«Քանի դեռ ուշ չէ»–ն ե՞րբ է. Տոնոյանը պատասխանել է Ալիևին. տեսանյութ

441
(Թարմացված է 14:35 31.07.2020)
Նախարարը հիշեցրել է հայ-ադրբեջանական սահմանին հուլիսին տեղի ունեցած էսկալացիան և նշել, որ Ադրբեջանն անգամ գերժամանակակից տեխնիկա օգտագործելով հաջողության չհասավ։

Աշխատանքային այցով Արցախում գտնվող ՀՀ ՊՆ Դավիթ Տոնոյանը ԱՀ ՊՆ, ՊԲ հրամանատար, գեներալ-մայոր Ջալալ Հարությունյանի ուղեկցությամբ այցելել է ՊԲ կենտրոնական ենթակայությամբ գործող մի շարք զորամասեր ու առանձին ստորաբաժանումներ, տեղում ծանոթացել սոցիալ-կենցաղային պայմաններին ու ծառայության հետ կապված խնդիրներին: Տեղեկությունը հայտնել է ՀՀ ՊՆ մամուլի խոսնակ Շուշան Ստեփանյանը Facebook–ի իր էջում։

Նախարար Տոնոյանը առանձին ուշադրություն է դարձրել նաև ՊԲ-ում վերջին շրջանում ներդրված նորագույն զինատեսակներին ու արդիականացված տեխնիկական միջոցներին և դեռևս ընթացքի մեջ գտնվող աշխատանքների ընթացքին:

ՀՀ ՊՆ Դավիթ Տոնոյանը, պատասխանելով լրագրողի հարցին, անդրադարձել է Ադրբեջանի ռազմաքաղաքական ղեկավարության կոշտ հռետորաբանությանը, մասնավորապես՝ Ադրբեջանի նախագահ Ալիևի`«քանի դեռ ուշ չէ, ազատեք մեր տարածքները» հայտարարությանը՝ նշելով, որ հայկական կողմի համար հասկանալի չէ, թե ե՞րբ է այդ ուշը:

«Մեր հանրապետության վարչապետն ու Արցախի նախագահը միշտ հանդես են գալիս խաղաղասիրական հայտարարություններով` կոչ անելով բանակցությունների շարունակմանը։ Ու այս ֆոնին մեզ համար անհասկանալի են հարևան երկրին ղեկավարի նման արտահայտությունները։ Որպես ՊՆ կուզեի հասկանայի` «քանի ուշ չէ»-ն երբ է»,–ասել է Տոնոյանը։

Անդրադառնալով Ադրբեջանի ռազմական գերատեսչությունների ղեկավարների խոսքին, թե իրենք  պատրաստ են և միայն հրամանի են սպասում` Հայաստանի պաշտպանական գերատեսչության ղեկավարը նշել է, որ այնպես չէ, որ իրենք հրամանի չեն սպասում։ «Տավուշի վերջին գործողությունները վառ ապացույցն էին, որ հակառակորդն իր գերժամանակակից միջոցներով անգամ հաջողության չհասավ և ունեցավ բազմաթիվ կորուստներ»,–ասել է Տոնոյանը։

Յարխուշտա, ՀՀ օրհներգ և ծեծկռտուք. ադրբեջանցիների ցույցը վերածվեց հայկական տոնախմբության

Հայկական երկու հանրապետությունների ռազմական գերատեսչության ղեկավարներն այցելել են նաև ՊԲ-ի արևելյան ուղղությամբ տեղակայված զորային ու թիկունքային նշանակության տարբեր օբյեկտներ, որտեղ անդրադարձ է կատարվել նաև տարածաշրջանային ընթացիկ և հավանական զարգացումներին, հայկական երկու պետությունների առջև ծառացած մարտահրավերներին և այդ համատեքստում՝ մասնավորապես այն համակարգային անելիքներին, որոնք դրված են պաշտպանական գերատեսչությունների առջև:

441
թեգերը:
Իլհամ Ալիև, հայ-ադրբեջանական, Ադրբեջան, Սահման, Տավուշ, Ղարաբաղյան հակամարտություն, Լեռնային Ղարաբաղ, Արցախ, Դավիթ Տոնոյան
Ըստ թեմայի
ԱՄՆ պետքարտուղարության օրինագծում տեղ է գտել հստակ ձևակերպում` Լեռնային Ղարաբաղ. Մակունց
Ամեն ջանք կգործադրենք Ղարաբաղյան հակամարտության քաղաքական լուծման համար․ Ֆրանսիայի ԱԳՆ
Համընկնում են արդյոք Ռուսաստանի և Թուրքիայի տեսակետները Ղարաբաղի հարցում. ՌԴ ԱԳՆ պատասխանը

Իսպանիայում գինին հեղեղել է գործարանի տարածքը. տեսանյութ

19
(Թարմացված է 10:31 26.09.2020)
Իսպանիայի գինեգործարաններից մեկում արտակարգ դեպք է տեղի ունեցել ։ Գործարանի տարածքը ողողվել է գինով։

Իսպանիայի Վիլյամալեա բնակավայրում գտնվող գործարանը երեկ զրկվել է 50 հազար լիտր գինուց։

Այնպես, ինչպես Եվրոպայում․ առաջին անգամ հայկական գինիները «ֆիրմային» անվանում կստանան

Խմիչքի պահման համար նախատեսված ցիստեռնը վնասվել է, և, ինչպես երևում է կադրերում, գինին սկսել է դուրս թափվել:

Առայժմ հայտնի չէ` ինչն է եղել պատճառը։

Ծորակը բացել են, գինի է թափվել. իտալական գործարանում տեխնիկական խափանում է եղել

2018 թվականի սեպտեմբերին Իտալիայի Ֆոնտանելե քաղաքի գինու գործարանում պայթել էր սպիտակ փրփրուն գինով լի ցիստեռնը։ Գինին շատրվանի պես դուրս էր հորդել ցիստեռնից։ Գործարանը զրկվել էր մոտ 30 հազար լիտր գինուց:

Կոլայի շշերի մեջ լցված հայկական գինին զվարճացրել է բրիտանացի «ալկո–գուրուին»

19
թեգերը:
տեսանյութ, գործարան, Գինի, Իսպանիա
Ըստ թեմայի
«Այս գինիներն այստեղ են, որովհետև ես բարի մարդ եմ». օրգանական գինին «խնդրում են» դրսերում
Ինչպես է հնչում իսկական գինին․ Գալուստյանը նոր «հնարք» է ցուցադրել
Կարմիր խաղողի պահանջարկը մեծ է, կամ ինչպես հայերը սիրեցին սպիտակ և վարդագույն գինիները

Ինչու են «Իմ քայլից» հեռանում, երբ կլուծվի դեպի ՌԴ չվերթերի հարցը. պարզաբանում է նախարարը

178
(Թարմացված է 22:38 25.09.2020)
Տարածքային կառավարման և ենթակառուցվածքների նախարար Սուրեն Պապիկյանը Sputnik Արմենիայի եթերում անդրադարձել է իր ղեկավարած ոլորտին վերաբերող մի շարք հարցերի։ Որպես ՔՊ կուսակցության վարչության նախագահ, Պապիկյանը խոսել է «Իմ քայլում» տեղի ունեցող խմորումների մասին։

Պատգամավորներական մանդատը վայր դրած «Իմ քայլը» խմբակցության անդամներ Արսեն Ջուլֆալակյանի ու Գայանե Աբրահամյանի հեռանալը պետք չէ կապել միայն ՔՊ–ի հետ, որովհետև նրանք կուսակցության անդամ չեն եղել։

Sputnik Արմենիա ռադիոկայանին տված հարցազրույցում, մեկնաբանելով ԱԺ «Իմ քայլը» խմբակցությունից 2 պատգամավորների հեռանալու փաստը, ասաց ՀՀ Տարածքային կառավարման և ենթակառուցվածքների նախարար, «Քաղաքացիական պայմանագիր» կուսակցության վարչության նախագահ Սուրեն Պապիկյանը։

