Բացահայտվել է քրեական ենթամշակույթ կրող խմբավորում, ղեկավարը «Արսեն Երևանսկին» է

498
(Թարմացված է 14:54 22.05.2020)
Քրեական գործի շրջանակում բերման են ենթարկվել խմբավորման ղեկավարն ու 8 անդամները, հայտնաբերվել է գումար ու թմրամիջոցներ:

ՀՀ ազգային անվտանգության ծառայության ու ՀՀ ոստիկանության համատեղ իրականացրած օպերատիվ գործողությունների արդյունքում բացահայտվել է քրեական ենթամշակույթ կրող խմբավորում:

ԱԱԾ-ից հայտնում են, որ քննչական դեպարտամենտում 2020թ. մարտի 13-ին հարուցվել է քրեական գործ, որի շրջանակում մայիսի 21-ին քրեական ենթամշակույթ կրող խմբավորում ստեղծելու և ղեկավարելու կասկածանքով ԱԱԾ է բերման ենթարկվել «Արսեն Երևանսկի» մականունով «օրենքով գող» Արսեն Մկրտչյանը:

Խմբավորմանը մասնակցելու և քրեական ենթամշակույթ կրող խմբավորման հավաքներ կազմակերպելու կամ դրանց մասնակցելու կասկածանքով բերման են ենթարկվել նաև «Բասար» մականունով Արմեն Մելքոնյանն ու ևս 8 անձինք, որոնք անունները չեն հրապարակվում:

Բերման ենթարկվածների բնակարաններում և ավտոմեքենաներում կատարված խուզարկություններով հայտնաբերվել և առգրավվել են առանձնապես խոշոր չափերի գումարներ, թմրամիջոց, քրեական գործի համար նշանակություն ունեցող այլ առարկաներ:

«Օրենքով գող» Շաքրո Մոլոդոյը Ասատրյանին ծեծելու համար ստորացրել է Կոբա Կրասնոդարսկուն

Բերման ենթարկված անձանցից 7-ը ձերբակալվել են, 3-ի նկատմամբ խափանման միջոց է կիրառվել չհեռանալու մասին ստորագրությունը:

ԱԱԾ-ն հայտնում է, որ ձեռնարկվում են ակտիվ միջոցառումներ՝ հանցավոր սխեմայում ներգրավված անձանց կողմից այլ հանցավոր գործողությունները պարզելու և խափանելու ուղղությամբ:

Չես բռնվել` գող ես, բռնվել ես` էլի գող ես. հայ «օրենքով գողերի» շուրջ վերջին զարգացումները

498
թեգերը:
Ոստիկանություն, օրենքով գող, ՀՀ ազգային անվտանգության ծառայություն. ԱԱԾ, Հայաստան
Ըստ թեմայի
Հայաստանի իշխանությունը հաշվառել է քրեական հեղինակություններին ու «օրենքով գողերին»
Կիևում ձերբակալել են օրենքով գող Կամո Մոսկովսկիին
«Օրենքով գողերին» այսուհետ ասֆալտին կփռեն օրենքի տառին համապատասխան
ԱԱԾ–ն դուրս է եկել «օրենքով գողերի» դեմ․ պատվիրել էին սպանել «Բոդոլին». «Ժողովուրդ»

Հայրապետյանն ու իր որդին «Հարսնաքարի» տնօրենին 24 օր փակի տակ են պահել, ծեծել. տեսանյութ

345
(Թարմացված է 23:08 29.05.2020)
Տնօրենի հարազատները նրանց մատնանշած անձանց անուններով են ձևակերպել իրենց տունը, ընտանիքին պատկանող տաքսի ծառայության մեքենաների և իրենց ոսկյա զարդերի վաճառքից գոյացած գումարները։

ՀՖՖ նախին նախագահ Ռուբեն Հայրապետյանի և նրա որդու մասին ոստիկանությունը նոր բացահայտումներ է արել, որոնք վերաբերում են Հայրապետյանների ընտանիքին պատկանող «Հարսնաքար» ռեստորանային համալիրի նախկին տնօրենին։

Ոստիկանության մամուլի ծառայության հաղորդմամբ՝ քրեական ոստիկանության գլխավոր վարչության կոռուպցիոն և տնտեսական հանցագործությունների դեմ պայքարի վարչությունը փաստական տվյալներ է ձեռք բերել, որ «Հարսնաքարի» տնօրենը 2015 թվականի դեկտեմբերից մինչև 2016 թվականի հուլիսը հյուրանոցային համալիրի սեփականատիրոջ ընտանիքին պատկանող բանկից ստացել է ընդհանուր՝ 52 միլիոն դրամ վարկ։

