Չեխիան մարշալ Կոնևի արձանի շուրջ դետեկտիվ է հորինել ու հրաժարվում է այն վերադարձնել ՌԴ–ին

61
(Թարմացված է 15:34 21.05.2020)
ՌԴ պաշտպանության նախարարը նամակ էր հղել չեխ գործընկերներին` կոչ անելով վերադարձնել Կոնևի հուշարձանը։

Չեխիայի պաշտպանության նախարարությունը պաշտոնապես հրաժարվել է Ռուսաստանին վերադարձնել խորհրդային  մարշալ Իվան Կոնևի արձանը, որի բանակը 1945 թվականին Պրահան ազատագրել էր նացիստներից։ Երբ այս տարվա ապրիլին Պրահայի քաղաքային իշխանություններն արձանը ցուցադրել են, ՌԴ պաշտպանության նախարար Սերգեյ Շոյգուն դիմել է չեխ գործընկերներին` խնդրելով վերադարձնել այն։  Սակայն Չեխիայի պաշտպանության նախարար Լյուբոմիր Մետնարը հայտարարել է, որ տվյալ հարցն իր գերատեսչության իրավասությունից դուրս է։

Մարշալի արձանն ապամոնտաժելու որոշումը կայացրել են Պրահա-6 շրջանի քաղաքային իշխանությունները։

Նրանց արարքը ՌԴ արտգործնախարար Սերգեյ Լավրովը անվանել է ցինիկ։

«Մարշալ Կոնևի արձանի դեպքում, իհարկե, Չեխիան կոպտորեն խախտել է պարտավորությունը։ Ավելին, մինչև վերջերս մենք գիտեինք այդ մասին, և չեխական կողմը դա հաստատում էր, որ հուշարձանը գտնվել է Չեխիայի պաշտպանության նախարարության ռեեստրում։ Եվ հանկարծ, երբ այն հանեցին, մեզ առանց ամաչելու ասում են`գիտեք, սա այս ղեկավարի սեփականությունն է։ Ես դա անընդունելի եմ համարում, և կարծում եմ, որ չեխ գործընկերներն առաջիկայում ստիպված կլինեն լրջորեն պարզաբանումներ տալ»։

Պրահայի քաղաքային իշխանությունների գործողությունները դատապարտել է նույնիսկ Չեխիայի նախագահ  Միլոշ Զեմանը։

Պրահայում այս պատմությունից փորձել են իսկական լրտեսական դետեկտիվ սարքել։

Հայկ Շադունցի անհավանական սխրանքը. ինչու են մերձմոսկովյան Լոբնյայում փառաբանում արցախցուն

Տեղի ԶԼՄ–ները տեղեկություններ են տարածել, իբրև քաղաքապետին թունավորելու նպատակով ռուսաստանցի գործակալ է ժամանել իրենց մայրաքաղաք, ըստ երևույթին, ցանկանում են վրեժ լուծել հուշարձանը քանդելու համար։

Ճիշտ է, ապացույցներ չեն հայտնաբերվել, իսկ պատմությունն արդյունքում ֆեյք է դուրս եկել, սակայն ռուս–չեխական հարաբերություններին վնաս է հասցվել։

Անմահության ձայները․ Հաղթանակի օրվա առթիվ հրապարակվել է հայ վետերանների հուշերի ժողովածուն

Նշենք, որ հուշարձանը Կոնևի պատվին կանգնեցրել են 1980 թվականին, Չեխիայի մայրաքաղաքի բնակիչների միջոցներով` ի նշան երախտագիտություն խորհրդային զորահրամանատարի սխրանքի։

61
թեգերը:
Սերգեյ Լավրով, Սերգեյ Շոյգու, Հայրենական մեծ պատերազմ, հերոս, Հուշարձան, Ռուսաստան, Չեխիա
Ըստ թեմայի
Հիտլերի գաղտնի «զենքը», կամ հեծանիվների խոշորագույն գողությունը Դանիայի պատմության մեջ
Փաշինյանը բացատրեց` ինչու է Ադրբեջանը փորձում սևացնել Գարեգին Նժդեհին
Ոչ մի սրբություն չունեն. «Արարատ 73»–ի վետերանը` արձանները գողանալու մասին

Իսկ դու կարո՞ղ ես․ ռուս վարսահարդարը համաշխարհային ռեկորդ է սահմանել

119
(Թարմացված է 00:13 31.05.2020)
Կոստրոմայում բնակվող վարսավիրը սանրվածքների մարաթոն է կազմակերպել։ Նա համաշխարհային ռեկորդ է սահմանել` առանց ընդմիջման աշխատելով 48 ժամ։

