Արցախ են մեկնել նաև «Կարմիր բերետներ-5165» կամավորական ջոկատի տղաները. տեսանյութ

473
(Թարմացված է 09:38 01.10.2020)
«Կարմիր բերետներ-5165» կամավորական խումբը Արցախ է մեկնել Արթուր Ալեքսանյանի՝ Ամարասի Արթուրի հրամանատարությամբ։

Երևանի քաղաքապետ Հայկ Մարությանը Արցախ է ճանապարհել «Կարմիր բերետներ-5165» կամավորական ջոկատի տղաներին։ Մարությանը գրել է Facebook-ի իր էջում և լուսանկարներ հրապարակել։

«Ուշ երեկոյան Արցախ ճանապարհեցինք մեր «Կարմիր բերետներ 5165» կամավորական ջոկատի տղաներին՝ Արթուր Ալեքսանյանի՝ Ամարասի Արթուրի հրամանատարությամբ: Անպատմելի ոգևորություն էր տիրում: Մեզ հետ էր նաև լեգենդար Կոմանդոսը:Մեր ոգին անպարտելի է»,-գրել է Մարությանը Facebook-ի իր էջում և ավելացրել` անկասկած, հաղթելու ենք։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 103 զինծառայողներ և 6 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 920 զոհ ունի։

«Մերոնք նրանց աչքը հանեցին». խոցված ԱԹՍ-ներ ու հրետանային հարվածներ. ռեպորտաժ առաջնագծից

Ըստ այս պահին հայտնի տեղեկությունների` Ադրբեջանը զրկվել է նաև 84 ԱԹՍ–ից, 7 ուղղաթիռից, 170 զրահատեխնիկայից, 1 ինքնաթիռից, «Սմերչից»։ Արցախում և Հայաստանում ռազմական դրություն և համատարած զորահավաք է հայտարարվել։

Խաթարված մանկությունն ու աչքերի լույսը․ Արցախի երեխաների տպավորիչ ֆոտոշարքը

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Հայաստանը պատրաստ է բանակցությունների, բայց կա մեկ «բայց». Փաշինյան

473
թեգերը:
կամավոր, Արցախ, Հայկ Մարության, Հայաստան
Ըստ թեմայի
Ռուսաստանի 20 հազար հայ կամավորագրվել են Արցախ մեկնելու համար. Արա Աբրահամյան
Երևանի ավագանու 5 անդամ կամավոր մեկնել են Արցախ
Զորակոչվածներն ու կամավորագրվածները տույժ և տուգանք չեն վճարի վարկային ուշացումների համար

Արցախյան ոգին ու համնուհոտը՝ Երևանի կենտրոնում

134
(Թարմացված է 21:01 19.10.2020)
Ստեփանակերտից եկած կանայք ժենգյալով հաց են պատրաստում ու վաճառում Երևանի կենտրոնում։ Ավանդական ղարաբաղյան ուտեստը համտեսել ցանկացողներն այնքան շատ են, որ նրանք փակել են գրեթե ամբողջ Աբովյան փողոցը։

Արմինե Աբրահամյանը խոհարար է, որն արդեն տարիներ շարունակ Ստեփանակերտի կենտրոնական շուկայում զբաղվում է ժենգյալով հաց պատրաստելով։ Նույնիսկ սեպտեմբերի 27-ին պատերազմի սկսելուց հետո նա հինգ օր շարունակել է աշխատանքի գնալ։ Սակայն վեցերորդ օրը ադրբեջանական հրթիռակոծության հետևանքով մարդիկ ստիպված էին թաքնվել ապաստարաններում, իսկ շուկան փակվեց։

Ընտանիքի հետ մի քանի օր թաքստոցում անցկացնելուց հետո Արմինեի ամուսինը անվտանգության նկատառումներից ելնելով նրան դստեր, հարսերի ու թոռների հետ Երևան է ուղարկել։ Սակայն Արմինեն նույնիսկ Երևանում որոշել է անգործ չնստել։ Դստեր՝ Անգելինայի հետ, որոշել է Երևանի կենտրոնում ժենգյալով հաց պատրաստել։ Վաճառքից ստացած ամբողջ եկամուտն ուղարկվում է «Հայաստան» համահայկական հիմնադրամին ու Արցախին։

Женщины, прибывшие из Степанакерта, готовят и продают “женгялов хац” в центре Еревана (19октября 2020). Еревaн
© Sputnik / Andranik Ghazaryan
Ստեփանակերտից եկած կանայք ժենգյալով հաց են պատրաստում ու վաճառում Երևանի կենտրոնում (19.10.2020)

«Մենք 600 դրամով ենք վաճառում ժենգյալով հացը, բայց մարդիկ հիմնականում ավելի շատ են վճարում։ Օրինակ, մեկը 20 հազար դրամ տվեց ու երկու հաց վերցրեց։ Ցանկացողները շատ են, քրտնաջան աշխատում ենք։

Իսկական ղարաբաղյան ժենգյալով հացի մեջ 10-ից 20 տեսակ կանաչի կա, դրանց մի մասը միայն Արցախում է աճում։ Աբրահամյանն ասում է, որ Երևանում միայն յոթ տեսակ կանաչի են գտել։

«Կոչ ենք անում աղջիկներին ու կանանց միանալ հայրենական կռվին». կանայք զինվորագրվում են

«Բայց դա չէ կարևորը։ Կարևորն այն է, որ ամեն ինչ համեղ է, օգտակար, իսկ ստացած գումարը գնում է մեր զինվորներին օգնելուն», - ասում է կինը։

«Մեր բոլոր տղամարդիկ ռազմաճակատում են, 19 տարեկան տղաներ կան, կան ավելի փորձառու մարդիկ, որոնք տեսել են առաջին պատերազմը։ Չգիտեմ, թող ամեն ինչ հնարավորինս շուտ վերջանա։ Մենք էլ, բոլորի պես, սպասում ենք», - ասում է Աբրահամյանը։

Ժենգյալով հացի հերթը շարունակում է աճել ու փակում է գրեթե ամբողջ Աբովյան փողոցը։ Մարդիկ համբերատար սպասում են, թե երբ կկարողանան ղարաբաղյան ժենգյալով հաց համտեսել ու իրենց ներդրումն ունենալ Համահայկական հիմնադրամում։

Женщины, прибывшие из Степанакерта, готовят и продают “женгялов хац” в центре Еревана (19октября 2020). Еревaн
© Sputnik / Asatur Yesayants
Ստեփանակերտից եկած կանայք ժենգյալով հաց են պատրաստում ու վաճառում Երևանի կենտրոնում (19.10.2020)

 

134
թեգերը:
Երևան, ժենգյալով հաց, Արցախյան պատերազմ
թեմա:
Ադրբեջանական ագրեսիան Արցախում - 2020
Ըստ թեմայի
«Սմերչի» հետևանքները Կարմիր Շուկայում. լուսանկարներ արցախյան համայնքից
Թշնամու գնդակոծության հետևանքով Արցախի Շոշ գյուղում կա զոհ
«Պակասել չկա, տղերք». տիկին Լեսմոնյան օդային տագնապի ձայնի տակ ժենգյալով հաց է թխում

Ով աջակցում է թուրքին, դադարում է քաղաքակիրթ ազգ լինելուց. տեսանյութ՝ առաջնագծից

387
(Թարմացված է 20:18 19.10.2020)
Հայրենիքի պաշտպանության առաջնագծից զինվորները վստահեցնում են` կռվելու են մինչև վերջ, պայքարելու են ու ամենակարևորը` հաղթելու են։

Արցախի պաշտպանության բանակը նոր տեսանյութ է հրապարակել արցախյան առաջնագծում կռվող քաջորդիների մասնակցությամբ։ Նրանք վստահեցնում են, որ ամեն ինչ լավ է լինելու։

«Մեր պայքարը միշտ եղել է ազատագրական, մեր գործն արդար է և հենց դա էլ մեզ պարտավորեցնում է, որ հաղթենք։ Ով աջակցում է թուրքին, արդարացնում է նրա նվաճողական պատերազմը, դադարում է քաղաքակիրթ ազգ լինելուց»,–ասում է զինվորներից մեկը։

Մյուսը հավաստիացնում է, որ ամեն ինչ լավ է լինելու։

«Ժողովուրդ ջան, մեր մոտ ամեն ինչ լավ է, կարևորը դուք լավ լինեք, պետք է միշտ առաջ գնանք, որ մեր հողերը պահենք»,–ասում է նա։

Մյուսն էլ հիշեցնում է, որ իրենք «դուխով են», ու ժողովուրդն էլ չպետք է հուսահատվի, քանի որ ամենի ինչ հաղթանակով է ավարտվելու։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 18-ի ժամը 19:00-ի դրությամբ` հակառակորդի կրակոցների հետևանքով զոհվել են 729 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6259 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 22 ինքնաթիռ, 16 ուղղաթիռ, 195 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 566 տանկ և ՀՄՄ:

Ղազանչեցոցը 2 անգամ վերականգնած ճարտարապետը վստահեցնում է` եկեղեցին ավերված երկար չի մնա 

