Խիստ սահմանափակումներ արտակարգ դրության ռեժիմում․ ի՞նչ է կատարվում ՀՀ-ի ամենամեծ ԲԿ-ում

387
(Թարմացված է 20:36 02.04.2020)
Sputnik Արմենիայի նկարահանող խումբն այցելել է հսկիչ անցակետեր ու «Սուրբ Գրիգոր Լուսավորիչ» հիվանդանոցը, նաև պարզել է՝ ինչպես են քաղաքացիները հետևում արտակարգ դրության ռեժիմի պահպանմանը։

Ապրիլի 2-ից արտակարգ դրության ռեժիմը Հայաստանում խստացվել է։ Պարետ Տիգրան Ավինյանը որոշում է կայացրել մինչև ապրիլի 12–ը ներառյալ դադարեցնել հասարակական տրանսպորտի աշխատանքը։ Մետրոն դադարեցրել է իր գործունեությունն արդեն ապրիլի 1-ից։ Բացի այդ, երկրում սահմանափակվել է տնտեսական գործունեությունը։

Ոստիկանությունն ու ԱԱԾ–ն հսկիչ անցակետեր են տեղադրել քաղաքացիների և ավտոմեքենաների տեղաշարժը վերահսկելու համար։ Հասարակական տրանսպորտի գործունեությունն արգելվում է` բացառությամբ տաքսիների և երկաթուղային տրանսպորտի։ Աշխատանքի գնալիս պարտադիր պետք է ունենալ անձը հաստատող փաստաթուղթ և տեղեկանք գործատուից։ Պետական գերատեսչությունների դեպքում այդ տեղեկանքները կփոխարինվեն ծառայողական վկայականներով։

Քրեական ու վարչական օրենսգրքերում կատարված փոփոխություններով` արտակարգ դրության ընթացքում մեկուսացման կամ ինքնամեկուսացման կանոնները խախտելն առաջացնում է տուգանք՝ 100-250 հազար դրամի չափով։

Sputnik Արմենիայի նկարահանող խումբն արձանագրել է՝ անցակետերից մեկում Երևանից Կոտայքի մարզ մեկնող քաղաքացիներից մի քանիսը տուգանվել են։

Ոստիկանները վստահ են, որ հետևողականությունն ու խստությունն այդ հարցում վերջի վերջո արդյունք կտան ու կստիպեն քաղաքացիներին առանց խիստ անհրաժեշտության տնից դուրս չգալ։

«Նրան կառավարությունն է բերել, որ թու, թու, թու անի». օտարերկրացին նվագում է Երևանում

Կառավարությունն իր հերթին վստահեցնում է, որ իրավիճակը վերահսկողության տակ է, սակայն վարչապետ Նիկոլ Փաշինյանը խորհուրդ է տալիս քաղաքացիներին այդքան անհոգ չլինել։

«Մենք սկզբնական շրջանում կարողացանք կանխել խուճապային երևույթները, բայց ինչպես հասկանում եմ՝ չափից ավելի շատ ենք կանխել։ Սիրելի հայրենակիցներ, ես խնդրում եմ՝ այդքան հանգիստ մի վերաբերվեք այս ամենին», -ասել է նա։

Անհանգստանալու առիթ կա, վարակվածների թվի աճը թույլ չի տալիս իշխանությանը հանգիստ նստել։ Կորոնավիրուսի վարակման դեպքերի շատանալու հետևանքով «Նորք» ինֆեկցիոն հիվանդանոցում տեղերը չեն բավարարում։ Այդ պատճառով որոշվել է Հայաստանի ամենախոշոր ԲԿ-ն՝ «Սուրբ Գրիգոր Լուսավորիչը», ամբողջովին տրամադրել կորոնավիրուսով վարակված պացիենտների բուժման համար։

Հիմա այստեղի բոլոր հիվանդներին տեղափոխում են «Նաիրի», «Աստղիկ» ու «Սուրբ Աստվածամայր» բժշկական կենտրոններ։

Հիշեցնենք` Հայաստանում կորոնավիրուսով վարակված անձանց թիվն արդեն հասել է 663-ի`մեկ օրում ավելանալով 92-ով։ Վարակվածներից 33-ն առողջացել են, 5-ը` մահացել։

