Իր գեղեցկությամբ հազվագյուտ գոլ. հայկական գլուխգործոցը 37 տարեկան է. եզակի տեսանյութ

1978
Համացանցում հայտնվել է սև–սպիտակ յուրահատուկ մի տեսանյութ, որում պատկերված է խորհրդային ֆուտբոլի գեղեցկագույն գոլերից մեկը։ Գոլի հեղինակը Երևանի «Արարատի» 80-ականների սկզբի առաջատար Խորեն Հովհաննիսյանն է։

Օդեսայի «Չեռնոմորեց» ակումբի դարպասը գրաված գոլը խփել էին 1983 թվականի մայիսի 13-ին Երևանի «Հրազդան» մարզադաշտում։ Այդ իրադարձությունից 37 տարի է անցել։

Այդ խաղը հիշվել էր, որովհետև այն մրցաշարային աղյուսակի առաջատարների հանդիպումն էր։ Օդեսան առաջինն էր, Երևանը` երրորդը։ Սեփական հարկի տակ 3-0 հաշվով  ջախջախելով հակառակորդին` «Արարատն» առաջին տեղը գրավեց։  Ցավոք, այդ ցուցանիշը հայկական թիմին չհաջողվեց պահպանել։ Հետևեց անկում, որը կապված էր թիմում մթնոլորտի վատթարացման հետ, և «Արարատը» այդ խաղաշրջանն ավարտեց 14-րդ տեղում։

Իսկ այդ գոլը կարող էր կրկին հաղթողի դափնիներ բերել Խորեն Հովհաննիսյանին «Ֆուտբոլային տեսություն» համամիութենական հեռուստատեսության ծրագրի` խաղաշրջանի լավագույն գոլը մրցույթում։ 1982 թվականի արդյունքներով Երևանի ակումբի ավագը հաղթող էր ճանաչվել։ Երևանում Բաքվի «Նեֆթչիի» հետ խաղում նա դարպասը գրավեց մկրատաձև հարվածով։ Հեռուստադիտողների մեծ մասն իրենց նամակներով այն ժամանակ նրա օգտին քվեարկեց։ Իսկ ահա 1983 թվականին այդ մրցույթը չգիտես ինչու չանցկացվեց։ Հովհաննիսյանի գոլը ոչ պաշտոնական դարձավ լավագույնը։ 

Հայկական ֆուտբոլում 4-5 տարի հետո անպայման կլինի երկար սպասված վերելքը. Խորեն Հովհաննիսյան

1978
թեգերը:
«Արարատ» ՖԱ, գոլ, Խորեն Հովհաննիսյան
Ըստ թեմայի
Հայ ֆուտբոլիստի յուրահատուկ մարզումը. դստրիկը` ծանրության փոխարեն. տեսանյութ
Հայաստանի դպրոցներից մեկում ֆուտբոլ խաղալ կսովորեցնեն
Հայաստանի ֆուտբոլի հավաքականի տեխնիկական տնօրենը կասկածում է, որ կորոնավիրուս է տարել

Բողոքի ակցիաներ ԱՄՆ-ում․ ամերիկացիները փորձում են մեղքը բարդել Ռուսաստանի վրա

23
(Թարմացված է 23:30 01.06.2020)
Առաջին անգամ չէ, որ ԱՄՆ-ն սեփական անզորության մեղքը բարդում է Ռուսաստանի վրա։ Այդպես եղավ 2016 թվականին, երբ Հիլարի Քլինթոնը պարտվեց նախագահական ընտրություններում։ Այդպես է նաև հիմա, երբ ամերիկյան իշխանությունը ոչ մի կերպ չի կարողանում վերահսկել սեփական քաղաքացիներին։

Աֆրոամերիկացի Ջորջ Ֆլոյդի մահվան պատճառով ԱՄՆ-ում շարունակվում են զանգվածային բողոքի ակցիաները։ Նա մահացել է ձերբակալության ժամանակ Մինեսոտա նահանգի Մինեապոլիս քաղաքում։

Մայիսի վերջին տեղի ունեցած միջադեպից հետո ամբողջ երկրում բողոքի ակցիաներ են կազմակերպվում։

Հարյուրավոր մարդիկ դուրս են գալիս Մինեապոլիսի, Նյու Յորքի, Վաշինգտոնի ու ԱՄՆ-ի մի շարք այլ խոշոր քաղաքների փողոցներ` բողոքելով ոստիկանների ամենաթողությունից։ Բազում քաղաքներում խաղաղ ցույցերը վերածվել են անկարգությունների ու ոստիկանության հետ բախումների։