Քննությանը հայտնի տվյալներով՝ փողի մի մասն օգտագործել է հյուրանոցային համալիրի բնականոն գործունեությունն ապահովելու, իսկ մնացած 30 միլիոն դրամը, առանց համալիրի սեփականատերերի գիտության ու թույլտվության, օգտագործել է սեփական բիզնեսի՝ տաքսի ծառայություն մատուցող ընկերություն հիմնելու համար՝ միաժամանակ պատշաճ կատարելով վարկային պարտավորությունները:

«Նախաքննությանը հայտնի տվյալներով՝ ռեստորանահյուրանոցային համալիրի սեփականատերն ու որդին, տեղեկանալով տնօրենի հիշյալ գործողությունների մասին, տնօրենից 52 միլիոն դրամը հետ ստանալու նպատակով կազմակերպել և մի խումբ անձանց հետ տնօրենին, նրա կամքին հակառակ, ապօրինի զրկել են ազատությունից՝ 2016 թվականի հուլիսի 26-ից օգոստոսի 18-ը պահելով ռեստորանահյուրանոցային համալիրի քոթեջներից մեկում և նույն համալիրի տարբեր սենյակներում»,- նշված է պաշտոնական հաղորդագրության մեջ։

Ոստիկանության տվյալներով՝ 2016 թվականի հուլիսի 26-ին հյուրանոցային համալիրի սեփականատիրոջ որդին տնօրենին իր ավտոմեքենայով տեղափոխել է Երևանի Բաբաջանյան փողոցում գտնվող իրենց առանձնատուն։ Այստեղ նրա հայրը՝ Ռուբեն Հայրապետյանը, հայհոյել է տնօրենին, նրանից պահանջել 120 հազար դոլար։ Ապա տնօրենին կրկին տեղափոխել են հյուրանոցային համալիրի տարածք: Փաստորեն, դրանից հետո 24 օր նրան պահել անազատության մեջ` այդ ընթացքում մահակներով, ոտքերով ու ձեռքերով բազմաթիվ անգամ հարվածներ հասցնելով տնօրենի մարմնին:

Ըստ ոստիկանության հաղորդագրության՝ հուլիսի 27-ին հյուրանոցային համալիր այցելած սեփականատերը հանձնարարել է իր մոտ բերել տնօրենին, հայհոյել, էլեկտրաշոկով հարվածել նրա այտին՝ կրկին պահանջելով 120 հազար դոլար:

«Բացի այդ, տնօրենի կանչով հյուրանոցային համալիր են եկել վերջինիս մայրը, քույրը, տատը, ընկերներն ու ընկերուհին, որոնց ներկայությամբ նրանցից ու տնօրենից պահանջել են 57 միլիոն 138 հազար դրամին համարժեք 120 հազար դոլար: Արդյունքում` տնօրենի հարազատները, նրանց մատնանշած անձանց անուններով են ձևակերպել իրենց տունը, ընտանիքին պատկանող տաքսի ծառայության տրանսպորտային միջոցների, ինչպես և իրենց ոսկյա զարդերի վաճառքից գոյացած գումարները, որից հետո միայն տնօրենն ազատ է արձակվել։ Այսպիսով ռեստորանահյուրանոցային համալիրի սեփականատերը, որդին և վերջինիս ընկերները, բռնություն գործադրելով, տևական ժամանակ ազատությունից ապօրինի զրկել են ռեստորանահյուրանոցային համալիրի տնօրենին, իսկ հետագայում՝ ունեզրկել»,- նշված է ոստիկանության պաշտոնական հաղորդագրության մեջ։

Ռուբեն Հայրապետյանն իր ասածի պատասխանը կզգա ոչ միայն շորերի, այլև մարմնի վրա. Գրիգորյան

Դեպքի առթիվ Քրեական ոստիկանության գլխավոր վարչությունում քրեական գործ է հարուցվել։ Այն ուղարկվել է Քննչական կոմիտե։ Հյուրանոցային համալիրի սեփականատիրոջը, նրա որդուն և ևս չորս անձի մեղադրանք է առաջադրվել։

Հյուրանոցային համալիրի սեփականատիրոջ և ևս չորս անձի նկատմամբ հայտարարվել է հետախուզում, խափանման միջոցը` կալանք։ Հարուցված քրեական գործի նախաքննությունը շարունակվում է։

