«Ընկեր ջան, գինի լից». մարտի գնացողները երգում են ու լավ տրամադրությամբ վարակում բոլորին

758
(Թարմացված է 12:45 07.10.2020)
Արթուրը Ապրիլյան պատերազմի ժամանակ եղել է արցախյան դիրքերից մեկի հրամանատարը, կռվել է թշնամու դեմ, զուգահեռ էլ հասցրել երգեր գրել։

Համացանցում դրական ու ոգևորող մի տեսանյութ է տարածվում արցախյան առաջնագծից։ Կադրում մի քանի երիտասարդ զինծառայողներ են, որոնցից մեկը լայն ժպիտով ու զիլ ձայնով Բարսեղ Կանաչյանի «Գինի լիցն» է երգում։

«Պատերազմական իրավիճակներում մարտական ոգին երգով բարձրացնելը երբեմն անհրաժեշտություն է», – այս նախադեսությունն է ուղեկցում տեսանյութը։

Երգող զինծառայողը Արթուր Խաչենցն է, որը մասնակցել է նաև 2016-ի ապրիլյան պատերազմին։ Նա այդ ժամանակ եղել է արցախյան դիրքերից մեկի հրամանատարը, կռվել է թշնամու դեմ, զուգահեռ էլ հասցրել երգեր գրել։

Խաչենցն ավարտել է Երևանի կոնսերվատորիան, մասնակցել Շանթ ՀԸ–ի «Ազգային երգիչ» նախագծին։ Նրան կոչել են 90-ականների Արցախյան պատերազմում զոհված հորեղբոր պատվին։

758
թեգերը:
երգիչ, Ղարաբաղյան հակամարտություն, Լեռնային Ղարաբաղ, Արցախ, Պատերազմ, երգ, զինծառայող, Զինվոր
թեմա:
Ադրբեջանական ագրեսիան Արցախում - 2020 (2214)
Ըստ թեմայի
Հետ են վերցրել Վարանգաթաղ կոչվող բարձունքը. Արցախի ՊԲ
Պուտինը կոչ է անում շուտափույթ դադարեցնել կրակը Ղարաբաղում
Երբ ջախջախում են ադրբեջանական ԶՈւ–ին, նրանք փախչում են դեպի Իրանի սահման. Հովհաննիսյան

Հայտնի լուսանկարի հերոս հրետանավոր Արմանը տանն է. տեսանյութ

136
(Թարմացված է 19:47 04.12.2020)
Օրեր շարունակ որդուց լուր չունեցող մայրը պատահաբար է տեսել Արմանի լուսանկարը։ Ճանաչել է ձեռքերից ու այդ րոպեից անդադար և ամեն օր աղոթել է։

Արցախյան նորօրյա պատերազմի մասին պատմող լուսանկարներից մի քանիսը մեծ տարածում գտան ոչ միայն հայաստանյան, այլև միջազգային մամուլում ու համացանցում։ Այդ լուսանկարներից մեկի հերոսը հրետանավոր, ժամկետային զինծառայող Արման Եդիգարյանն է։ «Զինուժ մեդիան» տեսանյութ է պատրաստել առաջնագծից ողջ ու առողջ տուն վերադարձած հերոսի մասին։

Նրա և հրետանավոր մյուս հերոսի՝ Ալբերտ Հովհաննիսյանի լուսանկարները հաճախ օգտատերերը շփոթում էին։ Իրականում Արմանն ու Ալբերտը նույն վայրում ու կողք կողքի էին կռիվ տալիս թշնամու դեմ։ Երկու հայտնի լուսանկարներն էլ արվել են պատերազմի ամենաթեժ օրերին ու ամենաթեժ բնագծերից մեկում՝ Ջրականում։ Հերթական մարտից առաջ էլ Արմանն ու Ալբերտն իրար ձեռքով հաջողություն են մաղթել։ Ցավոք, դա Ալբերտի վերջին մարտն էր...

