Ինչպիսին պետք է լինեն դպրոցները, հիվանդանոցներն ու հանրային զուգարանները

80
(Թարմացված է 19:42 11.01.2020)
Հայաստանի Հանրապետության Առողջապահական և աշխատանքի տեսչական մարմնի ղեկավար Հակոբ Ավագյանը Sputnik Արմենիայի հետ զրույցում անդրադարձել է հանրության շրջանում հետաքրքրություն առաջացրած մի շարք հարցերի։

Նախկինում սահմանային որոշ անցակետերում ջերմաչափիչ սարքերը կա՛մ չէին աշխատում, կա՛մ աշխատում էին ոչ լիարժեք։ Sputnik Արմենիայի հետ զրույցում այս մասին ասաց Հայաստանի Հանրապետության Առողջապահական և աշխատանքի տեսչական մարմնի ղեկավար Հակոբ Ավագյանը` խոսելով այն մասին, թե ինչպես են վերահսկվում արտերկրից Հայաստան «բերվող» հիվանդություններն ու ինչ է անում Առողջապահական և աշխատանքի տեսչական մարմինը հնարավոր վարակները սահմանային անցակետերում հայտնաբերելու համար։ 

«Կամաց–կամաց դրանք ենք կարգի բերում։ Հերթապահություններն ենք կարգի բերում։ Վերջերս էլ ԵԱՏՄ–ի փոխօգնության պայմանագրերի շրջանակներում նաև համալրում ստացանք` ավտոմեքենաներ, որոնցով հնարավորություն կունենանք մեկուսացնել նման մարդկանց»,– ասաց Ավագյանը` նշելով, որ մինչև տարեվերջ սահմանային բոլոր անցակետերն ապահովված կլինեն անհրաժեշտ նյութատեխնիկական գործիքներով ու կարողություններով։

Վերահսկողության գործառույթ է իրականացվում նաև ՀՀ դպրոցներում, որտեղ տոնական արձակուրդից հետո վերսկսված դասապրոցեսները շատ հաճախ անցկացվում են նորմայից ցածր ջերմաստիճանի պայմաններում։ Տեսչական մարմնի աշխատակիցները նաև պարզել են, որ մարզային դպրոցներում դասասենյակները տաքացվում են վառարաններով։ Այս դեպքում ջերմությունն ապահովվում է, բայց երեխաները գտնվում են շմոլ գազով թունավորվելու վտանգի տակ։ 

Որոշ դպրոցներում վերարկուով են դասի նստում. Հարությունյանը հրահանգում է միացնել ջեռուցումը

«Օրինակ` մենք դեպք ենք ունեցել, երբ մարզպետներից մեկին գրություն էինք ուղարկել, որ ջերմային ռեժիմն ապահովված էր, բայց այն ապահովվում էր վառարանով, որը ևս համարվում է խախտում։ Մարզպետը օբյեկտիվ ու սուբյեկտիվ պատճառներ էր բերում, թե ինչու դպրոցը մինչև հիմա ջեռուցմամբ ապահովված չէ։ Բայց մենք անում ենք մեր աշխատանքը և նման դեպքերում անպայման տեղեկացնում ենք մարզպետներին»,– ասաց Ավագյանը։

Տեսչական մարմնի ղեկավարի հետ զրույցում չի շրջանցվել նաև ՀՀ վարչապետի բարձրացրած վերջին հարցը` հասարակական զուգարանների չափորոշիչների պահպանման վերաբերյալ, ինչպես նաև 2020 թվականի ընթացքում ծրագրվող տեսչական ստուգումները` Հայաստանի շուրջ 200 խոշոր ընկերություններում։

Չերաշխավորված երաշխիքներ. ի՞նչ պայմաններով կարող է Երևանում կենտրոնացված ջեռուցում լինել

80
թեգերը:
Հայաստան, ջեռուցում, զուգարան, հիվանդանոց, դպրոց
Ըստ թեմայի
Գազ, փայտ, թե աթար՝ գյումրեցիները ջեռուցման շահավետ տարբերակ են մտածում
Այս տարի 30 դպրոց կվերանորոգվի. ի՞նչ «նորամուծություն» է սպասում ԱԳԼՃԿ–ների զուգարաններին
Արագիլներ, աղբ ու հարմարավետ զուգարաններ. Փաշինյանը բացեց նոր էլեկտրագնացքի «գաղտնիքները»

Ինձ շան նման էին վերաբերվում. գերությունից վերադարձած կինը սարսափելի մանրամասներ է պատմում

