Պուտինը մեկնաբանել է WADA–ի` Ռուսաստանի վերաբերյալ որոշումը. տեսանյութ

86
(Թարմացված է 16:08 10.12.2019)
ՌԴ նախագահ Վլադիմիր Պուտինն ասել է, որ ռուս մարզիկներին 4 տարով օլիմպիական խաղերին մասնակցելուց զրկելու` WADA–ի որոշումը հակասում է օլիմպիական խարտիային, և Ռուսաստանը հիմքեր ունի դիմելու CAS, դատարան։

ՌԴ նախագահ Վլադիմիր Պուտինը քաղաքականացված է անվանել Ռուսաստանի վերաբերյալ Համաշխարհային հակադոպինգային գործակալության (WADA) որոշումը։ Այս մասին հաղորդում է Ռ–Սպորտը։

«Պատիժը չի կարող կոլեկտիվ բնույթ կրել և տարածվել մարդկանց վրա, որոնք ոչ մի կապ չունեն այդ պատժի հետ։ Եվ բոլորը հասկանում են դա։ Կարծում եմ` WADA–ի մասնագետները նույնպես։ Բայց եթե նրանցից ինչ–որ մեկը նման որոշում է ընդունել կոլեկտիվ պատիժների մասին, ինձ թվում է` հիմքեր կան ենթադրելու, որ նման որոշումների հիմքում ընկած է ոչ թե համաշխարհային սպորտի մաքրության մասին մտահոգությունը, այլ քաղաքական բնույթի դատողությունները, որոնք ոչ մի կապ չունեն սպորտի և օլիմպիական շարժման հետ»,–ասել է նա Փարիզում «նորմանդական ձևաչափով» գագաթնաժողովից հետո կայացած ասուլիսում։

Պուտինը հայտարարել է, որ նախևառաջ պետք է վերլուծել այդ որոշումը։

Ռուսական սպորտի մղձավանջը. ի՞նչ սպառնալիքներ է պարունակում WADA–ի զեկույցը

«Հիմա` դոպինգի և WADA–ի որոշման առիթով. Ռուսաստանը կբողոքարկի՞ այն։ Առաջին հերթին պետք է վերլուծել այդ որոշումը։ Այն, ինչ ընկած է մակերեսին, և այն, ինչ ես եմ տեսնում, Ռուսաստանի օլիմպիական կոմիտեի հանդեպ պահանջներ չկան, իսկ եթե չկան պահանջներ, նշանակում է, որ Ռուսաստանը պետք է ելույթ ունենա իր դրոշի ներքո. այդպիսին է օլիմպիական խարտիան։ Դա խոսում է այն մասին, որ ամեն դեպքում WADA–ի որոշումը հակասում է օլիմպիական խարտիային։ Եվ մենք հիմքեր ունենք դիմելու CAS, դատարան։ Կան նաև այլ ենթադրություններ. պետք է դա վերլուծեն մասնագետները, իրավաբանները և գործի իմացությամբ զրուցեն մեր գործընկերների հետ։ Իմ կարծիքով` դա գլխավորն է, և կարծում եմ, որ բոլորը համաձայն են դրա հետ։ Ցանկացած պատիժ, այդպես եկել է դեռ հռոմեական իրավունքի ժամանակներից, պետք է անհատական լինի և բխի նրանից` ինչ է արել այս կամ այն անձը»,–ասել է Պուտինը։

Ռուսաստանը ճիշտ էր, կամ ինչո՞ւ է WADA–ն փորձում սպանել ռուսական սպորտը

Հիշեցնենք`երեկ` դեկտեմբերի 9–ին, WADA–ի (Համաշխարհային հակադոպինգային գործակալություն) գործադիր կոմիտեն որոշում է կայացրել 4 տարով զրկել ռուս մարզիկներին օլիմպիական խաղերին մասնակցելուց: WADA- ն որոշել է, որ Օլիմպիական և Պարալիմպիկ հաջորդ խաղերին, ինչպես նաև աշխարհի տարբեր առաջնություններում` տարբեր մարզաձևերից Ռուսաստանից կմասնակցեն միայն «մաքուր» մարզիկները, որոնք կմրցեն չեզոք կարգավիճակում՝ առանց դրոշի և ազգային օրհներգի:

86
թեգերը:
տեսանյութ, դոպինգ, մարզիկ, Ռուսաստան, Վլադիմիր Պուտին, օլիմպիադա
Ըստ թեմայի
Ռոդչենկովը դոպինգ թեստերով հասավ Հայաստան. ինչու են շահարկվում հայ մարզիկների անունները
Ծանրորդուհիներին զրկեցին նվաճած մեդալներից. դոպինգի համար պատիժ` առանց վաղեմության ժամկետի
«Արդեն չեն կարողանում կանգ առնել». փորձագետը` ԱՄՆ–ի հրահրած «վիզային պատերազմի» մասին
ՆԱՏՕ–ն ավելացնում է պաշտպանությանն ուղղված ծախսերը. ՌԴ–ն կմասնակցի՞ մրցավազքին

Հայրապետյանն ու իր որդին «Հարսնաքարի» տնօրենին 24 օր փակի տակ են պահել, ծեծել. տեսանյութ

360
(Թարմացված է 23:08 29.05.2020)
Տնօրենի հարազատները նրանց մատնանշած անձանց անուններով են ձևակերպել իրենց տունը, ընտանիքին պատկանող տաքսի ծառայության մեքենաների և իրենց ոսկյա զարդերի վաճառքից գոյացած գումարները։

ՀՖՖ նախին նախագահ Ռուբեն Հայրապետյանի և նրա որդու մասին ոստիկանությունը նոր բացահայտումներ է արել, որոնք վերաբերում են Հայրապետյանների ընտանիքին պատկանող «Հարսնաքար» ռեստորանային համալիրի նախկին տնօրենին։

Ոստիկանության մամուլի ծառայության հաղորդմամբ՝ քրեական ոստիկանության գլխավոր վարչության կոռուպցիոն և տնտեսական հանցագործությունների դեմ պայքարի վարչությունը փաստական տվյալներ է ձեռք բերել, որ «Հարսնաքարի» տնօրենը 2015 թվականի դեկտեմբերից մինչև 2016 թվականի հուլիսը հյուրանոցային համալիրի սեփականատիրոջ ընտանիքին պատկանող բանկից ստացել է ընդհանուր՝ 52 միլիոն դրամ վարկ։

Քննությանը հայտնի տվյալներով՝ փողի մի մասն օգտագործել է հյուրանոցային համալիրի բնականոն գործունեությունն ապահովելու, իսկ մնացած 30 միլիոն դրամը, առանց համալիրի սեփականատերերի գիտության ու թույլտվության, օգտագործել է սեփական բիզնեսի՝ տաքսի ծառայություն մատուցող ընկերություն հիմնելու համար՝ միաժամանակ պատշաճ կատարելով վարկային պարտավորությունները:

«Նախաքննությանը հայտնի տվյալներով՝ ռեստորանահյուրանոցային համալիրի սեփականատերն ու որդին, տեղեկանալով տնօրենի հիշյալ գործողությունների մասին, տնօրենից 52 միլիոն դրամը հետ ստանալու նպատակով կազմակերպել և մի խումբ անձանց հետ տնօրենին, նրա կամքին հակառակ, ապօրինի զրկել են ազատությունից՝ 2016 թվականի հուլիսի 26-ից օգոստոսի 18-ը պահելով ռեստորանահյուրանոցային համալիրի քոթեջներից մեկում և նույն համալիրի տարբեր սենյակներում»,- նշված է պաշտոնական հաղորդագրության մեջ։

