Եթե մենք հավաքենք 700 մլն դոլար, Ադրբեջանի ողնաշարը կկոտրենք. բողոքի ակցիա ԱՄՆ–ում

595
(Թարմացված է 14:12 06.10.2020)
Ամերիկահայ համայնքը բողոքի ակցիան հատուկ կազմակերպել է CNN հեռուստաընկերության գրասենյակի դիմաց, քանի որ այդ լրատվամիջոցն արդեն 2 օր է` որևէ կերպ չի անդրադառնում ԱՄՆ–ում տեղի ունեցող բողոքի ակցիաներին։

Կիրակի երեկոյան ԱՄՆ–ի հայ համայնքը բազմամարդ բողոքի ակցիա է անցկացրել ԱՄՆ Լոս Անջելես քաղաքում։

Ակցիան հատուկ անց է կացվել CNN հեռուստաընկերության գրասենյակի դիմաց, քանի որ ամերիկահայերի պնդմամբ` այդ լրատվամիջոցն արդեն 2 օր է` որևէ կերպ չի անդրադառնում ԱՄՆ–ում տեղի ունեցող բողոքի ակցիաներին։

«Այսօր հայրենիքում մեր մայրերը, քույրերը զոհասեղանին են դրել իրենց որդիների կյանքը։ Ի՞նչ ենք դրել մենք` հարյո՞ւր, հինգ հարյո՞ւր, հազա՞ր, ի՞նչն ենք դրել։ Սա պատերազմ է, մենք պետք է հաղթենք։ Պատերազմում հաղթելու մեկ բանաձև կա. սփյուռքում ապրում է 7 մլն հայ, ամեն հայ եթե 100 դոլար փոխանցում անի, դա 700 մլն դոլար է։ Ամեն օրվա պատերազմը հայրենիքի վրա 30-40 մլն դոլար գումար արժե։ Եթե մենք հավաքենք 700 մլն դոլար, մենք Ադրբեջանի ողնաշարը կկոտրենք»,– բողոքի ակցիայի մասնակիցներին ուղղված իր ելույթում ասել է հայ համայնքի ներկայացուցիչ Կարեն Վարդանյանը։

Նա նաև շեշտել է, որ անգամ պատերազմից հետո սփյուռքը պարտավոր է աջակցել հայրենիքին` պատերազմի ավերածությունները հնարավորինս արագ վերացնելու հարցում։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 4-ի ժ. 21։00-ի դրությամբ` հակառակորդի կրակոցների հետևանքով զոհվել են 202 զինծառայողներ և 8 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 3154 զոհ ունի, ավելի քան 5000 վիրավոր։ 

Ըստ վերջին տվյալների ՝ Ադրբեջանի զինված ուժերը կորցրել են 17 ինքնաթիռ, 14 ուղղաթիռ, 124 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 368 տանկ և ՀՄՄ:

Առաջնագծում գտնվող տղաներն անում են անհնարինը. տեսանյութ

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

Հայացք թաքստոցից․ մահվան աչքերին նայած արցախցիները․ լուսանկարներ

595
թեգերը:
Արցախ, ԱՄՆ, Բողոքի ակցիա
Ըստ թեմայի
ՊԲ–ն ոչնչացնում է ադրբեջանցի զինվորներին տեղափոխող մեքենաները. տեսանյութ
Արցախա-ադրբեջանական հակամարտության գոտում մարտերը տարբեր ինտենսիվությամբ շարունակվում են
Սուտ լուրերով Ադրբեջանը պատերազմի աշխարհագրությունն ընդլայնելու հող է նախապատրաստում. ԱԳՆ

Պետք է կտրուկ մեծացնել ռազմարդյունաբերական մշակումների ֆինանսավորումը. Քերոբյան

43
ՀՀ Ռազմարդյունաբերության կոմիտեի նախկին նախագահ Ավետիք Քերոբյանը Sputnik Արմենիայի հետ զրույցի ընթացքում խոսել է ռազմարդյունաբերության ներկա վիճակի մասին` համեմատելով այդ ոլորտը պատերազմի դաշտում տեղի ունեցած ռազմական գործողությունների իրական պատկերի հետ։ 

