Եվրամիությունը ԱՄՆ–ին դեմարշ է հղել. ո՞րն է անհամաձայնության պատճառը

151
(Թարմացված է 00:49 15.08.2020)
Ի՞նչ են ուզում ցույց տալ եվրոպացիները, կկառուցվի արդյո՞ք ռուսական գազատարը`դիտեք տեսանյութում։

ԵՄ–ն ԱՄՆ–ին դեմարշ է հղել նոր պատժամիջոցների պատճառով, որոնք նրանք մտադիր են կիրառել «Հյուսիսային հոսք 2»–ի պատճառով։  Իրենց դժգոհությունն են հայտնել ԵՄ 27 անդամ երկրներից 24-ը։ Տեղեկությունը հայտնել է Welt գերմանական պարբերականը։ Ամերիկացիների դեմ հանդես են եկել նաև այն պետությունները, որոնք նախկինում չէին հանդգնում դա անել։ Ռուս քաղաքագետներն այստեղ Վաշինգտոնին ուղղված ակնարկ են տեսնում։

Եվրոպական երկրներն ԱՄՆ–ին իրենց բողոքն են արտահայտել «Հյուսիսային հոսք 2»–ի դեմ նրանց կողմից կիրառվող նոր պատժամիջոցների հետ կապված։

ԵՄ–ի պատվիրակության և Պետդեպի տեսակոնֆերանսի ժամանակ դեմարշին 24 երկիր է միացել։ Բողոքի նոտա չեն հղել ընդամենը ԵՄ 3 պետություն, սակայն դեռ հայտնի չէ` որոնք են դրանք։

Ավելի վաղ եվրահանձնակատար Կադրի Սիմսոնը հայտարարել էր, որ ԱՄՆ պատժամիջոցները խախտում են միջազգային իրավունքը։

 «Գործունեությունը, որը համապատասխանում է ԵՄ օրենքներին և միջազգային իրավունքին, և որն իրականացնում են եվրոպական ձեռնարկությունները, օրինական է։ Այդ պատճառով պատժամիջոցների կիրառումն այդ գործունեության նկատմամբ կասկածելի է»,–ասել է Սիմսոնը։

Ռուսաստանյան քաղաքագետները կարծում են, որ այս դեմարշը Վաշինգտոնին ուղղված ազդակ է, որ ԵՄ–ն մտադիր չէ հարմարվել ԱՄՆ-ի շահերին։

«Նույնիսկ զարմանալի է, որ այն երկրները, որոնք սովորաբար նախագծին դեմ են արտահայտվում (Լեհաստանը, Մերձբալթյան երկրները, Ռումինիան և Խորվաթիան), այս անգամ նման բան չարեցին։ Ամենայն հավանականությամբ, Գերմանիան և ԵՄ–ն ճնշում էին գործադրել` առաջնորդվելով նրանով, որ եվրոպական խոշոր երկրները և նույնիսկ ոչ այնքան խոշորները, ինչպեսին Ավստրիան է, չեն ցանկանում կախվածության մեջ լինել ամերիկյան թանկարժեք հեղուկ գազից  և, քաղաքական նկատառումներից ելնելով, չեն ուզում խզել կապերը Ռուսաստանի հետ»,– ասել է քաղաքագետ, ՌՊՀՀ–ի դոցենտ Վադիմ Տրուխաչյովը։

«Եվրոպան այլ շահեր ունի». Ավստրիան քննադատել է «Հյուսիսային հոսք–2»–ի պատժամիջոցները

Ռուսական գազատարի նկատմամբ ԱՄՆ–ն պատժամիջոցներ էր կիրառել 2019 թվականի վերջին։ Իսկ այս ամառ ամերիկացիները լրացուցիչ սահմանափակումներ կիրառեցին «Հյուսիսային հոսք 2»–ի նկատմամբ։

Պատժամիջոցներն անդրադարձան եվրոպական ընկերությունների վրա, որոնք մասնակցել են ռուսական նախագծի իրականացմանը։

Ռուսաստանը հայտարարեց, որ կարող է իր ուժերով ավարտին հասցնել «Հյուսիսային հոսք 2»–ը, ինչում կօգնի Nord Stream 2 AG ընկերությունը։

ՌԴ արտգործնախարար Սերգեյ Լավրովը հայտնեց, որ դա տեղի կունենա առաջիկայում։

Պատժամիջոցները չեն խանգարի ավարտել «Հյուսիսային հոսք–2»–ի շինարարությունը. Նովակ

 «Մենք գնահատում ենք Բեռլինի սկզբունքային դիրքորոշումն այս բացառապես կոմերցիոն նախաձեռնության վերաբերյալ, որը կօգնի դիվերսիֆիկացնել բնական գազի մատակարարումների երթուղին և ամրապնդել Եվրոպայի էներգետիկ անվտանգությունն այն գնահատականների հիման վրա, որոնք տալիս են եվրոպական երկրները, այլ ոչ այն գնահատականների, որոնք արվում են օվկիանոսի մյուս կողմից»,–ասել է Լավրովը։

