«Գագոսյանը կարող է մեր նկարիչներից մեկի կտավը 5 մլն դոլարով պատկերասրահում դնել». Միրզոյան

144
(Թարմացված է 11:14 13.01.2020)
Աշխարհի հայ նկարիչների միության համանախագահ Ղազար Միրզոյանը Sputnik Արմենիայի եթերում խոսել է նկարիչներին հուզող խնդիրների, նրանց առջև ծառացած մարտահրավերների, ինչպես նաև իրենց միության գալիք ծրագրերի մասին:

Ղազար Միրզոյանը ցավով արձանագրում է, որ մեր օրերում նկարիչների և առհասարակ արվեստագետների համար շատ դժվար է ինքնադրսևորման ուղի հարթել, և ոմանք նույնիսկ ստիպված են կողմնակի աշխատանք կատարել, որպեսզի իրենց արվեստը չտուժի:

Այդուհանդերձ Միրզոյանը նշում է նաև մեկ էական տեղաշարժ՝ փաստելով, որ մեզանում սկսում է ակտիվանալ արվեստի բարձրարժեք աշխատանքների աճուրդային գործընթացը: Նրա համոզմամբ՝ այդ գործում բանիմաց, հնարամիտ ու ճարպիկ միջնորդ լինելու համար պարտադիր չէ լինել նկարիչ, այլ անհրաժեշտ է մոտ լինել արվեստին և հասկանալ խնդրի էությունը:

«Մենք աշխարհում ունենք կերպարվեստի մի քանի հզոր հայ նկարավաճառներ, ովքեր ճանաչված պատկերասրահների տերեր են: Նրանց խոսքն աշխարհում մի ամբողջ ինստիտուտի գործունեությունից էլ թանկ արժե: Նրանցից է, օրինակ, Լարի Գագոսյանը. նա կարող է մեր նկարիչներից մեկի նկարը զետեղել իր պատկերասրահում և տակը գրել 5 միլիոն դոլար: Նա լուրջ և մեծահարուստ արվեստաբան է, պատկերասրահներ ունի Մոսկվայում, Կիևում, Միլանում, Աթենքում, Փարիզում, Նյու Յորքում, Լոնդոնում, Ժնևում, Հոնկոնգում և այլուր»,- նշում է աշխարհի հայ նկարիչների միության համանախագահը:

Աճուրդներում հնարամիտ ու ճարպիկ միջնորդ լինելու համար պարտադիր չէ լինել նկարիչ. Միրզոյան

Ղազար Միրզոյանն իրենց միության գալիք ծրագրերի համատեքստում առանձնացնում է տպագրության պատրաստ երեք պատկերագրքերը, որոնք կհրապարակվեն առաջին իսկ ֆինանսավորման դեպքում: Պատկերագրքերն ընդգրկում են հայտնի նկարիչների գործերը, համալրված են գիտապատմական արժեք ներկայացնող հարուստ նյութերով, որոնք վերաբերում են դրանցում զետեղված մեծանուն հայորդիներին՝ Անդրանիկ Օզանյանին, Սայաթ Նովային, ինչպես նաև Անի մայրաքաղաքին: 

 

144
թեգերը:
նկարիչ, հայ, Հայաստան
թեմա:
Sputnik զրույց (261)

Միջազգային իրավունքի համաձայն`գերիների հարցը երբեք չի կարող քաղաքականացվել. Ղազինյան

16
(Թարմացված է 20:41 13.04.2021)
ՀՀ մարդու իրավունքների պաշտպան Արման Թաթոյանի խորհրդական Սերգեյ Ղազինյանը Sputnik Արմենիայի հետ զրույցում անդրադարձել է Ադրբեջանի կողմից գերեվարված զինծառայողների ու քաղաքացիական անձանց խնդրին, նրանց ազատման ուղղությամբ կատարվող աշխատանքներին։ 

Սերգեյ Ղազինյանի տեղեկացմամբ`ՄԻՊ–ի աշխատակազմը պատերազմի սկսման առաջին իսկ օրից ակտիվորեն ներգրավվել է Ադրբեջանի կողմից մարդու իրավունքների խախտումների, պատերազմական հանցագործությունների արձանագրման և դրանց վերաբերյալ ուսումնասիրությունների իրականացման աշխատանքներում, որոնց արդյունքները ներկայացվել են միջազգային գործընկերներին և ՀՀ իրավասու պետական մարմիններին։ 

