«Սխալվելու իրավունք չունենք». Երևանի դպրոցները պատրա՞ստ են կարանտինային ուսումնական տարվան

88
(Թարմացված է 15:53 12.09.2020)
Մինչ դպրոց մտնելը աշակերտները կջերմաչափվեն։ Դիմակ դպրոցներում կտրամադրեն, եթե աշակերտը այն մոռացել է կամ վնասել։ Մնացած դեպքերում երեխաները պետք է մեկից ավելի դիմակ ունենան` 3 ժամը մեկ այն փոխելու համար։

Դպրոցներում ու մանկապարտեզներում ամեն ինչ պատրաստ է նոր ուսումնական տարին համավարակի պայմաններում սկսելու համար։ Երևանի քաղաքապետարանի մամուլի ծառայությունը տեսանյութ է հրապարակել, որը պատմում է կատարված աշխատանքների և սահմանված նոր կանոնների մասին։ Դպրոցների ներսում և բակերում գծանշումներ են արված, որոնք կօգնեն երեխաներին պահպանել անվտանգ սոցիալական հեռավորություն։

«Երևան քաղաքի բնակիչ ծնողները ձեզ և մեզ վստահել են ոչ միայն իրենց երեխայի կրթության, այլև առողջապահական անվտանգության հարցը։ Այստեղ մենք սխալվելու իրավունք չունենք»,- տնօրենների հետ հանդիպման ժամանակ հայտարարել է Երևանի քաղաքապետի տեղակալ Տիգրան Վիրաբյանը։

Դպրոցները զինված են ջերմաչափերով, ախտահանիչ նյութերով։ Եթե երեխաներից որևէ մեկի մոտ բարձր ջերմություն է արձանագրվում, ապա նա անմիջապես տեղափոխվում է առանձնացված մեկուսարան-սենյակ։ Երեխաները դպրոց են գնալու դիմակներով, պետք է ունենան նաև լրացուցիչ դիմակներ՝ 3 ժամը մեկ փոխելու համար։ Եթե հանկարծ դիմակը մոռանան կամ վնասեն, ապա դպրոցն այն պետք է տրամադրի։ Պետությունն ու համայնքն արդեն հոգացել են այդ մասին։

Դպրոցներն  այս տարի գործելու են շաբաթական 6 օր, յուրաքանչյուր նստարանի մոտ մեկ երեխա է նստելու։

Հիշեցնենք՝ սեպտեմբերի 7-ից մեկնարկել է  դպրոցների անձնակազմի թեստավորումը։ Մինչև ուսումնական տարվա մեկնարկը կթեստավորվի մոտ 30․000 մարդ։ Երևանյան դպրոցներից  թեստավորման ենթակա են մոտ 9000 անձ: Նշենք, որ չեն թեստավորվի միայն այն ուսուցիչները, որոնք, առողջական վիճակից ելնելով, հեռավար կանցկացնեն դասերը։

Անցում արտակարգ դրությունից կարանտինի. ինչպես անցավ կես տարին ու ինչ կտա առաջիկա 4 ամիսը

Այս տարի կորոնավիրուսային իրավիճակից ելնելով դպրոցներում դասերը կսկսվեն սեպտեմբերի 14-ին. դրանք կավարտվեն 2021թ. հունիսի 4-ին։

Դասերի ժամանակ ինչպես երեխաները, այնպես էլ դպրոցի ողջ անձնակազմը պարտավոր է դիմակ դնել։ Բացի այդ, աշակերտներին գրատախտակի մոտ չեն կանչելու, ինչպես նաև դասամիջոցներին թույլ չի տրվելու դասասենյակից դուրս գալ։