Ոստիկանության տվյալներով՝ 2016 թվականի հուլիսի 26-ին հյուրանոցային համալիրի սեփականատիրոջ որդին տնօրենին իր ավտոմեքենայով տեղափոխել է Երևանի Բաբաջանյան փողոցում գտնվող իրենց առանձնատուն։ Այստեղ նրա հայրը՝ Ռուբեն Հայրապետյանը, հայհոյել է տնօրենին, նրանից պահանջել 120 հազար դոլար։ Ապա տնօրենին կրկին տեղափոխել են հյուրանոցային համալիրի տարածք: Փաստորեն, դրանից հետո 24 օր նրան պահել անազատության մեջ` այդ ընթացքում մահակներով, ոտքերով ու ձեռքերով բազմաթիվ անգամ հարվածներ հասցնելով տնօրենի մարմնին:

Ըստ ոստիկանության հաղորդագրության՝ հուլիսի 27-ին հյուրանոցային համալիր այցելած սեփականատերը հանձնարարել է իր մոտ բերել տնօրենին, հայհոյել, էլեկտրաշոկով հարվածել նրա այտին՝ կրկին պահանջելով 120 հազար դոլար:

«Բացի այդ, տնօրենի կանչով հյուրանոցային համալիր են եկել վերջինիս մայրը, քույրը, տատը, ընկերներն ու ընկերուհին, որոնց ներկայությամբ նրանցից ու տնօրենից պահանջել են 57 միլիոն 138 հազար դրամին համարժեք 120 հազար դոլար: Արդյունքում` տնօրենի հարազատները, նրանց մատնանշած անձանց անուններով են ձևակերպել իրենց տունը, ընտանիքին պատկանող տաքսի ծառայության տրանսպորտային միջոցների, ինչպես և իրենց ոսկյա զարդերի վաճառքից գոյացած գումարները, որից հետո միայն տնօրենն ազատ է արձակվել։ Այսպիսով ռեստորանահյուրանոցային համալիրի սեփականատերը, որդին և վերջինիս ընկերները, բռնություն գործադրելով, տևական ժամանակ ազատությունից ապօրինի զրկել են ռեստորանահյուրանոցային համալիրի տնօրենին, իսկ հետագայում՝ ունեզրկել»,- նշված է ոստիկանության պաշտոնական հաղորդագրության մեջ։

Ռուբեն Հայրապետյանն իր ասածի պատասխանը կզգա ոչ միայն շորերի, այլև մարմնի վրա. Գրիգորյան

Դեպքի առթիվ Քրեական ոստիկանության գլխավոր վարչությունում քրեական գործ է հարուցվել։ Այն ուղարկվել է Քննչական կոմիտե։ Հյուրանոցային համալիրի սեփականատիրոջը, նրա որդուն և ևս չորս անձի մեղադրանք է առաջադրվել։

Հյուրանոցային համալիրի սեփականատիրոջ և ևս չորս անձի նկատմամբ հայտարարվել է հետախուզում, խափանման միջոցը` կալանք։ Հարուցված քրեական գործի նախաքննությունը շարունակվում է։

Հիշեցնենք` երեկ ՀՀ քննչական կոմիտեն տեղեկություն տարածեց, համաձայն որի` Երևանի ընդհանուր իրավասության դատարանը բավարարել է ՀՖՖ նախկին նախագահ Ռուբեն Հայրապետյանին և ևս 4 անձի կալանավորելու միջնորդությունները: Դրանից մեկ օր առաջ ՀՀ քննչական կոմիտեի ՀԿԳ քննության վարչության քննիչի կողմից որոշում կայացվեց Հայրապետյանի հանդեպ հետախուզում հայտարարել։

Նշենք, որ մայիսի 18–ին Ռուբեն Հայրապետյանը հրավիրվել է ՀՔԾ հարցաքննության։ Նրա փաստաբանը սահմանված կարգով գրություն է ներկայացրել համապատասխան մարմին այն մասին, որ Հայրապետյանը հարգելի պատճառով չի կարող ներկայանալ հարցաքննություններին։ Նա բուժման նպատակով դեռևս մարտին մեկնել է արտերկիր, իսկ հիմա չի կարողանում հայրենիք վերադառնալ կորոնավիրուսի համավարակի հետևանքով ընդհատված ավիահաղորդակցության պատճառով։

