Կամերային երաժշտության ազգային կենտրոնն այսուհետ կներկայանա նոր գործիքներով

413
(Թարմացված է 20:31 07.03.2020)
Կամերային երաժշտության ազգային կենտրոնի տնօրեն Նորայր Նազարյանը և փոխտնօրեն Արմեն Սուքիասյանը Sputinik Արմենիայի եթերում խոսել են երաժշտական նոր գործիքների համալրման և կամերային երաժշտության տարածման նոր հեռանկարների մասին։

Ճապոնիայի կառավարության տրամադրած դրամաշնորհով «Կամերային երաժշտության ազգային կենտրոն» ՊՈԱԿ-ն այս տարվա ընթացքում ձեռք կբերի ճապոնական Yamaha ապրանքանիշի երաժշտական գործիքներ, այդ թվում՝ ռոյալ, տիմպանիներ, թմբուկներ, քսիլոֆոն, գլյոկենշպիլ և այլ հարվածային գործիքներ։

ՊՈԱԿ-ի տնօրեն Նորայր Նազարյանը վստահ է, որ նոր գործիքների համալրումը հնարավորություն կտա էլ ավելի բարձրակարգ երաժիշտների հրավիրել և բարձրակարգ երգացանկ ընտրել:

«Հուսով ենք՝ նման իրադարձությունները և համագործակցությունները շարունակական բնույթ կկրեն, ինչպես և շարունակական են մեր ջանքերը կամերային արվեստի հետագա զարգացման ոլորտում»,- ասաց նա։

Նշենք, որ Հայաստանում Ճապոնիայի արտակարգ և լիազոր դեսպան Ջուն Յամադան և «Կամերային երաժշտության ազգային կենտրոն» ՊՈԱԿ-ի տնօրեն Նորայր Նազարյանը կամերային երաժշտական կենտրոնին գործիքներ տրամադրելու մասին պայմանագիր են ստորագրել:

Դրամաշնորհը տրամադրվել է «Grassroots» մշակութային դրամաշնորհային աջակցության ծրագրով։

413
թեգերը:
երաժշտական գործիքներ, Հայաստան
թեմա:
ԱրտԲոքս (117)
Ըստ թեմայի
«Սեղանային մշակույթն» իրեն սպառել է. ո՞ր թանգարաններն ու թատրոնները կաշխատեն տոն օրերին
Գիժ ելույթներ, տարօրինակ ձայներ դահլիճից. ինչ է սպասվում Արտո Թունջբոյաջյանի համերգին
Աշխարհում եզակի երգչախումբ. հաշմանդամություն ունեցող հայ երգիչները նվաճում են մեծ բեմերը
24 տարեկանում նրա գործը օպերային բեմ բարձրացավ, բայց նա հեռացավ հայրենիքից. ինչո՞ւ

sys_stories