Նավալնին չի օգնի. Գերմանիայում սխալ են որակել «Հյուսիսային հոսք - 2»–ը կասեցնելու կոչերը

131
(Թարմացված է 13:51 12.09.2020)
«Հյուսիսային հոսք - 2»–ը Բալթյան ծովով նոր գազատարի կառուցման Ռուսաստանի և Եվրոպայի համատեղ նախագիծն։ Դրա նախատեսվող հզորությունը տարեկան 55 մլրդ խմ է։

Գերմանիայում դատապարտել են իբրև թե Ալեքսեյ Նավալնու թունավորման հետ կապված իրավիճակի պատճառով «Հյուսիսային հոսք - 2» գազատարի շինարարությունը կասեցնելու կոչերը։ Բունդեսթագի տնտեսության և էներգետիկայի հարցերով կոմիտեի ղեկավար Կլաուս Էռնստի կարծիքով` սխալ կլինի սառեցնել մի նախագիծ, որը կոչված է ապահովել Եվրոպայի գազամատակարարման անվտանգությունը։

«Իսկ դա հաստատ Գերմանիայի և Եվրոպայի շահերից չի բխում», – RT Deutsch–ին տված հարցազրույցում նշել է գերմանացի քաղաքական գործիչը։ Նավալնուն հիվանդանոց են տեղափոխել Օմսկում օգոստոսի 20-ին, երբ նրա ինքնազգացողությունը վատացել է ինքնաթիռում։ Ավելի ուշ նրան տեղափոխել են Գերմանիա։  Արդեն այնտեղ գերմանացի բժիշկները հայտարարել էին, իբրև թե ընդդիմադիր գործչին թունավորել են «Նովիչոկ» խմբին պատկանող թունավոր նյութով, սակայն ապացույցներ չեն ներկայացրել։

«Հյուսիսային հոսք - 2»-ը Բալթյան ծովով Ռուսաստանից դեպի Եվրոպա նոր գազատարի շինարարության նախագիծն է։ Դրա նախատեսվող հզորությունը տարեկան 55 մլրդ խմ է։ ԱՄՆ–ն, Լեհաստանն ու Բալթյան երկրները երկար ժամանակ է հանդես են գալիս «Հյուսիսային հոսք - 2»–ի դեմ` պնդելով, որ այն իբրև սպառնում է իրենց ազգային շահերին և անվտանգությանը։  Մոսկվայում այդ անհիմն մեղադրանքները հերքում են։

Բունդեսթագում դատապարտել են Ալեքսեյ Նավալնու հետ  կապված իրավիճակի պատճառով «Հյուսիսային հոսք - 2» շինարարությունը կասեցնելու կոչերը  

Գերմանացի քաղաքական գործիչների կարծիքով`  նման որոշումը սխալ կլիներ, քանի որ նախագծի սառեցումը միայն կվնասի Գերմանիայի և Եվրոպայի շահերին։

 «Դա սխալ է։ Քանի որ «Հյուսիսային հոսք - 2»–ը Պուտինի նախագիծը չէ, այլ նախագիծ, որին մասնակցում են մի շարք եվրոպական ընկերություններ և որը կոչված է ապահովել Եվրոպայի գազամատակարարման անվտանգությունը։ Այս նախագիծը հիմա հարցականի տակ դնել նշանակում է հարվածել ինքներս մեզ միայն այն պատճառով, որ Ռուսաստանում նման պատմություն է տեղի ունեցել։ Իսկ դա հաստատ չի բխում Գերմանիայի և Եվրոպայի շահերից»,–ասել է Բունդեսթագի տնտեսության և էներգետիկայի հարցերով կոմիտեի ղեկավար Կլաուս Էռնստը։

«Հյուսիսային հոսք - 2»–ը Բալթյան ծովով նոր գազատարի կառուցման Ռուսաստանի և Եվրոպայի համատեղ նախագիծն։ Դրա նախատեսվող հզորությունը տարեկան 55 մլրդ խմ է։ 

Դրա հաշվին Եվրոպան կստան էժան գազ, մատակարարումների հուսալիություն, գազի դեֆիցիտի լուծում, CО2 արտանետումների կրճատման հնարավորություն։

Ընդդեմ «Հյուսիսային հոսք-2»-ի. Լեհաստանն ու Ուկրաինան միավորվել են ուժերը

Այս առավելությունը Եվրոպայում գիտակցում են, սակայն կան երկրներ, որոնք դեմ են հանդես գալիս նախագծին` ԱՄՆ–ն, Լեհաստանն ու Բալթյան երկրները։

Նրանք պնդում են, որ նախագիծն իբրև վնասում է իրենց ազգային շահերին և անվտանգությանը։ Այսպես, 2018 թվականին Լեհաստանը փորձել է Գերմանիային համոզել սառեցնել գազատարի շինարարությունը Սկրիպալների պատճառով։