Մարդիկ խանութներ են թալանում, կոտրում են ցուցափեղկերն ու այրում աղբամանները։ Ցույցերի ընթացքում անգամ ՌԻԱ Նովոստիի թղթակից Միխայիլ Տուրգիևն է տուժել, ինչի պատճառով ՌԴ դեսպանությունը նոտա է հղել Պետդեպարտամենտին։ Մի շարք նահանգներում օգնության են հասել ԱՄՆ ազգային գվարդիան, սակայն ո՛չ գվարդիան, ո՛չ արցունքաբեր գազը, ո՛չ էլ ռետինե փամփուշտները չեն կարողանում ճնշել խռովությունները։ Այդ ֆոնին Բարաք Օբամայի նախկին խորհրդական Սյուզան Ռայսը մեղադրանք է հնչեցրել Ռուսաստանի հասցեին։

Մեր տեսանյութում ներկայացնում ենք՝ ինչի համար են այս անգամ մեղադրում Մոսկվային, և այս ամենի հետ ինչ կապ ունի Դոնալդ Թրամփի բունկերը։

Սոցիալական կայքերը հեղեղված են ԱՄՆ-ում տեղի ունեցող բողոքի ակցիաների տեսանյութերով

23
թեգերը:
Բողոքի ակցիա, տեսանյութ, Ռուսաստան, ԱՄՆ
Ըստ թեմայի
Ավելի քան 60 սպա և գործակալ է տուժել ԱՄՆ-ում տեղի ունեցած ցույցերի ժամանակ
Ինչու են Ռուսաստանին մեղադրում ԱՄՆ անկարգությունների մեջ. պարզաբանում է Կուբիշկինը
«Իրականություն վերադարձեք». Զախարովան պատասխանել է ԱՄՆ նախագահի նախկին խորհրդականին

Իսկ դու կարո՞ղ ես․ ռուս վարսահարդարը համաշխարհային ռեկորդ է սահմանել

267
(Թարմացված է 00:13 31.05.2020)
Կոստրոմայում բնակվող վարսավիրը սանրվածքների մարաթոն է կազմակերպել։ Նա համաշխարհային ռեկորդ է սահմանել` առանց ընդմիջման աշխատելով 48 ժամ։

Կոստրոմա քաղաքի վարսահարդարներից մեկը` Վլադիսլավ Դեմիդովիչը, շատ էր կարոտել իր աշխատանքը, և սահմանափակումների չեղարկումից անմիջապես հետո նա տղամարդկանց սանրվածքների 48-ժամյա մարաթոն է կազմակերպել։ Արդյունքում հայտնվել է Գինեսի ռեկորդների գրքում։

Ինչպես է թբիլիսահայ վարսավիր Վանյա Սիմոնյանը փրկում աշխարհը. տեսանյութ

Մարաթոնը սկսվել է մայիսի 25-ի ցերեկը։ Առաջին քսանչորս ժամում նա հասցրել է կտրել-հարդարել 50 հաճախորդի մազերը, երկրորդ օրն այդ թիվը հասել է 80-ի։ Բոլոր կամավորները գեղեցկության սրահ են մտել մեկ առ մեկ, յուրաքանչյուրից հետո աշխատանքային աթոռն ու գործիքները ախտահանվել են։ Վարսավիրն անվճար է կտրել նրանց մազերը։

Ի՞նչ են անում վարսավիրները, որ փոքրիկը հանկարծ չլացի. զվարճալի տեսանյութ

Դեմիդովիչն արդեն հայտարարել է, որ մտադիր է նոր ռեկորդ սահմանել ու ավելի երկար մարաթոն անել։ Նրա համար դա դժվար չի լինի, քանի որ հաջողացնում է սնվել հենց աշխատանքի ընթացքում, ճիշտ է՝ այդ սննդակարգը բաղկացած է լինում միայն շոկոլադի սալիկներից և մրգային խյուսից։

Պարոն ոսկե ձեռքեր․12-ամյա Էրիկը հրաշքներ է գործում վարսահարդարման ոլորտում․տեսանյութ