ՀՀ Ռազմարդյունաբերության կոմիտեի նախկին նախագահ Ավետիք Քերոբյանի դիտարկմամբ` այն ամենը, ինչ ժամանակին ներկայացվել է ցուցահանդեսներում և հիմա կա մեր զինանոցում, գործող նմուշներ են, ունեցել ենք նաև սերիական արտադրանք, որը նույնպես կիրառվել է արցախյան պատերազմում։ Այդուհանդերձ, Քերոբյանի առաջին տպավորության համաձայն`աչքի է զարնել թերի համալրվածությունը, քանի որ շատերը չեն ունեցել տեսադիտարկման սարքեր, կապի միջոցներ, այլ սպառազինություն և հանդերձանք, ինչը թույլ կտար ամբողջությամբ բավարարել մեր ռազմական կարիքները։

«Բանակի սպառազինության համալրումը ՊՆ–ի համապատասխան վարչությունների գործն է, որի պլանավորումը դուրս էր իմ լիազորությունների շրջանակից` չնայած և՛ նախկինում, և՛ հիմա, ռազմարդյունաբերությունը շարունակական ճնշում է գործադրում, որպեսզի հայրենական արտադրանքը գնվի բավարար քանակով և մատակարարվի Զինված ուժերին, որպեսզի բավարարվեն բոլոր կարիքները»,– նշեց ՀՀ Ռազմարդյունաբերության կոմիտեի նախկին նախագահը։

Քերոբյանի կարծիքով` արցախյան պատերազմում տեղական սպառազինությունն օգտագործվել է ոչ բավարար քանակով, թեև նա տեսել է և՛ հանդերձանքը, և՛ զինատեսակները։ Ըստ նրա` կարևոր է այն հանգամանքը, թե ինչպիսի մարտավարությամբ է կիրառվել մեր զինանոցը, արդյո՞ք հասու են եղել բոլոր միջոցները։

Ռազմարդյունաբերական ընկերություններն աշխատում են 24/7 ռեժիմով

Մասնագետի գնահատմամբ` առաջին հերթին պետք է կտրուկ մեծացնել ռազմարդյունաբերական մշակումների և արտադրական զարգացումների ֆինանսավորումը, և պատահական չէ, որ այս տարի առաջին անգամ պետական բյուջեում ռազմարդյունաբերական, արտադրական կարողությունների համար նախատեսված էր զգալի գումար։   

Ինչ վիճակում է հայկական ռազմարդյունաբերությունն այս օրերին. մեկնաբանում է նախարարը

43
թեգերը:
Հայաստան, ռազմարդյունաբերություն
Ըստ թեմայի
«Շրջանառվող տեղեկությունը զենքի վաճառքի մասին լկտի սուտ է և մանիպուլյացիա». ՊՆ խոսնակ
Թուրքիայում հայտնված զենքն ու «հայկական» հետքը․ մեկնաբանում է Ղազախստանը
Վերջին երկու տարում գնված զենքը այս պատերազմի ժամանակ չի կրակել. ՀՀ ԶՈւ ԳՇ նախկին պետ

Պատերազմից հետո զինծառայողներին և ընտանիքներին հատկացնելու համար պետք է մոտ 80 մլրդ դրամ

58
(Թարմացված է 20:23 01.12.2020)
«Զինծառայողների ապահովագրության» հիմնադրամի հոգաբարձուների խորհրդի նախկին անդամ, ԵՊՀ դասախոս, տնտեսագիտության թեկնածու Մեսրոպ Մանուկյանը Sputnik Արմենիայի եթերում անդրադարձել է հիմնադրամի շահառուներին փոխհատուցում տալու գործընթացին և հիմնադրամ մուտքագրվող գումարներին։

 

Մեսրոպ Մանուկյանի փոխանցմամբ` հիմնադրամն այժմ կանգնել է որոշակի խնդիրների առջև։ Ըստ նրա` Արցախյան պատերազմը չպլանավորված ծանր հետևանքներ թողեց ոչ միայն մեր երկրի տնտեսության, անվտանգության, այլև զոհված, անհայտ կորած և առաջին ու երկրորդ կարգի հաշմանդամ դարձած զինծառայողներին աջակցող հիմնադրամի վրա։  

«Զոհվածներին վերաբերող ոչ պաշտոնական թվերը պտտվում են մոտ հինգ հազարի շուրջ։ Եթե անգամ արձանագրենք չորս հազարը, դրան գումարած անհայտ կորածներին առնչվող  թվաքանակը` շուրջ հինգ հարյուր հոգի և յոթ հազար հաշմանդամներին, ապա այս պահին հիմնադրամի կողմից նրանց հատկացվելիք միանվագ գումարը կազմում է շուրջ 10 միլիոն դրամ, այնուհետև ամեն ամիս նվազագույնը 200 հազար դրամ 20 տարվա կտրվածքով։ Ուստի ստացվում է այնպես, որ շատ անսպասելի կերպով հիմնադրամն արդեն ունենում է տասը հազարից ավելի շահառու»,– նշեց հիմնադրամի հոգաբարձուների խորհրդի նախկին անդամը։ 

Մանուկյանի տեղեկացմամբ` հիմնադրամի մուտքերը ստեղծումից առ այսօր կազմել են շուրջ 34 միլիարդ դրամ և տեսանելի է, որ ի հայտ է եկել ահռելի մեծ ճեղքվածք, քանի որ նոր շահառուներին միանվագ գումար տրամադրելու համար անհրաժեշտ է առնվազն 80 միլիարդ դրամ, մինչդեռ հիմնադրամն ի զորու չէր առ այսօր հավաքագրել այդքան մեծ գումար։ Ըստ նրա` հատկացվող պարտադիր գումարներից զատ նվիրատվությունների քանակը եղել է շատ ավելի քիչ։ 

Մանուկյանը կոչով դիմեց հայրենակիցներին, որպեսզի ակտիվորեն միանան նվիրատվություններ հատկացնելու գործին և դրանով իսկ ստեղծեն զինծառայողների սոցիալական խնդիրները լուծելու իրական հնարավորություն։ Ըստ նրա` միանշանակ պետք է մեծացնել նվիրատվությունների քանակը։     

 

58
թեգերը:
Զոհ, Վիրավոր, Արցախյան պատերազմ, փող, Զինծառայողների ապահովագրության հիմնադրամ, զինծառայող
Ըստ թեմայի
Ում և ինչպես պետք է դիմեն պատերազմում ծանր վիրավորում ստացած զինծառայողներն ու կամավորները
Հիմնադրամն արդեն հատուցումներ է տրամադրել 104 զոհված զինծառայողների ընտանիքների
Նոր սահման, նոր խրամատներ. զինծառայողները նոր դիրքեր են կառուցում
Արխիվային լուսանկար

«Հանուն Արցախի ու Հայաստանի փրկության». ընդդիմությունը հանրահավաք է կազմակերպում

0
(Թարմացված է 17:37 02.12.2020)
Հանրահավաքի տեղը, օրն ու ժամը հայտնել է ՀՀ ԱԺ «Բարգավաճ Հայաստան» խմբակցության պատգամավոր Իվետա Տոնոյանը։

ԵՐԵՎԱՆ, 2 դեկտեմբերի – Sputnik. Հայաստանյան ընդդիմությունը դեկտեմբերի 5–ին մտադիր է համապետական հանրահավաք անցկացնել։ Տեղեկությունը Facebook–ի իր էջում հայտնել է ԱԺ «Բարգավաճ Հայաստան» խմբակցության պատգամավոր Իվետա Տոնոյանը։

Հայաստանյան ընդդիմադիր կուսակցությունները նոյեմբերի 11–ին և հաջորդող օրերին Երևանում հանրահավաքներ և երթեր էին իրականացնում, որի թեման պատերազմի դադարեցման մասին որոշումն ու դրա հետ կապված հետագա անելիքներն էին։

Մինչ այդ 16 կուսակցությունների խորհուրդը պահանջել էր վարչապետ Նիկոլ Փաշինյանի և կառավարության հրաժարականը:

Այս գործով արդեն կան ձերբակալվածներ։ ԱԱԾ–ն քրեական գործ է հարուցել կուսակցությունների ղեկավարների նկատմամբ ռազմական դրության պայմաններում հավաքներ անցկացնելու հոդվածով։ Առավելագույն պատիժն այդ արարքի համար 2–ամսյա կալանքն է։

«Դեկտեմբերի 5-ին՝ ժամը 15:00-ին, Ազատության հրապարակում հրավիրվում է համապետական հանրահավաք։ Մասնակցի՛ր, եթե անտարբեր չես... Հանո՛ւն Արցախի ու Հայաստանի փրկության...»,–գրել է Իվետա Տոնոյանը։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։ 

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։ 

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

Խաղաղապահները մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

0
թեգերը:
հանրահավաք, ընդդիմություն, Իվետա Տոնոյան
Ըստ թեմայի
Դուք ծառայում եք Ադրբեջանին. ոստիկանությունը բերման ենթարկեց բողոքի ակցիայի մասնակիցներին
«Մայթից են գողանում». Փաշինյանի հրաժարականի պահանջով ակցիա անողներին բերման են ենթարկում
Հացադուլավորները հարգել են կաթողիկոսի հորդորն ու դադարեցրել բողոքի ակցիան