Արմանը համեստությամբ ասում է՝ այդ լուսանկարներն աշխարհին պատմեցին այն մասին, թե ինչպես է հայ զինվորն իր հողը պահում։

«Տղերքն իրենց կյանքի գնով պահել են դիրքը...»,-ասում է նա։

Հարութը երազում էր շատ երեխաներ ունենալ. ռազմական բժիշկը զոհվեց` 2 վիրավորներին փրկելով 

Պատերազմի օրերին միայն Արմանն իր հաշվարկով թշնամու ուղղությամբ ավելի քան 600 արկ է արձակել, իսկ դիվիզիոնը՝ 5000-ից ավելի։ Նշում է, որ թշնամուն զգալի վնաս են պատճառել։

Մեկը 5 տանկ է խոցել, մյուսը` 10 վիրավորի կյանք փրկել. մերօրյա հերոսների սխրանքը

Որդու և մյուս զինվորների կողքին լինելու համար գրեթե առաջին օրերից առաջնագիծ է մեկնել նաև Արմանի հայրը։

Օրեր շարունակ որդուց լուր չունեցող մայրն էլ պատահաբար համացանցում է տեսել Արմանի լուսանկարը։ Ասում է՝ ճանաչեց ձեռքերից ու այդ րոպեից անդադար և ամեն օր աղոթել է։

«Գնում եմ Արցախ, որ հետո տղաս չգնա». բժիշկ Նարեկն Ապրիլյանից վերադարձավ, հիմա չստացվեց

136
թեգերը:
Լուսանկար, Պատերազմ, Արցախ
թեմա:
Ադրբեջանական ագրեսիան Արցախում - 2020 (2214)
Ըստ թեմայի
Ճանաչենք մեր հերոսներին. Քարամյանի շնորհիվ 600 զինծառայող դուրս են բերվել շրջափակումից
«Հայերը հերոսության հրաշքներ են գործել». ռուս փորձագետը` Արցախի «մարտական ոչ-ոքիի» մասին
Հերոսները չեն մեռնում. եզդի երգիչն Արցախում զոհված հայրենակիցներին երգ է նվիրել
Հենրիխ Մխիթարյանն իր երկու գոլը նվիրել է հայ հերոսներին. լուսանկար

Ստեփանակերտում կառուցվող բազմահարկ շենքերը շահագործման կհանձնվեն հաջորդ տարվա առաջին կեսին

29
(Թարմացված է 19:15 04.12.2020)
Արցախի նախագահ Արայիկ Հարությունյանը շրջել է Ստեփանակերտի մի շարք շինհարթակներում։

Արցախում սոցիալական թիվ մեկ խնդիրը բնակարանայինն է։ Արցախի նախագահ Արայիկ Հարությունյանի խոսքով` առաջիկա տարիներին կառավարությունն իր հիմնական ջանքերը գործադրելու է բոլոր անօթևան մնացած քաղաքացիներին բնակարաններով ապահովելու համար:

Ռուսաստանի աջակցությամբ Արցախում մոտ 8000 բնակելի տուն կկառուցվի

Հարությունյանն այսօր աշխատանքային այցով եղել է մայրաքաղաքի մի շարք շինհարթակներում և օբյեկտների շահագործման ժամկետների վերաբերյալ տվել նոր հանձնարարականներ: Այցի մասին պատմող տեսանյութը նա տեղադրել է Facebook–ի իր էջում։

Մասնավորապես՝ Ստեփանակերտի տարբեր հատվածներում կառուցվող բազմահարկ շենքերը՝ շուրջ 300 բնակարաններով, աշխատուժի ավելացման հաշվին շահագործման կհանձնվեն մինչև հաջորդ տարվա առաջին կես:

29
թեգերը:
Արցախի նախագահ Արայիկ Հարությունյան, բնակարանաշինություն, բնակարան, շինարարություն, Ստեփանակերտ
Ըստ թեմայի
Ռուս խաղաղապահներն ականազերծել են Ստեփանակերտի դպրոցի տարածքը
Ստեփանակերտում ռուս խաղաղապահները մոտ 100 պայթյունավտանգ առարկա են վնասազերծել
Հնարավոր է նաև վիրահատություն անել. Ստեփանակերտի դաշտային հոսպիտալը` լուսանկարներով
Էդուարդ Անտինյանի

Հրադադարը երկարատև խաղաղություն չէ, այլ կործանումից փրկվելու վատագույն լուծում. Անտինյան

0
(Թարմացված է 20:53 04.12.2020)
«Շրջադարձ հանուն զարգացման» հասարակական կազմակերպության նախագահ, քաղաքագետ Էդուարդ Անտինյանը Sputnik Արմենիայի եթերում անդրադարձել է ԵԱՀԿ նախարարների խորհրդի 27-րդ հանդիպման ժամանակ ՀՀ արտգործնախարար Արա Այվազյանի ելույթին։ 
Անտինյան. «Հրադադարը երկարատև խաղաղություն չէ, ուղղակի կործանումից փրկվելու վատագույն լուծում էր»

