Հանրապետության հրապարակի տակ գտնվող նկուղները միայն զբոսաշրջային արժեք ունեն. Գրիգորյան

120
(Թարմացված է 13:14 14.01.2020)
Մարկ Գրիգորայնը նշում է, որ Հանրապետության հրապարակի տակ գտնվող շինությունները նկուղներ են, որոնք չունեն պատմական կամ ճարտարապետական արժեք, բայց կարող են հետաքրքրել զբոսաշրջիկներին։

Երևանի Հանրապետության հրապարակի տակ գտնվող շինությունները միայն զբոսաշրջության տեսանկյունից են արժեքավոր։ Այսօր Sputnik Արմենիա մուլտիմեդիոն մամուլի կենտրոնում կայացած ասուլիսի ժամանակ այս մասին ասաց Ալեքսանդր Թամանյանի անվան ճարտարապետության թանգարան-ինստիտուտի տնօրեն Մարկ Գրիգորյանը։

Ավելի վաղ վարչապետ Նիկոլ Փաշինյանը Facebook սոցիալական ցանցի իր էջում գրել էր, որ 2020 թվականին կսկսվեն Հին Երևանի՝ Հանրապետության հրապարակի տակ գտնվող պատմական շերտի բացման և այն թանգարանային հատվածի վերածելու աշխատանքները: ԿԳՄՍ նախարար Արայիկ Հարությունյանն էլ գրել է, որ մասնագետների հետ քննարկվում են հին քաղաքի վերականգնման հնարավորությունները։

Ռուսերեն ու գերմաներեն հայհոյող և հայերեն խոսող «գուշակ» թութակը. կյանքը` հին Երևանում

Ըստ Գրիգորյանի` Հրապարակի տակ գտնվող շինությունները նկուղներ են, որոնք չունեն պատմական կամ ճարտարապետական արժեք, բայց նկուղները կարող են հետաքրքրել զբոսաշրջիկներին, մանավանդ գեղեցիկ լեգենդի համակցման դեպքում։

«Ենթադրում եմ` եթե քաղաքի գլխավոր հրապարակի տակ ինչ–որ անհայտ բան կա, ապա ես կուզեմ մտնել ու տեսնել», - նշեց նա։

Նա նաև կարծում է, որ առավել կարևոր է ոչ թե բուն ծրագիրը, այլ թե ինչպես են այդ ծրագիրը կյանքի կոչելու։ Ըստ Գրիգորյանի` խնդիրն անվստահության մեջ է ու Հրապարակի տեսքի աղճատման մտավախության։ Գրիգորյանը տեղեկացրեց նաև, որ Ճարտարապետների ճնշող մեծամասնությունը, որոնց հետ ինքը հարցը քննարկել է, կտրուկ դեմ է նկուղների բացմանը։

Նշենք, որ ավելի վաղ հնագետ, պատմական գիտությունների թեկնածու, ՀՀ ԳԱԱ Հնագիտության և ազգագրության ինստիտուտի գիտաշխատող Ֆրինա Բաբայանը Sputnik Արմենիայի հետ զրույցում ասել էր, որ 2003 թվականին Հանրապետության հրապարակի վերանորոգման ժամանակ ստորգետնյա քաղաք է հայտնաբերվել։ Երբ ասֆալտի վերին շերտը հանվել է, շինարարները քարքարոտ պատեր, սև ու կարմիր տուֆի սալեր, կղմինդր, կավե սափորների մասեր ու կավե ջրատար խողովակներ են հայտնաբերել։ Քաղաքը գտնվում է Աբովյան ու Ամիրյան փողոցների, Հանրապետության հրապարակի տակ և հասնում է մինչև Կոնդ։ Այդ աշխատանքների արդյունքում հրապարակի ու դրան կից փողոցների տակ հայտնաբերվել էին 17 դարի շինությունների նկուղների որոշ հատվածներ։ Ուսումնասիրությունները ցույց են տվել, որ վերին հարկերը քանդվել են XVII դարում երկրաշարժի հետևանքով։

«Քույրիկ ջան, ոնց որ հոգեբան լինես». արցունքաբեր գազով «զինված» տաքսու վարորդ Թամարան