88
թեգերը:
տեսանյութ, քաղաքապետարան, կորոնավիրուս, կարանտին, Աշակերտ, երեխա, Երևան, դպրոց
Ըստ թեմայի
«Որ բացում ենք, էլ չենք փակում. դպրոցներն ու դպրոցականները փորձադաշտ չեն». Փաշինյան
Կորոնավիրուսի դեպքերի աճ կլինի. ԱՆ ներկայացուցիչն ասել է` ինչպես կընտրեն պատվաստանյութը
Շրջանառության մեջ է դրվել Covid-19-ի դեմ ռուսական պատվաստանյութի առաջին խմբաքանակը

Տղերք, պինդ կացեք. համալսարանական բժիշկները ճակատ են մեկնում. տեսանյութ

113
(Թարմացված է 00:09 28.09.2020)
Արցախ են մեկնում նաև Երևանի պետական բժշկական համալսարանի և համալսարանական հիվանդանոցների բժիշկները։

ԵՊԲՀ ռեկտոր, ՀՀ առողջապահության նախկին նախարար Արմեն Մուրադյանը Facebook–ի իր էջում տեսանյութ է հրապարակել, որում երևում է, թե ինչպես են բժիշկները շտապօգնության մեքենաներով ճանապարհ ընկնում դեպի Արցախ։

«Տղերք, պինդ կացեք, համալսարանական Սպիտակ Բանակը ճանապարհին է... Կասկած չկա` հաղթելու ենք, ի տարբերություն թշնամու, մենք հզոր ենք, ուժեղ ու միասնական...»,– տեսանյութին կից գրել է Մուրադյանը։

Ճակատ մեկնող ավտոմեքենաների հետևից հավաքվածները դույլերով ջուր են լցնում` հաջողությամբ ծառայությունն իրականացնելու և անփորձանք վերադառնալու համար։

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով: 

11 միավոր զրահատեխնիկա, այդ թվում՝ ՀՄՄ-3. հայկական կողմն առգրավել է հակառակորդի տեխնիկան

Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 27 անօդաչու թռչող սարք, 33 տանկ և ՀՄՄ, 2 ինժեներական զրահատեխնիկա։ Հայտնի է, որ հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել։ Ադրբեջանական ագրեսիայի զոհ դարձած զինծառայողների թիվը 16 է, վիրավորներինը` ավելի քան 100։ Արցախում և Հայաստանում ռազմական դրություն և համատարած զորահավաք է հայտարարվել։

Դիակներ, խոցված զրահատեխնիկա. Արցախի ՊՆ–ն նոր տեսանյութ է հրապարակել

113
թեգերը:
Արմեն Մուրադյան, տեսանյութ, բժիշկ, Արցախ
թեմա:
Ադրբեջանական ագրեսիա Արցախում. 2020
Ըստ թեմայի
Ունենք կորցրած դիրքեր, հիմնականում Թալիշի ուղղությամբ. Արայիկ Հարությունյան
ՀՀ տեղափոխված վիրավորներից 2-ի վիճակը ծայրահեղ ծանր է. նոր տվյալներ
ՄԱԿ–ի գլխավոր քարտուղարը կոչ է անում դադարեցնել մարտերը
Սիրիայից 4 000 գրոհային է մասնակցում Ադրբեջանի ռազմական գործողություններին

Դիակներ, խոցված զրահատեխնիկա. Արցախի ՊՆ–ն նոր տեսանյութ է հրապարակել

893
(Թարմացված է 23:28 27.09.2020)
Արցախա-ադրբեջանական հակամարտ զորքերի շփման գծի ողջ երկայնքով մարտերը շարունակվում են: 

Արցախի պաշտպանության նախարարությունը «Գոյամարտ» խորագրով տեսանյութ է հրապարակել` հայտնելով, որ արցախա-ադրբեջանական հակամարտ զորքերի շփման գծի ողջ երկայնքով մարտերը շարունակվում են։

«ՊԲ ստորաբաժանումները շարունակում են վստահորեն իրականացնել առաջադրված խնդիրը` հակառակորդին պատճառելով կենդանի ուժի և զինտեխնիկայի մեծաթիվ կորուստներ»,– նշված է հաղորդագրության մեջ:

Կադրերում երևում է ոչ միայն ոչնչացված ադրբեջանական զրահատեխնիկան, այլև առգրավված զենք–զինամթերքը։ Ըստ կադրերի` կարելի է հաշվել մոտ 2 տասնյակին հասնող դիակներ, երևում են նաև ադրբեջանցիների անուն–ազգանունները։

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Ադրբեջանական ԶՈւ-ն զինտեխնիկայի հերթական կորուստներն է կրել. տեսանյութ

Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 27 անօդաչու թռչող սարք, 33 տանկ և ՀՄՄ, 2 ինժեներական զրահատեխնիկա։

Հայտնի է, որ հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել։ Զոհվել են նաև 16 զինծառայողներ։ Հայկական կողմը 100–ից ավելի վիրավոր ունի։ Արցախում և Հայաստանում ռազմական դրություն և համատարած զորահավաք է հայտարարվել։

Հակառակորդի ևս մեկ անօդաչու սարք է խոցվել. տեսանյութ

893
թեգերը:
Ադրբեջան, տեսանյութ, Արցախ
թեմա:
Ադրբեջանական ագրեսիա Արցախում. 2020
Ըստ թեմայի
Սիրիայից 4 000 գրոհային է մասնակցում Ադրբեջանի ռազմական գործողություններին
ՄԱԿ–ի գլխավոր քարտուղարը կոչ է անում դադարեցնել մարտերը
ՀՀ տեղափոխված վիրավորներից 2-ի վիճակը ծայրահեղ ծանր է. նոր տվյալներ
Հեռախոս, արխիվային լուսանկար

Արցախում խափանվել է հեռախոսային ու ինտերնետային կապը

0
(Թարմացված է 00:38 28.09.2020)
Փորձագետը հորդորում է շատ չանհանգստանալ, եթե չի հաջողվում կապ հաստատել Արցախի հետ։

ԵՐԵՎԱՆ, 28 սեպտեմբերի – Sputnik. Տեղեկատվական անվտանգության փորձագետ Սամվել Մարտիրոսյանը հայտնում է, որ Արցախում այս պահին խափանվել են կապի գրեթե բոլոր ծառայությունները։

«Չեն գործում կանխավճարային համակարգը, հետվճարային համակարգը, շարժական համացանցը և SMS-ը: Պատճառը Ադրբեջանի թիրախավորված գործողություններն են»,- Facebook–ի իր էջում գրել է նա։

Մարտիրոսյանը նաև հայտնում է, որ «Ղարաբաղ Տելեկոմի» և արտադրող ընկերության մասնագետներն աշխատում են խնդիրը կարգավորելու ուղղությամբ: Փորձագետը Արցախի հետ կապ հաստատել ցանկացողներին հորդորում է շատ չանհանգստանալ։

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով: 

11 միավոր զրահատեխնիկա, այդ թվում՝ ՀՄՄ-3. հայկական կողմն առգրավել է հակառակորդի տեխնիկան

Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 27 անօդաչու թռչող սարք, 33 տանկ և ՀՄՄ, 2 ինժեներական զրահատեխնիկա։ Հայտնի է, որ հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել։ Ադրբեջանական ագրեսիայի զոհ դարձած զինծառայողների թիվը 16 է, վիրավորներինը` ավելի քան 100։ Արցախում և Հայաստանում ռազմական դրություն և համատարած զորահավաք է հայտարարվել։

Դիակներ, խոցված զրահատեխնիկա. Արցախի ՊՆ–ն նոր տեսանյութ է հրապարակել

0
թեգերը:
Սամվել Մարտիրոսյան, ինտերնետ, Արցախ
Ըստ թեմայի
Առանց լույսի ու գազի. Ստեփանակերտի բնակիչները գիշերը կանցկացնեն նկուղներում. լուսանկարներ
Տղերք, պինդ կացեք. համալսարանական բժիշկները ճակատ են մեկնում. տեսանյութ
Ադրբեջանական հրետակոծության հետևանքով նաև հղի կին է տուժել