Կորոնավիրուսը հասել է Հայաստան։ Հարավային Կովկասի բոլոր երկրներից մեր երկիրը վերջին «հանձնվողն» էր:
Կորոնավիրսով վարակված 29-ամյա ՀՀ քաղաքացին Երևան է ժամանել փետրվարի 28-ին, Թեհրանի չվերթով։ Նրա կնոջ թեստը բացասական արդյունք է ցույց տվել:
Տղամարդու հետ շփում ունեցած 32 անձինք մեկուսացված են: Բոլոր մեկուսացված անձինք գտնվում են Ծաղկաձորի «Գոլդեն Փելես» հյուրանոցում:
Հայսատանում մեկ շաբաթով նաև չեղարկվել են հանրակրթական դպրոցների և բուհերի դասերը:
Թեհրանից չվերթեր չեն սպասվում, բայց ցամաքային սահմանը փակ չէ։ Իրանական և վրացական բոլոր բեռնատարները մանրակրկիտ ստուգվում են:
Ինչ իրավիճակ է երևանյան սուպերմարկետներում. սովորական գնումնե՞ր, թե՞ խուճապ
Հիշեցնենք՝ Իրանում ՀՀ դեսպանությունը հայտնել էր, որ փետրվարի 25-ից 28-ն ընկած ժամանակահատվածում օդանավով Հայաստան են տեղափոխվել ՀՀ 130 քաղաքացի և Հայաստանում օրինական կացության իրավունք ունեցող անձինք, իսկ ցամաքային սահմանով՝ 229 քաղաքացի: Ցամաքային սահմանով քաղաքացիների մուտքը Հայաստան ներկայումս շարունակվում է:
