Ինչո՞ւ են Պենտագոնի չինովնիկներն ամերիկացիներին ահաբեկում մեծ պատերազմով

34
Ամերիկացիներին սպասվող պատերազմով վախեցնելով` Պենտագոնի չինովնիկներն ուռճացնում են պաշտպանական բյուջեն։

ԱՄՆ ռազմաօդային ուժերի շտաբի պետ Չարլզ Բրաունն իր առաջին իսկ զեկույցներից մեկում հայտարարեց, որ ամերիկացիները պետք է պատրաստվեն մեծ պատերազմի։ Գուցե նաև` սեփական տարածքում։ Չինովնիկի կարծիքով` ԱՄՆ–ն կբախվի հզորությամբ համապատասխան տերության հետ, իսկ կորուստների առումով բուն հակամարտությունը կարող է ավելի մեծ լինել, քան Համաշխարհային երկրորդ պատերազմը։ Ավանդույթի համաձայն`որպես հավանական հակառակորդ Բրաունն անվանեց Ռուսաստանին և Չինաստանին և պատմեց նրանց ռազմական ներուժի անկասելի աճի մասին։  Զարմանալի է, բայց ռիսկերը նվազեցնելու համար գեներալն առաջարկում է  հերթական անգամ ավելացնել պաշտպանական ոլորտի ֆինանսավորումը, որի բյուջեն առանց այդ էլ ուռճացված է։

Համաշխարհային երկրորդ պատերազմին հավասար հակամարտության մասին նախազգուշացրել է ԱՄՆ ՌՕՈւ շտաբի պետ Չարլզ Բրաունը։ Ըստ նրա, ԱՄՆ–ն մոտ ապագայում կբախվի նմանատիպ հզորությամբ հակառակորդի։

«Ապագայի պատերազմը մեր սահմաններից հեռու չի լինի։ Պետք է պատրաստ լինել մարտական կորուստների և ազգի համար առկա ռիսկերի դեմ պայքարելու համար, որոնք համադրելի են Համաշխարհային երկրորդ պատերազմի տարիների հետ»,–ասել է ԱՄՆ ՌՕՈւ շտաբի պետ Չարլզ Բրաունը։

Իհարկե գեներալն ակնարկում է Ռուսաստանի  և Չինաստանի հետ հավանական դիմակայությունը։

Այդ պատճառով նա կոչ է անում ԱՄՆ իշխանություններին առաջինը գործել և կենտրոնանալ սպառազինության և տեխնոլոգիաների նոր տեսակների ստեղծման վրա։

Հերթական անգամ Մոսկվայի կողմից սպառնալիքների մասին հեքիաթներ պատմելով`ամերիկյան ռազմական հրամանատարությունը փորձում է լրացուցիչ ֆինանսավորում ստանալ։

Համեմատության համար. ԱՄՆ–ին բաժին է հասնում աշխարհի ռազմական ծախսերի շուրջ 40%–ը, իսկ Ռուսաստանի և Չինաստանի ընդհանուր ռազմական բյուջեները միասին նույնիսկ 18%-ի չեն հասնում։

ԱՄՆ–ն ձգտում է Մերձավոր Արևելքում հնարավորիս լայն ճակատ ստեղծել Իրանի դեմ. Պողոսյան

Ամերիկացիներին սպասվող պատերազմով վախեցնելով` Պենտագոնի չինովնիկներն ուռճացնում են պաշտպանական բյուջեն, որի մի մասը ծախսվում է սադրանքների ու ռուսական սահմանի մոտ ռմբակոծիչների ամենշաբաթյա թռիչքների վրա։

Միևնույն ժամանակ Ռուսաստանում ռազմական ծախսերի ծավալն աստիճանաբար նվազում է։

Սակայն դա չի  խանգարում ռուսական բանակին արդյունավետ պաշտպանել երկիրը և արագ արձագանքել ԱՄՆ–ի և ՆԱՏՕ–ի` նրա դաշնակիցների կողմից հրահրվող ցանկացած սադրանքի։

34
թեգերը:
Պատերազմ, Ռուսաստան, Չինաստան, ԱՄՆ
Ըստ թեմայի
«Սա դեռ միայն սկիզբն է»․ ինչի՞ համար է ԱՄՆ-ն սուզանավեր տեղափոխում Ռուսաստանի ափերի մոտ
ԱՄՆ–ն հայտնվել է 2 տարերքների՝ ձնաբքի ու սարսափելի շոգի ճիրաններում. լուսանկար Սուրենյանից
ԱՄՆ–ն ձգտում է Մերձավոր Արևելքում հնարավորիս լայն ճակատ ստեղծել Իրանի դեմ. Պողոսյան

