Ավտովարկեր տրամադրելիս բանկերը պետք է ավելի զգույշ լինեն. Ճզմաչյան

654
(Թարմացված է 23:53 29.01.2020)
Շուկայում մրցակցություն է, բանկերն ավելի քիչ կանխավճար են պահանջում և ավելի շատ գումար տալիս, մինչդեռ հաճախորդի վճարունակությունը ստուգելու մասին էլ չպետք է մոռանալ։

Եվրասիական համագործակցության ֆինանսաբանկային ասոցիացիայի փոխնախագահ Սամվել Ճզմաչյանը կարծում է, որ բանկերը սպառողական և հատկապես ավտոմեքենաների վարկեր տրամադրելիս պետք է ավելի մեծ զգուշություն ցուցաբերեն։ Նա իր տեսակետը հայտնեց Sputnik Արմենիայի հետ զրույցում։

Սպառողական վարկերի ծավալները եվրոպական երկրներում ևս աճում են, սակայն այնտեղ ավանդների, հետևաբար նաև վարկերի տոկոսադրույքերն ավելի ցածր են։

«Դրա համար վարկերին զուգահեռ պետք է աճեն նաև աշխատավարձերը», – նշեց նա։ 

Եթե նախկինում ավտովարկերը (որոնց մեծ մասը ձևակերպվում է որպես սպառողական) տրամադրվում էին մեքենայի գումարի 70%-ի չափով, իսկ մնացածը տալիս էր սպառողը, ապա հիմա մրցակցությունը սրվել է, իսկ կանխավճարի տոկոսը նվազել։

«Այս մրցակցության մեջ կարևոր է, որ բանկերը, նախկինի պես, զգույշ գնահատեն վարկառուներին», – ընդգծեց Ճզմաչյանը։

Խոսելով խոշոր բիզնեսի մասին` նա ասաց, որ 2018-ից հետո ակնհայտ է բիզնեսում(հատկապես` խոշոր բիզնեսում) ստվերի կրճատումը, ինչը ևս հեշտացնում է բիզնես գործունեություն ծավալող անձի և բանկի միջև համագործակցությունը։ 

Բանկի գործը ռիսկի դիմելն է. հաճախորդները վարկի տակ են, բայց էլի են դիմում վարկ ստանալու

«Իհարկե, ցանկացած բանկի համար ավելի լավ է աշխատել օրինական բիզնեսի հետ։ Այնպես որ դաշտի օրինականացումը կբերի բանկերի հետագա զարգացման», – հավելեց նա։

Հայաստանից կապիտալը գնում է. պատգամավորի համոզմամբ` ներդրումների վիճակը շատ վատ է

Ճզմաչյանի խոսքով` 2018-ի ու 2019-ի առաջին ինն ամսվա ընթացքում բանկային համակարգում հաճախորդների հանդեպ պարտավորություններն աճել են 25%-ով, բանկերի ընդհանուր ակտիվները` 24%-ով, կապիտալը` 18%-ով։

654
թեգերը:
վարկ, Սամվել Ճզմաչյան, Հայաստան
Ըստ թեմայի
Կառավարությունը երկարացրեց ատոմակայանի վարկային համաձայնագրի ժամկետը
Սահմանամերձ գյուղերի բնակիչները կկարողանան էլ ավելի հեշտությամբ վարկեր վերցնել
Եկամտահարկի վերադարձը խթանում է պահանջարկը. իրավիճակը Հայաստանի անշարժ գույքի շուկայում
Պետությունը հիփոթեքային 3 նոր ծրագիր կիրականացնի 2020թ–ից. Սմբատ Սաիյան

«Պարտվել է ոչ թե ընդդիմությունը կամ իշխանությունը, այլ մեր պետականությունը». Դունամալյան

147
(Թարմացված է 17:12 22.01.2021)
Քաղաքագետ Նորայր Դունամալյանը Sputnik Արմենիայի հետ զրույցում անդրադարձել է ներքաղաքական զարգացումներին, իշխանության ու ընդդիմության ներսում տեղի ունեցող գործընթացներին և արտահերթ ընտրությունների հեռանկարին։