387
թեգերը:
Երևան, Կոտայք, Արտակարգ դրություն, Ոստիկանություն, տեսանյութ, Հայաստան
թեմա:
Կորոնավիրուսը Հայաստանում և Արցախում (757)
Ըստ թեմայի
Խուճապ չկա, բայց կա դեպքերի աճի վտանգ. Փաշինյանը` կորոնավիրուսի մասին
Կորոնավիրուսը չի վնասել տնտեսությանը. հարկերը գերազանցել են նախորդ տարիների ցուցանիշները
Կորոնավիրուսով վարակված վրացի վարորդին հնարավոր է` տեղափոխեն Թբիլիսի. մանրամասներ
Կորոնավիրուսից ու արտակարգ դրությունից տուժած ընտանիքներն աջակցություն կստանան

«Միակ ելքը կանխարգելիչ միջոցներն են». կորոնավիրուսի դեմ պայքարող բժիշկի խորհուրդները

48
(Թարմացված է 10:04 27.05.2020)
ՀՀ կառավարությունը տեսանյութ է ներկայացրել, որտեղ Covid-19–ի դեմ պայքարող բժիշկը խոսում է համավարակի, դրա դեմ հնարավոր պայքարի միջոցների մաիսն։

Նա հորդորում է հավատալ բժիշկներին և հավատալ, որ կորոնավիրուսն իրական է, անկանխատեսելի և բարդ։

«Հիվանդների հետ շփվելիս վատ եմ զգում այն մտքից, որ ինչ–որ մեկն իրեն թույլ կտա մտածելու, որ սա միֆ է»,–ասում է նա։

Նա ընդգծում է, որ այս հիվանդությունը չունի ստանդարտ ընթացք։ Ճիշտ է` կան բուժման մեթոդներ, բայց ինչպես ամբողջ աշխարհում, այնպես էլ այստեղ դրանց լիարժեք արդյունավետության վրա ոչ ոք վստահ չէ։

Տեսանյութն իր էջում տեղադրել է նաև ՀՀ վարչապետ Նիկոլ Փաշինյանը, նշելով` ուրիշների կյանքները կախված են մեկ մարդուց եւ այդ մեկ մարդը դու ես։

Հիշեցնենք, որ մայիսի 26–ի դրությամբ Հայաստանում կորոնավիրուսով վարակման 7402 հաստատված դեպք կա։

48
թեգերը:
բժիշկ, հիվանդանոց, հիվանդ, Հայաստան, կորոնավիրուս
թեմա:
Կորոնավիրուսը Հայաստանում և Արցախում (757)
Ըստ թեմայի
Կորոնավիրուսից մահացել է Ռուսաստանի էներգետիկայի առաջին նախարարը
Վարչապետը գիտակցում է` որն է եղել կառավարության սխալը կորոնավիրուսի դեմ պայքարում
«Այդ ընթացքում կհասցնեմ առողջանալ». կորոնավիրուսի կասկածներ ունեցող Մարիամի պատմությունը

«Ուղիղ միացում» Ավարայրի ճակատամարտից. ինչպես է այն ընթացել

435
(Թարմացված է 11:49 26.05.2020)
451 թվականի մայիսի 26-ին հայկական ուժերի և պարսկական բանակի միջև տեղի ունեցավ Ավարայրի ճակատամարտը, որի ժամանակ հաղթողներ չեղան. «քաջերը քաջերի դեմ դուրս գալով, երկու կողմն էլ պարտություն կրեցին»։

Ավարայրի ճակատամարտը հայ ժողովրդի պատմության ամենանշանակալի իրադարձություններից մեկն է։ Հայերն արյան գնով պաշտպանեցին իրենց հավատն ու ինքնությունը` դեմ առ դեմ դուրս գալով իրենցից եռապատիկ ավել պարսկական զորքի դեմ։

Այդ ճակատամարտը կանխորոշեց հայ ժողովրդի պայքարի ելքը։ Պարսկական արքունիքը ստիպված եղավ Հայաստանից ետ կանչել իր զորքերին, հրաժարվել հավատափոխության միջոցով հայերին ձուլելու ծրագրից և ճանաչել նրանց ներքին ինքնավարությունը։