Կոստրոմա քաղաքի վարսահարդարներից մեկը` Վլադիսլավ Դեմիդովիչը, շատ էր կարոտել իր աշխատանքը, և սահմանափակումների չեղարկումից անմիջապես հետո նա տղամարդկանց սանրվածքների 48-ժամյա մարաթոն է կազմակերպել։ Արդյունքում հայտնվել է Գինեսի ռեկորդների գրքում։

Ինչպես է թբիլիսահայ վարսավիր Վանյա Սիմոնյանը փրկում աշխարհը. տեսանյութ

Մարաթոնը սկսվել է մայիսի 25-ի ցերեկը։ Առաջին քսանչորս ժամում նա հասցրել է կտրել-հարդարել 50 հաճախորդի մազերը, երկրորդ օրն այդ թիվը հասել է 80-ի։ Բոլոր կամավորները գեղեցկության սրահ են մտել մեկ առ մեկ, յուրաքանչյուրից հետո աշխատանքային աթոռն ու գործիքները ախտահանվել են։ Վարսավիրն անվճար է կտրել նրանց մազերը։

Ի՞նչ են անում վարսավիրները, որ փոքրիկը հանկարծ չլացի. զվարճալի տեսանյութ

Դեմիդովիչն արդեն հայտարարել է, որ մտադիր է նոր ռեկորդ սահմանել ու ավելի երկար մարաթոն անել։ Նրա համար դա դժվար չի լինի, քանի որ հաջողացնում է սնվել հենց աշխատանքի ընթացքում, ճիշտ է՝ այդ սննդակարգը բաղկացած է լինում միայն շոկոլադի սալիկներից և մրգային խյուսից։

Պարոն ոսկե ձեռքեր․12-ամյա Էրիկը հրաշքներ է գործում վարսահարդարման ոլորտում․տեսանյութ

119
թեգերը:
տեսանյութ, սանրվածք, վարսահարդար, վարսավիր
Ըստ թեմայի
Փաշինյանի մորուքի և ատաղձագործ վարսավիրի մասին. ինչպե՞ս ռեփերական մորուքը թրենդ դարձավ
Ձեռնոցով և դիմակով. Գյումրիում որոշ վարսավիրանոցներ անակնկալով են դիմավորել այցելուներին
Իսկական «սովետ»՝ Գյումրու ամենակոլորիտային վարսավիրանոցում

Կրասնոյարսկում կողոպտիչները կրակել են ինկասատորների ուղղությամբ. տեսանյութ

216
(Թարմացված է 14:13 30.05.2020)
Ռուսաստանի խոշորագույն քաղաքացներից մեկում կատարված հանցագործությունը ցնցել է մարդկանց։ Կադրերում երևում է` ինչպես են անհայտ անձինք հարձակվում Ինկասացիայի աշխատակիցների վրա։

Ինքնաձիգով զինված երկու տղամարդիկ հարձակվել են ինկասատորների մեքենայի վրա։ Հանցագործությունը տեսագրել են անվտանգության տեսախցիկները։

Կադրերում երևում է, որ երբ ինկասատորները դուրս են գալիս մեքենայից, զինված և դիմակավորված անձինք վազելով մոտենում են նրանց, կրակ բացում և վերցնում փողի պայուսակները։

Կրակոց Երևանում. Սարի թաղից հիվանդանոց են տեղափոխել քրեական աշխարհում ճանաչված երիտասարդի

Կրասնոյարսկի ոստիկանության փոխանցմամբ՝ ինկասատորները չեն մահացել։ Նրանց տեղափոխել են հիվանդանոց և վիրահատել։ Այժմ երկուսն էլ վերակենդանացման բաժանմունքում են։

Հարձակվողներին գտնելու ուղղությամբ աշխատանքներ են տարվում։

Կրակոցներ Երևանում. մեկ անձ ձերբակալվել է

216
թեգերը:
Կրասնոյարսկի երկրամաս, Ռուսաստան
Ըստ թեմայի
Ոստիկանի շորերով տղամարդը Կանադայում կրակոցներ է արձակել. 17 մարդ է մահացել
Երևանում հոր և որդու վրա կրակոցներ արձակելու կասկածանքով 23-ամյա երիտասարդ է ձերբակալվել
Պարզվել է քրեական աշխարհում ճանաչված սարիթաղցու վրա կրակած անձի ինքնությունը
Բողոքի ակցիա, ԱՄՆ

