Աննախադեպ ավիաշքերթ. Հայաստանում յուրովի նշեցին Հաղթանակի օրը. տեսանյութ

334
(Թարմացված է 20:54 09.05.2020)
Հաղթանակին նվիրված միջոցառումն անցկացվեց «Հաղթանակ» զբոսայգում։ Միջոցառմանը մասնակցեցին նաև վետերանները։ Իսկ վերջում բոլորին արտասովոր անակնկալ էր մատուցվեց։

Չնայած համավարակի և արտակարգ դրության ռեժիմի առկայությանը Հայաստանում ոչ սովորական ձևով տոնեցին Հայրենական մեծ պատերազմում տարած հաղթանակի 75-ամյակը։

Ինչպես միշտ տոնակատարությունը մեկնարկեց «Հաղթանակ» զբոսայգում, սակայն այս անգամ առանց ավանդական զորահանդեսի, «վրանային ճամբարում» կազմակերպվող բազմամարդ կերուխումի։  Այս անգամ տոնախմբություններն ավելի զուսպ էին։ Հայաստանի նախագահ Արմեն Սարգսյանը, ՀՀ կառավարության անդամներն ու Հայրենական մեծ պատերազմի վետերանների մի խումբ ծաղիկներ դրեցին Անմար կրակի մոտ։ Ամենայն հայոց կաթողիկոս Գարեգին Բ–ն աղոթք հնչեցրեց ի հիշատակ պատերազմի դաշտից տուն չվերադարձած հայ ժողովրդի զավակների։

Ավելի ուշ պաշտպանության նախարար Դավիթ Տոնոյանը և  Հայրենական մեծ պատերազմի վետերանները հետևում էին զորահանդեսին, սակայն այս անգամ այն սովորական չէր, այլ ավիացիոն։ Ռուսական ռազմակայանի և ՀՀ ՊՆ-ի ավիացիոն միավորումների օդաչուները  տոնական թռիչքներ իրականացրին, որոնց մասնակցում էին 4 ՄիԳ-29 կործանիչները, դրանց հետևից ընթանում էին Սու-30ՍՄ և Սու-25 գրոհիչ ինքնաթիռները։ Տոնական թռիչքն ավարտեց  Մի-8ՄՏՎ ռազմատրանսպորտային և Մի-24Պ հարվածային ուղղաթիռների խումբը։

Հաղթանակած հին և նոր սերունդները միասին են. հուզիչ տեսանյութ` նվիրված Հաղթանակի 75–ամյակին

Հիշեցնենք, որ Հայրենական մեծ պատերազմին ռազմաճակատ էր մեկնել շուրջ 600 հազար հայ, նրանց կեսից ավելին տուն չվերադարձան։ Հայերից չորսն արժանացան Խորհրդային Միության մարշալի կոչման, մեկը` նավատորմի ծովակալի։  Շուրջ 60 գեներալներ խոշոր զորամիավորումների հրամանատար էին, 107-ը զինծառայողներ արժանացել են Խորհրդային Միության հերոսի կոչման։

334
թեգերը:
ուղղաթիռ, Սու-30ՍՄ կործանիչ, Երևան, շքերթ, Հայրենական մեծ պատերազմ
թեմա:
Հայրենական մեծ պատերազմի հաղթանակի 75–ամյակը (40)
Ըստ թեմայի
Հաղթանակներն են, որ նոր սխրանքների են կոչում սերունդներին. Սերժ Սարգսյանի շնորհավորանքը
Արցախում տոնական միջոցառումներ են. մասնակցել են նաև Նիկոլ Փաշինյանն ու Արարատ Միրզոյանը
Այս օրը խորհրդանշում է միությունը և խաղաղությունը, որոնք անհրաժեշտ են հիմա. Մնացականյան

Իսկ դու կարո՞ղ ես․ ռուս վարսահարդարը համաշխարհային ռեկորդ է սահմանել

30
(Թարմացված է 00:13 31.05.2020)
Կոստրոմայում բնակվող վարսավիրը սանրվածքների մարաթոն է կազմակերպել։ Նա համաշխարհային ռեկորդ է սահմանել` առանց ընդմիջման աշխատելով 48 ժամ։

