հյուսիսային հոսք, լեհաստան, ուկրաինա, ռւսաստան, hyususayin hosq, lehastan, ukraina, rusastan

Ընդդեմ «Հյուսիսային հոսք-2»-ի. Լեհաստանն ու Ուկրաինան միավորվել են ուժերը

140
(Թարմացված է 00:18 30.07.2020)
Եվրոպացիներին «Հյուսիսային հոսք-2»-ը ձեռնտու է, քանի որ ապահովում է հուսալի գազամատակարարում և նրանց է հասցնում ռուսական գազը, որը ամերիկյանից էժան է։

Լեհաստանն ու Ուկրաինան պայմանավորվել են միավորել ջանքերը «Հյուսիսային հոսք-2»-ի դեմ։ Տեղեկությունը հայտնել են երկու երկրների արտգործնախարարները՝ Լեհաստանի մայրաքաղաքում կայացած հանդիպման արդյունքում։ Նրանց խոսքով՝ Վարշավայի և Կիևի նպատակը գազատարի իրականացումը խափանելն է: Քաղաքական գործիչներն այդ նախագծում Եվրոպայի էներգետիկ անվտանգության համար սպառնալիք են տեսնում։

Թե ինչ հստակ քայլեր են երկրները պատրաստվում ձեռնարկել, Դմիտրի Կուլեբան և Յացեկ Չապուտովիչը չեն պարզաբանել։ Նրանք կրկնում են Վաշինգտոնի հռետորաբանությունը, որը «Հյուսիսային հոսք-2»-ում իբր վտանգ է տեսնում Եվրոպայի և ԱՄՆ-ի համար։ Իրականում գազատարն ամերիկացիներին թույլ չի տալիս Եվրոպայում առաջ մղել իրենց թանկարժեք հեղուկ բնական գազը։

Մինչդեռ եվրոպացիներին «Հյուսիսային հոսք-2»-ը ձեռնտու է, քանի որ ապահովում է հուսալի գազամատակարարում և նրանց  է հասցնում ռուսական գազը, որը ամերիկյանից էժան է։

«Ուկրաինայի արտգործնախարար Դմիտրի Կուլեբան և Լեհաստանի արտգործնախարար Յացեկ Չապուտովիչն ընդգծել են, որ ռուսական «Հյուսիսային հոսք-2» նախագիծը վտանգ է ներկայացնում ամբողջ Եվրոպայի էներգետիկ անվտանգության համար և պայմանավորվել են քայլեր ձեռնարկել դրա իրականացումը թույլ չտալու համար»։

Նրանց հռետորաբանությունը կրկնում է Վաշինգտոնի դիրքորոշումը, որը համարում է, որ այս նախագիծը վտանգ է ներկայացնում հենց ԱՄՆ-ի անվտանգության համար։

Իրականում գազամուղը պարզապես խանգարում է ամերիկացիներին Եվրոպայում վաճառել իրենց` ավելի թանկ գազը։

Նախագիծը խափանելու համար Սպիտակ տունը պատժամիջոցներ է ձեռնարկում ընդդեմ «Հյուսիսայի հոսք-2»-ի և ճնշում է գործադրում իր դաշնակիցների վրա, որոնք մասնակցում են այդ նախագծին։ Բայց այդ միջոցներից որևէ մեկը չի աշխատում, իսկ Գերմանիայի դեպքում միայն փչանում են երկրների հարաբերությունները։ Բեռլինում ԱՄՆ-ի գործողությունները որակում են որպես «ուղղակի միջամտություն Գերմանիայի և Եվրոպայի ինքնիշխանությանը»։

Պատժամիջոցները չեն խանգարի ավարտել «Հյուսիսային հոսք–2»–ի շինարարությունը. Նովակ

Եվրոպացիները նաև գիտակցում են, որ ««Հյուսիսային հոսք-2»-ի կառուցումն ավարտվելու է։ Այդտեղ հսկայական ներդրումներ են արվել, որոնք ոչ ոք չի ցանկանա կորցնել։ Դա չեն հասկանում միայն Լեհաստանն ու Ուկրաինան, նաև չեն գիտակցում, որ այդ համատեղ քայլերը միայն վերջնականապես կփչացնեն նրանց հարաբերությունները Գերմանիայի, ինչպես նաև Եվրոպայի այլ երկրների հետ։

 

 

 

140
թեգերը:
Ուկրաինա, Լեհաստան, Ռուսաստան, ԱՄՆ, Գերմանիա, «Հյուսիսային հոսք» նախագիծ
Ըստ թեմայի
«Հյուսիսային հոսք 2»–ը կգործարկվի 2020 թվականի կեսին. Կոզակ
Ի՞նչ է կատարվում «Հյուսիսային հոսք-2»–ի վերջին հատվածում. ԱՄՆ–ն ուզում է տապալել նախագիծը
ԱՄՆ–ն բորբոքում է կրքերը «Հյուսիսային հոսք 2»-ի պատճառով. Բունդեսթագը հետքայլ է անում