2998
(Թարմացված է 00:35 31.10.2020)
Ոստիկանական տեղամասերից մեկում կինը ևս երկու հայ գերիների է հանդիպել, հետո իրեն ասել են՝ թե երկուսի վիզն էլ կտրել են։

Ադրբեջանական գերությունից երեկ վերադարձված 85-ամյա Եվգենիա Բաբայանը հարցաքննվել է։ ՀՀ քննչական կոմիտեն հրապարակել է տարեց կնոջ հետ զրույցից մի հատված, որում կինը պատմում է գերության պահից մինչև Հայաստան վերադառնալու օրերի ու ժամերի սարսափի մասին։

Եվգենյա Բաբայանը ծնվել ու ապրել է Հադրութ քաղաքում։ Բնակվում է որդու հետ, որը պատերազմի հենց առաջին օրից առաջնագծում է։

Հոկտեմբերի 15-ի լույս 16-ի գիշերն Ադրբեջանը սկսեց ուժեղ հրետակոծություն, կինը պատսպարվել է իր տան նկուղում, որը որպես ապաստարան է ծառայում։

«Առավոտյան դուրս եմ եկել ապաստարանից, որ հավերիս կերակրեմ։ Հենց այդ պահին նկատեցի, որ տղամարդկանց ձայներ են մոտենում տանը։ Մտածեցի՝ որդիս՝ Սուրենն է եկել։ Այդ պահին տան դուռը բացվեց, ու ադրբեջաներեն լեզվով խոսող շուրջ տասը զինվորականներ ներխուժեցին իմ տուն։ Տեսնելով նրանց՝ վախեցա ու վայր ընկա»,- պատմում է կինը։

Նրա խոսքով՝ զինվորականները մոտեցել են, ձեռքից քաշել, բարձրացել և ասել, որ Բաքու են տանելու։

Այդպես էլ արել են։ Գերության գրեթե երկու շաբաթների ընթացքում կինը երեք տարբեր ոստիկանական բաժանմունքներ է տեղափոխվել։

Ասում է՝ ինձ շատ վատ էին վերաբերվում, կարծես կենդանու՝ շան տեղ դրած լինեին։

«Ծարավ էի, ջուր կամ թեյ ուզեցի, ինձ բաժակով մի փոքր թեյ տվեցին։ Դրանից հետո մի կին աշխատակից իմ առաջ շաքարի կտոր նետեց, ես հրաժարվեցի օգտվել նրանց տված թեյից ու շաքարից, ասացի՝ ես մարդ եմ, շուն չեմ»։

Հետո տարել են երկրորդ ոստիկանական կետ, որտեղ ստիպել են ասել, թե Փաշինյանը լավը չէ, ինքն է սարքել այս կռիվը։ Տեսախցիկներով նկարել են, հարցեր տվել։ Երրորդ ոստիկանական կետում երկու հայ գերիների է տեսել։ Մեկը երիտասարդ էր, մյուսը՝ տարիքով։

«Երիտասարդին կապկպել էին, ոտքերը, ձեռքերը, աչքերը, գցել էին մի անկյուն ու քացի էին տալիս»,- պատմում է կինը։

Իսկ մյուս հայը տարիքով մեծ էր, ձեռքերը կոտրտված էին, ասում է՝ վրան հալ չկար, ուղղակի նստած էր։

Կինը տեսել է, թե ինչպես են երիտասարդին գցել մի պարկի մեջ, ապա քարշ տալով տարել, ավտոմեքենայի մեջ գցել։ Իսկ իրեն մյուս տղամարդու հետ մեքենա են նստեցրել։ Տարեց կնոջը տարել են Բաքվի հիվանդանոց, մյուս երկուսի ճակատագիրն անհայտ է։

«Ինձ ասացին, որ այդ երկու հայերին մորթոտել են, վզները կտրել են ու սպանել»,- ասում է կինը։

Հիվանդանոցում տասն օր է մնացել։ Կարմիր խաչի օգնությամբ Բաքվից տարել են Վրաստան, ապա շտապօգնության մեքենայով Հայաստան բերել։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 30-ի ժամը 14։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 44 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6914 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 232 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 649 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

2998
թեգերը:
գերի, Ադրբեջան, Հայաստան
թեմա:
Ադրբեջանական ագրեսիան Արցախում - 2020
Ըստ թեմայի
«Սիրտս պայթում է». ինչ նամակ է գրել գերեվարված Ազնիվը
Մահացել է Ադրբեջանի կողմից գերեվարված Միշա Մելքումյանը. ՀՀ ՄԻՊ
ՊԲ զինծառայողներն Արցախում իսլամիստ ահաբեկչի են գերեվարել. տեսանյութ

