Պայքարը դոպինգի դեմ ամբողջ աշխարհում ավելի է ուժեղանում. Արեգ Հովհաննիսյան

52
(Թարմացված է 10:09 29.01.2020)
Հայաստանի հակադոպինգային ծառայության պետ Արեգ Հովհաննիսյանի հետ զրույցում պարզել ենք, թե ինչ նորություններ են սպասվում դոպինգի դեմ պայքարում և ինչ աշխատանքներ են տարվում մարզիկների ու մարզիչների հետ` արգելված դեղամիջոցները չօգտագործելու ուղղությամբ։

«Մաքուր սպորտի» համար հակադոպինգային գործակալությունը` WADA–ն նոր ուղիներ է փնտրում և մշակում։ Այդ աշխատանքներում ներգրավված է նաև Հայաստանի հակադոպինգային ծառայությունը, որում սպասվում են կառուցվածքային փոփոխություններ։

Հայաստանի հակադոպինգային ծառայությունը, ամենայն հավանականությամբ, կտարանջատվի սպորտային բժշկությունից։ Մասնագետների կարծիքով`այս երկու ծառայությունները համատեղելի չեն։ Հայաստանի հակադոպինգային ծառայության պետ Արեգ Հովհաննիսյանի հետ զրույցում պարզեցինք, թե ինչ նորություններ են սպասվում ծառայությունում և ինչ աշխատանքներ են կատարվում մարզիկների ու մարզիչների հետ արգելված դեղամիջոցները օգտագործելուց զերծ մնալու համար։

Սիմոն Մարտիրոսյանը կարող է օլիմպիական չեմպիոն հռչակվել

Ներկայումս մարզիկներն ու մարզիչները ստանում են ոչ միայն արգելված դեղամիջոցների ցուցակը, որը կարող է թարմացվել ամեն ամիս, այլև այն ցուցակը որտեղ նշված է, թե ինչ կարելի է օգտագործել մարզումների կազմակերպման ընթացքում, կամ մրցումներին մասնակցելիս։ Ամեն ինչ արվում է սկանդալային իրավիճակներից խուսափելու համար։

Բռնցքամարտիկ Ալոյանը կմենամարտի պանամացի Բատիստայի հետ․ օրը հայտնի է

Արեգ Հովհաննիսյանի հետ քննարկել ենք նաև Սիմոն Մարտիրոսյանի ոսկե մեդալի հարցը։ Եթե ՄՕԿ–ը պաշտոնապես ընդունի 2016 թվականի օլիմպիական խաղերի չեմպիոն Ռուսլան Նուրուդինովի որակազրկումը, ապա Սիմոն Մարտիրոսյանը օլիմպիական խաղերից չորս տարի անց կդառնա օլիմպիական չեմպիոն։ Եվ, վերջապես, ինչն է խանգարում Ռուսաստանի սպորտի նախարարությանը WADA–ի կանոնակարգի համաձայն գործելու համար։ Ռուսաստանի հավաքականը հերթական անգամ որակազրկվել է ու այդ երկրի մարզիկները, ամենայն հավանականությամբ, օլիմպիական խաղերում հանդես կգան առանց իրենց պետական դրոշի ու օրհներգի։

52
թեգերը:
մարզիչ, մարզիկ, դոպինգ, Հայաստան
թեմա:
Մարզական խաչմերուկ (32)
Ըստ թեմայի
Ռուսական սպորտի մղձավանջը. ի՞նչ սպառնալիքներ է պարունակում WADA–ի զեկույցը
Պուտինը մեկնաբանել է WADA–ի` Ռուսաստանի վերաբերյալ որոշումը. տեսանյութ
Տրանսգենդեր մարզիկի որակազրկումը Հայաստանի ծանրամարտի հավաքականի վրա չի անդրադառնա
Ծանրորդներից ովքեր և ինչ մարզավիճակում են մեկնում աշխարհի առաջնություն. Ալավերդյանի սպասումները

ԱԽ–ն հրապարակել է սեպտեմբերի 30-ի նիստի գաղտնազերծված հատվածի ձայնագրությունը

5
(Թարմացված է 12:01 20.04.2021)
Անվտանգության խորհրդի հրապարակած ձայնագրությունում հատվածներ են ներկայացված Օնիկ Գասպարյանի ելույթից։

ՀՀ Անվտանգության խորհրդի գրասենյակը հրապարակել է ՀՀ զինված ուժերի գլխավոր շտաբի նախկին պետ Օնիկ Գասպարյանի՝ 2020 թվականի սեպտեմբերի 30-ի նիստի գաղտնազերծված հատվածի ձայնագրությունը:

ԱԽ–ն ապրիլի 15-ին հրապարակել էր այդ հայտարարության տեքստային տարբերակը, որի մեծ մասի գաղտնիությունը պահպանված էր, այսինքն` հրապարակվել էր մի քանի նախադասություն։