120
թեգերը:
Երևան, Հայաստան
Ըստ թեմայի
Լավ լուր. 100–ի փոխարեն 500 նոր վերելակ կտեղադրվի Երևանում
Երևանի սրտում` լքված ու մեռյալ վիճակում. «Մանկական աշխարհը» մեկ տարում կվերակառուցվի՞
«Հին Երևանը» 2–րդ սերիա կունենա. իշխանությունը համուհոտը վերադարձնելու նոր տարբերակ ունի
Ոստիկանները մի աղջկա բերման են ենթարկում

«Օրենքն արհամարհած ունեմ»․ ինչու է ոստիկանությունը բերման ենթարկել աղջկան

25
(Թարմացված է 20:28 09.07.2020)
Ավելի վաղ համացանցում հայտնվել էր աղջկան բերման ենթարկելու մի հատվածը։ Ոստիկանության հրապարակած տեսանյութում երևում է՝ ինչ խոսակցություն է եղել դրանից առաջ։

Ոստիկանությունը հրապարակել է մի տեսանյութ, որում երևում է, թե ինչպես են իրավապահները հորդորում մի երիտասարդ աղջկա անձնագիր ներկայացնել։

«Չունեմ անձնագիր։ Տվյալներ էլ չունեմ։ Ինձ շտրաֆ չեք գրելու, որովհետև ես օրենքն էլ, պարետի գրածն էլ արհամարհած ունեմ», - ոստիկանին պատասխանում է աղջիկը։

Ոստիկանության ներկայացուցիչն էլ արձագանքում է՝ քանի որ քաղաքացին անձնագիր չունի, պետք է գա իր հետ ոստիկանության բաժին։ Նա բռնում է աղջկա ձեռքից ու փորձում տանել դեպի ոստիկանական մեքենան, աղջիկն էլ սկսում է գոռալ։

«Իմ քայլը» չի բացառում, որ դիմակ չդնելու տուգանքների բարձրացման նախագիծը կարող է հասնել ԱԺ

Ոստիկանության այս հրապարակումը պատասխանն է ավելի վաղ համացանցում հայտնված այլ տեսանյութի։ ՀՀ նախկին նախագահ Սերժ Սարգսյանի մամուլի խոսնակ Արման Սաղաթելյանի եղբայրը՝ Վազգեն Սաղաթելյանը, հրապարակել էր կարճ տեսանյութ, որում միայն երևում էր աղջկան բերման ենթարկելու հատվածը։

Երևանում ծեծել են դիմակ չունենալու համար արձանագրություն կազմող ոստիկաններին

Նշենք, որ համաձայն Վարչական իրավախախտումների վերաբերյալ ՀՀ օրենսգրքի 182 հոդվածի՝ ոստիկանության ծառայողի օրինական պահանջը չկատարելը առաջացնում է 50 հազար դրամի տուգանքի նշանակում։

Առանց դիմակի, խմած ու բորբոքված. ինչ է եղել իրականում Ստեփանավանում

25
թեգերը:
անձնագիր, աղջիկ, Ոստիկանություն, Հայաստան
Ըստ թեմայի
Ոստիկանները դիմակներ են բաժանում փողոցում և արձանագրություն կազմում. տեսանյութ
Ոստիկանները բերման ենթարկեցին կառավարության մոտ հավաքված ռեստորանների աշխատակիցներին
Բերդում երիտասարդը խախտել է ինքնամեկուսացան կանոնները, հայհոյել ու հարվածել ոստիկաններին

Արդեն 3 ամիս է` հանգստանում ենք. քաղաքացիները՝ ամառային հանգստի մասին

48
Sputnik Արմենիան հարցում է անցկացրել ՀՀ քաղաքացիների շրջանում, հասկանալու՝ պատրաստվո՞ւմ են գնալ հանգստանալու, Հայաստանի ո՞ր շրջաններն են նախընտրում հանգիստն անցկացնելու համար ու քանի՞ օր կարող են տրամադրել հանգստին։

Sputnik Արմենիայի հարցման արդյունքում պարզ դարձավ, որ մարդիկ ընբռնումով են մոտենում կորոնավիրուսի համավարակով պայմանավորված սահմանափակումներին, հատկապես սահմանների փակմանը։