«Կարևոր ուղղություններից մեկը եղել է փաստահավաք աշխատանքը, որի արդյունքում հավաքագրվել են տեսանյութեր, լուսանկարներ և այլ նյութեր, որոնք վկայում են Ադրբեջանի կողմից իրականացված պատերազմական հանցագործությունների և մարդու իրավունքների կոպիտ խախտումների մասին։ Նպատակը, բնականաբար, իրականության օբյեկտիվ ներկայացումն է, թե ինչպիսի վայրագություններ են կատարվել ադրբեջանական զինված ուժերի կողմից»,– նշեց ՄԻՊ–ի խորհրդականը։

Ղազինյանի փոխանցմամբ` ՄԻՊ–ի գրասենյակի փաստահավաք աշխատանքի արդյունքները ներկայացվել են նաև Եվրոպական դատարանին։ ՀՀ մարդու իրավունքների պաշտպանը գերիների խնդրի առնչությամբ հանդես է եկել նաև արտահերթ զեկույցով, որը կազմվել է հայ ռազմագերիների հարցազրույցների հիմքի վրա։ Ղազինյանի պնդմամբ`ելնելով միջազգային հումանիտար իրավունքի սկզբունքից, գերիների հարցը երբեք չի կարող քաղաքականացվել, ինչն անում է Ադրբեջանը։ 

ՄԻՊ–ի խորհրդականի պնդմամբ` Միջազգային կոնվենցիայի համաձայն ռազմագերիներն առհասարակ պետք է անհապաղ վերադարձվեն անկախ այն հանգամանքից, թե այդ մասին հրադադարի հայտարարություններում որևէ արձանագրություն կամ ամրագրված կետ կա, թե ոչ։ Ադրբեջանն այս պարագայում ոչ միայն չի հետևում իր իսկ ստորագրած փաստաթղթի իրագործմանը, այլև գերիների հարցը փորձում է դարձնել տարբեր շահարկումների առարկա, ինչն անթույլատրելի է և անընդունելի։

Արման Թաթոյանը հանդիպել է շիրակցի գերիների հարազատների հետ

16
թեգերը:
ՀՀ ՄԻՊ, Արցախյան պատերազմ, գերի
թեմա:
Sputnik զրույց (261)
Ըստ թեմայի
Գերիների անհապաղ վերադարձի հարցով Արման Թաթոյանը դիմել է ԵԽ–ի Նախարարների կոմիտե
ՌԴ–ի համար գերիների խնդիրը վերջնականապես լուծված չէ, դա կարևոր արձանագրում է. Մինասյան
Եվրոպական խորհրդարանում հատուկ քննարկում կկազմակերպվի հայ գերիների վերադարձի հարցով

Թե ինչ կատարվեց, երբ Պլանկը որոշեց իր վարորդին «դասախոս» դարձնել. «Sputnik Ֆակտորիում»

32
(Թարմացված է 19:41 13.04.2021)
Նոբելյան մրցանակ ստանալուց հետո Պլանկը դասախոսություններով հանդես էր գալիս եվրոպական խոշոր ուսումնական հաստատություններում։

Քվանտային ֆիզիկայի հիմնադիր, գերմանացի աշխարհահռչակ գիտնական Մաքս Պլանկը 1918 թվականին Նոբելյան մրցանակ ստանալուց հետո շատ էր ճամփորդում` դասախոսելով եվրոպական խոշոր ուսումնական հաստատություններում։ Նրա մոտ երկար տարիներ աշխատող վարորդը հաճախ սպասում էր Պլանկին լսարանում և գրեթե անգիր էր արել նրա հայտնի դասախոսությունները։ 

Երևանյան ռեստորանի շքեղ անակնկալը Լարիսա Դոլինային․ տեսանյութ

Մեկ անգամ կատակի համար Պլանկն առաջարկեց վարորդին ելույթ ունենալ իր փոխարեն, իսկ ինքը վարորդի գլխարկով դահլիճում նստած՝ ուշադրությամբ հետևում էր։ Եվ ահա դասախոսության ժամանակ պրոֆեսորներից մեկը հարց է տալիս, վարորդը չի կորցնում իրեն և անմիջապես պատասխանում է. «Երբեք չէի մտածի, որ այսպիսի առաջադեմ քաղաքում ինձ այսքան պարզունակ հարց կուղղեն։ Ձեր թույլտվությամբ` ես կխնդրեմ այս հարցին պատասխանել իմ վարորդին»։

Այս զվարճալի պատմությունը նկարագրված է հեղինակ Ռալֆ Դոբելլիի «Պարզ մտածելու արվեստը» գրքում։

32
թեգերը:
դասախոս, վարորդ, գիտնական
Ըստ թեմայի
ՊՆ շենքից ուղղաթիռով էվակուացում են աշխատակիցներին. տեսանյութ
«Բուլկի ջան». Լիլուի 5 ամսական դուստրը գերել է հետևորդներին. տեսանյութ
«Ծեծել եմ նրան». Գոհար Ավետիսյանն ամուսնու հետ հանգստանում է մալդիվյան լողափում. տեսանյութ
Գագիկ Մակարյան

Նոնսենս է. կարո՞ղ էր արդյոք հետպատերազմական շրջանում նվազել գործազուրկների թիվը

0
(Թարմացված է 00:02 14.04.2021)
Հայաստանի գործատուների հանրապետական միության նախագահ Գագիկ Մակարյանը Sputnik Արմենիայի հետ զրույցում անդրադարձել է 2020 թվականի վերջին եռամսյակում   աշխատաշուկայում գործազրկության նվազման ցուցանիշներին, որոնք օրերս հրապարակել է ԱՎԾ-ն։ 
«Գործազրկության թվի նվազման ցուցանիշը չի արտահայտում աշխատաշուկայի իրական վիճակը». Մակարյան

Տնտեսական ճգնաժամի և հետպատերազմական շրջանում  2020 թվականի չորրորդ եռամսյակում Հայաստանում գործազրկության թվի աննախադեպ նվազումը չի արտահայտում աշխատաշուկայի իրական վիճակը։ Sputnik Արմենիայի հետ զրույցում նման կարծիք հայտնեց Հայաստանի գործատուների հանրապետական միության նախագահ Գագիկ Մակարյանը` մեկնաբանելով ԱՎԾ հրապարակած վիճակագրական տվյալները։

Վիճակագրության համաձայն` աշխատաշուկայում գործազրկության 2020 թվականի վերջին եռամսյակի ցուցանիշների համաձայն` 2020թ.-ի երրորդ եռամսյակում Հայաստանում գործազրկության ցուցանիշը կազմել է 227.000 մարդ, իսկ չորրորդ եռամսյակում` 185.000 մարդ։  

Դա նշանակում է, որ 2020-ի վերջին 3 ամիսներին Հայաստանում գործազրկության թիվը կրճատվել է 42.000-ով, ինչը համավարակի և պատերազմի հետևանքով տնտեսական ճգնաժամի մեջ հայտնված տնտեսության դեպքում նոնսենս է։ 

Մակարյանն այս ամենը բացատրում է մի քանի գործոնով` պատերազմում զոհված կամ լուրջ վիրավորում ստացած քաղաքացիներին, որոնք ունեցել են այս կամ այն աշխատանքը, գործատուները փոխարինել են նոր մարդկանց աշխատանքի ընդունելով։ Քիչ թիվ չեն կազմում նաև համավարակի հետևանքով մահացածները։

«Հակառակ դեպքում ես այսօր չէի գա». ԿԲ փոխնախագահը վստահեցրել է` գնաճը կառավարելի է

«Կորոնավիրուսի պատճառով մահացածների մի մասը կարիքավոր են, բայց այդ մոտ 4500 մահացածների մեջ եղել են նաև աշխատող քաղաքացիներ, որոնց աշխատաշուկայում նոր կադրերով են փոխարինել»,- նշեց Մակարյանը։

Գործազրկության ցուցանիշի նման անկումը կարող է պայմանավորված լինել նաև երկրում ստեղծված սոցիալ-հոգեբանական պատճառներով, երբ մարդիկ կամ տրամադրություն չեն ունեցել պատասխանել հարցումներին, կամ այնքան էլ ճիշտ չեն պատասխանել դրանց։ 

Բացի այդ, ըստ աշխատաշուկայի միջազգային մեթոդաբանության` եթե քաղաքացին հարցումն իրականացնելու պահին վերջին երկու շաբաթներին աշխատանք չի փնտրել, ապա նա գործազուրկ չի համարվում։

Նշենք, որ օրերս ՀՀ ԱՎԾ-ն հրապարակած տեղեկությունների համաձայն` 2020 թվականի վերջին եռամսյակում գործազրկության ցուցանիշը զգալի նվազել է` հասնելով 16 տոկոսի,  այն դեպքում, երբ 2019-ին` աճող տնտեսության պարագայում, ունեցել ենք 17.1 տոկոսանոց ցուցանիշ։   

Գնաճը մինչև ո՞ւր կհասնի. էկոնոմիկայի նախարարը վստահեցնում է` մենք դեռ լավ վիճակում ենք

0
թեգերը:
աշխատանք, Հայաստան, Գործազրկություն, Գագիկ Մակարյան
Ըստ թեմայի
Հայաստանն Իրանի հետ կարող է համագործակցել առնվազն չորս ուղղություններով. Մակարյան
Ինչո՞վ է պայմանավորված աշխատատեղերի աճը. իրական պատկերը տեսանելի կլինի աշնան վերջին
Միգրացիայի խոցելի կողմը. ինչով կարող է խնդրին օգնել «միասնական պատուհանը» ԵԱՏՄ երկրներում