«Հակասորոսական պայքարում մեզ հետ արդեն տարբեր երկրներ են համագործակցում». Նարեկ Մալյան

704
(Թարմացված է 23:01 09.03.2020)
«ՎԵՏՕ» հասարակական շարժման ղեկավար, գրող, հրապարակախոս Նարեկ Մալյանը Sputnik Արմենիայի «Հակահարված» հաղորդաշարի շրջանակում խոսել է Քիշնևում կայացած համաժողովի մասին, որին մասնակցել է ու հանդես եկել դասախոսությամբ։

Նախորդ մեկ տարվա ընթացքում «ՎԵՏՕ» շարժումն, ըստ Նարեկ Մալյանի, գրանցել է բավականին մեծ արդյունք։ Աշխատանքի արդյունավետությունը բերել է նրան, որ իրենց հետ համագործակցելու առաջարկներ են եղել աշխարհի տարբեր երկրներից, տարբեր մարդկանցից, որոնք նույնպես հաջողությունների են հասել նույն գործունեության մեջ` Ջորջ Սորոսի գործակալական ցանցի դեմ մղվող պայքարում։

«Այդ մարդկանց մեջ կան նաև հակագլոբալիստներ, սակայն նրանք ավելի վաղուց են բախվել այդ խնդրին իրենց գործունեության ընթացքում, հետևաբար իրենց երկրներն էլ այդ առումով գտնվում են տարբեր կարգավիճակներում»,– Sputnik Արմենիայի հետ զրույցում ասաց «ՎԵՏՕ» հասարակական շարժման ղեկավարը։

Նրա խոսքով` քիշնևյան հավաքի համար հիմք էր հանդիսացել Անտուան Պլակեի գրքի շնորհանդեսը, որը կոչվում է «Ջորջ Սորոս. Բաց հասարակություն. Եվրոպայի մետաքաղաքականությունը»։

Գիրքը ֆունդամենտալ, փաստագրական ստեղծագործություն է Եվրոպայում Ջորջ Սորոսի գործակալական ցանցի կառուցվածքի, աշխատանքի բնույթի մասին։

Ուսումնասիրելով մոլդովական միջավայրը` Մալյանը եզրակացրել է, որ սորոսական ՀԿ–ներն այնտեղ և Հայաստանում ունեն նույն անվանումները, գործում են նույն մեթոդներով։ Մալյանին, օրինակ, ցնցել է այն իրողությունը, թե ինչ սարսափելի հարձակումների է ենթարկվում Մոլդովայի ուղղափառ եկեղեցին սորոսականների կողմից։

Սորոսն ինձ հետ հանդիպելու ցանկություն էր հայտնել. Փաշինյան

Ըստ Մալյանի` Մոլդովայում իրենց գործընկերները, բարեբախտաբար, գտնվում են այն փուլում, որ կարող են կանխել շատ բան, հետևաբար հայաստանյան գործընկերների փորձն ու խորհուրդները գնահատել են հավուր պատշաճի։

Նշենք, որ «ՎԵՏՕ» հասարակական շարժման ղեկավար Նարեկ Մալյանը միլիարդատեր Ջորջ Սորոսի գործակալական ցանցի գործունեության բացասական հետևանքների թեմայով Քիշնևում ելույթ է ունեցել օրեր առաջ:

Իրարանցում Սորոսի հիմնադրամում. կոչ են անում չմասնակցել «հակահեղափոխությանը»

704
թեգերը:
Սորոսի հիմնադրամ, Նարեկ Մալյան
Ըստ թեմայի
Մալյանն ազատ արձակվեց. նա ասաց` տեղյակ է, թե ինչ է պահանջել Լարիսա Մինասյանը վարչապետից
«Ծնող N1 ու N2-ն անթույլատրելի են». հայ գործիչները` Պուտինի որոշման մասին

«Կովկաս 2020». միջազգային զորավարժություններ, որոնք ուղղված չեն որևէ պետության դեմ

12
(Թարմացված է 18:40 22.09.2020)
Կորոնավիրուսի համավարակի պատճառով միջազգային զորավարժություններն անցկացվում են հակահամաճարակաբանական միջոցների խիստ պահպանմամբ։ Ռուսաստան ժամանած յուրաքանչյուր արտասահմանցի զինվորական մանրակրկիտ բժշկական ստուգում է անցել։

Ռուսաստանի Դաշնությունում մեկնարկել են «Կովկաս – 2020» մեծածավալ միջազգային զորավարժությունները։ Հարավային ռազմական շրջանի հինգ զորավարժարաններում ու Սև և Կասպից ծովերի ջրային տարածքներում կանցկացվեն ծավալուն մանևրներ, որոնց կմասնակցեն 80 հազար ռուսաստանցի զինվորական ու ավելի քան հազար միավոր տեխնիկա։