Հարցման մասնակիցների մեծ մասը պատրաստվում է ամառն անցկացնել Հայաստանում` հանգստին տրամադրելով մոտ մեկ շաբաթ։

«Արդեն 3 ամիս է` հանգստանում ենք»,–ասաց հարցման մասնակիցներից մեկը` նկատի ունենալով արտակարգ դրության պարտադրած ռեժիմը։ 

Հիշեցնենք` մարտի 16–ից Հայաստանում արտակարգ դրություն է։ ՀՀ կառավարությունը մայիսի 14–ի նիստում որոշեց կորոնավիրուսի կանխարգելման նպատակով հայտարարված արտակարգ դրությունը երկարացնել ևս մեկ ամսով։ Այն կտևի մինչև հունիսի 13–ը` ժամը 17։00–ը ներառյալ։

Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Մայիսի 18–ից Հայաստանում աշխատում է նաև հասարակական տրանսպորտը, բայց ուղևորներն ու վարորդները պետք է անպայման պաշտպանիչ դիմակով ու ձեռնոցով լինեն։

Հունիսի 4-ից արտակարգ դրության ընթացքում կիրառվող կարգավորումներում փոփոխություններ և լրացումներ են ուժի մեջ մտել։ Այսուհետ բոլոր հանրային բաց տարածքներում դիմակ դնելը պարտադիր է։ Հանրային բաց վայրերում դիմակ կարող են չդնել միայն մինչև 6 տարեկան երեխաները, հեծանիվ վարողներն ու ֆիզիկական վարժություններ անողները։

Հուլիսի 6-ին ՀՀ վարչապետ Նիկոլ Փաշինյանը պարետատան նիստից հետո հայտնեց, որ հուլիսի 13-ին ավարտվող արտակարգ դրության ռեժիմը կերկարացվի ևս մեկ ամսով։

Ճանապարհորդե՞լ Հայաստանում, թե՞ սպասել սահմանների բացմանը. հայկական զբոսաշրջության ներկան

48
թեգերը:
Հարցում, զբոսաշրջություն, Հայաստան, Ամառային հանգիստ
թեմա:
Կորոնավիրուսը Հայաստանում և Արցախում
Ըստ թեմայի
Ծովի փոխարեն` Թբիլիսի, լյուքսի փոխարեն` հոսթել. ի՞նչ է սպասում հայաստանցի զբոսաշրջիկին
Դուբայում համավարակի ժամանակ էլ է կարելի հանգստանալ, բայց նրբություններ կան
«Հետևելու ենք պիկնիկներին»․ ոստիկանությունը հանգստյան օրերին ավելի խիստ է լինելու
լաստանավ, արխիվային լուսանկար

Վերին Լարսի այլընտրանք. ռուսական ընկերությունը հայկական բիզնեսին լաստանավ է տրամադրել

6
(Թարմացված է 20:45 09.07.2020)
Լաստանավը թույլ կտա տեղափոխել վտանգավոր, ծանր բեռները, ինչի արդյունքում կընդլայնվի հայկական բիզնեսի հնարավորությունները։

ԵՐԵՎԱՆ, 9 հուլիսի – Sputnik, Լաուրա Սարգսյան. Հայ գործարարները Հայաստանից Ռուսաստան գործող միակ երթուղու` Վերին Լարսի այլընտրանք կունենան։ Ռուսական «Կինոտեխ» բաժնետիրական ընկերությունը, համագործակցելով Հայաստանի տրանսպորտային առաքողների միության հետ, պատրաստվում է 2020 թվականի օգոստոսին լաստանավ գործարկել Կովկաս–Փոթի երթուղով։ Sputnik Արմենիայի թղթակցի հետ զրույցում տեղեկությունը հայտնեց միության ղեկավար Եղիշե Հովհաննիսյանը։

2018 թվականի նոյեմբերին հայտնի դարձավ, որ նույն թվականի դեկտեմբերի 1-ից կասեցվելու է Կովկաս–Փոթի–Կովկաս երթուղով լաստանավային գործունեությունը։ «Հարավկովկասյան երկաթուղի» ՓԲԸ–ն հայտնեց, որ որոշումը պայմանավորված է այդ ուղղությամբ բեռնափոխադրումների ծավալների կրճատմամբ։

Ներկայիս լաստանավը նախատեսված է 40 վագոնի համար։

«Լաստանավից կարող են օգտվել բոլորը, այդ թվում` նաև վրաստանցի գործարարները։ Ապրանքներ կան, որոնց տեղափոխումը ԱՊՀ երկրներ ավելի շահավետ է ոչ թե Ադրբեջանի տարածքով, այլ լաստանավով», – ասաց Հովհաննիսյանը։

Նրա խոսքով` արդեն որոշակի պայմանավորվածություններ կան վրաստանցի գործընկերների հետ։ Որպեսզի լաստանավային երթուղին գործի, պետք է երկու ուղղություններով էլ բեռնված լինի։ Հայաստանն ինքնուրույն չի կարող երկու ուղղությամբ բեռնվածություն ապահովել, քանի որ ավելի շատ ներկրում է, քան արտահանում։ Այդ պատճառով ապրանքների հավասարակշռությունը կարող է ապահովել վրացական բիզնեսը։

«Լաստանավը չի կարող Փոթիի նավահանգստից դատարկ մեկնել Կովկաս նավահանգիստ։ Նման բան արդեն եղել է, և մենք տեսել ենք հետևանքները։ Այն պետք է աշխատի երկու ուղղությամբ, որպեսզի շահույթ ապահովի։ Վրաստանի գործընկերները պատրաստ են միանալ», – պարզաբանեց Հովհաննիսյանը։

Հովհաննիսյանի խոսքով` իրենց միությունը միշտ շահագրգռված է եղել, որ լաստանավային երթուղին աշխատի. հանքարդյունաբերական, էներգետիկ և շինարարական ոլորտներին հետաքրքրող վտանգավոր, մեծ և ծանր բեռների մատակարարումը անհնար է ավտոմոբիլային ճանապարհով, այդ պատճառով լաստանավն այդ դեպքում անփոխարինելի է։

Նա հույս ունի, որ լաստանավի գործարկումը նոր խթան կհանդիսանա տնտեսության համար, ինչպես նաև արժանի մրցակցություն կապահովի Վերին Լարսին։

«Լարսի թողունակությունը սահմանափակ է և չի կարող ապահովել բեռների այն հոսքը, որը զարգանալու հեռանկարներ ունի», – ասաց Հովհաննիսյանը։

Գործարկվող լաստանավը միանշանակ կընդլայնի հայկական բիզնեսի հնարավորությունները։ Սակայն Հովհաննիսյանը կարծում է, որ անկախ ամեն ինչից լաստանավը պետք է պետական լինի։ Դա թույլ կտա երթուղին հուսալի «կամուրջ» հանդիսանա Հայաստանի և ԵՍՏՄ երկրների միջև տնտեսական կապերի հետագա զարգացման և ամրապնդման համար։

Նշենք, որ 2018 թվականին Հայաստանի իշխանությունը ծրագրում էր լաստանավ գնել։ Այն ժամանակ առավել հավանական էր համարվում 1976 թվականի լաստանավը, որի արժեքը 1.8-2.2 միլիոն դոլար է։ Սակայն լաստանավը խափանումներով էր աշխատում և հաճախակի վերանորոգման կարիք ուներ։ Նոր լաստանավը Հայաստանի համար կլորիկ գումար կարժենար` 10-12 միլիոն դոլար։

6
թեգերը:
Վերին Լարս, Եղիշե Հովհաննիսյան, Փոթի, լաստանավ, Վրաստանի Հանրապետություն, Հայաստան
Ըստ թեմայի
Հայաստանցիներն առանց վիզայի կարող են 63 երկիր այցելել. հրապարակվել է անձնագրային ինդեքսը
Հայաստանն «անբավարար» ստացավ, կամ ինչու է Վրաստանը երկար ժամանակով փակել դռները մեր առաջ
Հայկական բեռնատարներն այլևս Վերին Լարսում չե՞ն մնա. Վրաստանը լուծում է առաջարկում