Ոստիկաններ, շտապօգնության մեքենաներ, քաղաքացիներ. «Էրեբունի պլազան» փոթորկոտ էր. տեսանյութ

50
(Թարմացված է 18:38 23.01.2020)
Sputnik Արմենիայի նկարահանող խումբն աշխատել է դեպքի վայրում և ֆիքսել է «Էրեբունի պլազայում» տեղի ունեցած դեպքերը։

Այսօր` հունվարի 23–ին, Երևանի «Էրեբունի պլազա» էր ներխուժել զինված մի տղամարդ և կրակոցներ արձակել։ Sputnik Արմենիայի նկարահանող խումբը դեպքի վայրում նկարահանումներ է իրականացրել և տեսանյութով ներկայացնում է` ինչ էր կատարվում «Էրեբունի պլազայում»։

ՀՀ ոստիկանության տվյալների համաձայն` կրակոցների մասին ահազանգը ստացվել էր 14։40–ին։

Ականատեսների խոսքով`զինված տղամարդը «պահանջել է հանդիպում ՀՀ 2–րդ նախագահ Ռոբերտ Քոչարյանի գրասենյակի ղեկավար Վիկտոր Սողոմոնյանի հետ։ Նախնական տվյալներով` նա նաև պատանդ էր վերցրել։

Մեկ ժամից ավելի տևած բանակցությունների արդյունքում  ենթադրյալ հանցագործը վնասազերծվել էր։ Բանակցությունները վարում էր անձամբ ոստիկանապետի պաշտոնակատար Արման Սարգսյանը։

Օրվա կադր. ինչպես են տանում «Էրեբունի պլազայում» կրակողին. տեսանյութ

Ամբողջ ցերեկ Երևանի կենտրոնը փոթորկված էր։ Էրեբունի պլազայի» մոտ էին բազմաթիվ ոստիկաններ, շտապօգնության մեքենաներ, շենքի ներսում մնացած քաղաքացիների հարազատներ ու հետաքրքրված անցորդներ։

Հիշեցնենք` «Էրեբունի պլազա» բիզնես կենտրոնում հունվարի 23-ին կրակոցներ են հնչել։ Ոստիկանությունը 14։40 ահազանգ է ստացել, որ շենքում զինված անձ կա։ Անմիջապես դեպքի վայր են մեկնել օպերատիվ խմբերը։

«Էրեբունի պլազա» բիզնես կենտրոնում գործում են մի շարք գրասենյակներ, այդ թվում` «5–րդ ալիք» հեռուստաընկերությունն ու ՀՀ երկրորդ նախագահ Ռոբերտ Քոչարյանի գրասենյակը:

50
թեգերը:
շտապօգնություն, ՀՀ Ոստիկանություն, ոստիկան, Վիկտոր Սողոմոնյան, Ռոբերտ Քոչարյան, «Էրեբունի պլազա» բիզնես կենտրոն, Երևան
թեմա:
Կրակոցներ Երևանի «Էրեբունի պլազայում» (20)
Ըստ թեմայի
«Էրեբունի պլազա» բիզնես կենտրոնում հնչած կրակոցներից հետո. լուսանկարներ
Եթե միջադեպը մեզ վերաբերի, հայտարարությամբ հանդես կգանք. Վիկտոր Սողոմոնյան
Օրվա կադր. ինչպես են տանում «Էրեբունի պլազայում» կրակողին. տեսանյութ

sys_stories