Ըստ այս պահի տվյալների` Ադրբեջանն օգտագործում է ֆոսֆոր պարունակող զենք. տեսանյութ

1085
(Թարմացված է 00:03 31.10.2020)
ՀՀ մարդու իրավունքների պաշտպանի փաստահավաք աշխատանքներով հաստատվել է, որ Ադրբեջանը ֆոսֆոր պարունակող զենք է կիրառում քաղաքացիական բնակավայրերի հարևանությամբ գտնվող անտառներում, որտեղ նաև խաղաղ բնակիչներ են պատսպարվում։

Ադրբեջանն օգտագործում է, ըստ այս պահի տվյալների, ֆոսֆոր պարունակող զենք, որն ունի քիմիական զենքի տարրեր: Տեղեկությունը հայտնում է ՀՀ մարդու իրավունքների պաշտպան Արման Թաթոյանը։

«Դա անում է քաղաքացիական բնակավայրերի հարևանությամբ գտնվող անտառների նկատմամբ: Հայաստանի մարդու իրավունքների պաշտպանի հրատապ քննության արդյունքներով, Արցախի մարդու իրավունքների պաշտպանի փաստահավաք աշխատանքներով հաստատվել է ոչ միայն այս փաստը, այլ նաև պարզվել է, որ անտառներում թե՛ ցերեկային, թե՛ գիշերային ժամերին զինված հարձակումներից պատսպարվում են նաև խաղաղ բնակիչներ»,– Facebook–ի իր էջում գրել է նա։

Թաթոյանը նշել է`  զանգվածային ոչնչացման բնույթի այս զինատեսակը ներկայում ադրբեջանական զինված ուժերի կողմից օգտագործվում է շրջակա միջավայրի ու նաև քաղաքացիական բնակիչների դեմ:

«Դրա կիրառությունը նման պայմաններում միջազգային իրավունքի ակնհայտ արգելքների ներքո է»,– շեշտել է մարդու իրավունքների պաշտպանը։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 30-ի ժամը 14։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 44 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6914 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 232 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 649 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

1085
թեգերը:
Արման Թաթոյան, Զենք, Ադրբեջան, Արցախ
թեմա:
Ադրբեջանական ագրեսիան Արցախում - 2020
Ըստ թեմայի
Ադրբեջանն ունի գերճշգրիտ խոցման միջոցներ, խաղաղ բնակչությանը սխալմամբ չի կարող հարվածել
Ադրբեջանական գնդակոծության հետևանքով Ակնաղբյուրում մեկ տղամարդ է զոհվել. կան վիրավորներ
Ինչպիսի ԱԹՍ–ներ է կիրառում Ադրբեջանը
Защитник прав человека Карабаха Артак Бегларян

Սպանվածների մեջ առնվազն 4 ռազմագերի կա. Արցախի ՄԻՊ–ը վերլուծել է թշնամու դաժան տեսանյութը

0
(Թարմացված է 11:12 31.10.2020)
Արցախի մարդու իրավունքների պաշտպանը գրառում է կատարել` անդրադառնալով ադրբեջանցիների կողմից սոցցանցերում շրջանառող հայ զինծառայողների դիերի տեսանյութին։

ԵՐԵՎԱՆ, 31 հոկտեմբերի - Sputnik. Արցախի ՄԻՊ Արտակ Բեգլարյանը Twitter–ի իր էջում հայ զինծառայողների դիերի լուսանկարներ է հրապարակել` կատարելով որոշ դիտարկումներ։

«Ադրբեջանական սոցիալական ցանցերի տիրույթում նոր տեսանյութ է շրջանառվում, որտեղ երևում են 19 հայերի մարմիններ։ Նրանցից որոշները ձեռնաշղթաներով են, մյուսները՝ մերկ: Ակնհայտ է, որ ձեռնաշղթաներով առնվազն 4 զինվոր ռազմագերի է եղել նախքան սպանվելը»,- գրել է Բեգլարյանը։

​Նա հավելել է նաև, որ անպատժելիությունը և միջազգային հանրության կուրությունը նոր հանցագործություններ են ծնում Ղարաբաղի դեմ։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 30-ի ժամը 14։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 44 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6914 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 232 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 649 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

0
թեմա:
Ադրբեջանական ագրեսիան Արցախում - 2020