Ինչ տեսք ունի Երևանի գլխավոր տոնածառը երկնքից. տեսանյութ

4642
(Թարմացված է 08:31 15.12.2019)
Արդեն մի քանի օր է` տասը տղամարդ զարդարում են Ամանորի գլխավոր խորհրդանիշը։ Sputnik Արմենիայի թղթակցի հետ զրույցում նրանք խոստովանել են, որ իրենք էլ են անհամբեր սպասում դեկտեմբերի 21-ին՝ իրենց աշխատանքի արդյունքը տեսնելու համար։

Նանա Մարտիրոսյան, Sputnik.

Ամանորը Սարգիս Ավետիսյանի սիրելի տոնն է։ Հենց այդ պատճառով է նա մեծ հաճույքով ու առանց վախի 30 մետր բարձրության վրա զարդարում է երկրի գլխավոր տոնածառը։ Սարգիսն օրական մոտ 45 տարբեր գույնի ու չափի խաղալիք է կախում։ Ի դեպ, դրանք մոտ 1500 են լինելու։ Ամենաշատը սիրում է դեղին խաղալիքները, քանի որ հենց դրանք են տոնի հետ ասոցացվում։

Նրան շատ է դուր գալիս, որ տոնածառը հայկական դրոշի գույների լույսերով է զարդարված։ Լույսերը կարմիր, կապույտ ու նարնջագույն են, բայց երբեմն ուրիշ գույներ էլ են խառնվում։ Դա բարդացնում է զարդարելու ընթացքը, որովհետև պետք է չշփոթել գույները։ Բանվորներին օգնում են էլեկտրիկները, որոնք լույսերի շղթան նախապես բաժանել են ըստ գույների ու առանձին կծիկներ սարքել։
Տասը տղամարդ օրական ութ ժամ աշխատում են, որպեսզի տոնածառը պատրաստ լինի դեկտեմբերի 20-ին, իսկ 21-ին ուրախացնի մայրաքաղաքի բնակիչներին ու հյուրերին։ Ինչպես մյուս քաղաքացիները, այնպես էլ նրանք անհամբերությամբ են սպասում այդ օրվան՝ իրենց աշխատանքի արդյունքը տեսնելու համար։ Նրանց մի մասը, այդ թվում՝ Սարգիսը, խոստանում են Նոր տարին դիմավորել հենց այս տոնածառի մոտ։ Սարգիսն անհամբեր սպասում է երաժիշտ Գորան Բրեգովիչի ելույթին, որն Ամանորի գիշերը ելույթ է ունենալու Հանրապետության հրապարակում։

Երկրի գլխավոր տոնածառի բացման արարողությունը կկայանա դեկտեմբերի 21-ին, ժամը 20:00-ին։ Իսկ ժամը 22:00-ին կբացվի սուրբծննդյան տոնավաճառը։ Դրանից հետո երևանցիներին ու մայրաքաղաքի հյուրերին կուրախացնեն հայ արտիստների մասնակցությամբ հետաքրքիր մյուզիքլով։

«Սա ոչ այնքան ծախս է, որքան ներդրում». Մարությանի խոսնակը մեկնաբանել է ամանորյա ծախսերը

Ամանորին նվիրված միջոցառումները կմեկնարկեն դեկտեմբերի 31-ին, ժամը 22:00-ին նախատեսված համերգով, որին կմասնակցեն հայ աստղերը։ Ժամը 23:45-ին հրապարակից տոնական ուղերձ կհղի ՀՀ վարչապետ Նիկոլ Փաշինյանը։ Կեսգիշերից հետո ելույթ կունենա աշխարհահռչակ երաժիշտ ու կոմպոզիտոր Գորան Բրեգովիչն իր նվագախմբի հետ։

Բրեգովիչի ամանորյա հոնորարը քաղաքապետարանում համեմատում են հայ աստղերի հոնորարների հետ

4642
թեգերը:
տոնածառ, Երևան, Հայաստան
Ըստ թեմայի
«Տոնենք Ամանորը հարևանների հետ». վրացիներին խորհուրդ են տալիս Նոր տարին անցկացնել Երևանում
«Սեղանային մշակույթն» իրեն սպառել է. ո՞ր թանգարաններն ու թատրոնները կաշխատեն տոն օրերին
Ալմազյան. «Եթե ինձ դիմեին, որ Բրեգովիչին հրավիրեի, երևի ավելի էժան կլիներ»