267
թեգերը:
տեսանյութ, սանրվածք, վարսահարդար, վարսավիր
Ըստ թեմայի
Փաշինյանի մորուքի և ատաղձագործ վարսավիրի մասին. ինչպե՞ս ռեփերական մորուքը թրենդ դարձավ
Ձեռնոցով և դիմակով. Գյումրիում որոշ վարսավիրանոցներ անակնկալով են դիմավորել այցելուներին
Իսկական «սովետ»՝ Գյումրու ամենակոլորիտային վարսավիրանոցում
Ռուբեն Հայրապետյան

«Հարսնաքարի» նախկին տնօրենն ինքն է գույք հափշտակել. Ռուբեն Հայրապետյանի փաստաբան

0
(Թարմացված է 00:16 02.06.2020)
Ռուբեն Հայրապետյանի փաստաբանը հույս ունի, որ այս քրեական գործով բոլոր հնարավոր միջոցները կձեռնարկվեն արտերկրում գտնվող Հայկ Շահնազարյանին ՀՀ վերադարձնելու ուղղությամբ։

ԵՐԵՎԱՆ, 2 հունիսի – Sputnik. Հայաստանի ֆուտբոլի ֆեդերացիայի նախկին ղեկավար Ռուբեն Հայրապետյանի ընտանիքին պատկանող «Հարսնաքար» համալիրի նախկին տնօրեն Հայկ Շահնազարյանի կողմից Ընկերության առանձնապես խոշոր չափերով գույքը խարդախությամբ հափշտակելու փաստի առթիվ ՀՀ քննչական կոմիտեի հատկապես կարևոր գործերի քննության գլխավոր վարչությունում հարուցվել է քրեական գործ: Տեղեկությունը հայտնում է Հայրապետյանի փաստաբան Ամրամ մակինյանը։

«Հույս ունենք, որ այս քրեական գործով նույնպես կձեռնարկվեն բոլոր հնարավոր միջոցները արտերկրում գտնվող Հայկ Շահնազարյանին ՀՀ վերադարձնելու ուղղությամբ…»,– Facebook–ի իր էջում գրել է նա։

Մակինյանը հիշեցրել է` Հայկ Շահնազարյանն այն նույն անձն է, որին իբրև թե խոշտանգել ու ապօրինի ազատությունից զրկել են Ռուբեն Հայրապետյանի կազմակերպմամբ։

«Սակայն Հայրապետյանի առնչությունը նշվածին դատարանը չհաստատեց, փոխարենը օրեր անց քրեական գործ հարուցվեց Հայկ Շահնազարյանի կողմից առերևույթ առանձնապես խոշոր չափերի խարդախություն կատարելու փաստի առթիվ։ Ափսոսում եմ, որ քննչական կոմիտեի մամուլի ծառայությունը մոռացել է հանրությանը հայտնել նաև այս մասին, ինչպես արվեց Ռուբեն Հայրապետյանին առերևույթ մեղադրելու դեպքում…»,– եզրափակել է փաստաբանը:

Ավելի վաղ հայտնել էինք, որ Երևանի ընդհանուր իրավասության դատարանը բավարարել է ՀՖՖ նախկին նախագահ Ռուբեն Հայրապետյանին և ևս 4 անձի կալանավորելու միջնորդությունները։ Հայրապետյանը որպես մեղադրյալ է ներգրավել ՀՀ քրեական օրենսգրքի 119-րդ հոդվածի 2-րդ մասի 3-րդ, 5-րդ կետով (ֆիզիկական ուժեղ ցավ կամ հոգեկան տառապանք պատճառելը), 133-րդ հոդվածի 2-րդ մասի 1-ին, 2-րդ, 7-րդ կետերով (մի խումբ անձանց կողմից շահադիտական դրդումներով մարդուն առևանգելը) և 322-րդ հոդվածի 2-րդ մասով  (ինքնիրավչություն): Նա գտնվում է հետախուզման մեջ:

Ռուբեն Հայրապետյանին կանչել են հարցաքննության, իսկ նա Հայաստանում չէ

0
թեգերը:
Ամրամ Մակինյան, Ռուբեն Հայրապետյան, Հայաստան
Ըստ թեմայի
«Հորդորում էր, որ ես փախնեմ Հայաստանից». Ռուբեն Հայրապետյանը` Անդրանիկ Քոչարյանի մասին
Ռուբեն Հայրապետյանի որդին կամավոր ներկայացել է. դատարանը մերժել է կալանքի միջնորդությունը
Ռուբեն Հայրապետյանն իր ասածի պատասխանը կզգա ոչ միայն շորերի, այլև մարմնի վրա. Գրիգորյան