Փորձեր են եղել նաև նախագծի իրականացումը կապել Սիրիայում և Ուկրաինայի արևելքում տիրող իրավիճակի հետ։

Սակայն Գերմանիան և Եվրոպան անկոտրում էին։ ԱՄՆ–ին չեն օգնում նաև «Հյուսիսային հոսք - 2»–ի նկատմամբ անվերջ կիրառվող պատժամիջոցները։

Անկախ սահմանափակումներից, նախագծի 90%–ից ավելին ավարտվել է, և քչերն են կասկածում, որ գազատարի շինարարությունն ավարտին կհասցվի։

131
թեգերը:
Ալեքսեյ Նավալնի, ԱՄՆ, Ռուսաստան, Գերմանիա, «Հյուսիսային հոսք» նախագիծ
Ըստ թեմայի
Ի՞նչ է կատարվում «Հյուսիսային հոսք-2»–ի վերջին հատվածում. ԱՄՆ–ն ուզում է տապալել նախագիծը
ԱՄՆ–ն բորբոքում է կրքերը «Հյուսիսային հոսք 2»-ի պատճառով. Բունդեսթագը հետքայլ է անում
Պատժամիջոցները չեն խանգարի ավարտել «Հյուսիսային հոսք–2»–ի շինարարությունը. Նովակ

«Կառուցենք Հայաստանը նորովի». Արամուսում 40 տարվա ընդմիջումից հետո մանկապարտեզ կգործի

17
(Թարմացված է 09:41 18.09.2020)
ՀՀ վարչապետ Նիկոլ Փաշինյանը ներկայացրել է, թե ինչ շինարարական աշխատանքներ են ընթանում Կոտայքի մարզում, և որոնք են դրանց ֆինանսական աղբյուրները։

ՀՀ վարչապետ Նիկոլ Փաշինյանը Facebook–ի իր էջում նոր տեսանյութ է ներկայացրել «Կառուցենք Հայաստանը նորովի» շարքից։ Այս անգամ ներկայացվում են Կոտայքի մարզում կատարվող աշխատանքները։

Արամուսում սուբվենցիոն ծրագրով հիմքից կառուցվում է նոր մանկապարտեզ։ Շենքի մակերեսը 1750 քառակուսի մետր է։ Այն նախատեսված է Արամուսի և Կաթնաղբյուրի շուրջ 150 երեխայի համար։

Ծրագրի արժեքը շուրջ 235 մլն դրամ է, որից 117,6 մլն–ը տրամադրում է ՀՀ կառավարությունը, նույնքան էլ համայնքը։

Նշենք, որ Արամուսում վերջին 40 տարիներին մանկապարտեզ չի եղել։ 

Կոտայքի մարզի մեկ այլ համայնքում` Կամարիսում, սուբվենցիոն ծրագրով ասֆալտապատվում են ներհամայնքային ճանապարհները։

«Կառուցենք Հայաստանը նորովի». Փաշինյանը նոր տեսանյութ է հրապարակել 2 մարզի մասին

Աշխատանքները նախատեսված է ավարտին հասցնել մինչև տարեվերջ։ Ծրագրի արժեքը շուրջ 135 մլն դրամ է, որից 69 մլն դրամը տրամադրել է ՀՀ կառավարությունը, 20 մլն–ը` համայնքը։ Բարեկարգ ներհամայնքային ճանապարհներ ունենալու գործին աջակցել է նաև մասնավոր հատվածը, տրամադրելով 46 մլն դրամ։

Հիշեցնենք, որ կառավարության ղեկավարը «Կառուցենք Հայաստանը նորովի» հեշթեգով պարբերաբար տեսանյութեր է հրապարակում, որոնք վկայում են Հայաստանում մեծածավալ ճանապարհային շինարարության մասին։

«Կառուցենք Հայաստանը նորովի». կորոնավիրուսը չի խանգարում շինարարական աշխատանքներին

17
թեգերը:
Կոտայք, տեսանյութ, Նիկոլ Փաշինյան, Կառուցենք Հայաստանը նորովի
Ըստ թեմայի
Արարատի մարզում մեծածավալ ճանապարhաշինություն է ընթանում. Փաշինյանը տեսանյութ է հրապարակել
Հիմնանորոգվում է Վարդաղբյուր-Տաշիր ճանապարհը. վերջին անգամ այն նորոգվել է 40 տարի առաջ
Արմավիրում հիմնանորոգվում են գլխավոր ճանապարհները. վարչապետը տեսանյութ է հրապարակել

Չորս «ՍՈւ»-երը միասին դուրս են եկել հերթապահության. Փաշինյանը տեսանյութ է հրապարակել

