Սպանություն ավտոմեքենայով. Գավառի դեպքն ուղղակի ավտովթար չէր. տեսանյութ

1833
Առաջին հայացքից Սևան-Մարտունի-Գետափ ճանապարհին տեղի ունեցածը երեք մեքենայի մասնակցությամբ վթար էր, բայց՝ միայն առաջին հայացքից։

Հետախուզական միջոցառումների և քննչական գործողությունների արդյունքում պարզել է, որ մարտի 10–ին տեղի ունեցածը ոչ թե սովորական ավտովթար է, այլ ավտոմեքենայի օգնությամբ կատարված սպանության փորձ։ Քննությանը հայտնի տվյալներով՝ «Մերսեդեսն» ու «Ժիգուլին» կայանված են եղել, իսկ մարդիկ՝ ճամփեզրին կանգնած։

«ՎԱԶ 21099-ի» վարորդը ընթանալիս շեղել է մեքենայի ուղղությունն ու դիտավորյալ վրաերթի ենթարկել ճամփեզրին կանգնածներին ու բախվել կայանված մեքենաներին։ Վրաերթի ենթարկվածներից 23-ամյա երիտասարդը, որը Լճափ գյուղի բնակիչ էր, տեղում մահացել է, իսկ մյուսները մարմնական վնասվածքներով տեղափոխվել են «Գավառ» բժշկական կենտրոն։

Նույն հիվանդանոց էր տեղափոխվել նաև «ՎԱԶ- 21099»-ի» վարորդը՝ Գավառի բնակիչ, 25-ամյա երիտասարդը։ Մեքենայի մեջ եղել էր նաև նրա 23-ամյա եղբայրը։ Պարզվել է, որ առավոտյան կենցաղային հարցերի շուրջ միջադեպ է տեղի ունեցել, հետո՝ մեքենան փոխադրամիջոցից վերածվել էր հանցագործության գործիքի։ Սպանության հատկանիշներով հարուցվել է քրեական գործ։ Եղբայրները ձերբակալվել են։ Նշանակվել են փորձաքննություններ։ Ձեռնարկվում են միջոցառումներ՝ հնարավոր զարգացումները կանխելու նպատակով։ Հանգամանքները նախաքննությամբ պարզվում են։

«Մերձմոսկովյան «Խաշ» ռեստորանում կրակել են հայի վրա». ԶԼՄ

Ինչպես արդեն տեղեկացրել էինք, մարտի 10-ին, ժամը 17.25-ի սահմաններում, Գավառի հրշեջ-փրկարարական ծառայությունից ոստիկանության Գավառի բաժնում ահազանգ էր ստացվել, որ Հայրավանք գյուղի մոտակայքում ճանապարհատրանսպորտային պատահար է տեղի ունեցել. մի տղամարդ մահացել է, կան վիրավորներ։

1833
թեգերը:
ՀՀ Ոստիկանություն, Սպանություն, ավտոմեքենա, ավտովթար, Գավառ
թեմա:
Վթար, պատահար, սպանություն, գողություն (2761)
Ըստ թեմայի
Հովհաննիսյան. «Ադրբեջանը հետևողականորեն խուսափում է հրադադարի մեխանիզմների ներդրումից»
Նիկոլ Փաշինյանը ներողություն խնդրեց Կուրթան գյուղի բնակիչ Մեխակ Առաքելյանից
Այրված ու մասնատված դիեր, երեխաների գանգեր, գայլի ոսկորներ. Արտանիշի դամբարանի առեղծվածը

Տանկային անձնակազմերը ոչնչացրին պայմանական հակառակորդի զրահատեխնիկան. տեսանյութ

43
(Թարմացված է 16:30 24.09.2020)
«Կովկաս» զորավարժություններն այս օրերին բուռն թափով անցկացվում են Հայաստանի տարածքում։ Շուշան Ստեփանյանը հետաքրքիր տեսանյութ է հրապարակել։

Հայաստանում ընթացող «Կովկաս» բազմազգ զորավարժությունների ընթացքում այսօր տանկային  անձնակազմերն են մարզվել։ ՀՀ ՊՆ մամուլի խոսնակ Շուշան  Ստեփանյանը գեղեցիկ ու ոգևորող տեսանյութ է հրապարակել զորավարժություններից։

«Տանկային  անձնակազմերը զորավարժությունների կրակային փուլում կիրառեցին ժամանակակից զինված բախումների մարտական ​​փորձը և, օգտագործելով մարտավարական հնարքներ, ոչնչացրին պայմանական հակառակորդի զրահատեխնիկան»,–գրել է նա:

Տեղեկացվում է, որ կրակի կառավարումն ապահովել են անօդաչու թռչող սարքերի հաշվարկները:

«Կովկաս-2020» զորավարժությունները սկսվել են սեպտեմբերի 21-ին ու գրեթե մեկ շաբաթ են տևելու։ Մանևրները մշակում են միաժամանակ մի քանի զորավարժարաններում, նաև Սև ու Կասպից ծովի ջրավազաններում։ Զորավարժություններին մասնակցում են ոչ միայն ռուսաստանցի զիվոնրականները, այլև հյուրեր Հայաստանից, Բելառուսից, Չինաստանից, Մյամնայից ու Պակիստանից։ Ընդհանուր առմամբ մոտ 80 հազար մարդ է հավաքվել։

«Կովկաս – 2020». միջազգային զորավարժություններ, որոնք ուղղված չեն որևէ պետության դեմ

43
թեգերը:
Զորավարժություններ, Շուշան Ստեփանյան, տեսանյութ, տանկ, Հայաստան, «Կովկաս-2020» ռազմավարական հրամանատարաշտաբային զորավարժություն
Ըստ թեմայի
Հայկական ԶՈՒ ստորաբաժանումը կմասնակցի «Կովկաս-2020»–ին. հրավիրված է նաև Ադրբեջանը
Հայաստանում մեկնարկել են «Կովկաս -2020» ռազմավարական զորավարժությունները․ տեսանյութ
«Կովկաս -2020» զորավարժությունների ժամանակ Հայաստանում ավիացիա է գործարկվել

Ո՞ր երկրներն են ուզում ձեռք բերել կորոնավիրուսի դեմ ռուսական պատվաստանյութը

87
Ե՞րբ կավարտվի համավարակը։ Այս հարցը հուզում է բոլորին։ Կորոնավիրուսի հետ կապված պատմությանը վերջակետ դնելու հարցում կօգնի նաև ռուսական «Սպուտնիկ V» պատվաստանյութը։ Թե արտասահմանյան որ երկրներն են մտադիր ձեռք բերել ռուսական դեղամիջոցը, դիտեք մեր տեսանյութում։

Covid-19–ի դեմ ռուսական պատվաստանյութի ստեղծումը կարելի է համեմատել տիեզերական թռիչքի հետ»

«Sputnik V» դեղամիջոցն ապացուցել է իր արդյունավետությունն ու անվտանգությունը։

Ոչնչացնել ռուսական պատվաստանյութը. մեծ քաղաքականության մանր հնարքները

Ռուսաստանն արդեն պատվաստանյութի 1 մլրդ չափաբաժնի հայտ է ստացել 20 երկրից։

Կորոնավիրուսի պատվաստանյութը կարո՞ղ է պաշտպանել գրիպից. պատասխանում է մասնագետը

87
թեգերը:
պատվաստանյութ, կորոնավիրուս, Ռուսաստան
Ըստ թեմայի
Կորոնավիրուսի դեպքերի աճ կլինի. ԱՆ ներկայացուցիչն ասել է` ինչպես կընտրեն պատվաստանյութը
Հնդկաստանը ՌԴ-ից կգնի հարյուր միլիոն չափաբաժին պատվաստանյութ COVID-19–ի դեմ
Հայաստանը պատվաստանյութի ձեռքբերման համար բանակցում է ՌԴ–ի հետ. նախարարություն
Տավուշ, արխիվային լուսանկար

Ի՞նչն է մարդկանց գյուղ տանում, կամ ինչո՞ւ է անշարժ գույքի շուկայում գնանկումն ուշանում

0
(Թարմացված է 22:44 24.09.2020)
Անշարժ գույքի շուկայում հետաքրքիր տենդենց է նկատվում`COVID-ի հետևանքով ոչ միայն գնանկում չի նկատվում, այլև գնաճի միտում կա։ Ավելին, մարդիկ սկսել են գյուղական համայնքներում տուն գնել. մասնագետները Sputnik Արմենիային հայտնել են՝ որն է շուկայում փոփոխությունների պատճառը։ 

ԵՐԵՎԱՆ, 24 սեպտեմբերի - Sputnik, Կարինե Հարությունյան. Չնայած կորոնավիրուսային իրավիճակով պայմանավորված տնտեսական ոչ բարենպաստ իրավիճակին, անշարժ գույքի շուկայում պասիվություն չի նկատվում, ավելին, մասնագետները գնանկման միտում չեն տեսնում։

Տնտեսագետ, ՀՀ կենտրոնական բանկի նախկին նախագահ Բագրատ Ասատրյանը Sputnik Արմենիայի հետ զրույցում ասաց, որ անշարժ գույքի շուկայում միտումները երկակի են։

«Թվում է`իրացվելիության, եկամտաբերության և մարդկանց եկամուտների անկումը պետք է գների նվազման բերեր, սակայն նման միտում չկա։ Հարցն այն է, որ վերջին երկու տարիներին բնակչության բնականոն ներհոսք ենք ունեցել` Ռուսաստանից, Սիրիայից, Լիբանանից։ Այս շարժը շուկան հագեցնում է»,–ասաց Ասատրյանը։

Նրա խոսքով` եթե տնտեսական անկման տեմպը երկար տևի, անշուշտ, այն անշարժ գույքի շուկայի վրա իր կնիքը կթողնի։ Սակայն այս պահին, ըստ Ասատրյանի, անշարժ գույքի շուկայում գների առումով իրավիճակը կայուն է։

