Նուբարաշենի աղբավայրը հրդեհի ճիրաններում է հայտնվել. տեսանյութ

45
(Թարմացված է 14:17 10.09.2020)
Հայտարարվել է հրդեհի բարդության «1-ԲԻՍ» կանչ։ Հրդեհաշիջման աշխատանքներին մասնակցում են նաև Երևանի քաղաքապետարանի երկու ջրատար։

Երևանի Նուբարաշենի աղբավայրում հրդեհ է բռնկվել։ Տեղեկությունը հայտնում է ՀՀ ԱԻՆ մամուլի ծառայությունը։

Հաղորդագրության մեջ նշվում է, որ ահազանգն ԱԻՆ Ճգնաժամային կառավարման ազգային կենտրոնում ստացել են սեպտեմբերի 10-ին, ժամը 08։19-ին։

Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երեք մարտական հաշվարկ և Հրդեհաշիջման և փրկարարական աշխատանքների կազմակերպման բաժնի օպերատիվ խումբը, այնուհետև հայտարարվել է հրդեհի բարդության «1-ԲԻՍ» կանչ և դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից ևս մեկ մարտական հաշվարկ։

Հրդեհաշիջման աշխատանքներին մասնակցում են քաղաքապետարանի երկու ջրատար։

Հրետակոծություն, սողանք, հրդեհ, «Յարխուշտա»... հուլիսյան իրադարձությունների խոսուն կադրեր

45
թեգերը:
ՀՀ արտակարգ իրավիճակների նախարարություն (ԱԻՆ), Նուբարաշենի աղբավայր, հրդեհ
Ըստ թեմայի
Նուբարաշենի աղբավայրում խոշոր հրդեհ է․ հրշեջներն ավելի քան մեկ ժամ է՝ փորձում են մարել այն
Հրշեջներին չի հաջողվում հանգցնել Նուբարաշենի աղբավայրի հրդեհը
Միքայելյան վիրաբուժության ինստիտուտի տարածքում հրդեհ է բռնկվել․ մարդկանց տարհանել են

Չարենցավանցի Սաքունց եղբայրները ռեկորդներ են նվիրել Հայաստանի անկախության տոնին. տեսանյութ

21
(Թարմացված է 18:05 21.09.2020)
24-ամյա Յուրին և 18-ամյա Արթուրը բեռնատարներ և ավտոբուս են քաշել։ Հեշտ չէր, բայց եղբայրները կարողացան հաջողության հասնել։

Չարենցավանցի մարզիկ եղբայրներ Յուրի և Արթուր Սաքունցները մեկական ռեկորդ են սահմանել և նվիրել Հայաստանի անկախության 29-ամյակին։

Ավագ եղբայրը` աշխարհի չեմպիոն, Գինեսի ռեկորդակիր 24-ամյա Յուրի Սաքունցը, իր առաջ դրված խնդիրը հաղթահարեց առանց դժվարության։ Նա 4.5 տոննայանոց բեռնատարն ատամներով քաշեց 3 մետր` ձեռքերի վրա կանգնած։

«Ես ամբողջ կյանքս սրան եմ նվիրել և արդեն երկար ժամանակ է` տարբեր ռեկորդների եմ պատրաստվում։ Սա իմ 20-րդ ռեկորդն է, սակայն այսքանով մտադիր չեմ սահմանափակվել», – ասաց Յուրին։

Իսկ ահա նրա եղբայրը` 18-ամյա Արթուրը, որին Յուրին մարզում է շուրջ 2 տարի, մի փոքր դժվարություններ ունեցավ։ Արթուրն ատամներով 9 մետր քաշում էր 13 տոննայանոց բեռնատարն ու ավտոբուսը, ինչը նրան հաջողվեց չորրորդ փորձից։ Պարանները, որոնցով բեռնատարը կապում էին ավտոբուսին, պոկվում էին և մարզիկին չէր հաջողվում ավարտել սկսածը։ Երրորդ փորձից օգնության հասան ոստիկանության աշխատակիցները. նրանք հաստ պարան տրամադրեցին։ Միայն դրանից հետո հաջողվեց ռեկորդ սահմանել։

«Ոչ մի վատ բան չէի զգում։ Հույսս դրել էի Աստծո վրա, ու ամեն ինչ բարեհաջող ստացվեց», – ասաց Արթուրը։

Ինչպես Յուրի Սաքունցն իր կյանքը երկարացրեց 15 տարով. մարզիկն այդքանով կանգ չի առնի

Նշենք, որ երկու եղբայրներն էլ հավակնոտ ծրագրեր ունեն. Արթուրը ուզում է մեկ ձեռքով կամ ատամներով քաշել 20 և ավելի տոննա։ Իսկ ահա Յուրին մտադիր է միջազգային ասպարեզ դուրս գալ և Մոսկվայում 70 տոննայանոց գնացքը քաշել մեկ ճկույթով։

21
թեգերը:
ռեկորդ, մարզիկ, Արթուր Սաքունց, Յուրի Սաքունց
Ըստ թեմայի
«Շնորհավոր Անկախության օրը». Հենրիխ Մխիթարյանը շնորհավորական բացիկ է հրապարակել
Ինչպիսի Հայաստան պետք է ունենաք 2050–ին. Փաշինյանը ներկայացրեց վերափոխման ռազմավարությունը
Ֆրանսիան Հայաստանի կողքին է. Մակրոնը շնորհավորել է Սարգսյանին