«Իհարկե, լավ չէ, երբ գործընկերներն ինչ–որ փուլում այլ ճանապարհով են շարժվում, երբ կար գոնե հնգամյա տեսլական, բայց դա իրենց ընտրությունն է. բնականաբար, պետք է անկեղծ լինել և՛ գործընկերների, և՛ հասարակության հետ»,– ասաց նա։

Պապիկյանի խոսքով` նրանք ընտրել են այլ ճանապարհ և իրեն մնում է միայն բարի երթ մաղթել նրանց։

Ի դեպ, Գայանե Աբրահամյանը մանդատը վայր դնելու մասին իր հայտարարության մեջ նշել էր, որ ԱԺ–ում իր աշխատանքն արդյունավետ է համարում, ուստի Սուրեն Պապիկյանին հարցրեցինք` կուսակցության շարքերում այլ տեսակետ կամ նրա աշխատանքից դժգոհություն է եղե՞լ։

«Չեմ տիրապետում նման ինֆորմացիայի։ Ինքս տիկին Աբրահամյանի հետ ունեմ շատ ջերմ գործընկերային հարաբերություններ։ Վերաբերմունքս դրական է, գնահատականս` նույնպես, այլ գնահատական չեմ կարող տալ։ Թե ինչու է ընտրել այդ ճանապարհը, կարծում եմ` առիթ կունենա դրա մասին խոսելու»,– ասաց Պապիկյանը։

Ինչ վերաբերում է Արսեն Ջուլֆալակյանի` մանդատը վայր դնելու որոշմանը, ՔՊ վարչության նախագահը չցանկացավ մեկնաբանել այն` հիշեցնելով, որ «հարցը տեղափոխվել է երկու մարդկանց անձնական դաշտ», որին նոր մեկնաբանություն տալ ինքը չի կարող և չի ցանկանում։

«Եթե նախկին պատգամավորն ու ԿԳՄՍ նախարարն իրենց տեսակետները հայտնել են, կարծում եմ` բանալին այդտեղ պետք է փնտրել»,– ասաց նա։

Հիշեցնենք` Արսեն Ջուլֆալակյանն իր որոշումը պատճառաբանել էր ԿԳՄՍ նախարար Արայիկ Հարությունյանի հետ ունեցած սկզբունքային անհամաձայնություններով, նախարարն էլ հակադարձել էր, որ Ջուլֆալակյանի հետ վերջին ամիսներին որևէ հարցի շուրջ քննարկում չի ունեցել։

Նշենք, որ վերջին մեկ ամսում «Իմ քայլը» խմբակցությունից արդեն 3 պատգամավոր տարբեր պատճառներով հրաժարվել են մանդատից։ Եթե այս ցանկից հանենք Արմեն Փամբուխչկանին, մյուս երկու հրաժարականների` Արսեն Ջուլֆալակյանի ու Գայանե Աբրահամյանի որոշումներին ՔՊ–ն պաշտոնական մեկնաբանություն չի տվել։ Սուրեն Պապիկյանը տեղեկացրեց, որ այդ հարցերը կուսակցության ներսում չեն քննարկվել և խորհուրդ տվեց տեղի ունեցող գործընթացներում այլ երանգներ չփնտրել։

Հայտնի է՝ ով կստանա Ջուլֆալակյանի մանդատը. ԿԸՀ որոշումը

«Նորմալ պրոցես է։ Ինչ–որ պատճառներով մարդիկ կարող են իրենց իրացված չհամարել, կամ գտնել, որ իրենց գործունեությունն այդտեղ բավարար չէ, կամ իրենք կարող են այլ տեղ ավելի արդյունավետ աշխատել, կամ այլ հակասություններ ունենալ։ Սա նաև մեր ժողովրդավար լինելու, բաց լինելու մասին է վկայում։ Այսինքն` մենք մարդկանց չենք կաշկանդում»,– ասաց նա։

Մամուլը գրում է, որ խորհրդարանից հեռացողներ էլի են լինելու։ Սուրեն Պապիկյանը նշեց, որ այլ պատգամավորների նմանօրինակ որոշումների մասին տեղեկություններ չունի։

Sputnik Արմենիայի հետ զրույցում Տարածքային կառավարման և ենթակառուցվածքների նախարարն անդրադարձավ նաև Ռուսաստանի հետ օդային ուղևորափոխադրումների վերականգնման հարցին։

Պապիկյանը նշեց, որ Հայաստանն առայժմ կորոնավիրուսային վիճակագրությամբ լավագույն դիրքում չէ, ինչը նաև կաշկանդում է մեր գործընկեր երկրներին` Հայաստանի հետ օդային հաղորդակցությունները վերականգնելու հարցում։

«Իհարկե, այս ուղղությամբ քննարկումներ կան, ԵԱՏՄ առաջիկա նիստում էլ հնարավորություն կա մեր գործընկերների հետ քննարկելու։ Սպասենք։ Կարծում եմ` հոկտեմբերի առաջին 10-օրյակում մի փոքր ավելի պարզորոշ կդառնա խնդրի լուծման ժամանակացույցը»,– ասաց Պապիկյանը։

Հիշեցնենք` ՀՀ փոխվարչապետ Մհեր Գրիգորյանն ասել էր, որ կորոնավիրուսի թեստերի փոխադարձ ճանաչումը կարող է նախնական լուծում դառնալ դեպի ԵԱՏՄ ուղևորափոխադրումների վերականգնման համար: Ընդհանուր չափորոշիչների քննարկումն ընթացքի մեջ է, և, ամենայն հավանականությամբ կավարտվի հոկտեմբերի 9-ին Երևանում անցակցվելիք Եվրասիական միջկառավարական խորհրդի նիստում։

Ռուսաստանը վերականգնում է չվերթերը մի շարք երկրների հետ. Հայաստանը ցանկում չկա

Sputnik Արմենիա ռադիոկայանին տված հարցազրույցում նախարար Պապիկյանն անդրադարձել է նաև իր ղեկավարած ոլորտին վերաբերող մի շարք տնտեսական հարցերի։

178
թեգերը:
թռիչք, Ռուսաստան, Սուրեն Պապիկյան, Նախարար, Պատգամավոր, «Իմ քայլը» խմբակցություն
Ըստ թեմայի
Արթուր Ալեքսանյանն իր աջակցությունն է հայտնում Գրիշա Թամրազյանին
«Ծառայում ենք ՀՀ–ին». Արմեն Փամբուխչյանը ստանձնել է նոր պաշտոնը
Արդյո՞ք արտահերթ ընտրությունների հիմք կա, և ինչի կհանգեցնի 3 ընդդիմադիր ուժերի հանրահավաքը
Գագիկ Ծառուկյան

«Ծառուկյանի հանդեպ հաշվեհարդարի պատվիրատուները պատժվելու են օրենքի ամբողջ խստությամբ». ԲՀԿ

0
(Թարմացված է 12:37 26.09.2020)
«Բարգավաճ Հայաստան» կուսակցությունը վստահեցնում է, որ իրենց վախեցնել և լռեցնել չի հաջողվելու։

ԵՐԵՎԱՆ, 26 սեպտեմբերի – Sputnik. «Բարգավաճ Հայաստան» կուսակցության քաղաքական խորհուրդը հայտարարություն է տարածել` շեշտելով, որ կուսակցության առաջնորդ Գագիկ Ծառուկյանի հետ տեղի ունեցածը ակնհայտ քաղաքական հաշվեհարդար է։

«Երեկ դատարանը, դատավոր Մնացական Մարտիրոսյանի նախագահությամբ, ապօրինի որոշմամբ կալանավորեց ԲՀԿ նախագահ Գագիկ Ծառուկյանին։ Դատարանը որևէ հիմնավոր փաստ չներկայացրեց, թե առաջադրված մեղադրանքից չորս ամիս անց Գագիկ Ծառուկյանն ինչպես է խոչընդոտել նախաքննությունը։ Տեղի ունեցածն ակնհայտ քաղաքական հաշվեհարդար է խորհրդարանական ամենամեծ ընդդիմադիր ուժի ղեկավարի և ԲՀԿ-ի հանդեպ։ Ակնհայտ է, որ Գագիկ Ծառուկյանը քաղաքական բանտարկյալ է»,– նշված է հայտարարության մեջ:

Ըստ ԲՀԿ–ի` իշխանությունը՝ վարչապետ Նիկոլ Փաշինյանի գլխավորությամբ , հեղափոխությունից երկուսուկես տարի անց, բոլոր ոլորտներում արձանագրելով բացահայտ տապալումներ և ձախողումներ, փորձում է քաղաքական կեղտոտ հաշվեհարդարներով լռեցնել ընդդիմությանը՝ ամենակատարածու դատավորին իջեցնելով Գագիկ Ծառուկյանին կալանավորելու հրահանգ։

«Իշխանության թիրախում են ԲՀԿ բազմաթիվ գործիչներ, պատգամավորներ, տարածքային կառույցների պատասխանատուներ, որոնց հանդեպ շինծու իրավական գործընթացների անվան տակ ակնհայտ քաղաքական հետապնդում է իրականացվում»,– վստահեցնում է կուսակցության քաղաքական խորհուրդը։

ԲՀԿ–ն նշում է, որ մեր երկիրն այսօր կանգնած է լուրջ մարտահրավերների առաջ, ապաշնորհ իշխանությունը երկիրը սոցիալական աղետի հասցնելով՝ ազգային մեր ինքնության դեմ կատաղի պայքար մղելով, արցախյան հիմնախնդրի շուրջ ադրբեջանական քաղաքական վերնախավի հետ բանագնացների միջոցով կոնֆիդենցիալ պայմանավորվածություններ ձեռք բերելով, քաղաքական հաշվեհարդարներով երկրում փորձում է հաստատել վախի և սարսափի մթնոլորտ, ինչը չի ստացվելու։

«Գագիկ Ծառուկյանի և մեր պայքարն արդար է: Մեզ քաղաքական հաշվեհարդարներով վախեցնել և լռեցնել չի հաջողվելու և վստահաբար մենք ունենալու ենք նոր որակի իշխանություն, որտեղ տեղ չեն ունենալու վրեժխնդրությունը, փոքրոգությունն ու անձնական հաշվեհարդարները: Իսկ Գագիկ Ծառուկյանի հանդեպ անամոթ և էժանագին այս հաշվեհարդարի պատվիրատուներն ու բոլոր մասնակիցները պատժվելու են օրենքի ամբողջ խստությամբ։ Եվ դա ընդամենը շատ կարճ ժամանակի հարց է»,– նշված է ԲՀԿ–ի հայտարարության մեջ։

Հիշեցնենք`  ԱԱԾ-ն հունիսի 14-ին խուզարկություն իրականացրեց Գագիկ Ծառուկյանի առանձնատանը: Ավելի ուշ հայտնի դարձավ, որ նրա դեմ 3 քրեական գործ է հարուցվել ապօրինի ձեռնարկատիրական գործունեության, ընտրակաշառք բաժանելու և հողատարածքների օտարման փաստերով։

Հունիսի 16–ին ՀՀ Ազգային ժողովը փակ քվեարկություն անցկացրեց և համաձայնություն տվեց, որ ԲՀԿ առաջնորդ Գագիկ Ծառուկյանը զրկվի ազատությունից։

Երեկ` սեպտեմբերի 25-ին, Երևանի ընդհանուր իրավասության դատարանը որոշեց բավարարել ԲՀԿ առաջնորդ Գագիկ Ծառուկյանին կալանավորելու` ԱԱԾ միջնորդությունը։

0
թեգերը:
Գագիկ Ծառուկյան, Բարգավաճ Հայաստան կուսակցություն (ԲՀԿ), Հայաստան
թեմա:
Գագիկ Ծառուկյանի շուրջ ծավալված իրադարձությունները