Դիմակներով ու նոր կանոններով. Հայաստանում հնչեց «Առաջին զանգը»

61
(Թարմացված է 15:00 15.09.2020)
COVID-19-ի հետ կապված իրավիճակով պայմանավորված՝ «Առաջին զանգը» Հայաստանի դպրոցներում հնչեց սեպտեմբերի 15-ին:

Ի տարբերություն նախորդ տարիների՝ այս տարի ծնողներին արգելված է դպրոցի շենք մտնել, բոլոր ուսուցիչները թեստավորված են։ Դպրոցականներն էլ պարտադիր  պետք է դիմակներով լինեն։

Պարետի որոշմամբ՝ դպրոց ոտք դրած բոլոր աշակերտներին ու ուսուցիչներին մուտքի մոտ ջերմաչափում են։

Նոր կանոններով՝ դասարանները կիսված են, յուրաքանչյուր խումբը դասի կլինի 2 օրը 1 անգամ։

Այս տարի առաջին դասարան է հաճախում ավելի քանի 38 հազար երեխա։ Նրանցից մեկի մայրը՝ Նելլի Մուրադյանը, ասում է՝ մեծ սիրով ու անհամբերությամբ սպասում էին դպրոցների բացվելուն, միաժամանակ խոստովանում՝  նոր կանոնները որոշակի դժվարություններ են առաջացնում։

Առանց կրթության հնարավոր է Mersedes G ունենալ, բայց հնարավոր չէ այն ստեղծել. Փաշինյան

«Բնականաբար, դիմակային վիճակն անհանգստացնում է։ Բայց ինձ թվում է՝ կհարմարվենք։ Եթե պետք է, ուրեմն պետք է պահվեն բոլոր կանոնները»,- ընդգծում է նա։

Դիմակների անհարմարությունից բողոքում են նաև աշակերտները։ Նրանցից մեկին այն խանգարում է, մյուսն արդեն  հարմարվել է, ոմանք էլ նշում են՝ չնայած անհարմարություններին դիմակներն ամեն օր  պետք է պարտադիր դնեն, որ վարակից խուսափեն։

61
թեգերը:
Ուսուցիչ, ծնող, երեխա, Աշակերտ, դիմակ, Հայաստան
Ըստ թեմայի
«Որ բացում ենք, էլ չենք փակում. դպրոցներն ու դպրոցականները փորձադաշտ չեն». Փաշինյան
Ամեն ինչ կանենք, որ մեր երեխաները լիաթոք շնչեն. վարչապետը` դպրոցներում դիմակ դնելու մասին
Ալավերդու դպրոցներից մեկի տնօրենին մեղադրանք է առաջադրվել
Հարցականներով լի ուղեցույց դպրոցների համար. այն խանգարելո՞ւ է, թե՞ օգնելու

Պաշտպանության բանակը հակառակորդի հերթական ուղղաթիռն է խոցել. տեսանյութ

16
(Թարմացված է 15:35 29.09.2020)
Հակառակորդի զինտեխնիկայի կորուստների մասին տեղեկություններն անընդհատ փոխվում են։

Արցախի պաշտպանության բանակի հակաօդային պաշտպանության ուժերը հակառակորդի ուղղաթիռ են խոցել։ ԱՀ պաշտպանության նախարարության մամուլի ծառայությունը հրապարակել է ուղղաթիռի կործանման տեսանյութը։

Կադրերում երևում է ուղղաթիռի դիպուկ խոցման պահը։

Նշենք, որ հակառակորդի զինտեխնիկայի կորուստների մասին տեղեկություններն անընդհատ փոխվում են։

Վերջին տվյալներով` Արցախի պաշտպանության բանակը հակառակորդի 6 ուղղաթիռ է կործանել։

16
թեգերը:
Ադրբեջան, տեսանյութ, ուղղաթիռ
թեմա:
Ադրբեջանական ագրեսիա Արցախում. 2020

«Ջա՜ն, բամբիտ ա արել». Արցախի ՊԲ–ն ևս մեկ ԱԹՍ է խոցել. տեսանյութ

234
(Թարմացված է 15:10 29.09.2020)
Այս պահին ունեցած տեղեկություններով` ադրբեջանական կործանված անօդաչու թռչող սարքերի թիվը 51 է։