Դեռևս 2019–ի թվականին Ռուբեն Հայրապետյանի նկատմամբ 4 հոդվածով քրեական գործ էր հարուցվել։ Դրանք են` 315-րդ հոդվածի 2-րդ մաս (պաշտոնեական անփութություն, որն անզգուշությամբ առաջացրել է ծանր հետևանքներ), 179-րդ հոդվածի 3-րդ մաս (խոշոր չափերով յուրացում), 325-րդ հոդվածի 2–րդ մաս (մի խումբ անձանց կողմից փաստաթղթեր կեղծելը) և 214-րդ հոդվածի 2-րդ մաս (առևտրային կամ այլ կազմակերպությունների ծառայողների կողմից լիազորությունները չարաշահելը):

Էլեկտրաշոկով հարվածել է ու սպառնացել․ ՔԿ-ն Ռուբեն Հայրապետյանին մեղադրանք է առաջադրել

360
թեգերը:
ՀՀ Ոստիկանություն, Ոստիկանություն, տեսանյութ, ծեծ, Հարսնաքար, Ռուբեն Հայրապետյան
Ըստ թեմայի
Ռուբեն Հայրապետյանը կկալանավորվի. դատարանը բավարարել է ՔԿ միջնորդությունը
Դատարանը չի հաստատել Ռուբեն Հայրապետյանին մեղսագրված արարքներից երկուսը. որոնք են դրանք
Ռուբեն Հայրապետյանի որդին կամավոր ներկայացել է. դատարանը մերժել է կալանքի միջնորդությունը

«Պետք է ուտելիս դիմակ կրել». Արսեն Թորոսյանի որդին շփոթեց պահանջները. տեսանյութ

148
(Թարմացված է 21:11 29.05.2020)
Նախարարի զավակները խոստովանեցին՝ կարանտինից առաջ տանել չէին կարողանում դպրոցը, իսկ հիմա շատ են կարոտել, ուզում են նորից ընկերների հետ դպրոց հաճախել։

Եթե ցանկանում եք սեպտեմբերին դպրոց վերադառնալ ու փոխարինել հեռավար դասերն իրականով, ուրեմն պետք է երեք պարզ կանոնի հետևեք։ ՀՀ առողջապահության նախարար Արսեն Թորոսյանի Facebook-ի էջի ուղիղ եթերին այսօր միացել են նաև իր զավակները՝ Նարեն և փոքրիկ Գևորգը։

Դուստրը՝ Նարեն, որոշեց իր օրինակով ցույց տալ, թե ինչպես է պետք դիմակ կրել, ախտահանել ձեռքերը հատուկ հեղուկով, չմոռացավ հիշեցնել նաև սոցիալական հեռավորության մասին։

«Իրար փողոցում հանդիպելիս մի գրկեք, մի համբուրվեք, ձեռքերով մի կպչեք»,- ասաց Նարեն։

Գևորգը շարունակեց քույրիկի խորհուրդները՝ մի քիչ շփոթելով պարետ Տիգրան Ավինյանի՝ դիմակ կրելու պահանջը։

«Պետք է ուտելուց դիմակ կրել»,- ասաց տղան, հետո էլ ավելացրեց, որ տանել չի կարողանում Զում օնլայն ծրագրով դասեր անելն, ուզում է դպրոց վերադառնալ։

Նարեն էլ խոստովանեց՝ կարանտինից առաջ տանել չէր կարողանում դպրոցը, իսկ հիմա շատ է կարոտել,  ուզում է սովորել, ուզում է նորից ընկերների հետ դպրոց հաճախել։

Թորոսյանն ամփոփեց՝ դիմելով մեծերին ու փոքրերին, եթե ցանկանում եք, որ սեպտեմբերի մեկից մանկապարտեզներն ու դպրոցները վերաբացվեն, ուրեմն հետևեք երեք պարզագույն կանոններին։ Դրանք կօգնեն նվազեցնել վարակի տարածման տեմպն ու ի վերջո, հաղթահարել կորոնավիրուսը։