Թուրքիան փորձում է ազատվել ծովային լորձից․ տեսանյութ

40
(Թարմացված է 19:41 24.06.2021)
Մարմարա ծովում լորձի հայտնվելը կապում են արդյունաբերական ձեռնարկությունների թափոնների և կոյուղու ցանցերի արտահոսքերի հետ:

Թուրքիան փորձում է ազատվել ծովային լորձից, որը ծածկում է Մարմարա ծովի ամբողջ առափնյակը Ստամբուլի հատվածում։ Տեղեկությունը հայտնում է ՌԻԱ Նովոստին:

Այդ լորձը ֆոտոպլանկտոնի շերտ է, որը վտանգավոր է ծովային օրգանիզմների համար։ Դրա պատճառով թթվածինը չի թափանցում ջրի մեջ, և ծովի բնակիչները զանգվածաբար սատկում են։ Գիտնականներն արդեն հայտարարել են, որ իրավիճակն աղետալի է։

«Եթե ջրում թթվածին չկա, ուրեմն կյանք էլ չկա։ Ձկները, ոստրեները, անողնաշարավոր էակները կմահանան։ Լորձը խցանում է ձկների խռիկները, ինչի հետևանքով նրանք ջրահեղձ են լինում»,-պարզաբանել է հիդրոկենսաբանության ամբիոնի դոցենտ Մուհարեմ Բալչին։

Լորձի հայտնվելը կապում են արդյունաբերական ձեռնարկությունների թափոնների և կոյուղու ցանցերի արտահոսքերի հետ:

Կեսարիայի Սբ. Թորոս հայկական եկեղեցին` գանձագողերի թիրախում. 2 մետրանոց փոս են փորել

Այժմ գիտնականները փորձում են լորձի օգտահանման եղանակներ գտնել։ Նաև ջրի մաքրման աշխատանքներ են ընթանում։

Չինաստանում երկնաքերը հանկարծ թեքվել է, մարդիկ սարսափահար փախել են. տեսանյութեր

40
թեգերը:
Ծով, Ստամբուլ, Թուրքիա

Քաղաքական նշանակություն ունեցող բարեփոխում. Փաշինյանն այցելել է ոստիկանության կրթահամալիր

72
(Թարմացված է 16:57 24.06.2021)
Կառավարության անդամների ու ոստիկանության ղեկավարության մասնակցությամբ տեղի է ունեցել խորհրդակցություն, որը վարել է Նիկոլ Փաշինյանը։

ՀՀ ոստիկանության պարեկային նոր ծառայության առաջիկա մեկնարկին ընդառաջ ՀՀ վարչապետի պաշտոնակատար Նիկոլ Փաշինյանն այսօր այցելել է ոստիկանության կրթահամալիր ապագա պարեկային ծառայողների, պարեկային ծառայության ղեկավար կազմի թեկնածուների ուսումնական գործընթացի ամփոփման և դրա արդյունքներին ծանոթանալու նպատակով։ Տեղեկությունը հայտնում է ՀՀ ոստիկանության մամուլի ծառայությունը։

ՀՀ փոխվարչապետի պաշտոնակատար Մհեր Գրիգորյանի, ոստիկանության պետ Վահե Ղազարյանի, արդարադատության նախարարի պաշտոնակատար Ռուստամ Բադասյանի, բարձրաստիճան պաշտոնյաների ուղեկցությամբ Նիկոլ Փաշինյանը շրջել է ոստիկանության կրթահամալիրում, հանդիպել ապագա պարեկներին, ծանոթացել ուսումնական գործընթացին։

Ոստիկանության, ինչպես և կրթահամալիրի ղեկավար կազմը վարչապետի պաշտոնակատարին ներկայացրել են պարեկային ծառայության թեկնածուների ուսումնական գործընթացի կազմակերպման պայմանները և այդ ուղղությամբ արված աշխատանքները:

Այդ գործում, բացի կրթահամալիրի պրոֆեսորադասախոսական անձնակազմից, ներգրավված են եղել նաև մրցութային կարգով ընտրված դասախոսներ և ԱՄՆ-ից ժամանած մասնագետներ:

Փաշինյանին են ներկայացվել նաև պարեկային ծառայության գործարկման ուղղությամբ կատարված աշխատանքները և ծառայության հաջող մեկնարկն ապահովելու համար առաջիկայում իրականացվելիք միջոցառումները:

Կառավարության անդամների ու ոստիկանության ղեկավարության մասնակցությամբ տեղի է ունեցել խորհրդակցություն, որը վարել է Փաշինյանը։

«Պետք է արձանագրել, որ սա չափազանց կարևոր բարեփոխում է մեզ համար, որն ունի քաղաքական նշանակություն և կծառայի մեր երկրում իրավակարգի պահպանությունը նոր որակական մակարդակի բարձրացնելու ուղղությամբ »,–ասել է վարչապետի պաշտոնակատարը։