Երևանում հնդիկ ուսանողներն օգնություն են հավաքում և ուղարկում Արցախ. տեսանյութ

91
Տղաները ձեռքում բռնել են Հնդկաստանի դրոշը, ողջունում են Sputnik Արմենիայի թղթակցին և օգնություն հավաքում հայ զինվորների համար:

Երևանում հնդիկ ուսանողներն օգնություն են ուղարկում Արցախ։ Sputnik Արմենիայի թղթակիցը նրանց նկարել է Երևանի Հանրապետության հրապարակում։

Տղաները ձեռքում բռնել են Հնդկաստանի դրոշը, ողջունում են Sputnik Արմենիայի թղթակցին և օգնություն հավաքում հայ զինվորների համար: Նրանք հիմնականում շշերով ջուր են հավաքում, բայց ոչ միայն:

Նշենք, որ Երևանի Մխիթար Հերացու անվան պետական բժշկական համալսարանում սովորում են շուրջ 1000 հնդիկ ուսանողներ։

2019 թվականին Հնդկաստանի մայրաքաղաք Դելիում կայացած «Կրթության գերազանցություն, գլոբալ ընտրություն» մրցանակաբաշխությանը ԵՊԲՀ-ն հաղթող ճանաչվեց «Օտարերկրյա լավագույն բժշկական համալսարան հնդիկների համար» անվանակարգում:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 103 զինծառայողներ և 6 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 920 զոհ ունի։

«Մերոնք նրանց աչքը հանեցին». խոցված ԱԹՍ-ներ ու հրետանային հարվածներ. ռեպորտաժ առաջնագծից

Ըստ այս պահին հայտնի տեղեկությունների` Ադրբեջանը զրկվել է նաև 83 ԱԹՍ–ից, 7 ուղղաթիռից, 170 զրահատեխնիկայից, 1 ինքնաթիռից, «Սմերչից»։ Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանը դարձյալ օդ է բարձրացրել թուրքական F-16 կործանիչները. Հովհաննիսյան

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Հայաստանը պատրաստ է բանակցությունների, բայց կա մեկ «բայց». Փաշինյան

91
թեգերը:
Ղարաբաղյան հակամարտություն, Լեռնային Ղարաբաղ, Հայաստան, Արցախ, Ուսանող, հնդիկ
թեմա:
Ադրբեջանական ագրեսիան Հայաստանի դեմ - 2020
Ըստ թեմայի
Դիրքային շոշափելի փոփոխություններ առաջնագծում տեղի չեն ունեցել. Արայիկ Հարությունյան
Անկարան հակամարտություն է հրահրում ԼՂՀ–ում. Բաշար Ասադի խորհրդական
Արցախն իր պատմության մեջ երբևէ չի գրավվել և երբևէ չի գրավվի. Արայիկ Հարությունյան

Կյանքն ու խաղերը կրակոցների տակ. Ստեփանակերտի տուն–ինտերնատի սաները հաղթանակի են սպասում

34
Ստեփանակերտի տուն-ինտերնատի սաներն արդեն 4 օր է՝ ապաստարանում են։ Չնայած դրան՝ երեխաները չեն կոտրվում։ Sputnik Արմենիայի նկարահանող խումբը զրուցել է հաստատության երեխաների և դաստիարակների հետ։

Արդեն չորրորդ օրն է, ինչ Արցախի մայրաքաղաքի տուն–ինտերնատի երեխաներն ու դաստիարակները ադրբեջանական գնդակոծություններից թաքնվում են նկուղում։

Այստեղ երկհարկանի մահճակալներ են տեղադրված 15 երեխայի և դաստիարակների համար, կա խոհանոց և անհրաժեշտ ամեն բան։

Տուն–ինտերնատի տնօրեն Համեստ Սուլեյմանյանը պատմեց, որ ներկայում ապաստարանում 24-ի փոխարեն 15 սան է գտնվում։ Մյուսներին ծնողները տուն են տարել։

Սաները 3-ից մինչև 17-18 տարեկան են։ Իսկ նրանցից մեկն արդեն 2 ամիս է, ինչ ծառայում է։

«Ապահով ենք ամեն ինչով։ Նախարարությունը, բարեգործներն ամեն ինչ բերում են, ապահովում են, ջուր, սնունդ, թխվածք են բերում, տորթեր։ Ամեն ինչ կա։ Միայն մնում է խաղաղություն լինի, որ երեխաները նորից գիշերօթիկ վերադառնան ու շարունակեն իրենց կյանքը»,– ասաց նա։