Համատեղ զորավարժություններին մասնակցելու են հրավիրված նաև ավելի քան հազար զինվորական Աբխազիայից, Հայաստանից, Բելառուսից, Չինաստանից, Մյանմայից ու Պակիստանից։ 6 երկրներից ժամանած հյուրերը որպես դիտորդ հետևելու են մանևրների ընթացքին։

Որպես դիտորդ հրավիրված են Ադրբեջանի, Ինդոնեզիայի, Իրանի, Ղազախստանի, Տաջիկստանի ու Շրի Լանկայի ներկայացուցիչները։

Այս տարի կորոնավիրուսի համավարակի պատճառով միջազգային զորավարժություններն անցկացվում են հակահամաճարակաբանական միջոցների խիստ պահպանմամբ։ Ռուսաստան ժամանած յուրաքանչյուր արտասահմանցի զինվորական խիստ բժշկական ստուգում է անցել։

ՀՀ-ում մեկնարկել է ռուսաստանցի զինծառայողների հետ համատեղ զորավարժությունը

Զորավարժությունների առաջին փուլում հրամանատարությունն առանձնակի ուշադրություն կդարձնի բոլոր մասնակից երկրների զինվորականների փոխներգործության մշակմանը, նաև ռադիոէլեկտրոնային պայքարի կազմակերպմանը, հակաօդային պաշտպանությանը, թիկունքային ու տեխնիկական ապահովմանն ու կապին։

Երկրորդ փուլում զինվորականներն օդային ուժերի, հրետանու ու ավիացիայի մասնակցությամբ կհարթեն զորքերի կառավարումը համատեղ մարտական գործողություններ իրականացնելու ընթացքում։ 

Սև ծովի նավատորմը, Կասպից ծովի ֆլոտիլիան ու Իրանի ՌԾՈՒ-ն նաև ծովային մարտի մի քանի դրվագ կխաղարկեն։

«Կովկաս-2020» զորավարժությունների գլխավոր նպատակն է համատեղ պաշտպանական գործողությունների մշակումը։ ՌԴ պաշտպանության նախարարությունում ընդգծում են, որ դրանք ուղղված չեն որևէ պետության դեմ ու չպետք է լարեն միջազգային իրադրությունը։

Այդ պատճառով էլ, ի տարբերություն ՆԱՏՕ-ի անդամ երկրների, որոնք պարբերաբար զորավարժություններ են անցկացնում Ռուսաստանի սահմանների մոտ, բոլոր մանևրներն անցկացվում են երկրի խորքում։

Հայաստանը կմասնակցի «Կովկաս-2020» զորավարժությունների ցամաքային մասին

12
թեգերը:
Հայաստան, Ռուսաստան, «Կովկաս-2020» ռազմավարական հրամանատարաշտաբային զորավարժություն, Զորավարժություններ
Ըստ թեմայի
Թուրքիայի զորավարժություններն ու Էրդողանի արկածախնդրությունը. ինչ մեսիջներ ունեն դրանք
Ինչո՞ւ է Ռուսաստանը զորավարժություններ անցկացնում Կովկասի 5 տարածաշրջանում
Թուրքիան զորավարժություններ կանցկացնի Միջերկրական ծովում

Խաբարովսկում ավտոբուս է շրջվել. տեսանյութ

17
(Թարմացված է 16:53 22.09.2020)
Ճանապարհատրանսպորտային պատահարի հետևանքով տուժածներ կան։ Վեցը ծանր վիճակում են։

Խաբարովսկի Ուլչսկի շրջանում ուղևորատար ավտոբուս է շրջվել, որում 44 մարդ է եղել։ Նրանցից 13-ը վնասվածքներով ու կոտրվածքներով տեղափոխվել են մոտակա բնակավայրի հիվանդանոց: Վեց հոգու ուղղաթիռով տեղափոխել են Խաբարովսկ, ըստ տարածաշրջանի առողջապահության նախարարության` նրանք ծանր վնասվածքներ են ստացել։

Место ДТП в Хабаровском крае (22 сентября 2020).
© Photo : РИА Новости
Շրջված ավտոբուսը

Խոշոր հրդեհ կրակայրիչների արտադրամասում. աշխատակիցներից մեկն այրվածքներ է ստացել

Հնարավոր է` ավտոբուսը շրջվել է այն պատճառով, որ չափազանց շատ է մոտեցել ճամփեզրին։ Այս վարկածն ուսումնասիրում է շրջանային դատախազությունը։

