Ադրբեջանցիները գլորվում են, խուճապահար փախչում ու վիրավորներին քարշ տալիս. նոր տեսանյութ

1202
(Թարմացված է 11:20 29.09.2020)
Շուշան Ստեփանյանը նոր տեսանյութ է հրապարակել` ներկայացնելով կռվի դաշտից ադրբեջանական զինվորների փախուստը։

ՊՆ խոսնակ Շուշան Ստեփանյանն Ադրբեջանի զինվորների փախուստի նոր տեսանյութ է հրապարակել։

«Հակառակորդի խուճապահար փախուստը»,–տեսանյութին կից Facebook սոցցանցի իր էջում գրել է Ստեփանյանը։

Տեսանյութում երևում է, թե ինչպես են ադրբեջանցի զինվորները փախչում։ Նրանց շարքում կան վիրավորներ, որոնց քարշ են տալիս մյուսները` փորձելով արագ տարհանել նրանց։ Կադրերում երևում է նաև` ինչպես են զինվորները ներքև գլորվում։

Հիշեցնենք, որ սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Ըստ վերջին տեղեկությունների` հակառակորդի կրակոցների հետևանքով զոհվել են 84 զինծառայողներ և 4 քաղաքացիական անձինք։ Հայկական կողմը շուրջ 200 վիրավոր ունի։

Ճշգրիտ հարված, որը ոչնչացնում է ադրբեջանական հենակետերը. նոր տեսանյութ

Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Ըստ վերջին տեղեկությունների` Ադրբեջանը զրկվել է նաև 50 ԱԹՍ–ից, 4 ուղղաթիռից, 80 զրահատեխնիկայից, 1 ինքնաթիռից և 82 ավտոտրանսպորտից։

Արցախում և Հայաստանում ռազմական դրություն և համատարած զորահավաք է հայտարարվել։

«Ինչպես եմ ապրելու առանց նրա». Հադրութում հրետակոծության հետևանքով կին է մահացել

1202
թեգերը:
Շուշան Ստեփանյան, Հայաստան, Արցախ, ադրբեջանցի
թեմա:
Ադրբեջանական ագրեսիան Արցախում - 2020 (1588)
Ըստ թեմայի
Հրապարակվել են Ադրբեջանի խոցված ԱԹՍ-ի լուսանկարները
Հակառակորդը սկսել է լայնամասշտաբ հարձակում Արաքսի հովտի և Մատաղիս-Թալիշ հատվածներում
«Իրենք նաև փոքր երեխաներին են վնասում». Իգոր Գրիգորյանը կորցրել է իր 9-ամյա դստերը

«Մեր խփածը «տոչնի» գնում ա». նոր տեսանյութ առաջնագծից

3098
(Թարմացված է 19:10 24.10.2020)
Արցախի պաշտպանության նախարարության հրապարակած նոր տեսանյութում հրետանավորները պատմում են իրենց տրամադրության ու տրամադրվածության մասին։

Տեսանյութի հերոսներից մեկն ասում է` Արցախում ընթացող պատերազմը շարունակվելու է այնքան ժամանակ, մինչև ադրբեջանցիները չհանձնվեն։

«Անձնակազմս գերազանց վիճակում է, էրեխեքի տրամադրությունը լավ ա։ Ամեն ինչ շատ պարզ ա` մենք մեր հողն ենք պաշտպանում»,– նշում է նա։

Մեկ այլ զինծառայող էլ վստահեցնում է, որ բոլորը լավ տրամադրություն ունեն։

«Դուխներս 100 չի, հազար ա։ Հաղթելու ենք։ Ուրիշ տարբերակ չկա»,– ավելացնում է երրորդը։

Հրետանավորները շեշտում են. «Մեր գործը անում ենք, մեր խփածը «տոչնի» գնում ա»։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 24-ի ժամը 17։00-ի դրությամբ` հակառակորդի կրակոցների հետևանքով Արցախում զոհվել են 963 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6614 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 217 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 600 տանկ և ՀՄՄ:

Հայը, «սիրիացին» ու բելառուսը. «հին գելերը» մեկնել են առաջնագիծ

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ 

Պատերազմ Արցախում` առանց սեփական զինվորների. ո՞րն է Էրդողանի գերնպատակը

3098
թեգերը:
զինծառայող, տեսանյութ, Արցախ
թեմա:
Ադրբեջանական ագրեսիան Արցախում - 2020 (1588)
Ըստ թեմայի
«Ջա՜ն, կպավ»․ թշնամու զինտեխնիկայի ոչնչացումը․ տեսանյութ
Թշնամական ուժերի ոչնչացումը. ՊԲ–ն նոր տեսանյութ է հրապարակել
Ջախջախված հակառակորդը լքել է զրահատեխնիկան ու փախել. Հովհաննիսյանը տեսանյութ է հրապարակել

3000 ցուցարար Կանադայից պահանջել են պատժամիջոցներ կիրառել Թուրքիայի դեմ

93
(Թարմացված է 13:36 24.10.2020)
Ցուցարարները կոչ են արել Կանադայի իշխանությանը պատժամիջոցներ կիրառել Թուրքիայի դեմ՝ սպառազինության վերահսկողության կանադական ու միջազգային իրավունքների խախտման համար։

Օտտավայում Արցախի աջակցության բողոքի ակցիա է կայացել։ Հավաքի մասնակիցները դատապարտել են Թուրքիայից Ադրբեջան իրականացվող զենքի մատակարարումները, որոնք օգտագործվում են Արցախի բնակչության դեմ։

Ակցիան կազմակերպվել է այն բանից  հետո, երբ երկրի իշխանությունը հրաժարվել է պատասխանել՝ ինչպես են մարտական նշանակության ապրանքները վաճառվել Թուրքիային՝ շրջանցելով էմբարգոն։

Խորհրդարանական բլրի մոտ կայացած ակցիային մոտ 3000 ցուցարար է մասնակցել։ Նրանք կոչ են արել Կանադայի իշխանությանը պատժամիջոցներ կիրառել Թուրքիայի դեմ՝ սպառազինության վերահսկողության կանադական ու միջազգային իրավունքների խախտման համար։

Ակտիվ բողոքները սկսվել են այն բանից հետո, երբ հայկական կողմը հայտնել է, որ հոկտեմբերի 19-ին Արցախում Bayraktar TB2 թուրքական ԱԹՍ է խոցվել։ Հայ մասնագետները պարզել են, որ խոցված Bayraktar TB2 ԱԹՍ-ն ունեցել է L-3 WESCAM CMX-15D մոդելի տեսախցիկ, որն արտադրված է Կանադայում 2020 թվականի հունիսին WESCAM ընկերության կողմից ու այս տարվա սեպտեմբերին է տեղադրվել այդ ԱԹՍ-ի վրա։

«Viasat» ընկերությունը դադարեցնում է թուրքական «Բայրաքթար» ԱԹՍ–ների մասերի մատակարարումը

Ավելի վաղ Կանադայի արտաքին գործերի նախարար Ֆրանսուա-Ֆիլիպ Շամպայնը հայտարարել էր, որ դադարեցվում է Թուրքիային ռազմական սարքավորումների մատակարարումը: Բացի այդ, Կանադայի իշխանությունը կոչ է արել կողմերին անհապաղ դադարեցնել կրակն ու Ղարաբաղյան հակամարտությանն ուղղված բանակցություններ անցկացնել։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 23-ի ժամը 14։30-ի դրությամբ` հակառակորդի կրակոցների հետևանքով զոհվել են 927 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6539 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 206 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 588 տանկ և ՀՄՄ:

Հայը, «սիրիացին» ու բելառուսը. «հին գելերը» մեկնել են առաջնագիծ

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ 

Պատերազմ Արցախում` առանց սեփական զինվորների. ո՞րն է Էրդողանի գերնպատակը

93
թեգերը:
ցուցարար, Բողոքի ակցիա, Կանադա
թեմա:
Ադրբեջանական ագրեսիան Արցախում - 2020 (1588)
Ըստ թեմայի
Կանադայի ԱԳ նախարարը կարևորել է զինադադարի վերահսկման վերիֆիկացիոն մեխանիզմների ներդնումը
Խոցված թուրքական ԱԹՍ-ի տեսախցիկն արտադրվել է Կանադայում. մանրամասներ
Կանադան ԿԽՄԿ–ին 350 հազար դոլար է փոխանցել Արցախում հումանիտար նպատակների համար
Կանադական ընկերությունը դադարեցնում է ԱԹՍ–ների շարժիչների մատակարարումը Թուրքիա
ԱԱԾ

Զինծառայողին զորահավաքից ազատելու համար Covid-19-ի կեղծ եզրակացություն են տվել. տեսանյութ

349
(Թարմացված է 00:40 25.10.2020)
Ձերբակալվել է և՛ զինծառայողը,  և՛ հանցագործությանն օժանդակած բժշկական կենտրոնի ծառայողները:

ԵՐԵՎԱՆ, 25 օգոստոսի – Sputnik. ՀՀ ազգային անվտանգության ծառայությունը պարզել է, որ զորահավաքային զինծառայող Ա. Ս.-ի հայրը` Ն.Ս.-ն, բժշկական կենտրոնի լաբորատորիայի վարիչին և նույն լաբորատորիայի լաբորանտին համոզելու կամ այլ եղանակով դրդել է, որ վերջիններս իրենց  լիազորություններն օգտագործեն կազմակերպության շահերին հակառակ և զորահավաքային զինծառայողի օգտին։ Տեղեկությունը հայտնում է ԱԱԾ մամուլի ծառայությունը։

Նրանք 2020 թվականի հոկտեմբերի 22-ին զորահավաքային զինծառայողի անվամբ կազմել են կեղծ փաստաթղթեր առ այն, որ իրականացրել են Covid-19–ի նմուշառում, մինչդեռ վերջինից փաստացի որևէ նմուշ  չի ստացվել, իսկ լաբորատոր հետազոտության համար համապատասխան փորձաքննության են ուղարկել այլ անձի նմուշ։

2020 թվականի հոկտեմբերի 23-ին զորահավաքային զինծառայողի անվամբ կազմվել և շրջանառության մեջ է դրվել բովանդակությամբ կեղծ եզրակացություն առ այն, որ վերջինիս մոտ իբր հայտնաբերվել է Covid-19 հիվանդություն,  այդ հանգամանքը հնարավորություն է տվել զորահավաքային զինծառայողին ռազմական դրության պայմաններում ապօրինի ժամանակավորապես դադարեցնելու զինվորական ծառայության կամ դրա առանձին պարտականությունների կատարումը:

Դեպքի առթիվ ՀՀ ԱԱԾ քննչական դեպարտամենտում համապատասխան հոդվածների հատկանիշներով հարուցվել է քրեական գործ, որի շրջանակներում զինծառայողի կողմից ռազմական դրության պայմաններում հիվանդության սիմուլյացիայի եղանակով զինվորական ծառայությունը կամ դրա առանձին պարտականությունների կատարումը ժամանակավորապես դադարեցնելու, ինչպես նաև հիշյալ առերևույթ հանցագործությանն օժանդակելու, իրավունք վերապահող կեղծ փաստաթղթեր կազմելու և օգտագործելու կասկածանքներով ձերբակալվել են ինչպես զորահավաքային զինծառայողը,  այնպես էլ՝ հանցագործությանն օժանդակած բժշկական կենտրոնի ծառայողները:

Ձեռնարկվում են անհրաժեշտ քննչական և այլ դատավարական գործողություններ՝ նույն բժշկական կենտրոնի ծառայողների կողմից նույնաբնույթ այլ հանցավոր դրսևորումները բացահայտելու, կոռուպցիոն մեխանիզմում ներգրավված անձանց ամբողջական շրջանակը պարզելու ուղղությամբ:

Ազգային անվտանգության ծառայությունը հորդորում է անմնացորդ կերպով կատարել հայրենիքի պաշտպանության սուրբ առաքելությունը, ցուցաբերել զինվորական պարտքի գիտակցված զգացողություն, զերծ մնալ տարատեսակ խարդավանքների, այդ թվում՝ հիվանդության սիմուլյացիայի միջոցով զինվորական ծառայության պարտականությունները կատարելուց խուսափելու կամ դրան օժանդակելու անթույլատրելի վարքագիծ դրսևորելուց։

ԱԱԾ–ն միաժամանակ խիստ զգուշացնում է, որ հետևողական կերպով շարունակելու է իր լիազորությունների շրջանակում ձեռնարկել իրավիճակից բխող անհրաժեշտ միջոցառումներ՝ ռազմական դրության պայմաններում բժշկական կազմակերպությունների ծառայողների կողմից հիվանդությունների ախտորոշման ընթացքում համանման չարաշահումները բացառելու, զինծառայողների համախմբվածության, մարտական պատրաստվածության, զինվորական կարգապահության կամ բանակի մարտունակության վրա բացասաբար ազդեցություն ունեցող անձանց հայտնաբերելու և նրանց նկատմամբ համարժեք քրեաիրավական ներգործության միջոցներ կիրառելու ուղղությամբ և հիշեցնում է, որ նկարագրված հանցավոր արարքը դասվում է ծանր հանցագործությունների շարքին, որի համար որպես պատիժ նախատեսված է հինգից տասը տարի ժամկետով ազատազրկում:

Ռազմական դրության սահմանափակումները խախտողները կենթարկվեն պատասխանատվության

349
թեգերը:
ՀՀ ազգային անվտանգության ծառայություն. ԱԱԾ, կորոնավիրուս, զինծառայող, Հայաստան
Ըստ թեմայի
«Զինվորը կգա, մի կտոր հաց տվող չլինի՞». France 24-ի ռեպորտաժը Արցախում մնացածների մասին
Տոնոյանն այցելել է ադրբեջանական ստորաբաժանումը ոչնչացրած զինծառայողներին
Ռուսաստանի մուայ թայի չեմպիոնն իր հաղթանակը նվիրել է հայ զինվորներին
«ՏՕՍ 1» խոցելը մի ուրիշ ուրախություն էր. վիրավոր զինծառայողն իրեն հերոս չի համարում