Հիշեցնենք` երեկ ՀՀ քննչական կոմիտեն տեղեկություն տարածեց, համաձայն որի` Երևանի ընդհանուր իրավասության դատարանը բավարարել է ՀՖՖ նախկին նախագահ Ռուբեն Հայրապետյանին և ևս 4 անձի կալանավորելու միջնորդությունները: Դրանից մեկ օր առաջ ՀՀ քննչական կոմիտեի ՀԿԳ քննության վարչության քննիչի կողմից որոշում կայացվեց Հայրապետյանի հանդեպ հետախուզում հայտարարել։

Նշենք, որ մայիսի 18–ին Ռուբեն Հայրապետյանը հրավիրվել է ՀՔԾ հարցաքննության։ Նրա փաստաբանը սահմանված կարգով գրություն է ներկայացրել համապատասխան մարմին այն մասին, որ Հայրապետյանը հարգելի պատճառով չի կարող ներկայանալ հարցաքննություններին։ Նա բուժման նպատակով դեռևս մարտին մեկնել է արտերկիր, իսկ հիմա չի կարողանում հայրենիք վերադառնալ կորոնավիրուսի համավարակի հետևանքով ընդհատված ավիահաղորդակցության պատճառով։

Դեռևս 2019–ի թվականին Ռուբեն Հայրապետյանի նկատմամբ 4 հոդվածով քրեական գործ էր հարուցվել։ Դրանք են` 315-րդ հոդվածի 2-րդ մաս (պաշտոնեական անփութություն, որն անզգուշությամբ առաջացրել է ծանր հետևանքներ), 179-րդ հոդվածի 3-րդ մաս (խոշոր չափերով յուրացում), 325-րդ հոդվածի 2–րդ մաս (մի խումբ անձանց կողմից փաստաթղթեր կեղծելը) և 214-րդ հոդվածի 2-րդ մաս (առևտրային կամ այլ կազմակերպությունների ծառայողների կողմից լիազորությունները չարաշահելը):

Էլեկտրաշոկով հարվածել է ու սպառնացել․ ՔԿ-ն Ռուբեն Հայրապետյանին մեղադրանք է առաջադրել

345
թեգերը:
ՀՀ Ոստիկանություն, Ոստիկանություն, տեսանյութ, ծեծ, Հարսնաքար, Ռուբեն Հայրապետյան
Ըստ թեմայի
Ռուբեն Հայրապետյանը կկալանավորվի. դատարանը բավարարել է ՔԿ միջնորդությունը
Դատարանը չի հաստատել Ռուբեն Հայրապետյանին մեղսագրված արարքներից երկուսը. որոնք են դրանք
Ռուբեն Հայրապետյանի որդին կամավոր ներկայացել է. դատարանը մերժել է կալանքի միջնորդությունը

«Պետք է ուտելիս դիմակ կրել». Արսեն Թորոսյանի որդին շփոթեց պահանջները. տեսանյութ

144
(Թարմացված է 21:11 29.05.2020)
Նախարարի զավակները խոստովանեցին՝ կարանտինից առաջ տանել չէին կարողանում դպրոցը, իսկ հիմա շատ են կարոտել, ուզում են նորից ընկերների հետ դպրոց հաճախել։

Եթե ցանկանում եք սեպտեմբերին դպրոց վերադառնալ ու փոխարինել հեռավար դասերն իրականով, ուրեմն պետք է երեք պարզ կանոնի հետևեք։ ՀՀ առողջապահության նախարար Արսեն Թորոսյանի Facebook-ի էջի ուղիղ եթերին այսօր միացել են նաև իր զավակները՝ Նարեն և փոքրիկ Գևորգը։

Դուստրը՝ Նարեն, որոշեց իր օրինակով ցույց տալ, թե ինչպես է պետք դիմակ կրել, ախտահանել ձեռքերը հատուկ հեղուկով, չմոռացավ հիշեցնել նաև սոցիալական հեռավորության մասին։

«Իրար փողոցում հանդիպելիս մի գրկեք, մի համբուրվեք, ձեռքերով մի կպչեք»,- ասաց Նարեն։

Գևորգը շարունակեց քույրիկի խորհուրդները՝ մի քիչ շփոթելով պարետ Տիգրան Ավինյանի՝ դիմակ կրելու պահանջը։

«Պետք է ուտելուց դիմակ կրել»,- ասաց տղան, հետո էլ ավելացրեց, որ տանել չի կարողանում Զում օնլայն ծրագրով դասեր անելն, ուզում է դպրոց վերադառնալ։