Հիշեցնենք՝ ամբողջ աշխարհում կորոնավիրուսով վարակակիրների թվով Հայաստանը 56-րդ տեղում է (8 676)։ Այսօր վարչապետ Նիկոլ Փաշինյանը հանդես եկավ ճեպազրույցով՝ հայտարարելով, թե մեկ միլիոն բնակչության հաշվով Հայաստանն արդեն առաջ է անցել Իրանին ու Ֆրանսիային, հավասարվել Ռուսաստանին և մոտենում է Իտալիայի ցուցանիշին։

148
թեգերը:
դիմակ, երեխա, Արսեն Թորոսյան, դպրոց, Հայաստան, կորոնավիրուս
Ըստ թեմայի
Կորոնավիրուսից մահացել է հանրահայտ ֆիլմի հերոսուհու հայ ամուսինը
Կորոնավիրուսի թեստ անցկացնող բժիշկներն են վարակվել. «Աստղիկ» ԲԿ-ն մանրամասներ է հայտնում
Իսպանիայում կորոնավիրուսի զոհերի թիվն անցել է 27000-ը. Նիկոլ Փաշինյանը ցավակցել է Սանչեսին
Ռոբերտ Քոչարյան

Դատախազությունը պարզաբանել է Ռոբերտ Քոչարյանի գործով ՄԻԵԴ կարծիքը

21
(Թարմացված է 13:13 30.05.2020)
Գլխավոր դատախազությունը նշում է, որ Ռոբերտ Քոչարյանի նկատմամբ իրականացված գործողությունները եղել են ու շարունակում են մնալ իրավաչափ, ու Մեծ պալատի խորհրդատվական կարծիքը հիմնավորում է դա։

ԵՐԵՎԱՆ, 30 մայիսի – Sputnik. ՀՀ գլխավոր դատախազությունը ՀՀ երկրորդ նախագահ Ռոբերտ Քոչարյանի գործով Մարդու իրավունքների եվրոպական դատարանի խորհրդատվական կարծիքի վերաբերյալ պարզաբանում է ներկայացրել։

Մարդու իրավունքների եվրոպական դատարանի Մեծ պալատը Սահմանադրական դատարանի դիմումի հիման վրա խորհրդատվական կարծիք է հրապարակել երեկ` մայիսի 29-ին։

«Հաշվի առնելով հանրային մեծ հետաքրքրությունը, ինչպես նաև այն հանգամանքը, որ ամբաստանյալ Ռ. Քոչարյանի պաշտպանները տարակուսելի արագությամբ, չսպասելով այդ խորհրդատվական կարծիքի հրապարակմանը և պաշտոնական թարգմանությանը, շտապեցին դրա վերաբերյալ հանդես գալ խիստ միակողմանի, ստիպված ենք անհրաժեշտաբար հանդես գալ հակիրճ և ընդհանրական պարզաբանումներով՝ հիմնվելով ՄԻԵԴ պաշտոնական կայքում առկա հաղորդագրության և դրա ոչ պաշտոնական թարգմանության վրա»,– նշված է դատախազության հաղորդագրության մեջ:

ՀՀ Սահմանադրական դատարանը 2019թ. հուլիսի 18-ի որոշմամբ, Մարդու իրավունքների և հիմնարար ազատությունների պաշտպանության մասին կոնվենցիայի 16-րդ արձանագրության 1-ին հոդվածի հիման վրա` խորհրդատվական կարծիք ստանալու նպատակով դիմել էր ՄԻԵԴ` առաջադրելով 4 հարց։

1. Արդյո՞ք որակական նույն պահանջներն են ներկայացվում (որոշակիություն, հասանելիություն, կանխատեսելիություն, կայունություն) Կոնվենցիայի 7-րդ հոդվածի իմաստով հանցագործություն սահմանող «օրենք» հասկացության և Կոնվենցիայի այլ՝ օրինակ՝ 8–11-րդ հոդվածներում գործածվող «օրենք» հասկացության նկատմամբ։

