Թեղենիքում վռնդել են Ուտիս տատին. Հայաստանում վերակենդանացնում են Բարեկենդանի ծեսը

220
(Թարմացված է 19:11 22.02.2020)
Կոտայքի մարզի Թեղենիք գյուղում սարից ցած են նետել խորհրդանշական Ուտիս տատին։ Ժողովրդական ավանդույթի համաձայն` հավատացյալ ժողովուրդն այսպես է պատրաստվում 40-օրյա պահքին։

Կոտայքի մարզի Թեղենիք գյուղում այսօր նշել են հայկական ժողովրդական ամենասիրված տոներից մեկը` Բարեկենդանը։ Ժողովրդական տոնախմբությանը կազմակերպիչներն ու մասնակիցները վերհիշել են ազգային տոնի բոլոր սովորույթները, պատրաստել ծիսական տիկնիկներ, կատարել ազգային երգեր ու պարեր։

Տոնակատարության ժամանակ երիտասարդները Ուտիս տատի խորհրդանշանակ տիկնիկն են պատրաստել, իսկ տոնական օրվա ավարտին այն նետել են սարի գագաթից։

«Ուտիս տատը շերեփը ձեռքին ամբողջ օրը ճաշ է եփում։ Նա շատ է երես տալիս երեխաներին, նրանց շատակեր է մեծացնում»,– գյուղի եկեղեցու բակում հավաքվածներին բացատրել է կազմակերպիչներից մեկը։

Ուտիս տատի տիկնիկը պատրաստելու մասին գրել է Պերճ Պռոշյանը։ Ըստ նրա` Աշտարակում ժողովուրդն Ուտիս տատի տիկնիկ էր պատրաստում, իսկ երիտասարդներն այն տանում, սարից ցած էին նետում, վռնդում էին` ասելով. «Ուտիս տա՛տ, քո ժամանակն ավարտվել է, հիմա Պաս պապի ժամանակն է»։

Ինչու էին հայերը երեխային բարուրում հողով և պորտալարը թաղում բակում. հայկական ավանդույթներ

Նախնյաց ավանդույթի համաձայն` Թեղենիքի երիտասարդներն էլ այսօր վերցրին Ուտիս տատի տիկնիկն ու գլորեցին իրենց գյուղի բարձունքից։

Ուտիս տատի կերպարին ժողովուրդը հակադրել է խստաբարո Պաս պապի կամ Ակլատիզի կերպարը։ Պաս պապն իր խիստ հայացքով 7 շաբաթ շարունակ հսկում էր, որ տանը բոլորը պաս ու ժուժկալություն պահեն։

«Կէան» կրթամշակութային կենտրոնն այս նախաձեռնությամբ փորձում է վերակենդանացնել ավելի քան 100 տարի առաջ հայաստանցիների կենցաղից դուրս է մղված գեղեցիկ ծիսակարգերը։

Ըստ ավանդույթի` Ուտիս տատը խորհրդանշում է կնոջ տիրապետության շրջանը՝ ուտիս օրերը, իսկ Պաս պապը` արական տիրապետության և Պաս օրերի շրջանը:

Սուրբ Հարության (Զատկի) տոնին նախորդող մեծ պահքը Հայ առաքելական եկեղեցու տոնացույցով կմեկնարկի երկուշաբթի օրվանից` փետրվարի 24-ից։

Հայկական ավանդական հարսանիք. ինչու էին հնում հայուհիները կարմիր ու կանաչ հագնում

220
թեգերը:
տեսանյութ, Բարեկենդան, Կոտայք, Հայաստան
Ըստ թեմայի
«Ամենալավ բարձը մաքուր խիղճն է». ինչ են հուշում հին հայկական ավանդույթները
Յարխուշտա ենք պարելու. Փաշինյանն ասաց` երբ և որտեղ. տեսանյութ
Հարսանիքներ քոչարիի, թե՞ թուրքականի տակ. ռաբիսը ստվերում է հին հայկական ավանդույթները

Հայտնի լուսանկարի հերոս հրետանավոր Արմանը տանն է. տեսանյութ

151
(Թարմացված է 19:47 04.12.2020)
Օրեր շարունակ որդուց լուր չունեցող մայրը պատահաբար է տեսել Արմանի լուսանկարը։ Ճանաչել է ձեռքերից ու այդ րոպեից անդադար և ամեն օր աղոթել է։

