«Էդ պահին հիմնականում չես մտածում, ուղղակի գիտես, որ պետք է գնաս առաջ». տեսանյութ

816
(Թարմացված է 12:35 10.10.2020)
Հայրենիքի պաշտպանության առաջնագծից խոստանում են` հաղթելու ենք։ Բոլոր բարեմաղթանքները մեկ ընդհանրություն ունեն` հաղթանակն անխուսափելի է։

Արցախի Հանրապետության պաշտպանության նախարարությունը նոր տեսանյութ է հրապարակել, որում ներկայացնում է ՊԲ հարավարևելյան սահմանագոտում զինծառայողների շրջանում տիրող տրամադրությունն ու մարտական ոգին։ Շատերն արդեն իսկ բարդ ու պատասխանատու գործողությունների են մասնակցել գրոհային ստորաբաժանումների կազմում` ցավալի հարվածներ հասցնելով ու զգալի կորուստներ պատճառելով հակառակորդին։

«Խնդիր է եղել դրված հրամանատարության կողմից հարձակում իրականացնել բացահայտ հակառակորդի մարտական դիրքի վրա։ Հարձակումն իրականացվել է պատշաճ մակարդակով` հակառակորդին ոչնչացնել իր խրամաբջիջներում»,– ասում է զինծառայողներից մեկը։

Հետո էլ ավելացնում է, որ միշտ պատրաստ են իրենց առջև դրված խնդիրները կատարելուն։

Խոցել են թշնամու զրահատեխնիկան ու փրկել մարտական ընկերների կյանքը. մերօրյա նոր հերոսները

«Էդ պահին հիմնականում չես մտածում շատ բանի մասին, ուղղակի գիտես, որ պետք է գնաս առաջ. ինչ–որ մի տեղ ինչ–որ զինվոր է կանգնած, ունի քո կարիքը, պետք է իրեն օգնես»,– պատմում է մեկ այլ զինվոր ու նշում, որ գործողության պահին վախի զգացում չկա։ Կա հրաման, որը պետք է անես ամենալավ կերպով, որովհետև յուրաքանչյուր սխալը կարող է մարդու կյանք արժենալ։

Հայ զինծառայողները վստահեցնում են` պատրաստ են ոչ միայն սահմանագիծը պաշտպանելու, այլև հակագրոհելու ու ջախջախելու հակառակորդին։

Զինվորների ոգին մարտական է, տրամադրությունը` բարձր. կռիվների արանքում նրանք ժամանակ են գտնում նաև ընտանիքին ողջույններ ու բարեմաղթանքներ հղելու։ Դրանք բոլորը մի ընդհանրություն ունեն. տղաները վստահեցնում են` անհանգստանալ պետք չէ, հաստատ հաղթելու են ու հաղթանակն իրենց հետ տուն են բերելու։

Անանյանը ռազմական գաղտնիք պարունակող փաստաթղթեր է բերել. հերոսները պարգևատրվում են

816
թեգերը:
զինծառայող, Ադրբեջան, Արցախ
Ըստ թեմայի
Ադրբեջանը երևակայության նոր ռեկորդ է սահմանել. Հովհաննիսյանը` Հադրութին հարվածելու մասին
Ադրբեջանը օդային հարձակման է անցել. ՊՆ
Արցախում կրակի դադարի հրաման է տրվել. ՊՆ

Թշնամական ուժերի ոչնչացումը. ՊԲ–ն նոր տեսանյութ է հրապարակել

162
(Թարմացված է 23:50 23.10.2020)
Արցախի պաշտպանության բանակի ճշգրիտ խոցման հետևանքով ոչնչանում են թշնամական ուժերը։

Արցախի պաշտպանության բանակը հերթական տեսանյութն է ներկայացրել` ցույց տալով՝ ինչպես են ոչնչացվում թշնամական ուժերը։
Տեսանյութում երևում է, թե ինչ հետևանքներ են ունենում Արցախի պաշտպանության բանակի ճշգրիտ խոցումները, մասնավորապես նկատելի են հակառակորդի՝ խուճապահար փախչող զինվորներ։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 23-ի ժամը 14։30-ի դրությամբ` հակառակորդի կրակոցների հետևանքով զոհվել են 927 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6539 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 206 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 588 տանկ և ՀՄՄ:

Հայը, «սիրիացին» ու բելառուսը. «հին գելերը» մեկնել են առաջնագիծ

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ 

Պատերազմ Արցախում` առանց սեփական զինվորների. ո՞րն է Էրդողանի գերնպատակը

162
թեգերը:
Արցախի պաշտպանության բանակ (ՊԲ), տեսանյութ, Արցախյան պատերազմ
թեմա:
Ադրբեջանական ագրեսիան Արցախում - 2020
Ըստ թեմայի
ՀՕՊ ստորաբաժանումները Հայաստանի ուղղությամբ խոցել են թշնամու ԱԹՍ. լուսանկարներ
Դիվերսիոն խմբերից գրեթե լիովին մաքրվել է Շեխերը հարակից անտառներով. Արծրուն Հովհաննիսյան
Հայկական կողմը քարտեզի տեսքով կներկայացնի իրավիճակը. Արծրուն Հովհաննիսյան

Հակառակորդի ինքնաթիռը հարվածել է Ստեփանակերտին. տեսանյութ

182
(Թարմացված է 00:14 24.10.2020)
Ստեփանակերտում այրվել է ավտոմեքենա, ավերվել են հարակից տնտեսական նշանակության շենք-շինություններն ու խանութները:

Հակառակորդն ինքնաթիռից կրկին հարվածել է Ստեփանակերտին, վնասվել են բնակելի տուն և հարակից գազատարը: Հայտնում են Հայկական միասնական տեղեկատվական կենտրոնից։

Ավելի վաղ Արցախի արտակարգ իրավիճակների պետական ծառայությունից տեղեկացրել էին, որ հրթիռակոծության հետևանքով Ստեփանակերտում այրվել է ավտոմեքենա, ավերվել են հարակից տնտեսական նշանակության շենք-շինություններն ու խանութները: Վնասվել է նաև թաղամասը սնուցող գազատարը:

Հաղորդագրության մեջ նշվում է, որ մարդկային կորուստներ չկան:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 23-ի ժամը 14։30-ի դրությամբ` հակառակորդի կրակոցների հետևանքով զոհվել են 927 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6539 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 206 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 588 տանկ և ՀՄՄ:

Հայը, «սիրիացին» ու բելառուսը. «հին գելերը» մեկնել են առաջնագիծ

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ 

Պատերազմ Արցախում` առանց սեփական զինվորների. ո՞րն է Էրդողանի գերնպատակը

182
թեգերը:
հրթիռակոծություն, Ստեփանակերտ, Արցախյան պատերազմ
թեմա:
Ադրբեջանական ագրեսիան Արցախում - 2020
Ըստ թեմայի
Ոչնչացվել է հակառակորդի հատուկ նշանակության խոշոր ստորաբաժանում. Շուշան Ստեփանյան
Մարտունին ու Ստեփանակերտը ռմբակոծվում են
Ասկերանում հրթիռակոծության հետևանքով մեկ մարդ է վիրավորվել
Արցախ

Ադամ Շիֆը կոչ է արել ԱՄՆ-ին ճանաչել Արցախի անկախ հանրապետությունը

130
(Թարմացված է 00:39 24.10.2020)
ԱՄՆ կոնգրեսականի խոսքով` Ալիևին ու Էրդողանին պետք է հասկացնել, որ եթե շարունակեն պատերազմը, ապա կտեսնեն դրա հետևանքները։ Միացյալ Նահանգները «ձեռքերը ծալած» չի նստելու։

ԵՐԵՎԱՆ, 23 հոկտեմբերի - Sputnik. ԱՄՆ կոնգրեսական Ադամ Շիֆը պաշտոնապես կոչ է արել ԱՄՆ-ին ճանաչել Արցախի անկախ հանրապետությունը։

«Տևական ժամանակ է, ինչ Թուրքիան և Ադրբեջանը պատերազմում են Արցախի դեմ, գնդակոծում խաղաղ բնակավայրերը, եկեղեցիները` ռազմական հանցագործություններ կատարելով: Ադրբեջանի գրոհները հետ մղելիս զոհվել է ավելի քան 800 զինծառայող, ինչպես նաև տասնյակ խաղաղ բնակիչներ »,–իր կոչում նշել է Շիֆը։

Շիֆի խոսքով` ձմռան շեմին Արցախի քաղաքացիական բնակչության կեսից ավելին ստիպված է տեղափոխվել այլ քաղաք, քնել մեքենաներում կամ բաց դաշտերում ՝ ընկնող ռումբերից հեռու։

Նա նշում է, որ չեն կարող թույլ տալ, որ պատմությունը կրկնվի։ Եթե Ադրբեջանն ու Թուրքիան որոշել են պատերազմել, ապա ԱՄՆ–ն, ԵԱՀԿ Մինսկի խումբը և միջազգային հանրությունը պետք է հստակ ասեն, որ Ադրբեջանն ու Թուրքիան իրենց ցանկություններում հաջողության չեն հասնելու։
Ալիևին ու Էրդողանին պետք է հասկացնել, որ եթե շարունակեն պատերազմը, ապա կտեսնեն դրանց հետևանքները։ Միացյալ Նահանգները «ձեռքերը ծալած» չի նստելու։

Շիֆն իր աջակցությունն է հայտնել Հայաստանին և Արցախին։

Ավելի վաղ` հոկտեմբերի 6-ին, Շիֆը Facebook–ի իր էջում գրել էր, որ Լոս Անջելեսը սատարում է Հայաստանի և Արցախի ժողովրդին։

Նշենք, որ Ադամ Շիֆը հայտնի է իր հայամետ դիրքորոշմամբ։ Նա լավ հարաբերություններ ունի հայ համայնքի ներկայացուցիչների հետ ու հաճախ է մասնակցում Հայոց ցեղասպանության զոհերի հիշատակի ոգեկոչմանը նվիրված միջոցառումներին։

130
թեգերը:
ԱՄՆ, Ադամ Շիֆ, Արցախյան պատերազմ
Ըստ թեմայի
Միլանի քաղաքային խորհուրդը ճանաչել է Արցախի անկախությունը
Ֆրանսիայի Վիեն քաղաքը ճանաչեց Արցախի անկախությունը
ԱՄՆ կոնգրեսականը կոչ է արել ճանաչել Արցախի անկախությունը