143
(Թարմացված է 16:39 17.09.2020)
Հայաստանի պաշտպանության նախարարությունը մտադիր է էսկադրիլիա ստեղծել` ինքնաթիռների թիվը հասցնելով 12–ի։

ՀՀ վարչապետ Նիկոլ Փաշինյանը տեղեկացրել է, որ ՀՀ զինված ուժերի «ՍՈւ»-երն արդեն միասին դուրս են գալիս հերթապահության։ Փաշինյանը լուրը հայտնել է Facebook սոցցանցի իր էջում տեսանյութ հրապարակելով։

«Առաջին անգամ մեր չորս «ՍՈւ»-երը միասին դուրս են եկել հերթապահության»,–տեսանյութին կից գրել է Փաշինյանը։

Տեսանյութում երևում է` ինչպես են 4 «ՍՈՒ»–են իրենց անգերազանցելի արագությամբ հերթապահություն իրականացնում։

Հիշեցնենք, որ օգոստոսի 24-ին հայտնի դարձավ` ՀՀ պաշտպանության նախարարության և Ռուսաստանի միավորված ավիաշինարարական ընկերության միջև ստորագրվել է Սու-25-ի արդիականացման և վերանորոգման պայմանագիր։

ՍՈւ-30 ՍՄ կործանիչների անձնակազմերը սկսել են ինտենսիվ մարզումներն ու ուսումնական թռիչքները

ՍՈւ-30 ՍՄ առաջին բազմաֆունկցիոնալ կործանիչները Հայաստանում են դեռ 2019թ.–ի դեկտեմբերից։

Առայժմ դրանք չորսն են, բայց ՊՆ–ն վստահեցնում է` մտադիր է էսկադրիլիա ստեղծել` ինքնաթիռների թիվը հասցնելով 12–ի։

143
թեգերը:
տեսանյութ, Նիկոլ Փաշինյան, ՍՈւ–30 ՍՄ
Ըստ թեմայի
Միկոյանի «Սպիրալը». ինչպես հայ կոնստրուկտորը հնարեց «Շաթլը»
Մինչև 2018-ը Հայաստանը ՌԴ–ից ստացել է 50.000 տոննայից ավելի ռազմատեխնիկական օգնություն
Հայաստանը չի մասնակցի «Տանկային բիաթլոնին», բայց․․․ ինչպես կանցնի «Բանակային խաղեր–2020»-ը
Նիկոլ Փաշինյան. արխիվային լուսանկար

Փաշինյանը շնորհավորել է հրեաներին Ռոշ Հաշանայի կապակցությամբ

0
(Թարմացված է 11:41 18.09.2020)
Հրեական Նոր տարին շարժական տոն է։ Այն նշվում է սեպտեմբեր–հոկտեմբեր ամիսներին` լիալուսնի օրը, իսկ հաջորդ օրը մեկնարկում է հրեական հաշվարկով հերթական նոր տարին։

ԵՐԵՎԱՆ, 18 սեպտեմբերի — Sputnik. ՀՀ վարչապետ Նիկոլ Փաշինյանը շնորհավորական ուղերձ է հղել Հայաստանի հրեական համայնքին` հրեական նոր տարվա՝ Ռոշ Հաշանայի կապակցությամբ:

«Հայաստանի հրեական համայնքի սիրելի ներկայացուցիչներ, ջերմորեն շնորհավորում եմ ձեզ հրեական Նոր տարվա՝ Ռոշ Հաշանայի կապակցությամբ: Այսօր ինչպես Հայաստանի հրեական համայնքը, այնպես էլ ողջ հրեա ժողովուրդը նշում է տարվա նորամուտը խորհրդանշող գեղեցիկ տոնը: Թող այս նոր տարին խաղաղության, բարեկեցության և առաջընթացի տարի լինի: Եվ թող նոր իրողություններին համահունչ շարունակվեն ամրապնդվել և զարգանալ մեր ժողովուրդների միջև առկա դարավոր կապերը»,– ասված է ՀՀ վարչապետի ուղերձում:

Շնորհավորելով հրեա հայրենակիցներին` Փաշինյանը նրանց մաղթել է քաջառողջություն և ամենայն բարիք:

Հայաստանում ապրող հրեաների թիվը տարբեր տվյալներով տատանվում է 500-2000-ի սահմաններում։

Հրեական Նոր Տարին շարժական տոն է։ Այն նշվում է սեպտեմբեր–հոկտեմբերի ամիսներին, լիալուսնի օրը։

Այդ օրը հրեաներին արգելված է աշխատել, իսկ հաջորդ օրը մեկնարկում է հրեական հաշվարկով հերթական նոր տարին։

0