Տունը վաճառեցինք, բա հետո՞․ ինչու են Հայաստանում համավարակի ժամանակ բնակարանները թանկանում

Շուկայում, սակայն, մեկ այլ միտում կա. սեպտեմբերի 24-ին Կադաստրի պետական կոմիտեի ղեկավար Սուրեն Թովմասյանը հայտնել էր, որ օգոստոս ամսվա տվյալներով` գյուղական համայնքներում անշարժ գույքի առուվաճառքի 39 տոկոս աճ է նկատվել։

Silver Rea գործակալության ղեկավար, անշարժ գույքի գործակալ Անդրանիկ Հարությունովը նշում է, որ հաճախորդների մեջ հետաքրքրություն կա գյուղական համայնքների, հատկապես` Աբովյանի հարակից գյուղերի, Ջրվեժի, Ձորաղբյուրի նկատմամբ։ Այդ հատվածներում ակտիվ կառուցապատում է իրականացվում, մրցակցություն էլ կա։

«Այդ հատվածներում տուն գնելն ավելի մատչելի է, քան Երևանում, ինչի համար էլ մարդիկ նախընտրում են երևանամերձ բնակավայրերը։ Առաջնային շուկայից` կառուցապատողից, անշարժ գույք ձեռք բերելու մեծ հետաքրքրություն կա»,–նշեց Հարությունովը։

Սակայն, մյուս կողմից, նրա խոսքով` 2018-ից սկսած հետաքրքրությունը մեծացել է նաև Երևանի նկատմամբ՝ ինչպես տեղի բնակիչների, այնպես էլ դրսից եկողների համար, չնայած՝ վերջին շրջանում գյուղական համայնքներում առկա տեմպին չի հասնի։

«Թիվ մեկ» անշարժ գույքի գործակալության տնօրեն Սառա Հակոբյանը հայտնեց` հատկապես դրսից վերադարձողները նախընտրում են տուն գնել մարզերում, քանի որ Երևանում դրանք մատչելի չեն։ Հակոբյանի խոսքով`մարզերում տուն գնելու համար հիփոթեքային վարկերը նույնպես ավելի ձեռնտու են, քան Երևանում։

Թանկ և էժան տներ Հայաստանում. ով որքան է վճարելու անշարժ գույքի համար

«Մարզերը նախընտրում են ոչ միայն մատչելիության առումով, այլ նաև շատերին հողագործությունն է հետաքրքրում։ Այսինքն` մարդիկ ուզում են սեփական տնամերձն ունենալ»,–պարզաբանեց Հակոբյանը։

Անշարժ գույքի գնահատմամբ ու վաճառքով զբաղվող «Ռեդ գրուպ» ընկերության բիզնեսի զարգացման գծով տնօրեն Էդուարդ Ապրիյանի կարծիքով` պետության վարած քաղաքականության հետևանքով է, որ գյուղական համայնքների հանդեպ հետաքրքրությունը մեծացել է։ Հարցն այն է, որ պետությունը սուբսիդավորման ծրագրեր է առաջարկում գյուղական համայնքներում, օրինակ, ջերմոցների կառուցման համար։

Բացի այդ, ըստ Ապրիյանի` մարզերում անշարժ գույք ձեռք բերելու փաստաթղթաշրջանառությունը շատ ավելի քիչ է, քան Երևանում։

Իսկ ինչ վերաբերում է գներին, ապա այս առումով, ըստ դիտարկմամբ, հարաբերական անդորր է։

«Համավարակի պատճառով կանխատեսումներ կային, թե գնանկում կունենանք, սակայն հիմա կայուն վիճակ է։ Կարծում եմ` առաջիկայում գնաճ էլ չի լինի, քանի որ կառուցապատման ավելացում կա, և ընտրության լայն հնարավորություն կա»,–հավելեց Ապրիյանը։

Հիշեցնենք, որ անշարժ գույքի շուկայում 2020-ի օգոստոսին կնքվել է 16 491 գործարք․ այս տվյալը հուլիսի համեմատ աճել է 1.5, իսկ 2019-ի համեմատ` 6.3 տոկոսով։

Զգայուն ակնկալիքներն ու անշարժ գույքի շուկան․ ինչ սպասել 2020–ին

0
թեգերը:
Հիփոթեքային վարկ, Գյուղ, գնաճ, Անշարժ գույք, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Փաշինյանն ասաց, գները բարձրացա՞ն. ինչ է իրականում կատարվում անշարժ գույքի շուկայում
Եկամտահարկի վերադարձը խթանում է պահանջարկը. իրավիճակը Հայաստանի անշարժ գույքի շուկայում
Ի՞նչ փոփոխության է ենթարկվել անշարժ գույքի շուկան. գների դինամիկա
Հայաստանում ցանկանում են փոխել անշարժ գույքի արժեքը ապագա հարկերի համար