Արամեն, Մկոն, Արամ MP3–ն ու մյուսները երգում են «Հերոս տղերքը». նոր տեսահոլովակ

81
(Թարմացված է 14:40 21.09.2020)
Հայ երգիչների մասնակցությամբ նոր տեսահոլովակն արդեն համացանցում է։ Երգի ընթացքում հնչում է նաև Ջիվան Գասպարյանի անզուգական դուդուկը։

Հայկական շոու բիզնեսի ճանաչված աստղերի մասնակցությամբ տեսահոլովակը, որը նվիրվում է 2020 թվականի հուլիսյան գործողությունների քաջարի մարտիկներին, հրապարակվել է համացանցում։

«Հերոս տղերք» երգը կատարում են Արամեն, Միհրան Ծառուկյանը, Արաբո Իսպիրյանը, Արամ MP3–ն, Արսեն Սաֆարյանը, Մկրտիչ Արզումանյանը։

Նախագծի հեղինակը Գևորգ Ալթունյանն է։ Խոսքերը և երաժշտությունը գրել է Րաֆֆի Ալթունյանը։ 

81
թեգերը:
Մկրտիչ Արզումանյան, Արամ MP3, Արամե, տեսահոլովակ, Հայաստան
Ըստ թեմայի
Թբիլիսիի հեռուստաաշտարակը լուսավորվել է Հայաստանի դրոշի գույներով. տեսանյութ
Հիսուսի հանրահայտ արձանը «ներկվել» է Հայաստանի դրոշի գույներով. տեսանյութ
Օրվա կադր. «Սու»–երը տոնական թռիչք են իրականացնում Երևանի երկնքում
ՀՀ նախագահը հետմահու պարգևատրել է Սամվել Կարապետյանին և մշակութային գործիչների
սերժ Սարգսյան. արխիվային լուսանկար

Սերժ Սարգսյանն այցելել է Եռաբլուր. ինչ է խոստացել նա իրեն մոտեցած լրագրողներին

0
(Թարմացված է 19:12 21.09.2020)
Սերժ Սարգսյանը ծաղիկներ է խոնարհել սպարապետ Վազգեն Սարգսյանի, Անդրանիկ Օզանյանի շիրիմներին:

ԵՐԵՎԱՆ, 21 սեպտեմբերի — Sputnik. ՀՀ երրորդ նախագահ Սերժ Սարգսյանն Անկախության տոնի առթիվ այցելեց «Եռաբլուր» զինվորական պանթեոն:

Սարգսյանը հարգանքի և երախտագիտության տուրք մատուցեց Հայրենիքի համար կյանքը զոհաբերած իր մարտական ընկերների և նահատակված բոլոր նվիրյալ հայորդիների հիշատակին:

ՀՀ երրորդ նախագահը ծաղիկներ խոնարհեց սպարապետ Վազգեն Սարգսյանի, Անդրանիկ Օզանյանի շիրիմներին, ծաղկեպսակ դրեց զոհված ազատամարտիկների հիշատակը հավերժացնող հուշահամալիրին:

Եռաբլուրում լրագրողները Սերժ Սարգսյանին խնդրեցին մեկնաբանել Ադրբեջանի նախագահ Իլհամ Ալիևի հայտարարությունը, թե բանակցություններ գոյություն չունեն, և որ նա դրանում մեղադրում է Հայաստանի իշխանություններին: Սերժ Սարգսյանը խոստացավ այդ հարցին պատասխանել ավելի ուշ:

Ինչ ունենք անկախությունից 29 տարի անց. Քոչարյանի և Սարգսյանի շնորհավորանքն ու տեսլականը

«Շուտով ձեզ կհրավիրենք ասուլիսի և կպատասխանենք ձեր բոլոր հարցերին»,- ասաց նա:

Հարցին, թե արդյո՞ք Սերժ Սարգսյանը պատերազմի վտանգ տեսնում է, նա նույնպես խոստացավ անդրադառնալ առաջիկա մամուլի ասուլիսում:

Հիշեցնենք՝ պաշտոնաթողությունից հետո կազմակերպված առաջին ասուլիսի ժամանակ` այս տարվա օգոստոսի 19-ին, ՀՀ երրորդ նախագահ Սերժ Սարգսյանը պատասխանել էր բացառապես 2016թ-ի ապրիլյան պատերազմին վերաբերող հարցերին: Բոլոր այլ հարցերին Սարգսյանը խոստացել էր պատասխանել հետագա ասուլիսների ընթացքում:

Սերժ Սարգսյանը նաև նշել էր, որ այսուհետ մտադիր է լրատվամիջոցների հետ հանդիպել պարբերաբար: Ընդ որում, հաջորդ ասուլիսի թեման, նրա որոշմամբ, լինելու է արցախյան խնդիրը:

Պարզ է, չէ՞, որ Ալիևն ինքն իրեն չէր մեղադրելու. Դավիթ Տոնոյան

0
թեգերը:
Լրագրող, Եռաբլուր պանթեոն, Սերժ Սարգսյան
թեմա:
ՀՀ նախագահ Սերժ Սարգսյան
Ըստ թեմայի
Ինչ են քննարկել Պուտինն ու Ալիևը Հայաստանի առնչությամբ. Բաքուն մանրամասներ է հայտնել
Ինչ է տեղի ունեցել 2002թ–ին Քի Վեսթում և ինչ է պատմել ճաշի ժամանակ Հեյդար Ալիևը Քոչարյանին
Ալիևի հայտարարությունը հուզական էր. Զոհրաբ Մնացականյանը` ղարաբաղյան գործընթացի մասին