Նորայր Դունամալյանի դիտարկմամբ`Հայաստանում պարտվել է ոչ թե ընդդիմությունը կամ իշխանությունը, այլ ամբողջ մեր հասարակությունը, մեր պետականությունը, և այս իրավիճակում, երբ տեղի է ունենում անվերջ ու անկայուն գործընթաց, կարող ենք ականատես լինել, որ թույլ իշխանությունն ու թույլ ընդդիմությունը հարաբերվելով միմյանց հետ և օգտագործելով պայքարի նույն՝ նախկինում եղած մեթոդներն ու գործիքները, շարունակում են մխրճվել քաղաքական խորացող ճգնաժամի մեջ։ 

«Անգամ Ազգային ժողովում հարց ու պատասխանի ժամանակ ելույթ ունեցող վարչապետը չի հասկանում, որ երկրում քաղաքական առումով իրողություններ են փոխվել, որ այն պոպուլիզմը, որը նա օգտագործում էր մինչպատերազմյան շրջանում, արդեն չի գործում։ Այսօր քաղաքական, տնտեսական և սոցիալական անորոշությունն ընդհանրապես դժվարացնում է ամբողջ իրավիճակի վերլուծությունը, բայց ակնհայտ է, որ մենք դեռ որոշ ժամանակ ապրելու ենք մի իրադրությունում, երբ կա թույլ իշխանություն և թույլ ընդդիմություն, ինչը կարող է բերել նրան, որ հասարակության ներսում առանձին խմբեր կարող են գնալ ինքնակազմակերպման»,– նշեց քաղաքագետը։

Դունամալյանի կարծիքով` շատ կարևոր է, թե խաղի կանոններն ինչպես են հստակեցվելու արտահերթ խորհրդարանական ընտրություններից առաջ, իսկ բուն ընտրությունը քաղաքական գործընթաց է, որի ժամանակ, ըստ քաղաքագետի, ոչինչ պետք չէ բացառել, և հատկանշական է, որ շատ դեպքերում քաղաքական գործիչները փորձում են պաշտպանել իրենց շահերը, որոնք այդքան էլ կապված չեն պետական շահերի հետ։        

147
թեգերը:
Նիկոլ Փաշինյան, Իշխանություն, Նորայր Դունամալյան
թեմա:
Sputnik զրույց
Ըստ թեմայի
Իշխանությունը «Հաղթելու ենք» կարգախոսը փոխարինել է «Լռելու» ենք կարգախոսով. Սեյրան Օհանյան
Իշխանության վերաբերյալ որոշումներ պետք է կայացնի ժողովուրդը. Փաշինյանը՝ հրաժարականի մասին
Ինչով են զբաղված ԱՀ իշխանությունները. Դավիթ Բաբայանը` գերիների և Արցախի կարգավիճակի մասին

Դա կարող է Ալիևի պատվերը լինել. Կարապետյանը` Շուշիի վերաբերյալ Փաշինյանի ասածի մասին

116
Արձակագիր, հրապարակախոս, «Շուշի» հիմնադրամի նախագահ Բակուր Կարապետյանը Sputnik Արմենիայի հետ զրույցում անդրադարձել է Շուշիի հայկական ծագումնաբանությանը, քաղաքի էթնիկ ու դեմոգրաֆիական նկարագրին, ինչպես նաև Շուշիի հայկական պատմամշակութային ժառանգության պահպանման խնդրին։

Բակուր Կարապետյանի հավաստմամբ` գոյություն ունեն բազմաթիվ փաստեր` կոթողներ ու արձանագրություններ, որոնք աներկբայորեն վկայում են Շուշի քաղաքի հայկական ծագումնաբանության մասին։ Փաստագրական նյութերից շատերը տեղ են գտել Կարապետյանի հեղինակած և օտար լեզուներով թարգմանված աշխատություններում։

«Տարակուսելի է, որ նույնիսկ ՀՀ վարչապետի մակարդակով արված հայտարարությունների շնորհիվ կասկածի տակ է դրվում Շուշիի հայկական պատկանելությունը, և թվում է, որ դա նույնիսկ կարող է պատվեր լինել, թեկուզ Իլհամ Ալիևի կողմից, մինչդեռ պատմական քաղաքի հայկական ծագումնաբանությունը նույնիսկ ամենափոքր վիճարկման թեմա չէ»,– նշում է արձակագիրը։

