Նիկոլ Փաշինյանը գրավել է «Աղջկա բերդը»․ վարչապետը շարունակում է վայելել հանգիստը

154
(Թարմացված է 21:32 03.09.2020)
Փաշինյանը նշել է, որ Տավուշի մարզում գտնվող այս բերդն այն սակավաթիվ վայրերից է, որ կնոջ և ոչ թե տղամարդու պատվին է անվանակոչված։

ՀՀ վարչապետ Նիկոլ Փաշինյանը շարունակում է վայելել իր արձակուրդը։ Այս անգամ վարչապետը ճամփորդում է Տավուշի մարզով և այնտեղից տեսանյութ է հրապարակել` օգտագործելով «Ճանաչենք Հայաստանը նորովի» հեշթեգը:

«Այս տեսարանի վայելումը չէի կարող ձեզ հետ չկիսել։ Ես հիմա «Աղջկա բերդ» կոչվող կառույցում եմ, Տավուշում։ Այս բերդը այն սակավաթիվ վայրերից է, որ կնոջ և ոչ թե տղամարդու պատվին են անվանակոչել»,- տեսանյութում ասում է Փաշինյանը, որն ավելի վաղ այցելել էր Աշոտ Երկաթ բերդ։

Նա նկարագրում է, որ բերդը գտնվում է Աղստևի աջ ափին, պաշտպանված է արհեստական պարիսպներով։ Փաշինյանը նաև պատմում է բերդի պատմությունը, հորդորում գրքեր կարդալ, ոչ թե քննություններ հանձնելու համար, այլ մեր պատմությունը լավ իմանալու։

«Սա մեր հայրենիքն է». որտեղ է Փաշինյանն անցկացնում արձակուրդի առաջին օրը

Աղջկա բերդը թվագրվում է 10-11 դարերով։ Ըստ ավանդույթի՝ մոնղոլ Լենկ Թեմուրը իմանալով, որ այստեղի գյուղերում մի գեղեցիկ աղջիկ է ապրում, իր զինվորներին ուղարկում է, որ նրան բերեն իր մոտ։ Աղջիկը պարսպից գետն է նետում իրեն՝ հասկանալով, որ եթե չգնա կամ թաքնվի, գյուղը կվտանգվի։ Դրանից հետո բերդի անունը դնում են Աղջկա Բերդ։

Հիշեցնենք՝ Նիկոլ Փաշինյանը արձակուրդում կլինի մինչև սեպտեմբերի 4-ը։ Այդ ընթացքում նրան կփոխարինի փոխվարչապետ Տիգրան Ավինյանը:

154
թեգերը:
տեսանյութ, Տավուշ, Տիգրան Ավինյան, Ամառային հանգիստ, Նիկոլ Փաշինյան
Ըստ թեմայի
Նիկոլ Փաշինյանը ցավակցական հեռագիր է հղել Վրաստանի վարչապետին
Արսեն Թորոսյանը բացահայտել է` որտեղ և ինչպես է անցկացնում արձակուրդը
Տեսնես՝ էլ որ երկրում է նախարարը համավարակի օրերին արձակուրդ գնացել. Մարուքյանը շփոթված է
Ինչու Նիկոլ Փաշինյանը որոշեց պաշտոն տալ Վաղարշակ Հարությունյանին
Նիկոլ Փաշինյանն ու Արայիկ Հարությունյանը հանդիպել են Արցախում. տեսանյութ

Հակառակորդի մի քանի տասնյակ դիակներ հայկական կողմում են. տեսանյութ 18+

101
(Թարմացված է 09:32 28.09.2020)
ՊԲ-ն վերականգնում է կորցրած դիրքերը՝ անձնակազմի և զինտեխնիկայի էական կորուստներ պատճառելով հակառակորդին։

Պաշտպանության բանակը շարունակում է վերականգնել նախկինում կորցրած դիրքերը՝ այդ ընթացքում անձնակազմի և զինտեխնիկայի էական կորուստներ պատճառելով հակառակորդին։ ՊԲ-ի գործողությունների մասին նոր տեղեկություններ է Facebook-ի իր էջում հայտնել ՊՆ մամուլի խոսնակ Շուշան Ստեփանյանը։

«ՊԲ ստորաբաժանումների կողմից նախկինում կորցրած մի շարք դիրքերի վերականգնման արդյունքում հակառակորդի մի քանի տասնյակ դիակներ գտնվում են հայկական կողմում»,- գրել է Ստեփանյանը։

