«Հանրային իրազեկման և մոնիտորինգի կենտրոն» ՀԿ նախագահ Մարի Չաքրյանի կարծիքով` Երևանում կանաչ տարածքները մնացել են միայն թղթի վրա։
«Ըստ ՄԱԿ–ի հրապարակած տվյալների` որպեսզի խոշոր քաղաքներում կանաչ զանգվածը մարդու առողջության համար բավարար լինի, այն պետք է լինի 1 շնչի հաշվով նվազագույնը 9 քառակուսի մետր լինի։ Սա նվազագույն շեմն է, իսկ օպտիմալ տարբերակը 50 քմ–ն է»,– Sputnik Արմենիայի հետ զրույցում ասաց նա։
Վիճակագրական վերջին տվյալներով` մայրաքաղաքում մեկ շնչին բաժին է ընկնում 7.5 քմ կանաչ տարածք, ինչը, մասնագետների դիտարկմամբ, չի կարող մարդու համար անհրաժեշտ առողջ միջավայր ապահովել։ Բայց նույնիսկ այս թիվն, ըստ Չաքրյանի, չի արտահայտում իրական պատկերը։
«Հաշվարկը կատարվել է քարտեզում ներկայացրած կանաչ զանգվածի մակերեսով, որը մենք գիտենք, որ իրականում կանաչ չէ։ Այդպես է և՛ «Հաղթանակ» զբոսայգու հարակից հատվածներում, և՛ Օղակաձև զբոսայգում, որտեղ միայն պետք է ինչ–որ ժամանակավոր սրճարաններ, շինություններ լինեն, բայց կան կապիտալ կառույցներ, և՛ Դալմայի այգիների տարածքում, որտեղ քարտեզներում նշվում է կանաչ զանգված ու նույնիսկ 256 հա անտառային հող է նշվում, որ, փաստորեն, անտառ չէ։ Այսինքն` այն տարածքները, որոնք ներկայացված են որպես կանաչ, իրականում ու հիմնականում կանաչ չեն,– ասաց Չաքրյանը և ավելացրեց, որ կանաչ գույնը միայն թղթի վրա է մնացել։
Նորքի նախկին անտառի նոր սեփականատերերին կպարտադրեն ծառ տնկել
Հիշեցնենք` այս թեմային կառավարության փետրվարի 20-ի նիստում անդրադարձել էր նաև ՀՀ վարչապետ Նիկոլ Փաշինյանը։
Նա ևս շեշտել էր, որ նախկին իշխանությունները տարիներ շարունակ ՀՀ օրենքները հարմարեցրել են իրենց շահերին, ինչի մասին են վկայում «Հաղթանակ» զբոսայգու հարակից տարածքում կառուցված անօրինական առանձնատները։
Փաշինյանը չի հրաժարվել 10 մլն ծառ տնկելու գաղափարից. վարչապետը կրկնեց իր հայտարարությունը
Վարչապետը խոստացել էր հարկ եղած դեպքում կիրառել անցումային արդարադատության գործիքները, քանի որ կատարվածը արհամարհանք է հանրային կարծիքի և Հայաստանում տեղի ունեցած պրոցեսների նկատմամբ։