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ 

«Թող իմանան` մենք ողջ ենք, լավ ենք». առաջնագծի տղաների` ժպիտ պարգևող լուսանկարները


387
թեգերը:
տեսանյութ, Արցախյան պատերազմ
թեմա:
Ադրբեջանական ագրեսիան Արցախում - 2020
Ըստ թեմայի
Արցախի «հյուսիսային դարպասները». տեսանյութ առաջնագծից
Փարիզում հայերի բողոքի ակցիային մոտ 20 հազար մարդ է մասնակցում. տեսանյութ
Ինչպես են հօդս ցնդում թշնամու ավտոշարասյունն ու զրահատեխնիկան. տեսանյութ
Հրետանի

Հերոս հրետանավորները. նրանք անում են ավելին, քան հնարավոր է պատկերացնել

0
(Թարմացված է 10:23 20.10.2020)
Շարքային զինծառայողներից մինչև փորձառու զինվորականներ. այս պատերազմում աներևակայելի հերոսությունների մասին պատմություններն անվերջ են։

ԵՐԵՎԱՆ, 20 հոկտեմբերի - Sputnik. Այս պատերազմում հրետանավորներն իրականացնում են այնպիսի գործողություններ, որոնք նախատեսված չեն եղել անգամ զորատեսակի պատրաստության ծրագրերով: Արցախի պաշտպանության բանակի մամուլի ծառայությունը նշում է՝ այս պատերազմի արդյունքների վերլուծությունների մեջ առանձնահատուկ բարձր գնահատականներ են տրվելու հենց հրետանավորների գրագետ գործողություններին:

«Նորօրյա հերոսներ» շարքում այս անգամ ՊԲ-ն ներկայացնում է հերոս հրետանավորներից մի քանիսին։

Դիվիզիոնի հրամանատար, փոխգնդապետ Արսեն Հակոբյանն իր ենթակաների հետ, ի թիվս բազմաթիվ այլ հաջողված գործողությունների, հոկտեմբերի 7-ին խոցել են թշնամու 1 Տ-90 տանկ: Արսեն Հակոբյանը ներկայացված է «Մարտական ծառայություն» մեդալի: «Տրոպա» և այլ հատուկ միջոցներ օգտագործելով` մարտական դիրքը գրավել փորձող թշնամական ուժերին հաջողությամբ դիմագրավելու և համառ գործողությունների շնորհիվ կասեցնելու համար նույն կարգի մեդալի է ներկայացվել շարքային Վաչագան Մովսիսյանը։

«Հակառակորդի դիրքեր գրավելու, թշնամական մեծ քանակությամբ կենդանի ուժ, զենք-զինամթերք ու սպառազինություն ոչնչացնելու համար «Մարտական ծառայություն» մեդալներով կպարգևատրվեն սերժանտ Տիգրան Գրիգորյանը, սերժանտ-պայմանագրային Սևակ Աթայանը, կրտսեր սերժանտներ Գևորգ Աթանեսյանը, Սևադա Սիրունյանն ու Դավիթ Ասոյանը, շարքային-պայմանագրային Տիգրան Բաղդասարյանը, ավագ լեյտենանտ Գևորգ Աթանեսյանը, պայմանագրային զինծառայող Սևադա Հովսեփյանը, շարքայիններ Ռազմիկ Մադաթյանը, Կառլեն Առաքելյանը, Ռուբեն Գևորգյանը, Նարեկ Ավետիսյանը, Սամվել Բաբայանը, կապիտաններ Սերոբ Մելքոնյանն ու Ալեքսանդր Ավագիմյանը, ավագ լեյտենանտ Զոհրաբ Գաբրիելյանը»,- տեղեկացնում են ՊԲ-ից:

Պատերազմի աստծո երդվյալները` հրետանավորները, անչափելի մեծ կորուստներ են պատճառում թշնամուն

Նշենք, որ երեկ՝ հոկտեմբերի 19-ին, հայկական Զինված ուժերը տոնում էր Հրթիռահրետանային զորքերի օրը։

0
թեգերը:
հերոս, Ղարաբաղյան հակամարտություն, Լեռնային Ղարաբաղ, Արցախ, պարգևատրում, մեդալ, հրետանի
թեմա:
Ադրբեջանական ագրեսիան Արցախում - 2020
Ըստ թեմայի
Քննարկվում են հրադադարի պահպանման վերահսկողության մեխանիզմները. ՄԱԿ-ում ՌԴ ներկայացուցիչ
Առանձին հատվածներում շարունակվել են հրետանային մենամարտերը. ինչպես է անցել գիշերը սահմանին
Հայկական զինուժը թուրքական ԱԹՍ է խոցել. տեսանյութ