Արցախյան նորօրյա պատերազմի մասին պատմող լուսանկարներից մի քանիսը մեծ տարածում գտան ոչ միայն հայաստանյան, այլև միջազգային մամուլում ու համացանցում։ Այդ լուսանկարներից մեկի հերոսը հրետանավոր, ժամկետային զինծառայող Արման Եդիգարյանն է։ «Զինուժ մեդիան» տեսանյութ է պատրաստել առաջնագծից ողջ ու առողջ տուն վերադարձած հերոսի մասին։

Նրա և հրետանավոր մյուս հերոսի՝ Ալբերտ Հովհաննիսյանի լուսանկարները հաճախ օգտատերերը շփոթում էին։ Իրականում Արմանն ու Ալբերտը նույն վայրում ու կողք կողքի էին կռիվ տալիս թշնամու դեմ։ Երկու հայտնի լուսանկարներն էլ արվել են պատերազմի ամենաթեժ օրերին ու ամենաթեժ բնագծերից մեկում՝ Ջրականում։ Հերթական մարտից առաջ էլ Արմանն ու Ալբերտն իրար ձեռքով հաջողություն են մաղթել։ Ցավոք, դա Ալբերտի վերջին մարտն էր...

Արմանը համեստությամբ ասում է՝ այդ լուսանկարներն աշխարհին պատմեցին այն մասին, թե ինչպես է հայ զինվորն իր հողը պահում։

«Տղերքն իրենց կյանքի գնով պահել են դիրքը...»,-ասում է նա։

Հարութը երազում էր շատ երեխաներ ունենալ. ռազմական բժիշկը զոհվեց` 2 վիրավորներին փրկելով 

Պատերազմի օրերին միայն Արմանն իր հաշվարկով թշնամու ուղղությամբ ավելի քան 600 արկ է արձակել, իսկ դիվիզիոնը՝ 5000-ից ավելի։ Նշում է, որ թշնամուն զգալի վնաս են պատճառել։

Մեկը 5 տանկ է խոցել, մյուսը` 10 վիրավորի կյանք փրկել. մերօրյա հերոսների սխրանքը

Որդու և մյուս զինվորների կողքին լինելու համար գրեթե առաջին օրերից առաջնագիծ է մեկնել նաև Արմանի հայրը։

Օրեր շարունակ որդուց լուր չունեցող մայրն էլ պատահաբար համացանցում է տեսել Արմանի լուսանկարը։ Ասում է՝ ճանաչեց ձեռքերից ու այդ րոպեից անդադար և ամեն օր աղոթել է։

«Գնում եմ Արցախ, որ հետո տղաս չգնա». բժիշկ Նարեկն Ապրիլյանից վերադարձավ, հիմա չստացվեց

151
թեգերը:
Լուսանկար, Պատերազմ, Արցախ
թեմա:
Ադրբեջանական ագրեսիան Արցախում - 2020
Ըստ թեմայի
Ճանաչենք մեր հերոսներին. Քարամյանի շնորհիվ 600 զինծառայող դուրս են բերվել շրջափակումից
«Հայերը հերոսության հրաշքներ են գործել». ռուս փորձագետը` Արցախի «մարտական ոչ-ոքիի» մասին
Հերոսները չեն մեռնում. եզդի երգիչն Արցախում զոհված հայրենակիցներին երգ է նվիրել
Հենրիխ Մխիթարյանն իր երկու գոլը նվիրել է հայ հերոսներին. լուսանկար

Ստեփանակերտում կառուցվող բազմահարկ շենքերը շահագործման կհանձնվեն հաջորդ տարվա առաջին կեսին

30
(Թարմացված է 19:15 04.12.2020)
Արցախի նախագահ Արայիկ Հարությունյանը շրջել է Ստեփանակերտի մի շարք շինհարթակներում։

Արցախում սոցիալական թիվ մեկ խնդիրը բնակարանայինն է։ Արցախի նախագահ Արայիկ Հարությունյանի խոսքով` առաջիկա տարիներին կառավարությունն իր հիմնական ջանքերը գործադրելու է բոլոր անօթևան մնացած քաղաքացիներին բնակարաններով ապահովելու համար:

Ռուսաստանի աջակցությամբ Արցախում մոտ 8000 բնակելի տուն կկառուցվի

Հարությունյանն այսօր աշխատանքային այցով եղել է մայրաքաղաքի մի շարք շինհարթակներում և օբյեկտների շահագործման ժամկետների վերաբերյալ տվել նոր հանձնարարականներ: Այցի մասին պատմող տեսանյութը նա տեղադրել է Facebook–ի իր էջում։

Մասնավորապես՝ Ստեփանակերտի տարբեր հատվածներում կառուցվող բազմահարկ շենքերը՝ շուրջ 300 բնակարաններով, աշխատուժի ավելացման հաշվին շահագործման կհանձնվեն մինչև հաջորդ տարվա առաջին կես:

30
թեգերը:
Արցախի նախագահ Արայիկ Հարությունյան, բնակարանաշինություն, բնակարան, շինարարություն, Ստեփանակերտ
Ըստ թեմայի
Ռուս խաղաղապահներն ականազերծել են Ստեփանակերտի դպրոցի տարածքը
Ստեփանակերտում ռուս խաղաղապահները մոտ 100 պայթյունավտանգ առարկա են վնասազերծել
Հնարավոր է նաև վիրահատություն անել. Ստեփանակերտի դաշտային հոսպիտալը` լուսանկարներով
Հայփոստ

Հայաստանում կզարգանան փոստային ծառայությունները

0
(Թարմացված է 21:11 04.12.2020)
Հայաստանի, Ռուսաստանի, Ղրղզստանի և ԵԱԶԲ փոստային օպերատորները կզարգացնեն փոստային ծառայությունները։

ԵՐԵՎԱՆ, 4 դեկտեմբերի - Sputnik. Եվրասիական զարգացման բանկը, Հայաստանի, Ղրղզստանի և Ռուսաստանի փոստային օպերատորները ՝ «Հայփոստը», «Կիրգիզ փոստը» և «Ռուսաստանի փոստը» կզարգացնեն իրենց ծառայությունները բաժանորդների և ընկերությունների համար: Տեղեկությունը հայտնում է «Ռուսաստանի փոստի» մամուլի ծառայությունը։

«Նպատակը բոլոր երեք երկրների տարածքում փոստային-լոգիստիկ ծառայություններ պատվիրող հաճախորդների համար միասնական պատուհանի ստեղծումն է։ Սա մեր երկրների փոստային օպերատորների միջև առաջին նման համագործակցությունն է։ Նման նախագծերը կոչված են առավելագույնս դյուրացնելու երեք երկրների տարածքում էլեկտրոնային առևտրի միջազգային բիզնեսի վարումը և հեշտացնելու տեղական խաղացողների համար արտասահմանյան շուկաներ դուրս գալը», - ասված է հաղորդագրության մեջ:

Կողմերը պայմանավորվել են երկրների միջև միջազգային փոստային առաքանիների առաքման լոգիստիկ ծառայություններ ստեղծել։ Ինչպես նաև քննարկվել է Ասիա – Եվրոպա, Եվրոպա – ԵԱՏՄ երկրներ, Ամերիկայի Միացյալ Նահանգներ – ԵԱՏՄ ուղղություններով առաքումների տարանցման կազմակերպման համար ապրանքների մշակումն ու այս ոլորտում ջանքերի համակարգումը։

ԵԱԶԲ-ն և Հայաստանի, Ռուսաստանի ու Ղրղզստանի փոստային օպերատորները մտադիր են զարգացնել համագործակցությունը միջազգային փոստային առաքանիների միասնական տեխնոլոգիայի մշակման և ներդրման, մաքսային պահեստների կազմակերպման ժամանակ առցանց առևտրի լիազորված օպերատորի տեխնոլոգիայի կիրառման և այլ ուղղություններով։

«Հայփոստը» դուստր կազմակերպություն կհիմնի Չինաստանում. Արշակյան

0
թեգերը:
Եվրասիական զարգացման բանկ (ԵԱԶԲ), Ղրղզստան, Ռուսաստան, Հայաստան