«Հյուսիսային հոսք 2»–ը նախատեսում է Ռուսաստանի ափերից Բալթիկ ծովով մինչև Գերմանիա գազատարի երկու գիծ կառուցել։ Գազատարը նախատեսվում է գործարկել մինչև տարեվերջ։

151
թեգերը:
Սերգեյ Լավրով, Գերմանիա, Ռուսաստան, Եվրոպա, ԱՄՆ, «Հյուսիսային հոսք» նախագիծ

Հրետակոծության հետևանքները Սյունիքի մարզի Դավիթբեկ գյուղում. տեսանյութ

81
Չնայած անընդհատ հնչող պայթյուններին՝ Դավիթբեկի վարչական ղեկավարն ասում է` իրենց արծիվները գյուղը պահելու են։

«Զանգեզուր» հեռուստաընկերությունն այցելել է Սյունիքի մարզի Դավիթբեկ գյուղ, որը երեկ հրետակոծվել է Ադրբեջանի կողմից։

Հրետակոծության հետևանքով վնասվել են տներ, ավտոմեքենաներ, անասուններ են սատկել։ Դավիթբեկի վարչական ղեկավար Բենիկ Պետրոսյանի խոսքով՝ տասը տուն է վնասվել։

«Մեր ժողովուրդը դուխով կանգնած է, պահում է իր սահմանը»,- ասում է ղեկավարն ու ամփոփում՝ ի վերջո հաղթելու ենք, Դավիթբեկի արծիվներն իրենց գյուղը չեն տա։

Բնակչուհիներն էլ պատմում են՝ ամեն կրակոցից վեր են թռչում, վախենում, բայց ոչ մի տեղ էլ չեն գնալու, շարունակում են իրենց բնականոն կյանքը՝ լոբի են հավաքում, բուրդ են չփխում և այսպես շարունակ։

81

Ստեփանակերտում հացը թխվում է անգամ օդային տագնապի ազդանշանի տակ. տեսանյութ

48
(Թարմացված է 16:43 31.10.2020)
Հացի հումքը կառավարությունն է ապահովում. քաղաքացիների համար հացն անվճար է։ Հաց թխող կանայք էլ հունցվող խմորին իրենց հաղթանակի վստահությունն են փոխանցում։

Արցախի մայրաքաղաք Ստեփանակերտում հացի մատակարարման խնդիր չկա։ Արցախի Հանրային հեռուստաընկերությունը տեսանյութ է պատրաստել՝ պատմելով մայրաքաղաքի հացի արտադրամասերից մեկի աշխատանքի մասին։

Կատակներով ու ինքնագրերով․ ինչպես են արցախցի կանայք իսկական ժենգյալով հաց թխում Դիլիջանում

Աշխատանքն այստեղ սկսվում է ամեն օր առավոտյան 7-ից ու շարունակվում մինչև 5-6–ը։ Ասում են՝ ավելի երկար կաշխատեին, միայն թե աշխատողների պակաս ունեն։ Հաց թխելուց բացի նաև փռի մաքրությունը, հացի փաթեթավորումն են իրենք անում։ Այստեղ հաճախ գործը կանգ չի առնում անգամ օդային տագնապի ազդանշանի դեպքում։ Ամենապատասխանատու գործերից մեկն են անում՝ հաց են թխում։ Քաղաքացիների համար այն անվճար է։ Հումքը տրամադրում է կառավարությունը, մնացածն իրենք են անում։

Հաց թխող կանայք հունցվող խմորին նաև իրենց լավատեսությունն ու հաղթանակի վստահությունն են փոխանցում։

Ասում են՝ յուրաքանչյուրն իր աշխատանքը պետք է պատասխանատվությամբ անի, որ հաղթենք։ Իսկ այն, որ հաղթանակը մերն է լինելու, չեն էլ կասկածում։

«Զինվորը կգա, մի կտոր հաց տվող չլինի՞». France 24-ի ռեպորտաժը Արցախում մնացածների մասին

48
թեգերը:
Հաց, Ստեփանակերտ, Արցախ
Ըստ թեմայի
Մեր պատասխանը Ստեփանակերտի ծննդատան ռմբակոծությանը. Երևանում նոր արցախցի է ծնվել
Մենք ապրել ենք ուզում․ արցախցի երեխաները խաղաղության կոչ են անում
«Իմ էրեխեքը խաղաղություն կբերեն». արցախցի կինը զույգ տղաներ է լույս աշխարհ բերել Երևանում
Զինծառայող