Նախարարը նշել է, որ տարածաշրջանում տևական և կայուն խաղաղությանն ուղղված լուծումը մասնավորապես ընդգրկում է Արցախի կարգավիճակը` հիմնված ինքնորոշման իրավունքի իրացման վրա, ինչպես նաև Ադրբեջանի կողմից Արցախի տարածքների դեօկուպացիան։  

Էդուարդ Անտինյանի դիտարկմամբ` պետք է արձանագրել մի շատ կարևոր հանգամանք, որ արցախյան առաջին պատերազմի ժամանակ, երբ Ադրբեջանն էր աղերսում զինադադար կամ խաղաղություն, հայկական զորքը կանգնեց այնտեղ, որտեղ կայացվեց որոշումը։ Հայկական կողմի վերահսկողության տակ անցան յոթ շրջանները, իսկ Արցախը դե–ֆակտո անկախացավ և օրգանապես կապվեց Հայաստանի հետ։ Ըստ Անտինյանի`այս անգամ Ադրբեջանին ասվեց դադարեցնել ռազմական գործողություններն այնտեղ, որտեղ արդեն իր դիրքերն են, սակայն մեկ տարբերությամբ` մենք հանձնեցինք նաև տարածքներ, որոնք Ադրբեջանը չէր վերցրել։ 

«Պատերազմից առաջ անընդհատ խոսվում էր «անջատում` հանուն փրկության» տարբերակի մասին, բայց այսօր չենք տեսնում` արդյո՞ք նման խնդիր դեռ կա, որովհետև շատ հարցեր տակավին մնում են չկարգավորված։ Թվում է, թե ՀՀ արտգործնախարարի հայտարարությունը շատ ոգևորիչ է, բայց Արցախի տարածքային ամբողջականությունն արդեն իսկ խախտված է` անկախ կարգավիճակից, և պարզ չէ՝ ձեռք կբերի՞ անկախություն, կմիանա՞ Հայաստանին կամ Ռուսաստանին, թե՞ կմնա Ադրբեջանի կազմում, այստեղ մենք լուրջ անելիք ունենք»,– նշեց քաղաքագետը։

 Կյանքի է կոչվում ԼՂ–ի վերաբերյալ ստորագրված եռակողմ հայտարարությունը. Վլադիմիր Պուտին

Անտինյանի կարծիքով` պետք է հասկանալ, թե էլ ինչ է խոստացել Փաշինյանը հակառակ կողմին, որպեսզի թյուրիմացության մեջ չընկնենք, այսինքն` կարո՞ղ է հայկական կողմն Արցախի կարգավիճակի կամ անկախության հարցը բարձրացնի, իսկ Ադրբեջանը հայտարարի, որ այդ դեպքում կխախտվեն պայմանավորվածությունները, ինչն, ըստ ՌԴ նախագահի, կհանգեցնի կործանման։   

«Ադրբեջանի կողմից Արցախի տարածքների դեօկուպացիան ողջունելի կլինի, բայց պատերազմի արդյունքում մենք զիջել ենք ավելին, քան Ադրբեջանը գրավել էր։ Իհարկե Արևմուտքը կարող է նախաձեռնություն ցուցաբերելու մեծ ցանկություն հայտնել, բայց մենք պետք է բավական զգույշ լինենք, որպեսզի չդառնանք որևէ մեկի շահերի մանրադրամն աշխարհաքաղաքական վայրիվերումներում։ Արևմուտքը նախաձեռնություն հանդես կբերի, բայց մեզանից էլ է ընդառաջ քայլ սպասելու »,– նշեց քաղաքագետը։

Անտինյանի գնահատմամբ` հրադադարի հայտարարությունը մեզ չի բերելու երկարատև խաղաղություն, դա ուղղակի կործանումից փրկվելու վատագույն լուծումն էր։ 

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։ 

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։ 

Ինչ տվեց Արցախի վերաբերյալ եռակողմ հայտարարությունը․ քարտեզ

0
թեգերը:
Եռակողմ հայտարարություն, Արցախ, Էդուարդ Անտինյան
Ըստ թեմայի
Արարատ Միրզոյանը դե՞մ է եղել եռակողմ հայտարարության ստորագրմանը. «Հրապարակ»
Եռակողմ հայտարարությունը նոր հնարավորություններ է ստեղծում Վրաստանի համար. ՌԴ ԱԳՆ
Ֆրանսիան կարծում է, որ եռակողմ համաձայնագրի որոշ կետեր հաշվի առնված չեն