Ինչպես է հայկական զինուժը ոչնչացնում ադրբեջանական տանկերը. տեսանյութ

471
(Թարմացված է 11:38 27.09.2020)
Տեսանյութում երևում է, որ հայկական զինուժը դիպուկ խոցում է հարձակում իրականացնող ադրբեջանական տանկերը։

ՀՀ պաշտպանության նախարարի մամուլի խոսնակ Շուշան Ստեփանյանը Facebook–ի իր էջում տեսանյութ է հրապարակել, որում երևում է, թե ինչպես է հայկական զինուժը դիպուկ հեռահար կրակով ոչնչացնում ադրբեջանական տանկերը։

«Ադրբեջանական տանկերի և կենդանի ուժի ոչնչացումը»,– տեսանյութի նկարագարությունում գրել է Ստեփանյանը։

Հիշեցնենք՝ այսօր վաղ առավոտյան Ադրբեջանը լայնածավալ ռազմական հարձակում է սկսել ԼՂՀ սահմանի ողջ երկայնքով:
Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։

«Պատերազմ են ուզում, պատերազմ էլ կստանան». Արցախի նախագահ

Արցախի պաշտպանության նախարարության ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Գործողությունները վաղուց պլանավորված են եղել. Շուշան Ստեփանյան

471
թեգերը:
տեսանյութ, տանկ, Ադրբեջան
թեմա:
Ադրբեջանական ագրեսիան Արցախում - 2020 (1825)
Ըստ թեմայի
Գարեգին Բ–ն ընդհատում է իր այցն ու Իտալիայից վերադառնում հայրենիք. նա կոչով դիմել է ազգին
Մեկ կին և մեկ երեխա. Մարտունիում խաղաղ բնակիչներ են զոհվել
Ինչ իրավիճակ է Ստեփանակերտում. տեսանյութ
Այս պահին կամավորագրման անհրաժեշտություն չկա. ՀՀ ՊՆ
Արցախում ռազմական դրություն և համատարած զորահավաք է հայտարարվել

Ճակատ մեկնելու ցանկություն հայտնածները Երևանում սովորում են ողջ մնալու արվեստը. տեսանյութ

67
(Թարմացված է 18:14 30.10.2020)
Sputnik Արմենիայի թղթակիցներն այցելել են մարտական պատրաստության կենտրոն, որտեղ մարզում են նորակոչիկներին։

«Ողջ մնալու արվեստը» կենտրոնն ամեն օր մարտական պատրաստություն է անցկացնում Արցախում մարտական գործողություններին մասնակցելու ցանկություն հայտնած քաղաքացիների համար։

Մասնակիցներին ընտրում են` հաշվի առնելով առողջական վիճակն ու տարիքը` տղամարդկանց դեպքում մինչև 60 տարեկան, կանանց համար` 50։  Ընդհանուր մարտական պատրաստություն է անցկացվում բոլոր մասնակիցների համար, այնուհետև նրանք խմբերի են բաժանվում և յուրացնում ողջ մնալու, առաջին անհրաժեշտ բուժօգնություն ցուցաբերելու, լեռնագնացության հմտությունները, ինչպես նաև մարտավարություն և հոգեբանություն։

Խմբային պարապմունքներին անցնելուց առաջ մեկ ժամանոց նախավարժանք է անցկացվում։ Ամենազվարճալի պահն այն է, երբ աղջիկներն անցնում են տղաների վրայով։  Տղամարդիկ կատակում են, որ արդեն գիտեն բոլոր աղջիկների քաշը, իսկ երբ աղջիկները մոտենում են նրանց, խնդրում են բաց թողնել իրենց։ Նախավարժանքի ժամանակ հաճախ լսվում է  «օդ» հրահանգը (օդից հարձակում – խմբ.)։  Մասնակիցներին սովորեցնում են ճիշտ դրսևորել իրենց օդային գրոհների կամ անօդաչուների հարձակման դեպքում, ինչն այս պատերազմի նորույթներից է։  Հրահանգիչ Արամե Զաքարյանը վստահեցնում է, որ պատրաստությունն անցկացվում է հաշվի առնելով մարտական գործողությունների բոլոր մանրուքները, մասնակիցներն էլ սովորում ամենակարևորը` գոյատևել մարտական տարբեր պայմաններում։

Արցախի պաշտպանության բանակը հերթական դիվերսիոն խմբին է ոչնչացրել. տեսանյութ

Ի դեպ, նա աղջիկներին զիջումներ չի անում. իր համար բոլոր մարտիկները հավասար են։

Մարկոսյան Աստղիկն ամեն կերպ օգնում էր թիկունքային աշխատանքներին, բայց որոշեց մարտական պատրաստություն անցնել այն դեպքի համար, եթե հանկարծ ռազմաճակատում զգան նաև իր կարիքը։ Աղջիկը փորձել է կապ հաստատել կանանց ջոկատների հետ, բայց մինչ նրանցից պատասխան ստանալը  սովորում է այն տարրական բաները, որոնք պետք է իմանալ ճակատ մեկնելուց առաջ։  Խոստովանում է, որ ամենադժվարն առաջին օրերն էին, քանի որ օրգանիզմը սովորում է ծանրաբեռնվածությանը, իսկ հետո արդեն հեշտ է։ Ի դեպ, նա պատրաստ է նաև ճակատ մեկնել, միայն թե իմանա, որ ոչ ոքի չի խանգարի ու զինծառայողների համար բեռ չի դառնա։

17 տարեկան Սարգիս Մարգարյանը նույնպես կցանկանար ճակատ մեկնել, բայց որպես կամավոր նրան չընդունեցին տարիքի պատճառով։  Մարտի դաշտում 5 ընկեր և 2 եղբայր ունի և փորձում է սովորել անհրաժեշտն ու նրանց օգնության մեկնել, թեև համոզված է, որ նրանք առանց իրեն էլ հիանալի գլուխ են հանում։

«Մեզ անհրաժեշտ են ռազմական գիտելիքները, քանի որ ապրում ենք պատերազմող երկրում։ Ցանկալի է, որ բոլորը կարողանան զենք օգտագործել ու մարտական գործողություններ կատարել», – ասում է Սարգիսը։

Պատրաստություն են անցնում նաև բազմաթիվ մեծահասակներ։ Նրանցից մեկը վայելում է հրահանգչի հատուկ ուշադրությունը` 45 տարեկան ֆրանսահայ Քերողլյան Հրայրը, որը ծնվել է Լիբանանում։ Որդու հետ պատերազմը սկսվելուն պես շտապել է հայրենիք։  Տղային Սյունիքի մարզ են ուղարկել, իսկ ինքը պատրաստություն է անցնում ու պատրաստ է մեկնել առաջնագիծ։ Ասում է՝ կարողանում է մեքենաներ նորոգել, և իր հմտությունները կարող են օգտագործվել հակառակորդի դեմ։ Նա ընդհանրապես կարծում է, որ ժամանակն է բոլոր սփյուռքահայերն անեն իրենց ընտրությունն ու դադարեցնեն հավերժական թշնամու ագրեսիան։

«Ես սփյուռքահայ եմ։ Ցեղասպանությունը ուսերիս վրա 45 տարի շալկած եմ։ Եվ հիմա չեմ ուզեր տեսներ անգամ մը ևս ջարդվենք։ Չեմ ուզեր անտարբեր մնալ։ Անկարելի է», – ասում է նա։

67
թեմա:
Ադրբեջանական ագրեսիան Արցախում - 2020 (1825)
Ըստ թեմայի
Ֆրեզնոյում խաղաղ ցույցի ժամանակ թուրքերը դանակահարել են երկու հայի. տեսանյութ
Ադրբեջանցիների խոցված տանկերն ու զրահատեխնիկան. տեսանյութ
Բողոքի ակցիա Իսրայելում` ընդդեմ Ադրբեջանին զենք վաճառելու. տեսանյութ

Ամուսինը Տող գյուղի հրամանատարն էր, հիմա էլ 3 որդիներն են առաջնագծում. տեսանյութ

61
(Թարմացված է 17:40 30.10.2020)
Դիվերսիոն հարձակման ժամանակ որդին վիրավորվել է, բայց արդեն ապաքինվում է, կվերադառնա շարքեր՝ հայրենի տունը պաշտպանելու։

Սեպտեմբերի 27-ի առավոտյան տիկին Անժելան ռազմաճակատ ճանապարհեց իր 3 որդիներին ու ստիպված թոռների, ընտանիքի հետ տեղափոխվեց մայր Հայաստան։

«Զինուժ մեդիան» տեսանյութ է պատրաստել տողեցի ընտանիքի մասին։ Լրագրողի հետ զրույցում կինը նշում է՝ այս կռիվը մի օր պետք է լիներ, անխուսափելի էր։

«30 տարվա մեջ ամեն օր մենք սպասում էինք էս պահին, բայց ոչ էս աստիճանի»,- ասում է արցախցի կինը։

Տիկին Անժելան նույնպես հերոսուհի է։ Արցախյան առաջին պատերազմում ամուսնու կողքին հայրենի Տողն գյուղն է պաշտպանել։ Հպարտությամբ նշում է՝ ամուսինը Տող գյուղի հրամանատարն էր։

Հիմա էլ որդիներն են իրենց կռիվը շարունակում։ Դիվերսիոն հարձակման ժամանակ նրա զավակներից մեկը վիրավորվել է թշնամու գնդակից, բայց արդեն ապաքինվում է։

«Ամենակարևորը մարդկային կորուստն է, որ չլինի»,- ընդգծում է տիկին Անժելայի հարսիկը՝ Գայանեն։ Ասում է՝ թեկուզ գյուղն ավերված լինի, խնդիր չէ, կվերականգնեն։ Կարևորը՝ տուն վերադառնան։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 30-ի ժամը 14։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6914 զոհ ունի և բազմաթիվ վիրավորներ։

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 232 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 649 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

61
թեգերը:
հրամանատար, Գյուղ, ամուսին, որդի, Արցախյան պատերազմ, Արցախ, Ղարաբաղյան հակամարտություն, Լեռնային Ղարաբաղ
թեմա:
Ադրբեջանական ագրեսիան Արցախում - 2020 (1825)
Ըստ թեմայի
«Դու հպարտ հայուհի ես»․ հանգուցյալ Ռոբերտ Քարդաշյանը «շնորհավորել է» Քիմի տարեդարձը
Իրանը Ղարաբաղի վերաբերյալ իր ծրագիրն այնպես է նախագծել, որ ընդունելի լինի բոլորի համար
ՀՀ–ում դատապարտյալներ են ազատ արձակվել առաջնագիծ մեկնելու համար
Նիկոլ Փաշինյան. արխիվային լուսանկար

Օպտիմալ լուծումը ռուս խաղաղապահների տեղակայումն է. Նիկոլ Փաշինյան

0
(Թարմացված է 18:17 30.10.2020)
Վարչապետ Նիկոլ Փաշինյանը պատասխանել է եվրոպական մի քանի հեղինակավոր լրատվամիջոցների՝ The Telegraph-ի (Մեծ Բրիտանիա), European Post-ի (Բրյուսել), Foreign Policy-ի (ԱՄՆ), Tageblatt-ի (Ավստրիա) և Il Gеornale-ի (Իտալիա) հարցերին:

ԵՐԵՎԱՆ, 30 հոկտեմբերի – Sputnik. Եվրոպական մի քանի հեղինակավոր լրատվամիջոցների հարցերին պատասխանելով` ՀՀ վարչապետ Նիկոլ Փաշինյանն անդրադարձել է նաև Արցախում խաղաղապահների տեղակայման հարցին։ Վարչապետը հիշեցրել է` միակ երկիրը, որը հանդես է եկել խաղաղապահ ուժեր Լեռնային Ղարաբաղ ուղարկելու առաջարկով, Ռուսաստանն է:

Փաշինյանը շեշտել է, որ կողմ է հակամարտության գոտում ռուս խաղաղապահների տեղակայմանը, բայց խնդիրն այն է, որ խաղաղապահների տեղակայումը պետք է ընդունելի լինի հակամարտության բոլոր կողմերի համար:

«Հայաստանի և Ղարաբաղի համար դա ընդունելի է, և դա կարող է տեղի ունենալ այն պարագայում, ինչպես ռուսաստանցի գործընկերներն են ասել, եթե Ադրբեջանը նույնպես դրան կողմ լինի: Եվ ընդհանրապես ցանկացած խաղաղապահ կարող է տեղակայվել կողմերի համաձայնության պարագայում: Ինչ վերաբերում է Հայաստանի ռազմավարական գործընկեր Մոսկվային, Ռուսաստանի մեր գործընկերներն ասել են, որ Հայաստանի տարածքային ամբողջականության նկատմամբ իրական սպառնալիքի դեպքում իրենք իրենց դաշնակցային պարտավորությունները (այդ թվում՝ ռազմական) կկատարեն»,– ասել է Փաշինյանը։

Ռուսաստանը ճնշում կգործադրի՞ Ադրբեջանի վրա. Սուրենյանցը` դիտորդների ու խաղաղապահների մասին

Նա նաև շեշտել է, որ օպտիմալ լուծումն, իր կարծիքով, ռուս խաղաղապահների տեղակայումն է:

Անդրադառնալով հակամարտության կարգավորման հարցում Իրանի դերին` Փաշինյանն ասել է, որ Իրանը հարևան և բարեկամ երկիր է, որի ղեկավարության հետ ինքը մշտապես կապի մեջ է։

«Մենք, ի վերջո, ընդհանուր սահման ունենք, և մեր սահմանապահներն են համագործակցում»,– ասել է վարչապետը։

Նիկոլ Փաշինյանը միջազգային լրատվամիջոցներին նաև ասել է, որ Լեռնային Ղարաբաղն այսօր, ըստ էության, դարձել է հակաահաբեկչական պատերազմի առաջնագիծ, ուստի Լեռնային Ղարաբաղի խնդրի լուծման բանաձևն, իր համոզմամբ, պետք է դառնա «անջատում հանուն փրկության» միջազգային իրավունքի նորմը:

«Որովհետև Ադրբեջանի կազմում Լեռնային Ղարաբաղ՝ նշանակում է էթնիկ զտումներ և Լեռնային Ղարաբաղի հայության ցեղասպանություն: Ես, ինչքան գիտեմ, դուք եղել եք Ղարաբաղում և տեսել եք հրթիռակոծությունները: Հենց դա է այդ հարցի պատասխանը: Մեկը կարո՞ղ է բացատրել՝ ինչո՞ւ է հրթիռակոծվում Ստեփանակերտը: Մի պարզ պատճառով: Որպեսզի մարդիկ հրաժարվեն այնտեղ ապրելու գաղափարից: Սա էթնիկ զտման, ցեղասպանության մի շատ կարևոր բանաձև է: Եվ մեր հիմնական ուղերձն այն է, որ պետք է տեղի ունենա «անջատում հանուն փրկության»»,– ասել է Փաշինյանը։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 30-ի ժամը 14։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6914 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 232 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 649 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

0
թեգերը:
Պատերազմ, Արցախ, խաղաղապահ, Նիկոլ Փաշինյան
թեմա:
Ադրբեջանական ագրեսիան Արցախում - 2020 (1825)
Ըստ թեմայի
Ձեր ընտրած կառավարությունը չի շեղվել և չի շեղվելու հաղթանակի ճանապարհը կերտելուց. Փաշինյան
Ռոբերտ Քոչարյանն ու Լևոն Տեր-Պետրոսյանը ցանկանում են մեկնել Մոսկվա. Փաշինյանը դեմ չէ
«Մենք «Չեխոսլովակիան» չենք պատրաստվում զիջել ոչ մեկին». Փաշինյանը` փոխզիջումների մասին