Հայկական զինված ուժերը մշակում են հրադադարի վերֆիկացիայի առաջարկներ. Արծրուն Հովհաննիսյան

0
(Թարմացված է 22:24 31.10.2020)
Արծրուն Հովհաննիսյանը վստահեցնում է` պետք են կոնկրետ մեխանիզմներ, որոնք թույլ կտան արձանագրել խախտումներն ու նաև այն, որ պատերազմը սկսել է Ադրբեջանը։

ԵՐԵՎԱՆ, 31 հոկտեմբերի - Sputnik. Հայկական զինված ուժերը հրադադարի վերիֆիկացիոն մեխանիզմների ներդրման համար առաջարկներ են մշակում։ Տեղեկությունն այսօր կայացած ճեպազրույցի ժամանակ հայտնեց ՀՀ պաշտպանության նախարարության ներկայացուցիչ Արծրուն Հովհաննիսյանը։

«Ինչ էլ բանակցեն, ինչ էլ պայմանավորվեն, մինչև չլինեն վերֆիկացիայի լիարժեք մեխանիզմներ, որի վերաբերյալ, ի դեպ, մեր զինված ուժերը սեղմ ժամկետում հարցադրումներ ու առաջարկներ են մշակում, լիարժեք հրադադար լինել չի կարող»,- նշեց Հովհաննիսյանը՝ անդրադառնալով ժնևյան բանակցությունների արդյունքում կողմերի ձեռք բերած պայմանավորվածություններին։

Նրա խոսքով՝ պետք են կոնկրետ մեխանիզմներ, որոնք թույլ կտան արձանագրել խախտումներն ու նաև այն, որ պատերազմը սկսել է Ադրբեջանը։

Հովհաննիսյանը նշեց՝ այս մեկ ամսվա ընթացքում կարծես թե բոլորի ուշադրությունից դուրս է մնացել այն հանգամանքը, թե ինչպես սկսվեց պատերազմը։

ՊՆ ներկայացուցիրչը մատնանշեց՝ քաղաքակիրթ աշխարհն առնվազն երեք-չորս անգամ փորձեց Ադրբեջանին «նստեցնել հրադադարի իրավիճակի առջև», բայց դա չստացվեց, որովհետև չկան վերֆիկացիայի մեխանիզմներ։ Նա ևս մեկ անգամ ընդգծեց՝ կարևոր է, որ հստակ մատնացույց արվի՝ պատերազմը սկսել է Ադրբեջանը, և այս երկիրն է ագրեսիա իրականացրել հայ ժողովրդի հանդեպ։ Նրա համոզմամբ՝ առանց վերֆիկացիոն մեխանիզմների և այս արձանագրման լիարժեք հրադադար չի կարող լինել։

​Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Մասնավորապես, կողմերը պայմանավորվեցին, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։ Հրադադարի վերաբերյալ պայմանավորվածությունից հետո Ադրբեջանը շարունակեց հրետակոծել Արցախը։

Հոկտեմբերի 17-ին ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը երկրորդ պայմանավորվածությունն են ձեռք բերել. որոշվել է հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։

Արցախի ՊԲ–ն, սակայն, հոկտեմբերի 18-ի առավոտյան տեղեկացրեց, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք եղել են զոհեր ու վիրավորներ: 

Հոկտեմբերի 26-ին ՀՀ ԱԳՆ–ն հայտարարեց, որ Հայաստանի և Ադրբեջանի արտգործնախարարները հումանիտար հրադադարի հաստատման երրորդ ժամկետի մասին են պայմանավորվել, որը պետք է ուժի մեջ մտներ 2020թ. հոկտեմբերի 26-ին, տեղական ժամանակով 08:00-ին։ Սակայն Ադրբեջանը խախտեց նաև երրորդ պայմանավորվածությունը։

0
թեգերը:
Արծրուն Հովհաննիսյան, Ադրբեջան, Արցախ
թեմա:
Ադրբեջանական ագրեսիան Արցախում - 2020
Ըստ թեմայի
Հայերն Ադրբեջանի պետական փաստաթղթերի հասանելիություն են ստացել. տեսանյութ
Ֆոսֆորը կարող է վնասել ոսկորներն ու ոսկրածուծը. ՊՆ-ն` Ադրբեջանի կիրառած զինամթերքի մասին
«Պետք է սպանենք հայերին» գրառման համար ՀՖՖ–ն պահանջում է պատժել ադրբեջանական «Ղարաբաղին»