Ավելի քան 60 սպա և գործակալ է տուժել ԱՄՆ-ում տեղի ունեցած ցույցերի ժամանակ

0
(Թարմացված է 23:35 31.05.2020)
Ցույցերի ժամանակ անցած գիշեր մեկ անձ է ձերբակալվել։ Ցուցարարներից ոչ ոք Սպիտակ տան ճաղավանդակներից այն կողմ չի անցել։

ԵՐԵՎԱՆ, 31 մայիսի –Sputnik.  ԱՄՆ գաղտնի ծառայությունների ավելի քան 60 սպա և հատուկ գործակալներ տուժել են Սպիտակ տան մոտ ընթացող ցույցի ժամանակ, նրանցից 11-ը հիվանդանոց է տեղափոխվել բուժզննման համար: Տեղեկությունը հայտնում է Գաղտնի ծառայությունների մամուլի ծառայությունը։

Այդ ծառայությունն ապահովում է ԱՄՆ կառավարական մարմինների և ղեկավարության անվտանգությունը։

«Ուրբաթ գիշերվանից մինչև կիրակի առավոտ Գաղտնի ծառայության ավելի քան 60 սպա և հատուկ գործակալ բազմաթիվ վնասվածքներ են ստացել նրանց ուղղությամբ նետած աղյուսների, քարերի, շշերի, ճայթուկների և այլ առարկաների պատճառով։ Ընդհանուր առմամբ 11 տուժած տեղի հիվանդանոց է տեղափոխվել, նրանց օգնություն է ցուցաբերվել, վնասվածքները կյանքի համար վտանգավոր չեն», – նշված է հաղորդագրության մեջ։

Նշվում է, որ ցույցի ժամանակ անցած գիշեր մեկ անձ է ձերբակալվել։ Ցուցարարներից ոչ ոք Սպիտակ տան ճաղերից այն կողմ չի անցել։

«Չեմ կարողանում շնչել»․ խռովությունները տարածվել են ԱՄՆ-ում

ԱՄՆ նախագահ Դոնալդ Թրամփն ավելի վաղ գովել է ծառայության գործողություններն ու քննադատել ցուցարարներին։

Անկարգությունները սկսվել էին ԱՄՆ Մինեապոլիս և մի շարք այլ  քաղաքներում այն բանից հետո, երբ ոստիկանության ձեռքից մահացավ աֆրոամերիկացի Ջորջ Ֆլոյդը։

Համացանցում տեսանյութ էր հայտնվել որում երևում է, թե ինչպես են մայիսի 25-ին Մինեապոլիսում աֆրոամերիկացի 46-ամյա Ջորջ Ֆլոյդի նկատմամբ ոստիկանության երկու ծառայողներ բռնություն կիրառում: Նրանցից մեկը ծնկով սեղմել էր գետնին պառկած Ֆլոյդի կոկորդն ու մի քանի րոպե պահել այդ դիրքում, չնայած որ քաղաքացին ասում էր, որ չի կարողանում շնչել ու թախանձագին խնդրում էր բաց թողնել իրեն։

Ոստիկանները անտեսել էին ոչ միայն իրենց զոհի, այլև հավաքվածների զգուշացումները, որ դադարեցնեն քաղաքացու նկատմամբ բռնությունը:

Իսկ երբ Ֆլոյդը կորցրել է գիտակցությունը, նրան տեղափոխել են հիվանդանոց, որտեղ էլ բժիշկներն արձանագրել են նրա մահը:

Ոստիկան Դերեկ Շովինը նախ հեռացվել էր ոստիկանության համակարգից, ապա՝ ձերբակալվել:

Աշխատանքից հեռացվել են միջադեպին մասնակցած ևս երեք ոստիկան:

Մինեապոլիսում անկարգությունները շարունակվում են․ ցուցարարները բանկ են հրկիզել

0
թեգերը:
Ձերբակալում, հիվանդանոց, Տուժածներ, Բողոքի ակցիա, ԱՄՆ
Ըստ թեմայի
ԱՄՆ-ն դադարեցնում է հարաբերությունները ԱՀԿ–ի հետ. Թրամփ
Կորոնավիրուսի մասին ապատեղեկատվություն տարածող կայքն աշխատել է ԱՄՆ փողերով
Թրամփն ասել է՝ ինչու է ԱՄՆ-ն թոքերի արհեստական շնչառության սարքեր տրամադրում այլ երկրների
ԱՄՆ–ում բնակվող հայերից մեկը Դավիթ Տոնոյանին է փոխանցել իր պապի` 100 տարվա ստացականը