Փողոցի տեսախցիկն արձանագրել է երիտասարդ տղամարդու սպանությունը

781
(Թարմացված է 23:07 08.06.2020)
Ոստիկանների ու քննիչների ձեռնարկած օպերատիվ գործողություններ շնորհիվ սպանությունը հնարավոր է եղել բացահայտել տաք հետքերով:

Հունիսի 7-ին, ժամը 00.05-ին ոստիկանություն զանգահարած քաղաքացին հայտնել էր, որ մետրոյի «Շենգավիթ» կայարանի մոտ կրակոցներ են հնչել:

Դեպքի վայր մեկնած ոստիկանության օպերատիվ խումբը Սողոմոն Տարոնցու փողոցի 11/8 հասցեի մոտ հայտնաբերել էր 38-ամյա տղամարդու դի՝ հրազենային վնասվածքներով:

Դեպքի վայրի զննությամբ հայտնաբերվել էր կրակած գնդակ ու պարկուճներ:

Ոստիկանների ու քննիչների ձեռնարկած օպերատիվ գործողություններ շնորհիվ սպանությունը հնարավոր է եղել բացահայտել տաք հետքերով:

Փողոցում տեղադրված տեսխցիկների նկարահանումներն ստուգելուց հետո պարզվել է, որ դրանցից մեկն արձանագրել է սպանության պահն ու սպանություն կատարողին: Սպանության մեջ

կասկածվող 32-ամյա տղամարդը շատ արագ ձերբակալվել է: Նա ոստիկաններին է ներկայացրել հանցագործության գործիք ատրճանակը՝ դատարկ փամփշտատուփով:

Դեպքի առթիվ հարուցվել է քրեական գործ: Նշանակվել են փորձաքննություններ։ Կատարվում է նախաքննություն:

Երևանի կենտրոնում հաստաբուն ծառն ընկել է փողոցի երթևեկելի գուտում

781
թեգերը:
մետրո, ոստիկան, Երևան, Սպանություն, Հայաստան
թեմա:
Վթար, պատահար, սպանություն, գողություն (2778)
Ըստ թեմայի
Սպանություն մետրոյի «Շենգավիթ» կայարանի մոտ. զոհը 38 տարեկան է
Սպանություն Արմավիրում. 29–ամյա քաղաքացու վրա կրակել են իր տան մեջ
Այնուամենայնիվ սպանություն է․ ՔԿ-ն հրաժարվել է վերաորակավորել Խաչատուրյան քույրերի գործը
Դինքի սպանությունը լիովին չի բացահայտվի, քանզի ընդգրկված են պետական կառույցներ. Մելքոնյան
Աբովյանում 40–ամյա տղամարդու սպանությունը բացահայտվել է. կա ձերբակալված

Կանանց վաշտում մայրեր էլ կան, եկել են իրենց երեխաների ապագայի համար պայքարելու. տեսանյութ

53
(Թարմացված է 16:26 30.10.2020)
Մինչ առաջնագծի զինծառայողների շարքերը համարելը՝ կանայք նախ զինպատրաստության դասեր են անցնում, անհրաժեշտ գիտելիքներ ձեռքբերում, ֆիզիկապես կոփվում, նրանք նաև բուժօգնության դասեր են անցնում։

Կանանց առաջին վաշտի մարզումները շարունակվում են։ ՀՀ ՊՆ-ն նոր տեսանյութ է հրապարակել, որում կամավորագրված կանայք պատմում են մարզումների և իրենց առաքելության մասին։

«Թիկունքում տարբեր աշխատանքների մասնակցելով՝ մենք հասկացանք, որ պատերազմական գործողությունը շարունակվում է ոչ մեր կամքով, սակայն մեր ներկայությամբ կարող ենք օգուտ բերել նաև Արցախում»,- պատմում է կանանցից մեկը։

Նրա խոսքով՝ դիմել են պաշտպանության նախարարությանն ու խնդրել վերապատրաստել իրենց։

Մինչ առաջնագծի զինծառայողների շարքերը համարելը՝ կանայք նախ զինպատրաստության դասեր են անցնում, անհրաժեշտ գիտելիքներ ձեռքբերում, ֆիզիկապես կոփվում։

«Ոգու և կամքի պակաս չկա ոչ մի կնոջ մոտ, բայց ընդհանուր անհրաժեշտ տակտիկական հնարքների, զենքի տիրապետման և տեխնիկական հմտությունների պակասը բոլորիս մոտ առկա է»,- պատմում է ջոկատի հրամանատարն ու նշում՝ բոլորը գիտեն, թե ինչի համար են այստեղ եկել։

Կանայք նաև առաջին բուժօգնության դասեր են անցնում. այս գիտելիքներն առաջնագծում կյանք արժեն։

«Կոչ ենք անում աղջիկներին ու կանանց միանալ հայրենական կռվին». կանայք զինվորագրվում են

Աղջիկներից մեկը նշում է՝ եղբայրներից մեկն Ապրիլյան պատերազմի մասնակից է, մյուսն էլ  հիմա առաջնագծում է, վերադարձել է Մոսկվայից հատուկ հայրենիքի պաշտպանությանը մասնակցելու։ Ինքն էլ գնում է եղբայրների կողքին լինելու։ Լավ է մտածել, կշռադատել որոշու կայացնելուց առաջ։

Կանանց շարքերում նաև մայրեր կան, նշում են՝ եկել են իրենց երեխաների ապագայի համար պայքարին մասնակցելու։