«Պարտվել է ոչ թե ընդդիմությունը կամ իշխանությունը, այլ մեր պետականությունը». Դունամալյան

146
(Թարմացված է 17:12 22.01.2021)
Քաղաքագետ Նորայր Դունամալյանը Sputnik Արմենիայի հետ զրույցում անդրադարձել է ներքաղաքական զարգացումներին, իշխանության ու ընդդիմության ներսում տեղի ունեցող գործընթացներին և արտահերթ ընտրությունների հեռանկարին։

Նորայր Դունամալյանի դիտարկմամբ`Հայաստանում պարտվել է ոչ թե ընդդիմությունը կամ իշխանությունը, այլ ամբողջ մեր հասարակությունը, մեր պետականությունը, և այս իրավիճակում, երբ տեղի է ունենում անվերջ ու անկայուն գործընթաց, կարող ենք ականատես լինել, որ թույլ իշխանությունն ու թույլ ընդդիմությունը հարաբերվելով միմյանց հետ և օգտագործելով պայքարի նույն՝ նախկինում եղած մեթոդներն ու գործիքները, շարունակում են մխրճվել քաղաքական խորացող ճգնաժամի մեջ։ 

«Անգամ Ազգային ժողովում հարց ու պատասխանի ժամանակ ելույթ ունեցող վարչապետը չի հասկանում, որ երկրում քաղաքական առումով իրողություններ են փոխվել, որ այն պոպուլիզմը, որը նա օգտագործում էր մինչպատերազմյան շրջանում, արդեն չի գործում։ Այսօր քաղաքական, տնտեսական և սոցիալական անորոշությունն ընդհանրապես դժվարացնում է ամբողջ իրավիճակի վերլուծությունը, բայց ակնհայտ է, որ մենք դեռ որոշ ժամանակ ապրելու ենք մի իրադրությունում, երբ կա թույլ իշխանություն և թույլ ընդդիմություն, ինչը կարող է բերել նրան, որ հասարակության ներսում առանձին խմբեր կարող են գնալ ինքնակազմակերպման»,– նշեց քաղաքագետը։

Դունամալյանի կարծիքով` շատ կարևոր է, թե խաղի կանոններն ինչպես են հստակեցվելու արտահերթ խորհրդարանական ընտրություններից առաջ, իսկ բուն ընտրությունը քաղաքական գործընթաց է, որի ժամանակ, ըստ քաղաքագետի, ոչինչ պետք չէ բացառել, և հատկանշական է, որ շատ դեպքերում քաղաքական գործիչները փորձում են պաշտպանել իրենց շահերը, որոնք այդքան էլ կապված չեն պետական շահերի հետ։        

146
թեգերը:
Նիկոլ Փաշինյան, Իշխանություն, Նորայր Դունամալյան
թեմա:
Sputnik զրույց
Ըստ թեմայի
Իշխանությունը «Հաղթելու ենք» կարգախոսը փոխարինել է «Լռելու» ենք կարգախոսով. Սեյրան Օհանյան
Իշխանության վերաբերյալ որոշումներ պետք է կայացնի ժողովուրդը. Փաշինյանը՝ հրաժարականի մասին
Ինչով են զբաղված ԱՀ իշխանությունները. Դավիթ Բաբայանը` գերիների և Արցախի կարգավիճակի մասին

Դա կարող է Ալիևի պատվերը լինել. Կարապետյանը` Շուշիի վերաբերյալ Փաշինյանի ասածի մասին

115
Արձակագիր, հրապարակախոս, «Շուշի» հիմնադրամի նախագահ Բակուր Կարապետյանը Sputnik Արմենիայի հետ զրույցում անդրադարձել է Շուշիի հայկական ծագումնաբանությանը, քաղաքի էթնիկ ու դեմոգրաֆիական նկարագրին, ինչպես նաև Շուշիի հայկական պատմամշակութային ժառանգության պահպանման խնդրին։

Բակուր Կարապետյանի հավաստմամբ` գոյություն ունեն բազմաթիվ փաստեր` կոթողներ ու արձանագրություններ, որոնք աներկբայորեն վկայում են Շուշի քաղաքի հայկական ծագումնաբանության մասին։ Փաստագրական նյութերից շատերը տեղ են գտել Կարապետյանի հեղինակած և օտար լեզուներով թարգմանված աշխատություններում։

«Տարակուսելի է, որ նույնիսկ ՀՀ վարչապետի մակարդակով արված հայտարարությունների շնորհիվ կասկածի տակ է դրվում Շուշիի հայկական պատկանելությունը, և թվում է, որ դա նույնիսկ կարող է պատվեր լինել, թեկուզ Իլհամ Ալիևի կողմից, մինչդեռ պատմական քաղաքի հայկական ծագումնաբանությունը նույնիսկ ամենափոքր վիճարկման թեմա չէ»,– նշում է արձակագիրը։

Կարապետյանի տեղեկացմամբ` «Շուշի» հիմնադրամի կողմից պատմական քաղաքում և հարակից տարածքներում կատարվել են չափագրումներ, հաշվառվել են պատմամշակութային արժեք ներկայացող կոթողներն ու հուշարձանները, որոնց գոյությունն ու հետագա ճակատագիրը վտանգված են ադրբեջանական օկուպացիայից հետո։

Ինչո՞ւ Փաշինյանն այդքան չի սիրում Շուշին. Սարգսյանը` վարչապետի աղմկոտ հայտարարության մասին

Հետևաբար, Կարապետյանի պնդմամբ, գիտակրթական հանրությունը, պետական ատյանները միջազգային կառույցների ու համապատասխան կազմակերպությունների օժանդակությամբ պետք է հետամուտ լինեն Շուշիի մշակութային ժառանգության պահպանմանը, որպեսզի այն չոչնչացվի ադրբեջանցի վանդալների կողմից։ 

«90% ադրբեջանական բնակչություն ունեցող Շուշին հայկակա՞ն է իր այդ կարգավիճակով». Փաշինյան

115
թեգերը:
Բակուր Կարապետյան, հայկական, մշակույթ, Շուշի
թեմա:
Sputnik զրույց
Ըստ թեմայի
Վերջին անգամ Շուշիում՝ մահվան հետ դեմ հանդիման, կամ ինչպես ընկավ թշնամու ինքնաթիռը
«Շուշին ծախածն ընդդեմ Շուշին ազատագրածների». բողոքի ակցիա` Քոչարյանի դատական նիստից առաջ
«Արգիշտի Քյարամյանը ճիշտ է ասում` Շուշիում միասին ենք եղել». Օհանյանը մանրամասներ հայտնեց
ԲԿՄԱ

18-ամյա հայազգի ֆուտբոլիստը միացել է ԲԿՄԱ-ի գլխավոր թիմին

0
(Թարմացված է 23:52 22.01.2021)
Ավանեսյանը նախկինում մարզումային հավաքներ է անցկացրել ԲԿՄԱ-ի երիտասարդական թիմի հետ:

ԵՐԵՎԱՆ, 22 հունվարի - Sputnik. Մարզիչ Ալեքսեյ Բերեզուցկին և կիսապաշտպան Տիգրան Ավանեսյանը միացել են ԲԿՄԱ-ի հիմնական թիմին` Իսպանիայում ընթացող մարզչական հավաքին մասնակցելու համար։ Տեղեկությունը հայտնում է ակումբի թվիթերյան էջը:

Վալերի Հովհաննիսյանը կզբաղեցնի «Տամբով» ֆուտբոլային ակումբի նախագահի պաշտոնը

Հունվարի 22-ին ԲԿՄԱ-ն հայտարարեց, որ Ռուսաստանի հավաքականի նախկին խաղացող Ալեքսեյ Բերեզուցկին, որը անցյալ տարվա հունվարից ակումբում զբաղեցնում էր գլխավոր տնօրենի տեղակալի պաշտոնը, մտել է գլխավոր թիմի մարզչական շտաբ:

Ավանեսյանը նախկինում մարզումային հավաքներ է անցկացրել ԲԿՄԱ-ի երիտասարդական թիմի հետ:

0
թեգերը:
Ռուսաստան, հայ, ֆուտբոլիստ, ֆուտբոլ
Ըստ թեմայի
Ծոծրակին աչք ունեցող ֆուտբոլիստը. Արկադի Անդրեասյանի «ոսկերչական» փոխանցումներն ու հումորը
Ֆուտբոլասեր թենիսիստը. ինչպես Էդուարդ Քալանթարյանը մահացած դերասանին «նկատեց» տրիբունայում
Ըմբշամարտն ու պատերազմը. Արայիկ Բաղդադյանը` սպորտի հաղթանակների և կռվի դառնության մասին