2. Եթե ոչ, ապա ինչպիսի՞ չափորոշիչներով են դրանք սահմանազատվում։

3. Կարո՞ղ է արդյոք ավելի բարձր իրավաբանական ուժ և վերացականության ավելի բարձր աստիճան ունեցող իրավական ակտերի որոշակի իրավադրույթներին հղում պարունակող և դրա ուժով հանցագործություն սահմանող քրեական օրենքը բավարարել որոշակիության, հասանելիության, կանխատեսելիության և կայունության պահանջները։

4. Քրեական օրենքի հետադարձ կիրառման արգելքի սկզբունքին (Կոնվենցիայի 7-րդ հոդվածի 1-ին մաս) համապատասխան՝ ինչպիսի՞ չափորոշիչներ են սահմանված հանցանքի կատարման պահին գործող և դրանից հետո փոփոխված քրեական օրենքների համադրման համար՝ պարզելու դրանց բովանդակային (էական) նմանությունները կամ տարբերությունները:

ՄԻԵԴ Մեծ պալատն այդ հարցերի կապակցությամբ խորհրդատվական կարծիքում քննարկման ենթական հարցի և կոնկրետ գործի հանգամանքների միջև տրամաբանական կապի բացակայության պատճառաբանությամբ` միաձայն ընդունել է, որ չի կարող պատասխանել առաջին երկու հարցերին։

«Ինչ վերաբերում է բարձրացված երրորդ հարցին, ապա ՄԻԵԴ-ը գտել է, որ այնպիսի իրավադրույթը, որն օգտագործում է ընդհանուր հղում (blanket reference) կամ «օրենսդրություն հղումով» տեխնիկան՝ գործողությունները կամ զանցանքները քրեականացնելու համար, ինքնին Հոդված 7-ի հետ անհամադրելի չէ։ Դրույթը, որին հղում է կատարվում, համատեղ ընթերցմամբ պետք է հնարավորություն տան անհատներին, եթե անհրաժեշտ է, իրավական խորհրդատվության օգնությամբ, կանխատեսել, թե ինչ վարքագիծը կբերի քրեական պատասխանատվության»,– հայտնում է Գլխավոր դատախազությունը։

Ի թիվս այլի` որոշակիության և կանխատեսելիության ապահովման ամենաարդյունավետ միջոցն այն է, որ հղումը լինի բացահայտ, և հղում կատարող դրույթում սահմանված լինեն հանցակազմի տարրերը։ Այլ կերպ ասած, ըստ դատախազության, Մեծ պալատը որևէ խնդիր և առավել ևս, Կոնվենցիային հակասող չի համարում քրեական նորմով որպես բլանկետ սահմանադրական նորմերի նախատեսումը` դարձյալ հղում կատարելով իրավական որոշակիության և կանխատեսելիության ընդհանուր կանոնին:

Տվյալ պարագայում խոսքը վերաբերում է ՀՀ քրեական օրենսգրքի 300.1-րդ հոդվածի 1-ին մասով սահմանված այն հատվածին, որտեղ հղում է կատարվում ՀՀ Սահմանադրության դրույթներին: ՄԻԵԴ Մեծ պալատի նշված դիրքորոշմամբ արտահայտված քրեական իրավունքի այս հանրաճանաչ սկզբունքն ինքնին ընկած է Ռ. Քոչարյանին առաջադրված մեղադրանքի հիմքում:

«Անդրադառնալով բարձրացված չորրորդ հարցին` հարկ է նկատի ունենալ, որ Մեծ պալատն իրավացիորեն շեշտել է այն, ինչ ՀՀ դատախազությունն իր արտահայտած դիրքորոշումներում բազմիցս կրկնել է. որ օրենքի հետադարձ ուժի կիրառման վերաբերյալ գնահատման դեպքում պետք է հաշվի առնել կոնկրետ գործի հանգամանքները, ոչ թե առաջնորդվել աբստրակտ հասկացություններով»,– նշված է հաղորդագրության մեջ։