Մոմեր, քաղցրեղեն, երգ. ապաստարանում նշել են 6-ամյա Արմենի ծննդյան տոնը. տեսանյութ

Նրա խոսքով` ապաստարանում արդեն հասցրել են սաներից մեկի ծննդյան օրը նշել․ բարեմաղթանքներից զատ, նաև երգել են, խաղեր խաղացել։

Երեկ դաստիարակները երեխաների համար անգամ բացօթյա խաղեր են կազմակերպել, բայց ապաստարանին շատ մոտ, որ անհրաժեշտության դեպքում հնարավոր լինի անմիջապես ապահովել նրանց անվտանգությունը։

Արցախից խաղաղ բնակչության տարհանում չի իրականացվում. Արծրուն Հովհաննիսյան

34
թեգերը:
հաղթանակ, Պատերազմ, Ստեփանակերտ, ապաստարան, երեխա, գիշերօթիկ, տուն, Արցախ
թեմա:
Ադրբեջանական ագրեսիա Արցախում. 2020
Ըստ թեմայի
Օրվա կադր․ Ադրբեջանի հրետակոծության տակ գտնվող Տավուշում փոքրիկը քնած է ապաստարանում
Արցախի բնակիչներին ապաստարան տալու անհրաժեշտություն այս պահին չկա. Բաթոյան
Ապաստարաններում թաքնված իրականությունը և ընտանեկան բռնության դեմ օրենքի մութ կողմերը
Տավուշի սահմանամերձ համայնքների դպրոցներում ապաստարաններ կգործեն. նախարար
Ստեփանակերտ

Որոշումը չի վնասի. Արայիկ Հարությունյանը` ՀՀ–ի կողմից Արցախի ճանաչման հնարավորության մասին

0
(Թարմացված է 23:47 30.09.2020)
Արցախի նախագահի խոսքով` Հայաստանի կողմից Արցախի ճանաչման որոշումը կլինի այնպիսին, որ միջազգային հարթակում խնդիրներ չառաջացնի Արցախի ինքնորոշման իրավունքի իրացման հարցում։

ԵՐԵՎԱՆ, 30 սեպտեմբերի - Sputnik. Արցախի հետագա քաղաքական օրակարգի հարցերը քննարկումների փուլում են: Տեղեկությունն այսօր լրագրողների հետ ճեպազրույցում հայտարարել է Արցախի Հանրապետության նախագահ Արայիկ Հարությունյանը՝ պատասխանելով Հայաստանի կողմից Արցախի ճանաչման մասին հարցին:

«Որոշումը կլինի այնպիսին, որ միջազգային քաղաքական դաշտում հետագայում խնդիրներ չենք ունենա Արցախի ինքնորոշման իրավունքի իրացման հարցում», - շեշտեց Հարությունյանը:

Ավելի վաղ ՀՀ վարչապետ Նիկոլ Փաշինյանը հայտարարել էր, որ Արցախի ճանաչման հարցը կարելի է դիտարկել ընթացիկ իրադարձությունների համատեքստում:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 103 զինծառայողներ և 6 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 920 զոհ ունի։

«Մերոնք նրանց աչքը հանեցին». խոցված ԱԹՍ-ներ ու հրետանային հարվածներ. ռեպորտաժ առաջնագծից

Ըստ այս պահին հայտնի տեղեկությունների` Ադրբեջանը զրկվել է նաև 83 ԱԹՍ–ից, 7 ուղղաթիռից, 170 զրահատեխնիկայից, 1 ինքնաթիռից, «Սմերչից»։ Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանը դարձյալ օդ է բարձրացրել թուրքական F-16 կործանիչները. Հովհաննիսյան

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Հայաստանը պատրաստ է բանակցությունների, բայց կա մեկ «բայց». Փաշինյան

0
թեգերը:
Արցախի նախագահ Արայիկ Հարությունյան, Հայաստան, Ղարաբաղյան հակամարտություն, Լեռնային Ղարաբաղ, Արցախ
թեմա:
Ադրբեջանական ագրեսիա Արցախում. 2020
Ըստ թեմայի
Արցախն իր պատմության մեջ երբևէ չի գրավվել և երբևէ չի գրավվի. Արայիկ Հարությունյան
Կանգնեցրեք Ալիևին և Էրդողանին. Մերկելի նստավայրի մոտ ակցիա է տեղի ունեցել
Այս անգամ զինադադար հաստատելու համար Ռուսաստանը ստիպված է բանակցել Թուրքիայի հետ