«Թբիլիսին մեզ համար նշաձող չենք սահմանում». Սուսաննա Սաֆարյան

123
(Թարմացված է 18:48 27.12.2019)
Սաֆարյանը ներկայացրել է ոլորտի խնդիրները, զարգացող ուղղությունները, սպասվելիք միջոցառումներն ու 2020 թվականի առաջնահերթությունները։

Էկոնոմիկայի նախարարության Զբոսաշրջության կոմիտեի նախագահ Սուսաննա Սաֆարյանը Ամանորին դեպի Երևան տուրիստական մեծ հոսք է ակնկալում։ Այդ մասին Սաֆարյանը հայտնեց Sputnik Արմենիայի հետ զրույցում։

Ըստ նրա` այս տարի ամանորյա միջոցառումներն ավելի երկար կտևեն ու քաղաքն ավելի ակտիվ կլինի։ Բացի այդ, ամբողջական ծավալով կաշխատեն ռեստորանները, սրճարանները, թատրոններն ու թանգարանները։ Զբոսաշրջության Կոմիտեն ու քաղաքապետարանն արդեն իսկ իրականացնում են իրազեկման աշխատանքներ։

"Մեզ միշտ համեմատում են Թբիլիսիի հետ, սակայն մենք մրցակցության մեջ չենք մտնում, քանի–որ ունենք մեր ուրույն ոճը, ձևն ու բովանդակությունը։ Թբիլիսին մեզ համար նշաձող չենք սահմանում", - նշեց նա։

Սաֆարյանն ավելացրեց, որ Հայաստանի ձմեռային տուրիզմը մեծ պոտենցիալ ունի, բայց բավարար զարգացվածության մակարդակ դեևս չկա։ Նա հավելեց, որ բազմազանեցվում է զբոսաշրջային արդյունքը։ Օրինակ` զբոսաշրջիկներն հետաքրքրված են Աշոցքի լեռնադահուկային հնարավորություններով, նոր ձևավորվող ձնագնդիների մրցույթով և այլն։

Ամանորին Երևանը զբոսաշրջիկների թվով կարող է մրցել Թբիլիսիի հետ. փորձագետ

Կոմիտեի ղեկավարը նկատեց, որ 2019 թվականին Գյումրիում մեծ աշխուժություն է նկատվել, քանի որ արդեն իսկ բարեկարգված ենթակառուցվածքներ են գործում, գեղեցիկ միջավայր և հետաքրքիր առաջարկներ կան։ Բացի այդ, երիտասարդությունը ակտիվ ներգրավված է տուրիզմի զարգացման գործում։ Գորիսում ևս աշխուժություն է նկատվում. այստեղ բավականին մեծ տուրիստական պոտենցիալ կա։ Ամենապահանջված վայրերից են Տաթևը, Խնձորեսկը, Սանահինը, Հաղպատն ու Դենդրոպարկը։

Զբոսաշրջային ներքին այցելություններն աճել են. Ավինյան

Սաֆարյանն արդեն սահմանել է 2020 թվականի Կոմիտեի երեք առաջնահերթությունները` ենթակառուցվածքների զարգացում, վիճակագրության բարելավում ու զբոսաշրջության մասին իրազեկության բարձրացում և՛ Հայաստանում, և՛ արտերկրում։

Ի դեպ, 2020 թվականին անցկացվելու է հետազոտությունը, որի նպատակը վիճակագրական համակարգի բարելավումն է։

123
թեգերը:
Երևան, Թբիլիսի, Սուսաննա Սաֆարյան, Գյումրի, Գորիս, զբոսաշրջություն, Զբոսաշրջիկ, Հայաստան
թեմա:
Զբոսաշրջիկները սիրում են Հայաստանը (85)
Ըստ թեմայի
Ինչո՞ւ հենց Գյումրի. ռուսաստանցի զբոսաշրջիկներին խորհուրդ են տալիս Ամանորին գալ Հայաստան
Գրպանին ու տրամադրությանը համահունչ. ու՞ր մեկնել Ամանորին․ տոնական թոփ 5 ուղղություն
Ականատես. հյուրանոցի վրա հարձակվողները խանութի վարձակալներ են

Ուժգին պայթյունի հետևանքով Բեյրութում մեծ վնասներ է կրել հայկական Սուրբ Գևորգ եկեղեցին

202
(Թարմացված է 01:19 05.08.2020)
Տեսանյութում երևում է, որ Եկեղեցու գույքը մեծամասամբ վնասվել է, նստարաններն ու ապակիները կոտրվել են։

Լիբանանի մայրաքաղաք Բեյրութի նավահանգստի շրջանում այսօր տեղի ունեցած ուժգին պայթյունի հետևանքով մեծ վնասներ է կրել նաև հայկական Սուրբ Գևորգ Եկեղեցին։ Այս մասին տեղեկանում ենք 24 news.am-ի հրապարակած տեսանյութից, որը հղում է անում ականատեսներին։