Ռոբերտ Քոչարյանի պաշտպանները հետ են վերցրել վերաքննիչ բողոքները

Դատախազությունը բազմիցս ասել է, որ քրեական օրենքում նոր նախատեսված քրեաիրավական նորմի՝ մեկ այլ նորմի համեմատությամբ մեղմացնող կամ խստացնող լինելը կախված է գործի հանգամանքներից. նույն քրեաիրավական նորմը դրա նախորդ ձևակերպման համեմատությամբ տարբեր անձանց համար կարող է ունենալ տարբեր՝ մեղմացնող կամ խստացնող նշանակություն՝ կախված նրանից, թե տվյալ անձին կոնկրետ ինչ արարք է մեղսագրվում, արդյոք այն պարունակում է քրեաիրավական նորմի նախորդ ձևակերպմամբ սահմանված հատկանիշները, թե ոչ:

«Այս համատեքստում՝ այնքանով, որքանով կոնկրետ քննարկվող քրեական գործով անձին մեղսագրվել է բռնությամբ սահմանադրական կարգը տապալելը, որը որպես հանցագործություն նախատեսված է եղել ինչպես 2008թ., այնպես էլ ներկա պահին ՀՀ քրեական օրենսգրքի 300.1-րդ հոդվածով, հետևաբար ՀՀ քրեական օրենսգրքի այդ հոդվածով սահմանված նորմը նրանց վիճակը վատթարացնող դիտվել չի կարող: Ասվածից հետևում է, որ Մեծ պալատի կողմից տրված խորհրդատվական կարծիքը գալիս է հիմնավորելու, որ մինչ այս քրեական հետապնդման մարմինների կողմից իրականացված գործողությունները եղել են ու շարունակում են մնալ իրավաչափ»,– վստահեցնում է Գլխավոր դատախազությունը։

Հիշեցնենք՝ 2018 թվականի հուլիսի 26-ին ՀՀ պաշտոնաթող նախագահ Ռոբերտ Քոչարյանին մեղադրանք էր առաջադրվել ՀՀ քրեական օրենսգրքի 300.1-ին հոդվածի 1-ին մասով այն բանի համար, որ նա այլ անձանց հետ նախնական համաձայնությամբ տապալել է Հայաստանի Հանրապետության սահմանադրական կարգը։ Ռոբերտ Քոչարյանի հանդեպ խափանման միջոցն ընտրվել էր կալանավորումը։

Երկրորդ նախագահի փաստաբաններն ավելի քան մեկ տարի պնդում են՝ 2008 թ.–ին ՀՀ Քրեական օրենսգրքում չի եղել Սահմանադրական կարգը տապալելու վերաբերյալ 300.1-ին հոդված, այն ավելացվել և ուժի մեջ է մտել միայն 2009թ.–ի մարտի 18–ին, հետևաբար այս հոդվածը չի կարող տարածվել 2008-ին նախագահի պաշտոնը զբաղեցրած Քոչարյանի վրա։

Ռոբերտ Քոչարյանի պաշտպանական խումբը 14 գանգատ է ներկայացրել ՄԻԵԴ

21
թեգերը:
ՀՀ գլխավոր դատախազություն, Ռոբերտ Քոչարյան, Հայաստան
թեմա:
Ռոբերտ Քոչարյանի գործը
Ըստ թեմայի
Խուդոյան. «Ռոբերտ Քոչարյանի գործի քննման ձգձգումներն արհեստական են և ունեն որոշակի միտում»
Սահմանադրական կարգը սյուն չէ, որ տապալել լինի. Ռոբերտ Քոչարյանի պաշտպան
«Ոնց որ հանրակացարանում ապրեմ». Ռոբերտ Քոչարյանը պատմեց պահման պայմանների մասին