Հայ զինծառայողները մի քանի վայրկյանում երկու ԱԹՍ են խոցում. տեսանյութ

1621
(Թարմացված է 02:00 30.09.2020)
Այս անգամ ադրբեջանական անօդաչուները սավառնել են Մարտունու երկնքում, բայց դարձյալ չեն կարողացել «իրենց գործն» ավարտին հասցնել:

Հայկական միասնական տեղեկատվական կենտրոնի հրապարակած տեսանյութում Մարտունու շրջանում հայկական ԶՈՒ-ն ևս 2 ԱԹՍ է ոչնչացնում:

«Մի կադրում երկու անօդաչու սարքի խոցում. Մարտունի»,- նշված է տեսանյութին կից գրառման մեջ:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Վերջին 3 ժամում Ադրբեջանը կորցրել է ևս 12 տանկ. տեսանյութ

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

1621
թեգերը:
տեսանյութ, անօդաչու թռչող սարք, Արցախ
թեմա:
Ադրբեջանական ագրեսիան Արցախում - 2020 (1704)
Ըստ թեմայի
Ադրբեջանցիները գլորվում են, խուճապահար փախչում ու վիրավորներին քարշ տալիս. նոր տեսանյութ
Ինչ է կատարվում շփման գծում.ՊՆ-ն խոստանում է նոր տեսանյութ հրապարակել
Մոմեր, քաղցրեղեն, երգ. ապաստարանում նշել են 6-ամյա Արմենի ծննդյան տոնը. տեսանյութ
Ճշգրիտ հարված, որը ոչնչացնում է ադրբեջանական հենակետերը. նոր տեսանյութ

Գեղասահորդուհի Ադելիա Պետրոսյանը հաղթական ելույթ է ունեցել «Արցախ» ստեղծագործության ներքո

329
(Թարմացված է 23:39 27.10.2020)
Ադելիան Սոչիում հաղթել է Ռուսաստանի գեղասահքի գավաթի երրորդ փուլը` վաստակելով 207.18 միավոր և դառնալով առաջատար։

Գեղասահորդուհի Ադելիա Պետրոսյանը Սոչիում հաղթական ելույթ է ունեցել «Արցախ» ստեղծագործության ներքո։ Ռուսաստանի Առաջին ալիքը տեսանյութ է հրապարակել 13-ամյա աղջկա ելույթից։

Գեղասահորդուհին հաղթել է Ռուսաստանի գեղասահքի գավաթի երրորդ փուլը` վաստակելով  207.18 միավոր և դառնալով առաջատար։

Ադելիա Պետրոսյանը Ռուսաստանի պատանեկան գավաթի խաղարկության բրոնզե մեդալակիր է: Նա պատանեկան առաջնությունում զբաղեցրել է 6-րդ հորիզոնականը:

Արցախցի կինը Երևանում լույս աշխարհ է բերել ութերորդ երեխային. լուսանկարներ

329
թեգերը:
Արցախ, հաղթանակ, գեղասահք, երեխա, հայ, Սոչի, Ռուսաստան
Ըստ թեմայի
Կյանքն է պատասխանը. Երևանում արցախցի գեղեցկուհի է ծնվել. լուսանկար
«Լոխ լյավա, տարալընք». «Շենգավիթ» ԲԿ–ում արդեն 15 արցախցի փոքրիկ է ծնվել
Երևանում արդեն 107 արցախցի է ծնվել

Քողարկող ցանցեր` զինվորների համար. կանայք անգործ չեն մնում

126
(Թարմացված է 18:50 27.10.2020)
Գրողների միությունում այս օրերին աշխատանքը եռում է։ Միության դահլիճում հավաքված կանայք փորձում են ինչ–որ կերպ օգտակար լինել առաջնագծում կանգնածներին։

Գրողներ, իրավաբաններ, թենիսիստ, թարգմանիչ` տարբեր մասնագիտության տեր կանայք հավաքվել են Հայաստանի գրողների միությունում և զինվորների համար քողարկող ցանցեր են գործում։ Նախաձեռնության հեղինակը դրամատուրգ Կարինե Խոդիկյանն է իր գրող ընկերների հետ, որոնք նախորդ շաբաթվանից ՊՆ–ի հետ համագործակցելով անցել են գործի։

Գրողների միության նիստերի դահլիճում հավաքված կանանցից յուրաքանչյուրն իր գործն ունի` մեկը կտրում է կտորները, մյուսը` հյուսում, մեկ ուրիշն էլ հյուսածի վրա նոր կտորներ է ավելացնում։

Գործելու ընթացքում կանանց խոսակցության թեման հիմնականում պատերազմն է։

–Պատերազմի թեմայով հեքիաթ կգրե՞ք,–նրանցից մեկը հարցնում է հեքիաթագիր Սաթենիկ Ղազարյանին։

«Նորածին աղջկաս կնքելու ենք Ղազանչեցոցում». արցախցի կինը վստահ է` ամեն ինչ լավ է լինելու

