Մարտիրոսյանն ու շոու բիզնեսի աստղերը Հաղթանակի օրվան նվիրված երգ են կատարում. տեսանյութ

156
(Թարմացված է 19:35 08.05.2020)
Սոսո Պավլիաշվիլու, Գարիկ Մարտիրոսյանի և Գրիգորի Լեպսի համատեղ աշխատանքի արդյունքն արդեն համացանցում է։

Ռուսական շոու բիզնեսի աստղերը նկարահանվել են Հայրենական մեծ պատերազմում տարած հաղթանակի 75-ամյակին նվիրված տեսանյութում։

Նոր երգը Youtube-ի իր էջում հրապարակել է ճանաչված երգիչ Սոսո Պավլիաշվիլին, որը երգի երաժշտության հեղինակն է, իսկ բառերը Ռուսաստանի ժողովրդական արտիստ, բանաստեղծ, երգահան Միխայիլ Տանիչինն են։

Տեսանյութում նկարահանվել են Լարիսա Դոլինան, Սոսո Պավլիաշվիլին, Լյուբով Ուսպենսկայան, Մաքսիմ Գալկինը, Ալսուն, Գարիկ Մարտիրոսյանը, Դիանա Գուրցկայան, Լեոնիդ Ագուտինը և այլք։

Հիշեցնենք` օրեր առաջ Պավլիաշվիլին հայտնել էր, որ Գարիկ Մարտիրոսյանի, Եվգենի Օրլովի և Գրիգորի Լեպսի հետ համատեղ երգ է գրում։

«Մենք ընկերներով համախմբվել ենք մի գաղափարի շուրջ․ Գարիկ Մարտիրոսյանի, Եվգենի Օրլովի և Գրիգորի Լեպսի հետ նոր երգ ենք ձայնագրում, որը նվիրված է Հայրենակական մեծ պատերազմում տարած հաղթանակին։ Սա մեր հոգու ճիչն է»,- ասել էր երգիչը։

Հայրենական մեծ պատերազմը ծավալվել է 1941-1945 թվականներին։ Նացիստական Գերմանիան և նրա դաշնակիցները (Իտալիան, Հունգարիան, Ռումինիան, Ֆինլանդիան, 1945 թվականից` նաև Ճապոնիան), առանց նախապես հայտարարելու, հարձակվել են Խորհրդային Միության վրա։ Այս պատերազմը 1945 թվականի մայիսի 9–ին ավարտվել է Խորհրդային Միության հաղթանակով։

Հայերը ԽՍՀՄ ժողովուրդների շարքում չորրորդն էին բանակի և ռազմածովային նավատորմի գեներալների ու ծովակալների, ռազմաօդային ուժերի, հրետանային զորքերի սպաների կազմում և վեցերորդ տեղում էին ԽՍՀՄ հերոսների ցանկում:

Այս տարի Հայրենական մեծ պատերազմում տարած հաղթանակի 75–ամյակին նվիրված միջոցառումները Ռուսաստանում հետաձգվել են կորոնավիրուսի պատճառով։

Մայիսի 9-ին` Հաղթանակի օրը, ավիացիոն շքերթ կանցկացվի, հրավառություններ կլինեն Ռուսաստանի քաղաքներում։

156
թեգերը:
երգ, Սոսո Պավլիաշվիլի, Գարիկ Մարտիրոսյան
թեմա:
Հայրենական մեծ պատերազմի հաղթանակի 75–ամյակը (40)
Ըստ թեմայի
Հաղթանակի ավիաշքերթ. ՌԴ վաստակավոր օդաչուն փորձ է իրականացնում «Էրեբունի» օդանավակայանում
«Մեր պարտքն է պահպանել պատերազմի մասին ճշմարտությունը»․ ԱՊՀ դեսպանները՝ Հաղթանակի մասին
Մայիսի 9-ին ՀՀ քաղաքացիներին անակնկալներ են սպասվում
Մանկություն` շաղախված պատերազմով. Հայրենականի 88–ամյա ականատես կնոջ վկայությունները

Իսկ դու կարո՞ղ ես․ ռուս վարսահարդարը համաշխարհային ռեկորդ է սահմանել

27
(Թարմացված է 00:13 31.05.2020)
Կոստրոմայում բնակվող վարսավիրը սանրվածքների մարաթոն է կազմակերպել։ Նա համաշխարհային ռեկորդ է սահմանել` առանց ընդմիջման աշխատելով 48 ժամ։

Կոստրոմա քաղաքի վարսահարդարներից մեկը` Վլադիսլավ Դեմիդովիչը, շատ էր կարոտել իր աշխատանքը, և սահմանափակումների չեղարկումից անմիջապես հետո նա տղամարդկանց սանրվածքների 48-ժամյա մարաթոն է կազմակերպել։ Արդյունքում հայտնվել է Գինեսի ռեկորդների գրքում։

Ինչպես է թբիլիսահայ վարսավիր Վանյա Սիմոնյանը փրկում աշխարհը. տեսանյութ

Մարաթոնը սկսվել է մայիսի 25-ի ցերեկը։ Առաջին քսանչորս ժամում նա հասցրել է կտրել-հարդարել 50 հաճախորդի մազերը, երկրորդ օրն այդ թիվը հասել է 80-ի։ Բոլոր կամավորները գեղեցկության սրահ են մտել մեկ առ մեկ, յուրաքանչյուրից հետո աշխատանքային աթոռն ու գործիքները ախտահանվել են։ Վարսավիրն անվճար է կտրել նրանց մազերը։

Ի՞նչ են անում վարսավիրները, որ փոքրիկը հանկարծ չլացի. զվարճալի տեսանյութ

Դեմիդովիչն արդեն հայտարարել է, որ մտադիր է նոր ռեկորդ սահմանել ու ավելի երկար մարաթոն անել։ Նրա համար դա դժվար չի լինի, քանի որ հաջողացնում է սնվել հենց աշխատանքի ընթացքում, ճիշտ է՝ այդ սննդակարգը բաղկացած է լինում միայն շոկոլադի սալիկներից և մրգային խյուսից։

Պարոն ոսկե ձեռքեր․12-ամյա Էրիկը հրաշքներ է գործում վարսահարդարման ոլորտում․տեսանյութ

27
թեգերը:
տեսանյութ, սանրվածք, վարսահարդար, վարսավիր
Ըստ թեմայի
Փաշինյանի մորուքի և ատաղձագործ վարսավիրի մասին. ինչպե՞ս ռեփերական մորուքը թրենդ դարձավ
Ձեռնոցով և դիմակով. Գյումրիում որոշ վարսավիրանոցներ անակնկալով են դիմավորել այցելուներին
Իսկական «սովետ»՝ Գյումրու ամենակոլորիտային վարսավիրանոցում

Կրասնոյարսկում կողոպտիչները կրակել են ինկասատորների ուղղությամբ. տեսանյութ

78
(Թարմացված է 14:13 30.05.2020)
Ռուսաստանի խոշորագույն քաղաքացներից մեկում կատարված հանցագործությունը ցնցել է մարդկանց։ Կադրերում երևում է` ինչպես են անհայտ անձինք հարձակվում Ինկասացիայի աշխատակիցների վրա։

Ինքնաձիգով զինված երկու տղամարդիկ հարձակվել են ինկասատորների մեքենայի վրա։ Հանցագործությունը տեսագրել են անվտանգության տեսախցիկները։

Կադրերում երևում է, որ երբ ինկասատորները դուրս են գալիս մեքենայից, զինված և դիմակավորված անձինք վազելով մոտենում են նրանց, կրակ բացում և վերցնում փողի պայուսակները։

Կրակոց Երևանում. Սարի թաղից հիվանդանոց են տեղափոխել քրեական աշխարհում ճանաչված երիտասարդի

Կրասնոյարսկի ոստիկանության փոխանցմամբ՝ ինկասատորները չեն մահացել։ Նրանց տեղափոխել են հիվանդանոց և վիրահատել։ Այժմ երկուսն էլ վերակենդանացման բաժանմունքում են։

Հարձակվողներին գտնելու ուղղությամբ աշխատանքներ են տարվում։

Կրակոցներ Երևանում. մեկ անձ ձերբակալվել է

78
թեգերը:
Կրասնոյարսկի երկրամաս, Ռուսաստան
Ըստ թեմայի
Ոստիկանի շորերով տղամարդը Կանադայում կրակոցներ է արձակել. 17 մարդ է մահացել
Երևանում հոր և որդու վրա կրակոցներ արձակելու կասկածանքով 23-ամյա երիտասարդ է ձերբակալվել
Պարզվել է քրեական աշխարհում ճանաչված սարիթաղցու վրա կրակած անձի ինքնությունը