք իրենց մաշկի վրա զգացել են ահաբեկիչների վայրագությունները
Դադարեցրեք զենքի վաճառքը Ադրբեջանին. Իսրայելի և Արգենտինայի հայերի բողոքի ակցիան
Թուրքերն ու ադրբեջանցիները «հայերի որս» են սկսել Եվրոպայի փողոցներում. տեսանյութեր

Արցախը հրապարակել է ադրբեջանցիների քայքայվող դիակների կադրերը

367
(Թարմացված է 13:04 29.10.2020)
Ադրբեջանը միակողմանի հրաժարվել էր դիակների փոխանակման առաջարկից և երեք անգամ անընդմեջ խախտել ԵԱՀԿ Մինսկի խմբի համանախագահ երկրների միջնորդությամբ հայտարարված հումանիտար հրադադարը։

Արցախի պաշտպանության բանակը ռազմաճակատում մնացած ադրբեջանական դիակների տեսանյութ է հրապարակել, որտեղ ներկայացվում է, թե ինչ աղետալի վիճակ է ստեղծվել դրանց պատճառով։

Դեռ հոկտեմբերի առաջին տասնօրյակում հայկական կողմը հայտարարել էր, որ  ռազմաճակատի որոշ հատվածներում համաճարակային կրիտիկական իրավիճակ է ստեղծվել` կապված հակառակորդի անթիվ դիակների հետ։

Պաշտոնական հայտարարությունների համաձայն` սանիտարական լուրջ խնդիր է առաջացել, քանի որ արդեն դիերի քայքայման պրոցես է սկսվել։

Նշենք, որ Ադրբեջանը միակողմանի հրաժարվել էր դիակների փոխանակման առաջարկից և երեք անգամ անընդմեջ խախտել  ԵԱՀԿ Մինսկի խմբի համանախագահ երկրների միջնորդությամբ դիակների, ռազմագերիների և այլ պահվող անձանց փոխանակման նպատակով հայտարարված հումանիտար հրադադարը։

​Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Մասնավորապես, կողմերը պայմանավորվեցին, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։ Հրադադարի վերաբերյալ պայմանավորվածությունից հետո Ադրբեջանը շարունակեց հրետակոծել Արցախը։

Հոկտեմբերի 17-ին ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը երկրորդ պայմանավորվածությունն են ձեռք բերել. որոշվել է հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։

Արցախի ՊԲ–ն, սակայն, հոկտեմբերի 18-ի առավոտյան տեղեկացրեց, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք եղել են զոհեր ու վիրավորներ:

Հոկտեմբերի 26-ին ՀՀ ԱԳՆ–ն հայտարարեց, որ Հայաստանի և Ադրբեջանի արտգործնախարարները հումանիտար հրադադարի հաստատման երրորդ ժամկետի մասին են պայմանավորվել, որը պետք է ուժի մեջ մտներ 2020թ. հոկտեմբերի 26-ին, տեղական ժամանակով 08:00-ին։ Սակայն Ադրբեջանը խախտեց նաև երրորդ պայմանավորվածությունը։

367
թեգերը:
Ղարաբաղյան հակամարտություն, Լեռնային Ղարաբաղ, Արցախ, տեսանյութ, Դիակ, ադրբեջանցի
թեմա:
Ադրբեջանական ագրեսիան Արցախում - 2020 (1765)
Ըստ թեմայի
Մարտակերտ քաղաքի վրա թշնամին կիրառել է ռազմական ավիացիա․ օդային տագնապ է հայտարարված
Հարավում հակառակորդի հիմնական նպատակը Մեղրին է. Անդրանիկ Քոչարյան
Տարածաշրջանային մոտեցում, իրատեսություն․ Արակչին նկարագրել է Ղարաբաղի հարցով Իրանի ծրագիրը
Քիմ Քարդաշյան

«Իմ բախտը պարզապես բերել է, որ ես հայ եմ ծնվել»․ Քիմ Քարդաշյան

11
(Թարմացված է 13:48 29.10.2020)
Աշխարհահռչակ հայուհին ամեն կերպ աջակցում է Հայաստանին և Արցախին։ Նա արդեն մեկ միլիոն դոլար է նվիրաբերել «Հայաստան» համահայկական հիմնադրամին և կոչ արել իր միլիոնավոր հետևորդներին նվիրատվություն անել Արցախի համար:

ԵՐԵՎԱՆ, 29 հոկտեմբերի – Sputnik. Աշխարհահռչակ հեռուստաաստղ Քիմ Քարդաշյանը երբեք չի թաքցրել իր հայկական արմատները և հիմա էլ հպարտությամբ է խոսում այդ մասին։ Նա ծննդյան օրը նաև շապիկներ է նվեր ստացվել, որոնցից մեկի վրա գրված է. «Ես չեմ խնդրել հայուհի լինել։ Իմ բախտը պարզապես բերել է»։

Instagram story Ким Кардашьян
Instagram story Ким Кардашьян

«Ես այնքան ոգևորված եմ, պարզապես նայեք այս գրվածքին։ «Ես չեմ խնդրել հայուհի լինել։ Իմ բախտը պարզապես բերել է»։ Դուք լիովին իրավացի եք, սա կատարյալ ճշմարտություն է», - տեսանյութում ասում է Քիմը։

«Ծննդյանս օրվա լավագույն նվերը». ինչու է Քարդաշյանը շնորհակալություն հայտնել ԱՄՆ Կոնգրեսին

Աշխարհահռչակ հայուհին ամեն կերպ աջակցում է Հայաստանին և Արցախին։ Նա արդեն  մեկ միլիոն դոլար է նվիրաբերել «Հայաստան» համահայկական հիմնադրամին և կոչ արել իր միլիոնավոր հետևորդներին նվիրատվություն անել Արցախի համար։

11
թեգերը:
ԱՄՆ, հայ, Քիմ Քարդաշյան
թեմա:
Ամերիկահայ հեռուստաաստղ Քիմ Քարդաշյան
Ըստ թեմայի
Ադրբեջանցի օգտատերերը ծիծաղելի պատերազմ են սկսել Քարդաշյանի դեմ. հայերն անցել են հակագրոհի
Քարդաշյանը հորդորում է հետևել իր օրինակին. նա 1 մլն դոլար կփոխանցի «Հայաստան» հիմնադրամին
Քիմ Քարդաշյանը «սառեցնում է» սոցցանցերի անձնական էջերը. ի՞նչը նրա սրտով չէ