Գործից չկտրվելով` Ղազարյանը գլխով դրական նշան է անում։ Նկատում ենք` Ղազարյանի մատը գործելուց արդեն վնասվել է, մի փոքր վերք եղել, բայց կինը չի էլ ուզում խոսել այդ մասին։ «Կարևորը` մեր հոգիներում ցավող վերք չունենանք»,–հավելում է Ղազարյանը։

Մեկ ցանց գործելը 4-5 օր է տևում, որն ավարտելուն պես կանայք անցնում են հաջորդին։

Արդեն մեկ օր է, ինչ գրողներին միացել է նաև Մարտակերտից ժամանակավորապես Երևան տեղափոխված Արմինե Բեգլարյանը։ Արմինեն մարտական է տրամադրված, ակտիվորեն գործի է անցել։ Նրա հայրը, եղբայրները, հորեղբայրներն առաջնագծում են` գուցե ցանցերը հենց նրանց էլ պետք կգան։ Արմինեն միայն հաղթանակի ակնկալիք ունի և վստահ է` հարազատները հենց հաղթանակով են տուն վերադառնալու։

Հայերի ցավը ռուս լուսանկարչի աչքերով

Մատենադարանի աշխատակից թարգմանիչ–էքսկուրսավար Արուսյակ Իսրայելյանը նույնպես միացել է կամավորների խմբին և ոգևորված գործում է։ Ասում է` սահմանին կանգնած տղաները պետք է հանգիստ լինեն` թիկունքն ամուր է, անհամբեր սպասում են նրանց ողջ–առողջ վերադարձին։

Ի դեպ, կտորեղեն ունեցողները` հատկապես կանաչ, կարող են տանել Գրողների միություն։

Արցախցի երեխաները խաղաղ երկինք և այն պահպանող տանկ են նկարում. տեսանյութ

126
թեգերը:
Կին, Զինվոր, Հայաստան
Ըստ թեմայի
Արվեստանոցն արհեստանոց է դարձել. գյումրեցի կանայք բարձեր ու վիրակապեր են կարում
Հարսանիք Շուշիում. Ղազանչեցոց եկեղեցում պսակադրության արարողություն է կայացել
Աննա Հակոբյանը կմեկնի հայրենիքի սահմանները պաշտպանելու
Արման Թաթոյան

«Դա պարտադիր է զինծառայողների կյանքի պաշտպանության համար»․ Թաթոյանն աջակցում է ՀՀ ՊՆ-ին

35
(Թարմացված է 01:13 28.10.2020)
ՀՀ ՄԻՊ-ն իր աջակցությունն է հայտնել Հայաստանի պաշտպանական գերատեսչությանը՝ առաջնագծում սմարթֆոնների օգտագործման թեմայով։

ԵՐԵՎԱՆ, 28 հոկտեմբերի - Sputnik. Պետք է բացառել սմարթֆոնների առկայությունը կամ օգտագործումը մարտական գործողությունների գոտում։ Facebook-ի իր էջում ՀՀ մարդու իրավունքների պաշտպան Արման Թաթոյանն այս հարցում իր աջակցություն է հայտնել Հայաստանի պաշտպանության նախարարության հայտարարություններին։

«Դա հատկապես պարտադիր է զինծառայողների կյանքի ու առողջության պաշտպանության համար»,-գրել է նա։

Ինչպես արդեն տեղեկացրել ենք, ՀՀ պաշտպանության նախարարությունը հորդորում է բացառել մարտական գործողությունների գոտում սմարթֆոնների առկայությունը և կիրառությունը։

«Ժամանակակից տեխնոլոգիական լուծումները թույլ են տալիս սմարթֆոնների միջոցով տեղորոշել զինծառայողների գտնվելու վայրը, ինչից հետո հակառակորդը կարող է տեղորոշել նրանց։ Սմարթֆոնի ազդանշանը հնարավոր է որսալ ԱԹՍ–ի միջոցով, տեղորոշել գտնվելու վայրը և հենց նույն սարքի միջոցով էլ թիրախավորել զինվորին»,–հայտնում է ՊՆ–ն։

Հիշեցնենք` սեպտեմբերի 27-ի վաղ առավոտյան Ադրբեջանը, Թուրքիայի աջակցությամբ, լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 27-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1009 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6674 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 220 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 600 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

35
թեգերը:
սմարթֆոն, հեռախոս, զինծառայող, առաջնագիծ, Սահման, ՀՀ ՄԻՊ, Արման Թաթոյան
Ըստ թեմայի
Խաղաղությունը պարտադրում են, կամ ինչպես կարող է Մոսկվան ճնշել Բաքվին և Անկարային
Գեղասահորդուհի Ադելիա Պետրոսյանը հաղթական ելույթ է ունեցել «Արցախ» ստեղծագործության ներքո
Պուտինը Էրդողանին իր մտահոգությունն է հայտնել Արցախում կռվող ահաբեկիչների վերաբերյալ