Պայքարը դոպինգի դեմ ամբողջ աշխարհում ավելի է ուժեղանում. Արեգ Հովհաննիսյան

41
(Թարմացված է 10:09 29.01.2020)
Հայաստանի հակադոպինգային ծառայության պետ Արեգ Հովհաննիսյանի հետ զրույցում պարզել ենք, թե ինչ նորություններ են սպասվում դոպինգի դեմ պայքարում և ինչ աշխատանքներ են տարվում մարզիկների ու մարզիչների հետ` արգելված դեղամիջոցները չօգտագործելու ուղղությամբ։

«Մաքուր սպորտի» համար հակադոպինգային գործակալությունը` WADA–ն նոր ուղիներ է փնտրում և մշակում։ Այդ աշխատանքներում ներգրավված է նաև Հայաստանի հակադոպինգային ծառայությունը, որում սպասվում են կառուցվածքային փոփոխություններ։

Հայաստանի հակադոպինգային ծառայությունը, ամենայն հավանականությամբ, կտարանջատվի սպորտային բժշկությունից։ Մասնագետների կարծիքով`այս երկու ծառայությունները համատեղելի չեն։ Հայաստանի հակադոպինգային ծառայության պետ Արեգ Հովհաննիսյանի հետ զրույցում պարզեցինք, թե ինչ նորություններ են սպասվում ծառայությունում և ինչ աշխատանքներ են կատարվում մարզիկների ու մարզիչների հետ արգելված դեղամիջոցները օգտագործելուց զերծ մնալու համար։

Սիմոն Մարտիրոսյանը կարող է օլիմպիական չեմպիոն հռչակվել

Ներկայումս մարզիկներն ու մարզիչները ստանում են ոչ միայն արգելված դեղամիջոցների ցուցակը, որը կարող է թարմացվել ամեն ամիս, այլև այն ցուցակը որտեղ նշված է, թե ինչ կարելի է օգտագործել մարզումների կազմակերպման ընթացքում, կամ մրցումներին մասնակցելիս։ Ամեն ինչ արվում է սկանդալային իրավիճակներից խուսափելու համար։

Բռնցքամարտիկ Ալոյանը կմենամարտի պանամացի Բատիստայի հետ․ օրը հայտնի է

Արեգ Հովհաննիսյանի հետ քննարկել ենք նաև Սիմոն Մարտիրոսյանի ոսկե մեդալի հարցը։ Եթե ՄՕԿ–ը պաշտոնապես ընդունի 2016 թվականի օլիմպիական խաղերի չեմպիոն Ռուսլան Նուրուդինովի որակազրկումը, ապա Սիմոն Մարտիրոսյանը օլիմպիական խաղերից չորս տարի անց կդառնա օլիմպիական չեմպիոն։ Եվ, վերջապես, ինչն է խանգարում Ռուսաստանի սպորտի նախարարությանը WADA–ի կանոնակարգի համաձայն գործելու համար։ Ռուսաստանի հավաքականը հերթական անգամ որակազրկվել է ու այդ երկրի մարզիկները, ամենայն հավանականությամբ, օլիմպիական խաղերում հանդես կգան առանց իրենց պետական դրոշի ու օրհներգի։

41
թեգերը:
մարզիչ, մարզիկ, դոպինգ, Հայաստան
թեմա:
Մարզական խաչմերուկ (31)
Ըստ թեմայի
Ռուսական սպորտի մղձավանջը. ի՞նչ սպառնալիքներ է պարունակում WADA–ի զեկույցը
Պուտինը մեկնաբանել է WADA–ի` Ռուսաստանի վերաբերյալ որոշումը. տեսանյութ
Տրանսգենդեր մարզիկի որակազրկումը Հայաստանի ծանրամարտի հավաքականի վրա չի անդրադառնա
Ծանրորդներից ովքեր և ինչ մարզավիճակում են մեկնում աշխարհի առաջնություն. Ալավերդյանի սպասումները

Հայկական կողմը խոցել է Ադրբեջանի «Սմերչը»․ տեսանյութ

17
Արցախա–ադրբեջանական շփման գոտում ընթացող ռազմական գործողությունների ընթացքում հայկական կողմը շարունակում է ոչնչացնել թշնամու թանկարժեք մարտական տեխնիկա։

Հայկական կողմը խոցել է թշնամու «Սմերչ» համազարկային կրակի ռեակտիվ համակարգը։Տեսանյութում երևում է, թե ինչպես է հուժկու հարվածով լռեցվում հակառակորդի խորքում տեղակայված կրակակետը։

Հիշեցնենք, որ երեկ և այսօր գիշեր հակառակորդը կրակի տակ է պահել Արցախի Հանրապետության խաղաղ բնակավայրերը: Մասնավորապես երեկ Ադրբեջանը «Սմերչ» համալիրների կիրառմամբ հրթիռակոծության է ենթարկել Շուշին և Ստեփանակերտը, ինչի հետևանքով ավերվել է նաև մայրաքաղաքի ծննդատունը: Խաղաղ բնակչության շրջանում կա մեկ զոհ և վիրավորներ:

17

Անցած տարիներին պետք էր զարգացնել Հայաստանի հարավը. պատերազմի հիմնական վտանգը հարավում է

124
(Թարմացված է 20:24 28.10.2020)
Տնտեսագետ Վահագն Խաչատրյանը Sputnik Արմենիայի հետ զրույցում խոսել է Արցախյան առաջին պատերազմից հետո անցած 26 տարիների ընթացքում բաց թողնված հնարավորությունների մասին։

«Ցավոք, 1998 թվականից հետո մինչ օրս պատերազմի պատրաստվելուն ուղղված խնդիրները Հայաստանում լուծված չեն, չի լուծվել նաև պատերազմող երկրին բնորոշ տնտեսություն ունենալու խնդիրը»,-արձանագրում է Վահագն Խաչատրյանը։

Տնտեսագետը կարծում է, որ անցած տարիների ընթացքում առաջին հերթին պետք էր զարգացնել Հայաստանի հարավը, մասնավորապես Սյունիքի մարզը։

«Այնտեղ պետք է կառուցվեր խոշոր բժշկական կենտրոն, համապատասխան ենթակառուցվածքներ, որպեսզի ստիպված չլիեին պատերազմի ժամանակ վիրավորներին տեղափոխեին Երևան»,-նշում է Վահագն Խաչատրյանը։

Նրա խոսքով՝ պատերազմի ավարտից հետո լրջագույն քննարկման առարկա են դառնալու տեղի ունեցած իրադարձությունները և բոլոր այն բացթողումները, որոնք արձանագրվել են պատերազմի ընթացքում՝ որքանո՞վ են դրանք օբյեկտիվ և որքանով են կապված ոչ արդյունավետ կառավարման հետ։

Հիշեցնենք` սեպտեմբերի 27-ի վաղ առավոտյան Ադրբեջանը, Թուրքիայի աջակցությամբ, լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 28-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1068 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6749 զոհ ունի և բազմաթիվ վիրավորներ։

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 223 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 618 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

124
թեգերը:
Արցախյան պատերազմ, Ղարաբաղյան հակամարտություն, Լեռնային Ղարաբաղ, Հայաստան, Վահագն Խաչատրյան
թեմա:
Ադրբեջանական ագրեսիան Արցախում - 2020
Ըստ թեմայի
Ադրբեջանական տեղեկությունները մեր կորուստների մասին կեղծ են. Արծրուն Հովհաննիսյան
Սա պատերազմական հանցագործություն է. ԱՆ-ն միջազգային հանրությանը դատապարտելու կոչ է անում
Չնայած սպառնալիքներին` Ֆրանսիան չի հրաժարվելու իր սկզբունքներից
Противник применил военную авиацию по городу Мартакерт (29 октября 2020). Карабах

Մարտակերտ քաղաքի վրա թշնամին կիրառել է ռազմական ավիացիա․ օդային տագնապ է հայտարարված

0
(Թարմացված է 12:29 29.10.2020)
Մարտակերտում քաղաքացիական բնակչության շրջանում բարեբախտաբար տուժածներ չկան։ Կան ավերածություններ։

ԵՐԵՎԱՆ, 29 հոկտեմբերի – Sputnik․ Մարտակերտ քաղաքի վրա թշնամին կիրառել է ռազմական ավիացիա։ Տեղեկությունը հայտնում է Արցախի արտակարգ իրավիճակների պետական ծառայությունը։Նշվում է, որ կան ավերածություններ։ Քաղաքացիական բնակչության շրջանում բարեբախտաբար տուժածներ չկան։

Նշենք, որ այս պահին էլ Ստեփանակերտում, Ասկերանում, Մարտունում և Մարտակերտում օդային տագնապ է։

Ադրբեջանը երեկվանից հարվածներ է հասցնում Ստեփանակերտին` հերթական անգամ թիրախ դարձնելով քաղաքացիական օբյեկտները։ Հարվածների հետևանքով ավերվել է Ստեփանակերտի ծննդատունը, խաղաղ բնակչության շրջանում կան տուժածներ:

Այս պահին էլ պաշտպանության բանակը հատկապես թեժ մարտեր է մղում Ասկերանի շրջանի Ավետարանոց, Սղնախ և Ակնաղբյուր հատվածում։ Թշնամին ունի կենդանի ուժի մեծ կորուստներ։

ԱՀ ՊԲ–ն էլ հայտարարություն տարածեց` տեղեկացնելով, որ ներկա պահին թշնամական ուժերի կողմից համազարկային կրակի «Սմերչ» համալիրներից հրթիռակոծության են ենթարկվում Ստեփանակերտ, Շուշի և Մարտակերտ քաղաքները:

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 28-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1119 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6749 զոհ ունի և բազմաթիվ վիրավորներ։

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 223 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 618 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

0
թեգերը:
Ադրբեջան, Ղարաբաղյան հակամարտություն, Լեռնային Ղարաբաղ, Արցախ, Մարտակերտ