Նարեն էլ խոստովանեց՝ կարանտինից առաջ տանել չէր կարողանում դպրոցը, իսկ հիմա շատ է կարոտել,  ուզում է սովորել, ուզում է նորից ընկերների հետ դպրոց հաճախել։

Թորոսյանն ամփոփեց՝ դիմելով մեծերին ու փոքրերին, եթե ցանկանում եք, որ սեպտեմբերի մեկից մանկապարտեզներն ու դպրոցները վերաբացվեն, ուրեմն հետևեք երեք պարզագույն կանոններին։ Դրանք կօգնեն նվազեցնել վարակի տարածման տեմպն ու ի վերջո, հաղթահարել կորոնավիրուսը։

Հիշեցնենք՝ ամբողջ աշխարհում կորոնավիրուսով վարակակիրների թվով Հայաստանը 56-րդ տեղում է (8 676)։ Այսօր վարչապետ Նիկոլ Փաշինյանը հանդես եկավ ճեպազրույցով՝ հայտարարելով, թե մեկ միլիոն բնակչության հաշվով Հայաստանն արդեն առաջ է անցել Իրանին ու Ֆրանսիային, հավասարվել Ռուսաստանին և մոտենում է Իտալիայի ցուցանիշին։

144
թեգերը:
դիմակ, երեխա, Արսեն Թորոսյան, դպրոց, Հայաստան, կորոնավիրուս
Ըստ թեմայի
Կորոնավիրուսից մահացել է հանրահայտ ֆիլմի հերոսուհու հայ ամուսինը
Կորոնավիրուսի թեստ անցկացնող բժիշկներն են վարակվել. «Աստղիկ» ԲԿ-ն մանրամասներ է հայտնում
Իսպանիայում կորոնավիրուսի զոհերի թիվն անցել է 27000-ը. Նիկոլ Փաշինյանը ցավակցել է Սանչեսին
Մինեապոլիս

Մինեապոլիսում անկարգությունները շարունակվում են․ ցուցարարները բանկ են հրկիզել

0
(Թարմացված է 11:58 30.05.2020)
Այրվել են բանկի դռները ծածկող վահանները, ծուխ է դուրս եկել նաև շենքի կոտրված պատուհաններից։

ԵՐԵՎԱՆ, 30 մայիսի – Sputnik. Ամերիկյան Մինեապոլիս քաղաքում բողոքի ակցիաները շարունակվում են, ցուցարարները ջարդուփշուր են արել մի քանի խանութ և հրկիզել են Wells Fargo բանկի շենքը։ Տեղեկությունը հայտնում է ՌԻԱ Նովոստին։

Wells Fargo բանկի շենքը գտնվում է ոստիկանական բաժանմունքի դիմացի մայթին։ Այրվել են բանկի դռները ծածկող վահանները, շենքի կոտրված պատուհաններից նույնպես ծուխ է դուրս եկել։

Արդեն երրորդ օրն է` Մինեապոլիսում շարունակվում են զանգվածային անկարգությունները․ մարդիկ բողոքում են ոստիկանների գործողություններից, որոնց հետևանքով մահացել է աֆրոամերիկացի Ջորջ Ֆլոյդը։

Ինչպես սևամորթ Մերվինը Հայաստանում «հանդիպեց» Դոնալդ Թրամփին, և նա երջանիկ է

Սոցիալական ցանցերում հրապարկված տեսանյութում երևում է, թե ինչպես են ոստիկանները ձերբակալում Մինեապոլիսի բնակիչ Ջորջ Ֆլոյդին։ Կադրերում երևում է, որ տղամարդը պառկած է գետնին, ձեռքերին` ձեռնաշղթաներ, իսկ ոստիկաններից մեկը ծնկով սեղմում է նրա պարանոցը։ Ֆլոյդը մահացել է շնչահեղձությունից և դարձել ԱՄՆ-ում ոստիկանական կամայականությունների դեմ զանգվածային բողոքի խորհրդանիշ։

«5 րոպե Դուլյանի հետ». Պատմության դասերը. Ամերիկյան դեսպանատան գրավումը

0
թեգերը:
Բանկ, Բողոքի ակցիա, ԱՄՆ
Ըստ թեմայի
Կորոնավիրուսն ու միջուկային մրցավազքը. ինչի՞ մեջ է ԱՄՆ–ն փորձում ներքաշել Չինաստանին
ԱՄՆ-ն դադարեցնում է հարաբերությունները ԱՀԿ–ի հետ. Թրամփ
ԱՄՆ–ում նախագահական ընտրությունները կարող են հետաձգվել