Կոստրոմա քաղաքի վարսահարդարներից մեկը` Վլադիսլավ Դեմիդովիչը, շատ էր կարոտել իր աշխատանքը, և սահմանափակումների չեղարկումից անմիջապես հետո նա տղամարդկանց սանրվածքների 48-ժամյա մարաթոն է կազմակերպել։ Արդյունքում հայտնվել է Գինեսի ռեկորդների գրքում։

Ինչպես է թբիլիսահայ վարսավիր Վանյա Սիմոնյանը փրկում աշխարհը. տեսանյութ

Մարաթոնը սկսվել է մայիսի 25-ի ցերեկը։ Առաջին քսանչորս ժամում նա հասցրել է կտրել-հարդարել 50 հաճախորդի մազերը, երկրորդ օրն այդ թիվը հասել է 80-ի։ Բոլոր կամավորները գեղեցկության սրահ են մտել մեկ առ մեկ, յուրաքանչյուրից հետո աշխատանքային աթոռն ու գործիքները ախտահանվել են։ Վարսավիրն անվճար է կտրել նրանց մազերը։

Ի՞նչ են անում վարսավիրները, որ փոքրիկը հանկարծ չլացի. զվարճալի տեսանյութ

Դեմիդովիչն արդեն հայտարարել է, որ մտադիր է նոր ռեկորդ սահմանել ու ավելի երկար մարաթոն անել։ Նրա համար դա դժվար չի լինի, քանի որ հաջողացնում է սնվել հենց աշխատանքի ընթացքում, ճիշտ է՝ այդ սննդակարգը բաղկացած է լինում միայն շոկոլադի սալիկներից և մրգային խյուսից։

Պարոն ոսկե ձեռքեր․12-ամյա Էրիկը հրաշքներ է գործում վարսահարդարման ոլորտում․տեսանյութ

30
թեգերը:
տեսանյութ, սանրվածք, վարսահարդար, վարսավիր
Ըստ թեմայի
Փաշինյանի մորուքի և ատաղձագործ վարսավիրի մասին. ինչպե՞ս ռեփերական մորուքը թրենդ դարձավ
Ձեռնոցով և դիմակով. Գյումրիում որոշ վարսավիրանոցներ անակնկալով են դիմավորել այցելուներին
Իսկական «սովետ»՝ Գյումրու ամենակոլորիտային վարսավիրանոցում

Կրասնոյարսկում կողոպտիչները կրակել են ինկասատորների ուղղությամբ. տեսանյութ

79
(Թարմացված է 14:13 30.05.2020)
Ռուսաստանի խոշորագույն քաղաքացներից մեկում կատարված հանցագործությունը ցնցել է մարդկանց։ Կադրերում երևում է` ինչպես են անհայտ անձինք հարձակվում Ինկասացիայի աշխատակիցների վրա։

Ինքնաձիգով զինված երկու տղամարդիկ հարձակվել են ինկասատորների մեքենայի վրա։ Հանցագործությունը տեսագրել են անվտանգության տեսախցիկները։

Կադրերում երևում է, որ երբ ինկասատորները դուրս են գալիս մեքենայից, զինված և դիմակավորված անձինք վազելով մոտենում են նրանց, կրակ բացում և վերցնում փողի պայուսակները։

Կրակոց Երևանում. Սարի թաղից հիվանդանոց են տեղափոխել քրեական աշխարհում ճանաչված երիտասարդի

Կրասնոյարսկի ոստիկանության փոխանցմամբ՝ ինկասատորները չեն մահացել։ Նրանց տեղափոխել են հիվանդանոց և վիրահատել։ Այժմ երկուսն էլ վերակենդանացման բաժանմունքում են։

Հարձակվողներին գտնելու ուղղությամբ աշխատանքներ են տարվում։

Կրակոցներ Երևանում. մեկ անձ ձերբակալվել է

79
թեգերը:
Կրասնոյարսկի երկրամաս, Ռուսաստան
Ըստ թեմայի
Ոստիկանի շորերով տղամարդը Կանադայում կրակոցներ է արձակել. 17 մարդ է մահացել
Երևանում հոր և որդու վրա կրակոցներ արձակելու կասկածանքով 23-ամյա երիտասարդ է ձերբակալվել
Պարզվել է քրեական աշխարհում ճանաչված սարիթաղցու վրա կրակած անձի ինքնությունը