 Արցախի պաշտպանության բանակի ստորաբաժանումները ևս մեկ ադրբեջանական անօդաչու թռչող սարք են խոցել։ Տեղեկությունը հայտնում է Հայկական միասնական տեղեկատվական կենտրոնը։

Հրապարակվել է նաև ԱԹՍ–ի խոցման տեսանյութը։ Կադրերում երևում է, թե ինչպես է դիպուկ կրակով խոցվում ԱԹՍ–ն, սրընթաց վայր ընկնում և կործանվում լեռներում։ Դրանից հետո լսվում է հայ զինծառայողների ուրախ բացականչությունը`«ջա՜ն, բամբիտ ա արել»...

Այս պահին հայտնի տեղեկություններով` ադրբեջանական կործանված անօդաչու թռչող սարքերի թիվը 51 է։

Նոր տեսանյութ. ինչպես է հայկական կողմը խոցում Ադրբեջանի զրահատեխնիկան

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։ Ըստ վերջին տեղեկությունների` հակառակորդի կրակոցների հետևանքով զոհվել են 84 զինծառայողներ և 4 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Արցախի ՊԲ ստորաբաժանումները «Իգլա» ԴԶՀՀ-ով հակառակորդի երկու ուղղաթիռ են ոչնչացրել

Հայկական կողմի գործողությունների արդյունքում հակառակորդը նաև զինտեխնիկայի մեծ կորուստներ ունի։

Պատասխան եք ստանալու. ՀՀ ԱԳ նախարարը Ադրբեջանին համարժեք արձագանք է խոստանում

234
թեգերը:
Շուշան Ստեփանյան, Ադրբեջան, անօդաչու թռչող սարք, անօդաչու
թեմա:
Ադրբեջանական ագրեսիա Արցախում. 2020
Ըստ թեմայի
Հրապարակվել են Ադրբեջանի խոցված ԱԹՍ-ի լուսանկարները
Րոպեներ առաջ նորից ԱԹՍ խոցեցինք. Արծրուն Հովհաննիսյան
Վարդենիսում քաղաքացիական ավտոբուս է այրվում ԱԹՍ-ի հարվածից. Հովհաննիսյան
զինծառայող, արխիվային լուսանկար

Հայ զինծառայողներից մեկը ողջ է. Արցախի ՊԲ–ն ներողություն է հայցում սխալի համար

0
(Թարմացված է 15:35 29.09.2020)
Պատերազմական պայմաններում, երբ ամեն պահի փոխվում է մարտական իրավիճակը, հնարավոր չի լինում խուսափել նաև սխալմունքներից։

ԵՐԵՎԱՆ, 29 սեպտեմբերի – Sputnik. Զինծառայող Վահագն Թախմազյանը, որի անունը հրապարակվել էր զոհվածների ցուցակում, ողջ է։ Տեղեկացնում է Արցախի պաշտպանության բանակը։

«Հարգելի հայրենակիցներ, հասկանալով ձեր վրդովմունքը՝ կապված զոհերի մասին հրապարակվող ցուցակներում անճշտությունների հետ, տեղեկացնում ենք, որ պատերազմական պայմաններում, երբ ամեն պահի փոխվում է մարտական իրավիճակը, ցավոք սրտի, հնարավոր չի լինում խուսափել նաև նման դեպքերից: Տեղեկացնում ենք, որ զինծառայող Վահագն Վարդանի Թախմազյանը ողջ է և շարունակում է կատարել իր առջև դրված մարտական խնդիրը: Հայցում ենք զինծառայող Թախմազյանի հարազատների ներողամտությունը»,– նշված է հաղորդագրության մեջ:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։ Ըստ վերջին տեղեկությունների` հակառակորդի կրակոցների հետևանքով զոհվել են 84 զինծառայողներ և 4 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Արցախի ՊԲ ստորաբաժանումները «Իգլա» ԴԶՀՀ-ով հակառակորդի երկու ուղղաթիռ են ոչնչացրել

Հայկական կողմի գործողությունների արդյունքում հակառակորդը նաև զինտեխնիկայի մեծ կորուստներ ունի։

Պատասխան եք ստանալու. ՀՀ ԱԳ նախարարը Ադրբեջանին համարժեք արձագանք է խոստանում

0
թեգերը:
զինծառայող, Արցախ