Հիշեցնենք` այդ նույն օրը ՀՀ վարչապետ Նիկոլ Փաշինյանն Ազգային ժողովի ամբիոնից հայտարարել էր, որ Գասպարյանի հայտարարությունը, թե անհրաժեշտ է 2-3 օրվա ընթացքում պատերազմը կանգնեցնել, իրականության հետ որևէ աղերս չունի։ «Գասպարյանը նման բան չի ասել. դա արձանագրված է պաշտոնապես, կա ձայնագրություն»,– ասել էր նա։

Զինված ուժերի գլխավոր շտաբի նախկին պետ Օնիկ Գասպարյանն արձագանքել էր Փաշինյանի հայտարարությանը։

«Ես կրկին հաստատում եմ նոյեմբերի 17-ին իմ կողմից կատարված հայտարարությունը։ ՀՀ վարչապետը և ԱԽ քարտուղարն անամոթաբար խեղաթյուրում են իրականությունը և, օգտագործելով իշխանական լծակները, հանրությանը մոլորության մեջ են մտցնում»,– ասել էր նա։

Օնիկ Գասպարյանը միաժամանակ չէր բացառել, որ ԱԽ նիստերի արձանագրությունները կարող են կեղծվել և ներկայացվել իշխանությանը ցանկալի տարբերակով։

 

5

«Եկել եմ իմ աչքերով տեսնելու»․ ՀՀ նախագահը հանդիպել է մի շարք համայնքների ղեկավարների հետ

36
(Թարմացված է 10:26 20.04.2021)
Արմեն Սարգսյանն ասել է, որ նախագահի ինստիտուտի լիազորությունների սահմաններում հնարավորինս կփորձի աջակցել խնդիրների լուծմանը:

Սյունիքի մարզ կատարած աշխատանքային այցի շրջանակում Հայաստանի Հանրապետության նախագահ Արմեն Սարգսյանը Հայաստանի մարդու իրավունքների պաշտպան Արման Թաթոյանի հետ այցելել է Գորիսի քաղաքապետարան, որտեղ հանդիպել է Գորիս համայնքի ղեկավար Առուշ Առուշանյանի, Սիսիան համայնքի ղեկավար Արթուր Սարգսյանի և Գորիս խոշորացված համայնքի կազմում ընդգրկված բնակավայրերից՝ Խնձորեսկի ղեկավար Երվանդ Մալունցի, Հարթաշենի ղեկավար Արմեն Խաչատրյան և Քարահունջի ղեկավար Լուսինե Ավետյանի հետ։ Տեղեկությունը հայտնում է ՀՀ նախագահի մամուլի ծառայությունը։

Սարգսյանը նշել է, որ այցը երկար ժամանակ ծրագրված էր, բայց կորոնավիրուսով վարակվածությունը ստիպել էր հետաձգել այն։

«Այսօր եկել եմ նախևառաջ իմ աչքերով տեսնելու այն, ինչ լսում եմ, անձամբ ձեզնից լսելու խնդիրների մասին, և մտածենք, թե ինչով կարող եմ օգնել»,-ասել է նախագահը։

Համայնքների ղեկավարները նախագահին ներկայացրել են պատերազմից հետո ստեղծված իրավիճակն ու խնդիրները, որոնցից հատկապես առաջնային են համարել անվտանգության, սահմանազատումների հետ կապված հարցերը։ Նշվել է նաև, որ մարզի սահմանամերձ համայնքների բնակիչները, որոնց հիմնական զբաղմունքն անասնապահություն է, ներկայումս զրկված են արոտավայրերի, անգամ՝ մասնավոր սեփականություն հանդիսացող որոշ հողատարածքների օգտագործման հնարավորությունից, քանի որ դրանք հայտնվել են ադրբեջանական վերահսկողության տակ։ Սա ավելի է բարդացնում առանց այն էլ բարդ սոցիալ -տնտեսական իրավիճակը։

Նշվել են նաև գործազրկության, մասնավորապես Գորիսում զբոսաշրջության ոլորտում առաջացած դժվարությունները, ինչպես նաև ենթակառուցվածքների հետ կապված խնդիրները։

Հանդիպմանը քննարկվել են նաև նախագահական ինստիտուտի կողմից խնդիրների լուծմանն աջակցելու հնարավորությունները։

Պատասխանելով հնչած հարցերին և անդրադառնալով ներկայացված խնդիրներին՝ նախագահ Սարգսյանը նշել է, որ նախագահի ինստիտուտի լիազորությունների սահմաններում հնարավորինս կփորձի աջակցել դրանց լուծմանը:

Սարգսյանն ու Թաթոյանը Սյունիք են մեկնել երեկ` ապրիլի 19-ին։

«Վստահ եղեք` բոլորս մտածում ենք ձեր մասին». Սարգսյանն այցելել է Խնածախի սահմանային բնագիծ