Տեսանյութում երևում է, որ եկեղեցու գույքը մեծամասամբ վնասվել է, նստարաններն ու ապակիները կոտրվել են։

Հիշեցնենք` Լիբանանի մայրաքաղաք Բեյրութի նավահանգստի շրջանում այսօր երեկոյան ուժգին պայթյուն է որոտացել։ Ինչպես պարզվեց՝ պայթյունը որոտացել է Բեյրութի Բուրջ Համուդ հայկական թաղամասի մոտ. վնասները շատ մեծ են։

Լիբանանում հայտնի քաղաքական գործիչ Նիզար Նաջարյանը Բեյրութի պայթյունի զոհ է դարձել

Սկզբում կրակոց է լսվել, որից հինգ րոպե անց սև ու սպիտակ ծուխ է տարածվել։ Այնուհետև հզոր պայթյուն է որոտացել, և կարմիր ծուխ է նկատվել։ Բազմաթիվ օգտատերեր պայթյունի կադրերն արդեն սկսել են հրապարակել համացանցում։

Բեյրութի պայթյունի սարսափելի կադրերը

202
թեգերը:
պայթյուն, Եկեղեցի, տեսանյութ, Լիբանան, Բեյրութ
թեմա:
Պայթյուն Բեյրութում

Բեյրութում հզոր պայթյուն է որոտացել. տեսանյութեր

564
(Թարմացված է 00:24 05.08.2020)
Պայթյունի հետևանքով կոտրվել են ոչ միայն մոտակա տների, այլև մի քանի կիլոմետրի վրա գտնվող կառույցների ապակիները։ Համացանցում արդեն տեսագրություններ են հայտնվել։

ԵՐԵՎԱՆ, 4 օգոստոսի – Sputnik. Լիբանանի մայրաքաղաք Բեյրութի նավահանգստի շրջանում ուժգին պայթյուն է որոտացել։ Տեղեկությունը հայտնում է ՌԻԱ Նովոստին։

Պայթյունից առաջ կրակոց է լսվել, որից հինգ րոպե անց սև ու սպիտակ ծուխ է տարածվել։ Այնուհետև հզոր պայթյուն է որոտացել, և կարմիր ծուխ է նկատվել։ Բազմաթիվ օգտատերեր պայթյունի կադրերն արդեն սկսել են հրապարակել համացանցում։

​Պայթյունի ալիքը կոտրել է մի քանի կիլոմետրի վրա գտնվող շինությունների ապակիներն ու դռները։

Տուժածների և զոհերի մասին տեղեկություն դեռ չկա։

564
թեգերը:
Լիբանան, պայթյուն
թեմա:
Պայթյուն Բեյրութում
Ըստ թեմայի
«Պայթյուն որոտաց, ու ես ընկա»․ Մոսկվայի մարզում սարսափելի պայթյունից քանդված տան կադրերը
Թբիլիսիի գազալցակայաններից մեկում պայթյուն է որոտացել
Մոսկվայի բազմաբնակարան շենքերից մեկում պայթյուն է տեղի ունեցել. 4 բնակարան այրվում է
Բեյրութ

Բեյրութի պայթյունի հետևանքով 5 հայ է մահացել. Դելիա Փափազյանը 2 երեխաների մայր էր

0
(Թարմացված է 11:13 05.08.2020)
Սարսափելի պայթյունի հետևանքով մահացած հայերի վերաբերյալ նոր տեղեկություններ են հրապարակվել։

ԵՐԵՎԱՆ, 5 օգոստոսի – Sputnik. Բեյրութի պայթյունի զոհ է դարձել նաև Դելիա Փափազյանը։ Տեղեկությունը հայտնում է «Արևելքը»` նշելով, որ նա պայթյունի հետևանքով մահացած 5-րդ հայն է։

«Երկու երեխաների մայր Դելիա Փափազյանն ընտանիքով բնակվում էր նավահանգստին շատ մոտ թաղամասում»,– գրում է կայքը։

Ավելի վաղ հայտնի էր դարձել քաղաքական գործիչ Նազար Նաջարյանի, քաղաքի կենտրոնի հիվանդանոցներից մեկի բուժքույր Ջեսիկա Բեզջյանի մահվան մասին, ևս մեկ հայի՝ Ժակ Բարամաքյանի մահվան մասին հայտնել են հայկական լրատվամիջոցները:

Ազգությամբ հայ է նաև զոհերից Ալինա Զաբրին:

Բեյրութում այսօր սուգ է հայտարարվել:

0
թեմա:
Պայթյուն Բեյրութում