«Մաեստրո 95». Երևանում ցուցադրվել է Փարաջանովին նվիրված ֆիլմ–կոլաժը
(Թարմացված է 12:51 22.01.2020)
Sputnik Արմենիայի եթերում կինոռեժիսոր Արթուրո Սայանը պատմել է իր հեղինակած «Մաեստրո 95» ֆիլմի մասին, որը նվիրված է Սերգեյ Փարաջանովի 95-ամյա հոբելյանին։Օրեր առաջ Երևանի Կինոյի տանը գերմանաբնակ հայ ռեժիսոր Արթուրո Սայանը հանդիսատեսի դատին ներկայացրեց «Մաեստրո 95» ֆիլմ–կոլաժը,
որը պատմում է Սերգեյ Փարաջանովի կյանքի և ստեղծագործական ճանապարհի մասին։ Ֆիլմում ներկայացված են Փարաջանովի կյանքի փուլերի մասին պատմող հատվածներ, որոնք վերցված են տարբեր ֆիլմերից և վավերագրական նյութերից։
Ֆիլմն իր բնույթով փաստավավերագրական է`համեմված անիմացիոն կտորներով։
Հաշվի առնելով այն հանգամանքը, որ տիկնիկները կարևոր դեր են ունեցել Փարաջանովի կոլաժներում, ֆիլմում առաջին անգամ փորձ է արվել կենդանություն տալ Փարաջանովի դեմքով տիկնիկին` Սոֆիկո Ճիաուրելիին և մնացած այլ կերպարային տիկնիկներին, որոնց միջոցով էլ հյուսվում են անիմացիոն տեսարանները։
«Մաեստրո Մանսուրյան». հոբելյանական կինոմեծարումը. Sputnik-ի հյուրը Հայկ Մկրտչյանն է
«Մաեստրո 95» ֆիլմը 2019-ին ցուցադրվել է Գերմանիայի մի քանի քաղաքներում` Շտուտգարտի «Հայ մշակույթի օրերի» փառատոնի շրջանակում, Կիևում։
Առաջիկայում ֆիլմը կցուցադրվի նաև Մոսկվայում և Բեռլինում։
թեգերը:
թեմա:
