18 տարեկանում Եվրոպայի չեմպիոն դարձած ըմբիշ Էդմոնդ Նազարյանը հպարտ է, որ կարողանում է հոր` Արմեն Նազարյանի անունը բարձր պահել։ Նա իր զգացողությունների մասին պատմեց Sputnik Արմենիային։

«Ես շատ ուրախ եմ, հպարտ եմ, որ կարողացա հորս անունը պահել։ Դուրս եկա գորգ, ինչ կար իմ մեջ, տվեցի, որ հաղթեմ։ Երբ դուրս եմ գալիս գոտեմարտելու, անում եմ հորս ասածները։ Նա ինձ միշտ ասում է` չհանձնվես, մինչև վերջ կպայքարես, սա պատերազմ է։ Դուրս ես գալիս, ուրեմն մինչև վերջ կռվիր»,– ասաց նա։

Բուլղարիայի դրոշի ներքո հանդես եկող Նազարյանը Եվրոպայի չեմպիոնի կոչումը նվաճեց փետրվարի 11-ին Հռոմում` եզրափակիչում 7:3 հաշվով հաղթելով Ռուսաստանը ներկայացնող Վիտալի Կաբալոևին։ Եվրոպայի առաջնությունում Էդմոնդ Նազարյանն իր ելույթները սկսել էր 1/8 եզրափակիչից, որտեղ 8:0 հաշվով առավելության էր հասել նորվեգացի Սնորե Լունդի նկատմամբ: Քառորդ եզրափակիչում 14:2 հաշվով պարտության էր մատնել իտալացի Ջիովանի Ֆռիենիին, իսկ կիսաեզրափակիչում 7:5 հաշվով հաղթել ադրբեջանցի Էլդանիզ Ազիզլին, որը 2018 թվականի աշխարհի ու Եվրոպայի չեմպիոնն է:

© Sputnik / Aram Nersesyan

Ըմբշամարտիկները վերադարձան. «Զվարթնոցում» նրանց դիմավորեցին չեմպիոններին վայել ձևով

«Ադրբեջանցին շատ փորձառու ըմբիշ է, երբ ես 5։0 պատվում էի, բոլոր ուժերս հավաքեցի։ Պապան կողքից գոռում էր` չհանձնվես, մինչև վերջ, դու կարող ես։ Որ նրան պարտեր նստեցրին, ես գիտեի, որ «օբրատնի» հնարքը կարող եմ անել, արեցի ու հաղթեցի»,– պատմեց Նազարյանը։

Միհրան Ջաբուրյանը կպայքարի բրոնզի համար. հայ ըմբիշներից ով ինչ արդյունքի հասավ

Հիշեցնենք, որ Էդմոնդի հայրը` Արմեն Նազարյանը, Եվրոպայի վեցակի (1994, 1995, 1998, 1999, 2002, 2003 թթ.), աշխարհի եռակի (2002, 2003, 2005 թթ.), օլիմպիական կրկնակի (1996, 2000 թթ.) չեմպիոն է։ Հիմա էլ հունահռոմեական ոճի ըմբշամարտի Բուլղարիայի հավաքականի գլխավոր մարզիչն է: Արմենի ձեռագիրը զգացվում է որդու՝ 18–ամյա Էդմոնդ Նազարյանի գոտեմարտելու ոճում:

ԵՐԵՎԱՆ, 3 մարտի - Sputnik. Հայաստանը Ռուսաստանի հետ քննարկում է օտարերկրացիների համար Արցախի տարածք մուտք գործելու նոր անցագրային ռեժիմի կազմակերպումը։ ՌԻԱ Նովոստիին տված հարցազրույցում հայտնել է Սփյուռքի հարցերի գլխավոր հանձնակատար Զարեհ Սինանյանը։

Սինանյանը նշել է, որ այդ հարցը քննարկել է Ռուսաստանի փոխարտգործնախարար Անդրեյ Ռուդենկոյի հետ հանդիպման ժամանակ:

«Մարդիկ, որոնք ռուսական կամ հայկական քաղաքացիություն չունեն, դրա հետ կապված խնդիրներ են ունենում։ Մենք հսկայական սփյուռք ունենք, նրանք սովոր են ամռանը գալ Հայաստան, սիրում են նաև Արցախ այցելել, և ահա այս ամռանը կարող է ստեղծվել մի իրավիճակ, երբ շատ մարդիկ կցանկանան գնալ Արցախ, բայց չեն կարողանա դա անել այդ ռեժիմի պատճառով», - ասել է Սինանյանը:

Նրա խոսքով` խոսքն այն շրջանների մասին է, որոնք գտնվում են հայկական կողմի ու ռուս խաղաղապահների վերահսկողության տակ:

«Նոր կարգն այնպիսին է, որ պետք է հայտ ներկայացնել Հայաստանում Արցախի ներկայացուցչություն այցելելուց յոթ օր առաջ, այնուհետև ցուցակը փոխանցվում է ռուս խաղաղապահներին ու հետո որոշվում է, թե ով կարող է գալ, իսկ ով՝ ոչ», – պարզաբանել է Սինանյանը:

Նա ավելացրել է, որ համավարակից առաջ 2019-ին Արցախ են այցելել, ըստ տարբեր տվյալների, 30-50 հազար օտարերկրյա քաղաքացիներ։

«Այժմ հայտերը դեռ քիչ են, քանի որ համավարակը չի անցել, ու զբոսաշրջային սեզոնը չի սկսվել։ Բայց միևնույնն է, կան մարդիկ, որոնք ուզում են գնալ, մենք ունենք այն կազմակերպությունների ու մարդկանց ցուցակը, որոնց մուտքը մերժվել է», – նշել է Սինանյանը։