Փաշինյանի խոսքով ` այս ծավալի և բովանդակության աշխատանքներն ուղեկցվում են որոշակի դժվարություններով, ուստի պետք է ժամկետները հստակեցնել։

Խորհրդակցությանը քննարկվել են նաև ոստիկանության բարեփոխումների վերաբերյալ այլ հարցեր։

72
թեգերը:
Ոստիկանություն, Նիկոլ Փաշինյան, Հայաստան
թեմա:
ՀՀ վարչապետ Նիկոլ Փաշինյան
Արխիվային լուսանկար

Պուտինն ու Էրդողանը քննարկել են իրավիճակը Լեռնային Ղարաբաղում

13
(Թարմացված է 21:09 24.06.2021)
Ռուսաստանի և Թուրքիայի ղեկավարները հաստատել են գործողությունների համակարգումը շարունակելու փոխադարձ պատրաստակամությունը, այդ թվում՝ «ի շահ տարածաշրջանի տնտեսական զարգացման և տրանսպորտային ենթակառուցվածքի վերականգնման»:

ԵՐԵՎԱՆ, 24 հունիսի – Sputnik. Ռուսաստանի և Թուրքիայի նախագահներ Վլադիմիր Պուտինն ու Ռեջեփ Թայիփ Էրդողանն այսօր հեռախոսազրույց են ունեցել՝ քննարկելով մի շարք հարցեր, այդ թվում նաև իրավիճակը Լեռնային Ղարաբաղում:

Ինչպես հաղորդում է Կրեմլի մամուլի ծառայությունը՝ կողմերը պայմանավորվել են շարունակել համագործակցությունը տարածաշրջանի տրանսպորտային ենթակառուցվածքները վերականգնելու համար:

«Շարունակվել է մտքերի փոխանակումը Լեռնային Ղարաբաղի շուրջ ստեղծված իրավիճակի շուրջ։ Դրական է գնահատվել կրակի դադարեցման վերահսկողության ռուս-թուրքական համատեղ կենտրոնի աշխատանքը», - ասված է հաղորդագրության մեջ:

Նշվում է, որ Թուրքիայի նախագահը աջակցություն է հայտնել Ռուսաստանի, Հայաստանի և  Ադրբեջանի ղեկավարների 2020 թ․-ի նոյեմբերի 9-ի և 2021 թ․-ի հունվարի 11-ի հայտարարություններում ամրագրված պայմանավորվածությունների ամբողջական իրականացումն ապահովելու Ռուսաստանի ջանքերին:

«Հաստատվել է համակարգումը շարունակելու փոխադարձ պատրաստակամությունը, այդ թվում՝ տարածաշրջանի տնտեսական զարգացման և տրանսպորտային ենթակառուցվածքի վերականգնման շահերից ելնելով», - նշում է Կրեմլի մամուլի ծառայությունը:

Բացի այդ, Պուտինն ու Էրդողանը քննարկել են Սիրիայում հակամարտության կարգավորման հարցերը։ Ռուսաստանի նախագահը նաև փոխանցել է իր տպավորությունները ԱՄՆ նախագահ Ջո Բայդենի հետ վերջերս կայացած բանակցություններից:

Սա խաղաղության համաձայնագիր չէ, հրադադարի մասին հայտարարություն է. Սարգսյանը` Արցախի մասին

Կողմերը պայմանավորվել են շարունակել անձնական շփումները և համատեղ աշխատանքը այլ մակարդակներում:

Հիշեցնենք, որ Լեռնային Ղարաբաղի հակամարտության գոտում հրադադարի վերահսկողության ռուս-թուրքական համատեղ կենտրոնը բացվել է Քիյամադինլի բնակավայրի շրջանում՝ 2020 թ․-ի նոյեմբերի 11-ին Ռուսաստանի և Թուրքիայի պաշտպանական գերատեսչությունների ղեկավարների կողմից ստորագրված հուշագրի համաձայն:

Համատեղ կենտրոնի անձնակազմը ներկայացված է պարիտետային հիմունքներով՝ յուրաքանչյուր կողմից մինչև 60 զինծառայող: Կենտրոնն ուղիղ գծով կապ ունի հակամարտության կողմերի ռազմական կառավարման մարմինների և ռուսական խաղաղապահ զորակազմի շտաբի հետ:

13
թեգերը:
Արցախ, Ռեջեփ Թայիփ Էրդողան, Վլադիմիր Պուտին
Ըստ թեմայի
«Մեծ հաճույքով Արցախում կծառայեի»․ Հայաստանում ամառային զորակոչ է
Անփութությունից ծնված պարտություն, կամ Հայրենականի սկզբի և Արցախյան պատերազմի նմանությունը
Արցախում 500 000 դրամ կտրամադրվի այն վիրավորներին, որոնք աջակցություն չեն ստացել ՀՀ–ում