Վթար Սյունիքի մարզում. տուժել են 5 ուղևոր, որոնցից 2–ը` անչափահաս

«Հինգ աստղ» ընկերության ղեկավար Յուրի Վասիլևը հայտնել է, որ ավտոբուսում ձկնորսներ են եղել։

Մահվան ելքով վրաերթ Արմավիրում. վարորդը փախուստի չի դիմել, բայց տուժածին փրկել չի հաջողվել

17
թեգերը:
տեսանյութ, ավտոբուս, Խաբարովսկ
Ըստ թեմայի
Չայնիի ոլորաններում բախվել են Geely–ն և Opel–ը. կա մեկ զոհ, երեք վիրավոր
Կրակոցներ Երևանում. «Դվին» հյուրանոցի մոտ վիճաբանություն է եղել
Վարորդի ինքնազգացողությունը վատացել է․ մանրամասներ բեռնատարի հրդեհից
Սիգ. արխիվային լուսանկար

Հայաստանից Ռուսաստան 7200 տոննա ձուկ է արտահանվել

0
(Թարմացված է 19:21 22.09.2020)
Մինչև տարեվերջ ակնկալվում է Հայաստանից դեպի Ռուսաստան ձկնամթերքի արտահանման կրկնակի աճ:

ԵՐԵՎԱՆ, 22 սեպտեմբերի – Sputnik. Սննդամթերքի անվտանգության տեսչական մարմինը տեղեկացնում է, որ ՀՀ-ից ձկնամթերքի արտահանումը Ռուսաստան 2019թ. 5400 տոննայի համեմատությամբ 2020-ի 7 ամիսներին աճել ու հասել է մինչև 7200 տոննայի։

Հայկական կողմի նախաձեռնությամբ այսօր տեղի է ունեցել տեսահանդիպում ՀՀ սննդամթերքի անվտանգության տեսչական մարմնի ղեկավար Գեորգի Ավետիսյանի և ՌԴ անասնաբուժական և բուսասանիտարական հսկողության դաշնային ծառայության (Россельхознадзор) ղեկավար Սերգեյ Դանկվերտի միջև:

«Կողմերը քննարկել են Հայաստանից ձկնամթերքի և կաթնամթերքի, մասնավորապես՝ պանրի արտահանման հետ կապված իրադրությունը: Նշվել է, որ մինչև տարեվերջ ակնկալվում է ՀՀ-ից ձկնամթերքի արտահանման կրկնակի աճ: Քննարկվել են նաև մինչև 2025թ. ԵՄ շրջանակներում տնտեսական ինտեգրման ռազմավարական ուղղությունները»,–նշված է ՍԱՏՄ–ի հաղորդագրության մեջ։

Հայաստանի և Ռուսաստանի սննդամթերքի անվտանգության պատասխանատուները եկել են ընդհանուր հայտարարի՝ ստեղծել ու պահպանել հնարավոր բարենպաստ պայմաններ սննդի ոլորտում առևտրաշրջանառության ակտիվացմանը նպաստելու, ինչպես նաև անվտանգ սննդամթերքի մատակարարումն ապահովելու համար:

Սիգի օրինական որսը հատուկ ընթացակարգով կընթանա. 17 կետ է նախանշվել

Հիշեցնենք, որ օգոստոսի 20-ին մեկնարկել է Սևանա լճում սիգի արդյունագործական որսի փորձարարական ծրագիրը, որը նախատեսում են հետագա տարիներին դարձնել Սևանա լճում ձկնապաշարի վերականգնման հիմնական համակարգը։

Արդյունագործական ձկնորսության համար գործում են հատուկ կանոններ` որսացող սիգի քաշը նվազագույնը պետք է լինի 0.5 կգ։ Ավելին, որս պետք է կատարել ափերից նվազագույնը 500 մետր խորությամբ դեպի լճի մակերևույթ հատվածներում։

Սիգի ապօրինի որսը կանխելու հարցում նախարարի հույսը քաղաքացիներն են

0
թեգերը:
Հայաստան, Ռուսաստան, արտահանում, ձուկ
Ըստ թեմայի
Ձուկը կթանկանա. կառավարությունն օրինականացնելու է Սևանի ձկան որսը
Ով իրավունք կունենա Սևանում ձուկ որսալու. արգելքը հանվում է, սահմանվում են նոր կանոններ
Սևանի կանաչ ջրիմուռներով սնված ձուկն ու անասունը կարող են վտանգավոր լինել ուտողի համար