Էրդողանն ահաբեկիչ է. Լոնդոնում մեծ թվով հայեր բողոքի ակցիա են իրականացնում

243
(Թարմացված է 15:36 10.10.2020)
Ընդդեմ ադրբեջանական ագրեսիայի բազմահազարանոց բողոքի ակցիաները շարունակվում են աշխարհի տարբեր երկրներում։

Լոնդոնի կենտրոնական փողոցներից մեկում քիչ առաջ մեկնարկել է հայ համայնքի բողոքի ակցիան ընդդեմ ադրբեջանական ագրեսիայի։ Sputnik Արմենիայի հետ զրույցում լոնդոնաբնակ Սուրեն Սարուխանյանը նշեց, որ ցույցն անցկացվում է Դաունինգ փողոցի մոտ։

Акция протеста против азербайджанской военной агрессии в Лондоне
Էրդողանն ահաբեկիչ է. Լոնդոնում մեծ թվով հայեր բողոքի ակցիա են իրականացնում

Նշենք, որ այս փողոցում են տեղակայված Մեծ Բրիտանիայի պետական կարևոր կառույցների շենքերը, այդ թվում`Մեծ Բրիտանիայի վարչապետի և ֆինանսական կանցլերի գրասենյակները։ Մի քանի րոպե հեռավորության վրա է նաև Մեծ Բրիտանիայի խորհրդարանի շենքը։

Սուրենի փոխանցմամբ` գրեթե 1000 հայ է մասնակցում ակցիային։ Ցուցարարները ոչ միայն Հայաստանի և Արցախի հանրապետությունների պետական դրոշներով են, այլև եռագույն դիմակներ են կրում` փորձելով միջազգային հանրության ուշադրությունը հրավիրել Հայաստանի և Արցախի դեմ Ադրբեջանի սանձազերծած ռազմական գործողությունների վրա։

«Կանգնեցրեք ցեղասպանությունը», «Ճանաչեք Արցախը», «Արցախը Հայաստան է», «Կանգնեցրեք Ադրբեջանի ագրեսիան», «Էրդողանն ահաբեկիչ է». այսպիսի վանկարկումներով և պաստառներով ցուցարարներն իրենց աջակցությունն են հայտնում Արցախին և մայր Հայաստանին ու պահանջում միջազգային հանրությանը կոչերից գործի անցնել։

Նշենք, որ այս օրերին բազմահազարանոց ցույցեր են անցկացվում աշխարհի տարբեր երկրների հայաշատ համայնքներում։ Հայությունը ոտքի է կանգնել` հայրենիքին աջակցելու և սպառնացող վտանգի մասին ի լուր աշխարհի բարձաձայնելու։ Ցուցարարները նաև խորհրդանշական եռագույն ծուխ են բաց թողնում Լոնդոնի փողոցներում։

Акция протеста против азербайджанской военной агрессии в Лондоне
Էրդողանն ահաբեկիչ է. Լոնդոնում մեծ թվով հայեր բողոքի ակցիա են իրականացնում

Հայոց եռագույնների կողքին նաև Կիպրոսի դրոշն է ծածանվում. լոնդոնաբնակ կիպրացիները ևս միացել են հայերին` իրենց աջակցությունը հայտնելով ընդդեմ ահաբեկչության և ագրեսիայի։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 10-ի ժամը 11։00-ի դրությամբ` հակառակորդի կրակոցների հետևանքով զոհվել են ավելի քան 400 զինծառայողներ և 20 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 4369 զոհ ունի, ավելի քան 5000 վիրավոր։

Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 16 ուղղաթիռ, 162 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 508 տանկ և ՀՄՄ:

Փայլուն օպերացիա Արցախում. ազատագրվել է դիրքերից մեկը, փրկվել 19 զինվորի կյանք

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։

Հեծանիվի անվադողը՝ «ժգուտ», պատկերասրահն էլ՝ տեսակավորման կայան. կամավոր դարձած հայություն

243
թեգերը:
Արցախ, Ղարաբաղյան հակամարտություն, Լեռնային Ղարաբաղ, հայեր, Բողոքի ակցիա, Անգլիա, Լոնդոն
թեմա:
Ադրբեջանական ագրեսիան Արցախում - 2020 (1629)
Ըստ թեմայի
Նախքան հումանիտար հրադադարի հաստատումը ադրբեջանցիները փորձել են ներթափանցել Հադրութ
Հրադադարը կյանքի կոչելու համար աշխատանքներ են տարվում դիվանագիտական խողովակներով. ԱԳՆ
Հնարավոր է` Ստեփանակերտում պայթյունների ձայներ հնչեն. խուճապի մատնվել պետք չէ