53
թեգերը:
Ղարաբաղյան հակամարտություն, Լեռնային Ղարաբաղ, Արցախյան պատերազմ, Արցախ, Կին
Ըստ թեմայի
Քաղաքական խորհրդակցություններ. ի՞նչ են քննարկել Հայաստանի և Իրանի ԱԳ ներկայացուցիչները
Հոգևորականների շրջանում նաև վիրավոր ու անհետ կորած կա. Տեր Վահրամ քահանա
Պուտինը Ղարաբաղում տիրող իրավիճակը քննարկել է Անվտանգության խորհրդի անդամների հետ

Արցախի պաշտպանության բանակը հերթական դիվերսիոն խմբին է ոչնչացրել. տեսանյութ

520
(Թարմացված է 15:27 30.10.2020)
Արցախի պաշտպանության նախարարությունը տեսանյութ է հրապարակել` ներկայացնելով գիշերն իրականացված գործողությունները։

Արցախի զինված ուժերն ադրբեջանական հերթական դիվերսիոն խմբին են ոչնչացրել։ Արցախի պաշտպանության նախարարությունը տեսանյութ է հրապարակել` ներկայացնելով, թե ինչպես են ոչնչացնում ահաբեկիչներին, նրանցից ոմանք էլ փորձում են փախուստի դիմել։

ՊԲ–ն հայտնում է, որ Արցախի պաշտպանության բանակի ճշգրիտ գործողությունների շնորհիվ այս գիշեր ոչնչացվել է ադրբեջանական բանակի հատուկ նշանակության ստորաբաժանումների դիվերսիոն խումբը։

ՀՀ ՊՆ ներկայացուցիչ Արծրուն Հովհաննիսյանն էլ այսօր հայտնել էր, որ Քարին տակ գյուղից արևելք ընկած մեկ-երկու գյուղից մաքրվել են ադրբեջանական դիվերսանտները։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 30-ի ժամը 14։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6914 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 232 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 649 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

520
թեգերը:
տեսանյութ, դիվերսիա, Արցախ
թեմա:
Ադրբեջանական ագրեսիան Արցախում - 2020
Ըստ թեմայի
Արցախի ՊԲ–ն հակառակորդի 2 ԱԹՍ է ոչնչացրել. տեսանյութ
Դիվերսիոն խմբերի ոչնչացման գործողությունը շարունակվում է. ՊԲ
Հակառակորդի զինամթերքի ոչնչացումը․ տեսանյութ
Աբբաս Արաղչի

Իրանը Ղարաբաղի վերաբերյալ իր ծրագիրն այնպես է նախագծել, որ ընդունելի լինի բոլորի համար

0
Իրանական նախաձեռնության մանրամասները գործընկերներին ներկայացնելիս` Թեհրանը հաշվի է առել ինչպես Հայաստանի, այնպես էլ Ադրբեջանի նպատակները։

ԵՐԵՎԱՆ, 30 հոկտեմբերի – Sputnik. Իրանի նախագահի հատուկ բանագնաց, փոխարտգործնախարար Աբբաս Արաղչին ՌԻԱ Նովոստիին տված հարցազրույցում ասել է, որ Թեհրանը պատրաստ է միջնորդի դեր ստանձնել Ղարաբաղյան հակամարտության կարգավորման հարցում և հուսով է, որ իր ծրագիրը կօգնի կայուն խաղաղության հասնել։

Արաղչին նշել է, որ ԻԻՀ–ն մշտապես հայտարարել է հրադադարի հաստատմանն օժանդակելու, երկխոսություն սկսելու և խաղաղություն ու հանգստություն հաստատելու իր պատրաստակամության մասին։ Նա ընդգծել է, որ ԻԻՀ–ն լավ հարաբերություններ է պահպանում երկու երկրների հետ` Հայաստանի և Ադրբեջանի։

Արաղչին շեշտել է, որ իրանական նախաձեռնության մանրամասները գործընկերներին ներկայացնելիս` Թեհրանը մեծ ուշադրությամբ է վերաբերվել հակամարտության գործողությունների ուսումնասիրմանը, հաշվի է առել երկու երկրների` ինչպես Հայաստանի, այնպես էլ Ադրբեջանի նպատակները։

«Եվ այնպիսի առաջարկ ենք արել, որ այն ընդունելի լինի, տարածաշրջանի ազդեցիկ երկրները կարողանան մասնակցել, և հույս ունենք, որ այդ ծրագիրը ճանապարհ կհարթի Լեռնային Ղարաբաղում կայուն խաղաղություն հաստատելու համար», – ընդգծել է Արաղչին։

Ըստ նրա` դա հեշտ չէ, քանի որ բազմաթիվ խնդիրներ կան, այդ թվում «միջամտությունը տարածաշրջանից դուրս ու նրանց կողմից, ովքեր այս տարածաշրջանում խաղաղություն չեն ուզում»։ Արաղչին չի պարզաբանել, թե խոսքն ում մասին է, բայց ավելի վաղ նա ՌԻԱ Նովոստիին ասել էր, որ կարգավորմանը կարող են մասնակցել և՛ Ռուսաստանը, և՛ Թուրքիան։

«ԻԻՀ–ի ջանքերն ու նախաձեռնությունները չեն ժխտում այս հակամարտության կարգավորմանն ուղղված այլ նախաձեռնություններն ու ջանքերը, բայց մենք համոզված ենք, որ տարածաշրջանային ճգնաժամերը տարածաշրջանային լուծում ունեն», – եզրափակել է դիվանագետը։

0