36
թեգերը:
Արմեն Սարգսյան, Սյունիք, Հայաստան
Էդմոն Մարուքյան

«Ռուս գործընկերներից ճշտում ենք». Մարուքյանը` ԵԽԽՎ–ում գերիների հարցով քվեարկության մասին

0
(Թարմացված է 11:57 20.04.2021)
Էդմոն Մարուքյանը հայտնեց, որ գերիների վերադարձի թեմայով քննարկումներ են լինելու այսօր։ Եթե ռուսական կողմն աջակցի իր ելույթներով, կստացվի, որ քվեարկությամբ դեմ արտահայտվելը տեխնիկական խնդիր է եղել։

ԵՐԵՎԱՆ, 20 ապրիլի - Sputnik. ԵԽԽՎ–ում հայկական պատվիրակության անդամներն այժմ փորձում են կապ հաստատել ռուս գործընկերների հետ` հասկանալու, թե որն էր գերիների հարցի քննարկմանը նրանցից մի քանիսի դեմ լինելու պատճառը։

«Գերիների հարցն առանձին փաթեթով է քվեարկության դրվել։ Չգիտեմ` ինչո՞ւ են մեր ռուս գործընկերները նման դիրքորոշում հայտնել։ Հիմա մեր պատվիրակության տարբեր անդամներ փորձում են կապ հաստատել նրանց հետ` հասկանալու, թե ինչու է այդպես ստացվել»,–Sputnik Արմենիային տեղեկացրեց Մարուքյանը։

Նրա խոսքով` իրենց հայտնել են, որ կոմունիկացիայի խնդիր է։ Մարությանը նշեց, որ այսօր ելույթներ են նախատեսված, և եթե ռուսական կողմից ելույթներ լինեն ու աջակցեն հայկական կողմին, կստացվի, որ տեխնիկական խնդիր էր ընդամենը։

Մարուքյանը նշեց նաև, որ իրեն հուշել են` օնլայն են մասնակցել քվեարկությանը ռուսական կողմի բոլոր այն ներկայացուցիչները, որոնք դեմ են քվեարկել նախագծին։

«Ուկրաինական կողմի հետ Ադրբեջանն, օրինակ, աշխատանք էր տարել, և նրանք չեն մասնակցել քվեարկությանը։ Եթե նման խնդիր է լինում` չկողմնորոշվելու, լավագույն տարբերակը չմասնակցելն է։ Սակայն Ռուսաստանի պաշտոնական տեսակետը գերիների վերադարձն է, ինչի մասին բազմիցս շեշտել է անձամբ ՌԴ նախագահ Վլադիմիր Պուտինը»,–նշեց Մարուքյանը։

Անդրադառնալով այսօր նախատեսված քննարկմանը` Մարուքյանը նշեց, որ մինչ այս պահը միջազգային մակարդակում նման բարձր մակարդակով գերիների վերադարձի հարցը չի քննարկվել։ Իսկ թե ինչ ազդեցություն կունենա այս քննարկումը` Մարուքյանը նշեց, թե ժամանակը ցույց կտա։

ԵԽԽՎ–ն նոր բանաձև է ընդունել. հայ և ադրբեջանցի պատվիրակները դիտողություն են ստացել

Նշենք, որ հայ գերիների ու տեղահանված անձանց հարցը ԵԽԽՎ լիագումար նիստի օրակարգում ներառելուն, թուրքերից ու ադրբեջանցիներից բացի, դեմ են քվեարկել նաև ԵԽԽՎ-ում Ռուսաստանի պատվիրակության մի քանի անդամներ, ինչպես նաև Սերբիայի ներկայացուցիչներից մի քանիսը: Ռուսական պատվիրակության մյուս անդամները ձեռնպահ են քվեարկել: Օրակարգում հարցի ներառմանը կողմ է արտահայտվել 93 պատգամավոր, դեմ` 21, ձեռնպահ` 18: Դեմ քվեարկածներից 5-ը ռուսական պատվիրակության անդամներն են եղել, իսկ ևս 7-ը ձեռնպահ են մնացել։

0
թեգերը:
Ռուսաստան, գերի, Էդմոն Մարուքյան, Եվրախորհրդի խորհրդարանական վեհաժողով (ԵԽԽՎ)
Ըստ թեմայի
«Որովհետև չէին գնացել գերիների հետևից». Ավագյանը` դատարկ ինքնաթիռի ու շահարկումների մասին
Ամենակարևորը եվրոպացիների ելույթներն են. ի՞նչ կփոխի ԵԽԽՎ նիստում գերիների հարցի քննարկումը
Գերիները կարողացել են կապ հաստատել հարազատների հետ․ ԿԽՄԿ