Sputnik Արմենիան տեսաֆիլմի ձևաչափով փորձել է վերականգնել այդ դաժան ճակատամարտի փուլերը։

435
թեգերը:
Ավարայրի ճակատամարտ
Ըստ թեմայի
Շարմազանով. Ղարաքիլիսայի ճակատամարտը հայերի համար երկրորդ Ավարայր դարձավ
Ռազմական խորամանկություն. ինչպես հայերին հաջողվեց կոտորել պարսկական անմահների գնդին
Ինչպես հայերն Ավարայրի ճակատամարտում փախուստի մատնեցին մարտական փղերին
Նիկոլ Փաշինյանն ու Տիգրան Ավինյանը. արխիվային լուսանկար

Եթե կա 7000 ախտորոշված դեպք, դա նշանակում է, որ կա 14 000 վարակակիր. Փաշինյան

0
(Թարմացված է 12:30 27.05.2020)
ՀՀ վարչապետը չի բացառում, որ դիմակներ կրելու պահանջն ավելի կխստացվի: Դիմակ կրելը պարտադիր կդառնա բոլոր վայրերում:

ԵՐԵՎԱՆ, 27 մայիսի — Sputnik. Կառավարության այսօրվա նիստում ՀՀ վարչապետ Նիկոլ Փաշինյանը հայտարարեց, որ Հայաստանում կորոնավիրուսի համավարակը թևակոխել է երկրորդ փուլ։

«Հայաստանում հաստատվել է կորոնավիրուսի համաճարակի բավականին ծանր իրավիճակ: Ըստ էության, գործ ունենք համավարակի երկրորդ ալիքի հետ»,- ասաց վարչապետը:

Այդուհանդերձ, Փաշինյանը վստահեցրեց, որ կառավարությունն ու պարետատունը գիտեն ինչպես պայքարել վարակի դեմ ու կանխել այն։ 

«Պետք է դիմակ կրել, պարբերաբար ախտահանել կամ լվանալ ձեռքերն ու պահպանել սոցիալական հեռավորություն»,- ասաց Փաշինյանը:

Վարչապետը հայտարարեց, որ Հայաստանում այսօր կան կորոնավիրուսով հիվանդ հազարավոր անձինք, որոնք իրենք էլ չգիտեն, որ վարակված են, քանի որ ոչ մի ախտանշան չունեն:

«Այսօր եթե երկրում կա 7000 ախտորոշված դեպք, դա նշանակում է, որ կա 14 000 վարակակիր, որոնց 90 տոկոսը չգիտի, որ ինքը վարակակիր է: Այսինքն՝ ինքը չգիտի, որ ինքը վարակակիր է ու կարող է վարակել ուրիշներին»,- ասաց վարչապետը

Ըստ Փաշինյանի` սա է պատճառը, որ կառավարությունն առավելապես կարևորում է դիմակներ կրելու ու սոցիալական հեռավորություն պահելու պահանջի պահպանումը:

Միաժամանակ վարչապետը հայտարարեց, որ ժամանակն է ավելի լրջացնելու վերահսկողությունն ու անհրաժեշտության դեպքում կիրառելու ավելի խիստ միջոցներ:

«Եթե դիմակ կրելու պահանջը չպահպանվի, մենք ընդհանրապես պարտադիր կդարձնենք բոլոր տեղերում դիմակ կրելը»,- ասաց վարչապետը:

Դիմակ կրելու պահանջը, վարչապետի խոսքով, առաջին հերթին պետք է պահպանեն պաշտոնյաները, բացառությամբ այն դեպքերի, երբ իրենց աշխատասենյակում մենակ են: Մնացած բոլոր դեպքերում նրանք պետք է լինեն դիմակներով:

Նշենք, որ մայիսի 27–ի տվյալներով` Հայաստանում կորոնավիրուսով վարակվածների թիվը 7774 է։ Այս պահին փաստացի բուժում է ստանում 4377 մարդ, կատարվել է 53678 թեստավորում, առողջացել են վարակվածներից 3255–ը։ Մեկ օրում գրանցվել է մահվան 7 դեպք։

0
թեմա:
Կորոնավիրուսը Հայաստանում և Արցախում (757)