Կարապետյանի տեղեկացմամբ` «Շուշի» հիմնադրամի կողմից պատմական քաղաքում և հարակից տարածքներում կատարվել են չափագրումներ, հաշվառվել են պատմամշակութային արժեք ներկայացող կոթողներն ու հուշարձանները, որոնց գոյությունն ու հետագա ճակատագիրը վտանգված են ադրբեջանական օկուպացիայից հետո։

Ինչո՞ւ Փաշինյանն այդքան չի սիրում Շուշին. Սարգսյանը` վարչապետի աղմկոտ հայտարարության մասին

Հետևաբար, Կարապետյանի պնդմամբ, գիտակրթական հանրությունը, պետական ատյանները միջազգային կառույցների ու համապատասխան կազմակերպությունների օժանդակությամբ պետք է հետամուտ լինեն Շուշիի մշակութային ժառանգության պահպանմանը, որպեսզի այն չոչնչացվի ադրբեջանցի վանդալների կողմից։ 

«90% ադրբեջանական բնակչություն ունեցող Շուշին հայկակա՞ն է իր այդ կարգավիճակով». Փաշինյան

116
թեգերը:
Բակուր Կարապետյան, հայկական, մշակույթ, Շուշի
թեմա:
Sputnik զրույց
Ըստ թեմայի
Վերջին անգամ Շուշիում՝ մահվան հետ դեմ հանդիման, կամ ինչպես ընկավ թշնամու ինքնաթիռը
«Շուշին ծախածն ընդդեմ Շուշին ազատագրածների». բողոքի ակցիա` Քոչարյանի դատական նիստից առաջ
«Արգիշտի Քյարամյանը ճիշտ է ասում` Շուշիում միասին ենք եղել». Օհանյանը մանրամասներ հայտնեց
ԲԿՄԱ

18-ամյա հայազգի ֆուտբոլիստը միացել է ԲԿՄԱ-ի գլխավոր թիմին

0
(Թարմացված է 23:52 22.01.2021)
Ավանեսյանը նախկինում մարզումային հավաքներ է անցկացրել ԲԿՄԱ-ի երիտասարդական թիմի հետ:

ԵՐԵՎԱՆ, 22 հունվարի - Sputnik. Մարզիչ Ալեքսեյ Բերեզուցկին և կիսապաշտպան Տիգրան Ավանեսյանը միացել են ԲԿՄԱ-ի հիմնական թիմին` Իսպանիայում ընթացող մարզչական հավաքին մասնակցելու համար։ Տեղեկությունը հայտնում է ակումբի թվիթերյան էջը:

Վալերի Հովհաննիսյանը կզբաղեցնի «Տամբով» ֆուտբոլային ակումբի նախագահի պաշտոնը

Հունվարի 22-ին ԲԿՄԱ-ն հայտարարեց, որ Ռուսաստանի հավաքականի նախկին խաղացող Ալեքսեյ Բերեզուցկին, որը անցյալ տարվա հունվարից ակումբում զբաղեցնում էր գլխավոր տնօրենի տեղակալի պաշտոնը, մտել է գլխավոր թիմի մարզչական շտաբ:

Ավանեսյանը նախկինում մարզումային հավաքներ է անցկացրել ԲԿՄԱ-ի երիտասարդական թիմի հետ:

0
թեգերը:
Ռուսաստան, հայ, ֆուտբոլիստ, ֆուտբոլ
Ըստ թեմայի
Ծոծրակին աչք ունեցող ֆուտբոլիստը. Արկադի Անդրեասյանի «ոսկերչական» փոխանցումներն ու հումորը
Ֆուտբոլասեր թենիսիստը. ինչպես Էդուարդ Քալանթարյանը մահացած դերասանին «նկատեց» տրիբունայում
Ըմբշամարտն ու պատերազմը. Արայիկ Բաղդադյանը` սպորտի հաղթանակների և կռվի դառնության մասին