«Փողով եկել են, փողով էլ կկոտորվեն». կամավորները` իրենց ու վարձկանների տարբերության մասին

140
(Թարմացված է 12:27 26.10.2020)
Հայ կամավորները պատրաստ են հետևել առաջնագծում հերոսացած պատանիների օրինակին ու կոչ են անում բոլորին միանալ հայրենիքի համար մղվող սրբազան պայքարին։

Արցախի պաշտպանության բանակը նոր տեսանյութ է հրապարակել հայրենիքի պաշտպանությանը զինվորագրված կամավորների մասին։

Տեսանյութում կամավորները պատմում են, որ մինչև վերջին պահը կանգնելու են Արցախը պաշտպանելու ու հաղթանակի համար։

«Սա մեր հայ ազգի համար կենաց–մահու պայքար է,– ասում են նրանք,– սա բոլորիս խնդիրն է, բոլորս միասին պետք է մեր հողը պաշտպանենք, պաշտպանենք մեր ապրելու իրավունքը»։

Կամավորներից մեկը պատմում է, որ առաջնագծում հանդիպել են կանոնավոր բանակի զինվորներին ու համոզվել` տղաների բարոյահոգեբանական վիճակը բարձր է։ «Մենք էլ մեր կողմից անում ենք ամեն ինչ, որ նրանք դուխաթափ չլինեն»,– ասում է կամավորականը։

Մեկ այլ կամավոր էլ նշում է, որ իրենք էլ պատրաստ ենք հետևել առաջնագծում հերոսացած 18 տարեկան պատանիների օրինակին։

Նրանց խոսքով, ի տարբերություն Ադրբեջանի կողմից կռվող վարձկանների, իրենք կռվի են ելել հանուն հայրենիքի ու հանուն իրենց կյանքի իրավունքի։

«Փողով եկել են, փողով էլ կկոտորվեն»,– ասում է կամավորականը` կոչ անելով բոլորին միանալ հայրենիքի համար մղվող սրբազան պայքարին։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 25-ի ժամը 14։30-ի դրությամբ` հակառակորդի կրակոցների հետևանքով Արցախում զոհվել են 974 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6614 զոհ ունի և բազմաթիվ վիրավորներ։

Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 217 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 600 տանկ և ՀՄՄ:

Հայը, «սիրիացին» ու բելառուսը. «հին գելերը» մեկնել են առաջնագիծ

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

Պատերազմ Արցախում` առանց սեփական զինվորների. ո՞րն է Էրդողանի գերնպատակը

140
թեգերը:
Ադրբեջան, Պատերազմ, Ղարաբաղյան հակամարտություն, Լեռնային Ղարաբաղ, Արցախ, կամավոր
թեմա:
Ադրբեջանական ագրեսիան Արցախում - 2020 (1629)
Ըստ թեմայի
Սիրիացիները հայերի հետ են. նրանք իրենց մաշկի վրա զգացել են ահաբեկիչների վայրագությունները
Հայկական կողմը շարունակելու է հավատարիմ մնալ հրադադարի ռեժիմին. Փաշինյան
Հաղթում ենք նաև միջազգային օլիմպիադաներում. հայ դպրոցականները 4 մեդալ են նվաճել

Հայկական արտադրության ԱԹՍ-ն՝ կիրառության մեջ. տեսանյութ

2134
(Թարմացված է 21:08 25.10.2020)
Առաջին անգամ հայկական արտադրության մարտական ԱԹՍ-ի կիրառությունից մոտ չորս ամիս է անցել։

Հայկական արտադրության անօդաչու թռչող սարքերը գործողության մեջ ցույց են տալիս իրենց արդյունավետությունը։ ՀՀ պաշտպանության նախարարի մամուլի խոսնակ Շուշան Ստեփանյանը Facebook-ի իր էջում տեսանյութ է հրապարակել, որում երևում է հայկական հարվածային ԱԹՍ-ն՝ կիրառության մեջ։

«Հայկական արտադրության կառավարվող հարվածային ԱԹՍ-ը` կիրառության մեջ …»,- գրել է Ստեփանյանը։

Հիշեցնենք՝ դեռ օգոստոսին ՀՀ բարձր տեխնոլոգիական արդյունաբերության նախարար Հակոբ Արշակյանը տեսանյութ է հրապարակել` մեկ հատված ներկայացնելով նոր տեսակի հարվածային անօդաչու թռչող սարքերի փորձարկումներից։

Անվտանգության նկատառումներից ելնելով` ԱԹՍ–ն մանրամասն չի երևում կադրում։

Ավելի վաղ` օգոստոսի 1-ին, նախարարը կրկին տեսանյութ էր հրապարակել, որում երևում էր, թե ինչպես է հայկական արտադրության ԱԹՍ–ն իրականացնում իր առջև դրած առաջադրանքը` փնտրելով և գտնելով թիրախը։

Հիշեցնենք, որ ՀՀ ՊՆ ներկայացուցիչ Արծրուն Հովհաննիսյանն ավելի վաղ հայտնել էր` հուլիսի 13-ը կմտնի պատմության մեջ որպես հայկական արտադրության մարտական ԱԹՍ-ների մարտական կիրառության օր: Առաջին անգամ հայկական մարտական ԱԹՍ-ները կիրառվել էին պատերազմի ժամանակ՝ մարտական պայմաններում և փայլուն արդյունքներ գրանցել:

2134
թեգերը:
Հայաստան, անօդաչու թռչող սարք, Արցախյան պատերազմ
Ըստ թեմայի
Թուրքական ԱԹՍ–ները կրճատեցին կորուստները. Ալիևի խոստովանությունը
Ինչպես ունենալ ԱԹՍ-ների մեր բանակը. Կարեն Վարդանյանի ընտանիքի առաջարկն ու առաջին ներդրումը
Ադրբեջանը մեկ օրում զրկվել է երկու ՏՕՍ-1–ից, տասնմեկ ԱԹՍ–ից, տվել 75 զոհ
Մել Գիբսոն

Շատ խոր տխրությամբ լսեցի` ինչ է կատարվում Արցախում. Գիբսոնն աջակցություն է հայտնել հայերին

45
(Թարմացված է 13:25 26.10.2020)
Գիբսոնն իր տեսաուղերձում նշում է, որ աղոթում է հայերի համար, աղոթում է, որպեսզի պատերազմը խաղաղությամբ ավարտվի։

ԵՐԵՎԱՆ, 26 հոկտեմբերի – Sputnik. Հոլիվուդյան հայտնի դերասան և ռեժիսոր Մել Գիբսոնն անհանգստացած է Ղարաբաղում տեղի ունեցող իրադարձություններով։ RT–ին Twitter–ի իր էջում տեղադրել է Գիբսոնի տեսաուղերձը։

Հայերի ցավը ռուս լուսանկարչի աչքերով

«Շատ խոր տխրությամբ լսեցի, թե ինչ է կատարվում Հայաստանում և Արցախում։ Ես շատ հայ ընկերներ ունեմ ԱՄՆ–ում, որոնք պատմում են այս օրերին իրենց հարազատների կորստի մասին... Հայերին ես շատ եմ հարգում` մեծահոգի և ամուր մարդիկ են, որոնք մի շարք դժվարությունների են բախվել»,–ասում է դերասանը։

​Նա նշում է նաև, որ աղոթում է հայերի համար, աղոթում է, որպեսզի պատերազմը խաղաղությամբ ավարտվի և մեծ ուժերը միջամտեն ու լուծում տան հարցին։

Գիբսոնը հույս է հայտնում, որ խաղաղությունը կվերականգնվի։ Նա կոչ է անում հայերին ուժեղ լինել և շարունակել իրենց անելիքները։

Հայերին սպանում է Թրամփի ընկեր Էրդողանը. Շոն Փենն ամոթանք է տվել ամերիկացիներին

45
թեգերը:
Մել Գիբսոն, Պատերազմ, Արցախ
թեմա:
Ադրբեջանական ագրեսիան Արցախում - 2020 (1629)
Ըստ թեմայի
Ինչպես տարբերել թացը չորից, կամ ինչ պետք է իմանան հայերը պատերազմի ժամանակ
Իսրայելի հայերը բողոքի ակցիա են իրականացրել Երուսաղեմի ԱԳՆ շենքի դիմաց
Հայերն ապրել են ու կապրեն Արցախում ընդմիշտ. բողոքի ակցիա` Շվեդիայում