Կադրերում տասնյակից ավելի հակառակորդի դիակներներ են հաշվվում։ Հագուստի վրա տեսանելի են նրանց անուն-ազգանունները, անձնական իրերի վրա նաև զինվորական կոչումները։

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով: 

ԱՀ ՊԲ–ն նաև տեսանյութ է ներկայացվել, որտեղ երևում են հակառակորդի մարդկային կորուստները։

Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 27 անօդաչու թռչող սարք, 33 տանկ և ՀՄՄ, 2 ինժեներական զրահատեխնիկա։

Հակառակորդը կիրառում է «ՏՕՍ» ծանր հրանետային համակարգ. ՀՀ ՊՆ

Հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել, զոհվել են նաև 31 զինծառայող։ Հայկական կողմը 100–ից ավելի վիրավոր ունի։ Հակառակորդի կորուստներն անհամեմատ մեծ են։ Արցախում և Հայաստանում ռազմական դրություն և համատարած զորահավաք է հայտարարվել։

101
թեգերը:
Դիակ, ադրբեջանցի, Ադրբեջան, Հայաստան, Ղարաբաղյան հակամարտություն, Լեռնային Ղարաբաղ, Արցախ
թեմա:
Ադրբեջանական ագրեսիա Արցախում. 2020
Ըստ թեմայի
Հակառակորդը կիրառում է «ՏՕՍ» ծանր հրանետային համակարգ. ՀՀ ՊՆ
Հայկական ԶՈւ-ն վերականգնել է նախկինում կորցրած մի շարք դիրքեր. տեսանյութ 18+
Դավիթ Տոնոյանն օպերատիվ խորհրդակցություն է անցկացրել

Հակառակորդը «Սմերչ» է օգտագործել. տեսանյութ

100
(Թարմացված է 09:36 28.09.2020)
Ադրբեջանական զինուժը առավոտյան վերսկսել է հարձակումը, տեղեկացնում է ՊՆ մամուլի խոսնակ Շուշան Ստեփանյանը։

ԵՐԵՎԱՆ, 28 սեպտեմբերի - Sputnik. Ադրբեջանական զինուժը առավոտյան վերսկսել է հարձակումը, տեղեկացնում է ՊՆ ներկայացուցիչ Արծրուն Հովհաննիսյանը։

Հակառակորդն օգտագործել է ծանր հրետանի, այդ թվում՝ «Սմերչ»։

ՊՆ մամուլի խոսնակ Շուշան Ստեփանյանն ավելի վաղ տեղեկացրել էր, որ վաղ առավոտյան հակառակորդը վերսկսել է հարձակողական գործողությունները՝ կիրառելով հրետանային միջոցներ, զրահատեխնիկա, այդ թվում՝ «ՏՕՍ» ծանր հրանետային համակարգ։

Հայկական ստորաբաժանումները սառնասրտորեն դիմագրավում են ադրբեջանական ստորաբաժանումների ոտնձգությունները և ձեռնարկում համապատասխան գործողություններ՝ պատճառելով հակառակորդին անձնակազմի և տեխնիկայի զգալի կորուստներ։

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Հայկական ԶՈւ-ն վերականգնել է նախկինում կորցրած մի շարք դիրքեր. տեսանյութ 18+

ԱՀ ՊԲ–ն նաև տեսանյութ է ներկայացվել, որտեղ երևում են հակառակորդի մարդկային կորուստները։

Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 27 անօդաչու թռչող սարք, 33 տանկ և ՀՄՄ, 2 ինժեներական զրահատեխնիկա։

Հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել, զոհվել են նաև 31 զինծառայող։ Հայկական կողմը 100–ից ավելի վիրավոր ունի։ Հակառակորդի կորուստներն անհամեմատ մեծ են։ Արցախում և Հայաստանում ռազմական դրություն և համատարած զորահավաք է հայտարարվել։

100
թեգերը:
սմերչ, հայ-ադրբեջանական, Ադրբեջան, Արցախ
թեմա:
Ադրբեջանական ագրեսիա Արցախում. 2020
Ըստ թեմայի
Ոստիկաններն էլ մեկնեցին առաջնագիծ. տեսանյութ
«Տեսնենք՝ կկարողանանք բախումները դադարեցնել». Թրամփը խոսել է ԼՂՀ–ի իրավիճակի մասին
Դավիթ Տոնոյանն օպերատիվ խորհրդակցություն է անցկացրել