Մեհրիբան Ալիևան խաղի մեջ է մտնում իր աճեցրած լավ կրթված երիտասարդներով. Էլիբեգովա

211
(Թարմացված է 16:00 08.02.2020)
Փետրվարի 9-ին Ադրբեջանում կայանալու են արտահերթ խորհրդարանական ընտրություններ: Ընտրությունների վերաբերյալ Sputnik Արմենիայի «Օրացույց» հաղորդման հեղինակ Արման Վանեսքեհյանը զրուցել է ադրբեջանագետ Անժելա Էլիբեգովայի հետ:

Դեկտեմբերին հայտարարելով ինքնալուծարվելու անհրաժեշտության մասին՝ Ադրբեջանի իշխող ուժն այդ որոշումը բացատրում էր երկրում մեկնարկած լայնածավալ փոփոխություններով։ 

Նաիրա Զոհրաբյանը մարտահրավեր է նետել Մեհրիբան Ալիևային

Ադրբեջանագետ Անժելա Էլիբեգովան կարծում է, որ բոլորին ի սկզբանե պարզ է, թե ինչ արդյունքներ են գրացվելու Ադրբեջանի մեջլիսի ընտրություններում: Ըստ այդմ՝ կտեսնենք կրթված, դրսում ուսում ստացած երիտասարդների նոր թև, այսինքն՝ դաշտ կմտնի երիտասարդների ինտելեկտուալ էլիտան՝ փոխարինելով հին գվարդիային: 

«Տեխնոկրատական էլիտան Ալիևայի «նոու-հաուն է», նա է տարիներ շարունակ աճեցրել այդ երիտասարդներին, որովհետև Ադրբեջանի քաղաքական հին գվարդիան բոլորին հոգնեցրել է իր քառակուսի աշխարհայացքով: Ընտրություններին որոշակի ինտրիգ կհաղորդի Թուրալ Հանջալիևը՝ Ղարաբաղի, այսպես կոչված, ադրբեջանական համայնքի ղեկավարը, որը բավականին ակտիվ ցանկանում է ներգրավվել բանակցային գործընթացում»,- նշում է ադրբեջանագետը:

«Մեհրիբան Ալիևան կանգնած է լուրջ մարտահրավերների առաջ». Տաթևիկ Հայրապետյան

Անժելա Էլիբեգովայի տեղեկացմամբ՝ դիտորդների միջնաժամկետ առաքելությունն արդեն իսկ փաստել է, որ նախորդ տարիներին արված բոլոր առաջարկների, դիտողություններից հետո ոչինչ չի փոխվել, ոչինչ չի ուղղվել և ոչ մի սխալի շտկման ուղղությամբ աշխատանք չի տարվել, իրավիճակը նույնն է, հետևաբար, ընտրություններից հետո դարձյալ կլինեն զեկույցներ զեղծարարությունների, խախտումների և ադմինիստրատիվ ռեսուրսի կիրառման մասին: Ըստ ադրբեջանագետի՝ այդտեղ չարժե նոր բան կամ կտրուկ դեմոկրատացման պրոցես սպասել: 

Մոտ 5 միլիոն 200 հազար ադրբեջանցիների քվեարկության ընթացքին փետրվարի 9-ին հետևելու է շուրջ 850 դիտորդ՝ 55 երկրներից։ Բացի ԺՀՄԻԳ դիտորդներից, ընտրություններին կհետևի նաև Եվրախորհրդի խորհրդարանական վեհաժողովի կողմից գործուղված խումբը։

Ադրբեջանի ընտրություններից առաջ Մամեդյարովի հետ հանդիպելը նպատակահարմար չէ. ինչո՞ւ

211
թեգերը:
Անժելա Էլիբեգովա, Ադրբեջան, Ընտրություններ, Մեհրիբան Ալիևա
թեմա:
Իրականում / Օրացույց (664)
Ըստ թեմայի
«Չեմ կարծում, որ Ալիևն այդքան գումար կծախսի զուտ մկաններ ցույց տալու համար». Էլիբեգովա
Էլիբեգովա. «Կոնգրեսի բանաձևի շուրջ Ադրբեջանի արձագանքը շատ թույլ էր»
«Օրացույց». «Կոնգրեսի ընդունած բանաձևի հարցում Ադրբեջանում չափազանց զուսպ էին». Էլիբեգովա
Էլիբեգովա. «Այս պահին Ադրբեջանում իրատեսական լուրջ փոփոխություն չեմ ակնկալում»

sys_stories