Հայուհին քանոն է նվագել Դելֆյան խաղերի փակման ժամանակ. տեսանյութ

1561
(Թարմացված է 20:58 02.12.2019)
16–ամյա Լիլիթ Պետրոսյանը քանոն է նվագել Մոսկվայում և Դելֆյան խաղերից վերադարձել բրոնզե մեդալով։

Մոսկվայում ավարտվել են 14–րդ երիտասարդական Դելֆյան խաղերը։ 16–ամյա Լիլիթ Պետրոսյանը բրոնզե մեդալ է շահել մի անվանակարգում, որում հիմնականում պարգևատրել են դասական երաժշտություն նվագող երաժիշտներին։ Լիլիթը հաղթանակի շնորհիվ ելույթ է ունեցել «Վեգաս Սիթի Հոլ» համերգասրահում տեղի ունեցած փակ միջոցառման ժամանակ։ Աղջիկը նվագել է խորհրդային կոմպոզիտոր Խաչատուր Ավետիսյանի «Մշտական շարժում» ստեղծագործությունը։

Experimental Duo–ի երաժիշտները հայտնի երգերին նոր շունչ են տալիս քանոնով. տեսանյութ

«Ես անցած տարի նույնպես Եկատերինբուրգում մասնակցել եմ Դելֆյան խաղերին։ Այս տարի հաջողվեց մեդալ նվաճել։ Ժյուրիի կազմում յոթ հոգի կար, և ոչ մեկը հայ չէր»,–ժպտալով ասաց Լիլիթը։

Թե ինչպես է 9 տարեկան Մերին քանոն նվագում

Աղջիկը սովորում է Երևանի Խաչատուր Աբովյանի անվան հայկական պետական մանկավարժական համալսարանի հենակետային վարժարանում։ Նա 6 տարեկանից քանոն է նվագում, սովորում Սպենդիարյանի անվան երաժշտական դպրոցում` հայտնի քանոնահարուհի Ծովինար Հովհաննիսյանի ղեկավարությամբ։ Լիլիթը ծրագրում է դպրոցն ավարտելուց հետո ընդունվել Երևանի պետական կոնսերվատորիա և դառնալ պրոֆեսիոնալ քանոնահարուհի։

Քանոնահար Մարիաննա Գևորգյանի հիասքանչ նվագը. երաժշտությունն ազգություն չի ճանաչում

1561
թեգերը:
Ռուսաստան, Քանոն (երաժշտական գործիք), աղջիկ, հայ
Ըստ թեմայի
Կաղապարից դուրս. երբ քանոնից ջազ է հնչում
Քանոնահարուհի Մերի Մուսինյանի հիասքանչ կատարումը հատուկ Sputnik Արմենիայի համար. տեսանյութ
«Ով սիրուն, սիրուն». ինչպես է Մարիաննա Գևորգյանի քանոնը հիացրել Թեղուտ գյուղի փոքրիկին

Երևանի «Կապույտ մզկիթում» ռումբի տեղադրման մասին ահազանգ է ստացվել

53
(Թարմացված է 10:39 15.07.2020)
Փրկարարները շտապել են Երևանում գտնվող կապույտ մզկիթ՝ հասկանալու, թե արդյո՞ք իրականությանը համապատասխանում է տեղում պայթուցիկի տեղադրման մասին ահազանգը։

ՀՀ արտակարգ իրավիճակների նախարարությունը տեղեկացնում է, որ այսօր առավոտյան ահազանգ է ստացվել, որ Երևանի Մաշտոցի պողոտայում գտնվող «Կապույտ մզկիթում» պայթուցիկ սարք է տեղադրված։

«Ահազանգը ստացվել է առավոտյան ժամը 09։35-ին։ Դեպքի վայր են մեկնել ԱԻՆ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ»,-նշված է հաղորդագրության մեջ։

Դեպքի վայր են մեկնել նաև փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի կինոլոգիական և Քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի ինժեներասակրավորական խմբերը։

Ահազանգ. «Մերիդիան» էքսպոկենտրոնի մոտ պայթուցիկներ են հայտնաբերվել

53
թեգերը:
ահազանգ, Երևան, մզկիթ, ռումբ, ՀՀ արտակարգ իրավիճակների նախարարություն (ԱԻՆ)
թեմա:
Վթար, պատահար, սպանություն, գողություն
Ըստ թեմայի
«Մեգամոլ» առևտրի կենտրոնում ռումբ չի հայտնաբերվել. ահազանգերից մեկը կեղծ էր
ԱԻՆ-ը տեղեկություն է ստացել, որ առևտրի կենտրոնում ռումբեր են տեղադրված
«Դալմա Գարդեն մոլից» մարդկանց տարհանում են. ԱԻՆ-ը ռումբի մասին ահազանգ ունի
Ռումբի մասին կեղծ ահազանգեր. փրկարարական ու ոստիկանական գործողությունները՝ տեսանյութով

Ցնծության ճիչ․ ՀՀ ԶՈՒ–ն ադրբեջանական հերթական անօդաչուն է խոցել

498
(Թարմացված է 20:50 14.07.2020)
Տեսանյութում լսվում է հայ զինվորների ուրախության ճիչը, երբ խոցում են ադրբեջանական անօդաչու թռչող սարքը։

Հայկական ԶՈւ ՀՕՊ ստորաբաժանումը խոցել է հերթական ադրբեջանական «Elbit Hermes 900» ԱԹՍ-ը։ Տեղեկությունը Facebook-ի իր էջում հայտնում է ՀՀ ՊՆ մամուլի քարտուղար Շուշան Ստեփանյանը:

Նշենք, որ հայկական զինված ուժերը վերջին 3 օրվա ընթացքում հակառակորդի մի քանի ԱԹՍ են խոցել, այդ թվում` կամիկաձե։

Հիշեցնենք` հուլիսի 12–ից սկսած իրավիճակը սրվել է հայ–ադրբեջանական սահմանի Տավուշի հատվածում։

Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր:

Եվս երկու զոհ ունենք. ՊՆ–ն հրապարակել է նրանց անունները

Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը` կիրառելով հրետանային կրակ, սակայն ճնշվել են հայկական կողմից և, կորուստներ տալով, հետ շպրտվել:

Ավելի ուշ հայտնի դարձավ, որ ադրբեջանական կողմը վերսկսել է Տավուշի դիրքերի ուղղությամբ հրետակոծությունը: ՀՀ ՊՆ խոսնակ Շուշան Ստեփանյանը երեկ վաղ առավոտյան հայտնեց, որ երկու-երեք ժամվա դադարից հետո առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիրքերի ուղղությամբ։

Ադրբեջանի պաշտպանության նախարարի տեղակալ Քերիմ Վելիևն այսօր հայտնել է, որ հայ-ադրբեջանական սահմանին մարտական գործողությունների հետևանքով սպանվել են գեներալ-մայոր Փոլադ Հաշիմովը և գնդապետ Իլգար Միրզեևը։
ԱՊԱ գործակալությունն էլ տեղեկացրել են, որ սպանվել են նաև մայոր Ահմեդով Նամիգ Խաժանօղլուն, մայոր Նովրուզով Անար Գյուլվերդիօղլուն, ենթասպա Զեյնալլա Իլգար Այազօղլուն, ենթասպա Բաբաև Յաշար Վասիֆօղլուն, գերժամանակակից ծառայության զինծառայող, զինվոր Մուստաֆազադե Էլչին Արիֆօղլուն:

Ադրբեջանն իր բնակչությանը շրջապատել է հրետանային մարտկոցներով՝ դարձնելով թիրախ. լուսանկար

Հայկական կողմից կա 5 վիրավոր և չորս զոհ։ Հակառակորդի կրակոցից մահացել են մայոր Գարուշ Վեմիրի Համբարձումյանը և կապիտան Սոս Փայլակի Էլբակյանը, ժամկետային զինծառայողներ` կրտսեր սերժանտներ Սմբատ Գևորգի Գաբրելյանն ու Գրիշա Վահանի Մաթևոսյանը։

498
թեգերը:
Տավուշ, հայ-ադրբեջանական, ադրբեջանցի, Ադրբեջան, անօդաչու, Հայաստան, Զինված ուժեր
թեմա:
Հայ–ադրբեջանական սահմանին տիրող իրավիճակը
Ըստ թեմայի
Հայկական ԶՈւ-ի կողմից խոցված ադրբեջանական ԱԹՍ-ներից մեկի լուսանկարը համացանցում է հայտնվել
Հայկական ԶՈւ-ն ադրբեջանական հերթական ԱԹՍ-ն է խոցել
Հուլիսի 13-ը կմտնի պատմության մեջ. Արծրուն Հովհաննիսյանը` հայկական ԱԹՍ–ների մասին
ՀԱՊԿ դրոշներ

Ինչու Հայաստանը չի դիմում ՀԱՊԿ-ի օգնությանը. ՊՆ պարզաբանումը

0
(Թարմացված է 12:09 15.07.2020)
Արծրուն Հովհանննիսյանը վստահեցնում է՝ ՀՀ զինված ուժերը լիովին ի վիճակի են կատարել իրենց առջև դրված խնդիրները։

ԵՐԵՎԱՆ, 15 հուլիսի – Sputnik. Այս փուլում Հավաքական անվտանգության պայմանագրի կազմակերպության կողմից ռազմական օգնության կարիք չկա․ այսօր Տավուշում ընթացող ճեպազրույցի ժամանակ ասաց ՀՀ պաշտպանության նախարարության ներկայացուցիչ Արծրուն Հովհաննիսյանը:

Տավուշի ուղղությամբ հուլիսի 12-ից մարտական գործողություններ են ընթանում, և քանի որ Հայաստանը ՀԱՊԿ անդամ է, սա ենթադրում է կազմակերպության աջակցությունը։

«Հակամարտության աստիճանն ու մասշտաբներն այնպիսին չեն, որ Հայաստանը դիմի ՀԱՊԿ-ին ինչ-որ գործողությունների, միջամտության և օգնության համար», - նշեց նա:

Հովհանննիսյանը վստահեցրեց՝ ՀՀ զինված ուժերը լիովին ի վիճակի են կատարել իրենց առջև դրված խնդիրները։

Հիշեցնենք` հուլիսի 12–ից սկսած իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել:

Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր: Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը` կիրառելով հրետանային կրակ, սակայն ճնշվել են հայկական կողմից և, կորուստներ տալով, հետ շպրտվել:

Հարվածային անօդաչու սարքերը կկատարելագործենք․ Հովհաննիսյան

Ավելի ուշ հայտնի դարձավ, որ ադրբեջանական կողմը վերսկսել է Տավուշի դիրքերի ուղղությամբ հրետակոծությունը: ՀՀ ՊՆ խոսնակ Շուշան Ստեփանյանը երեկ վաղ առավոտյան հայտնեց, որ երկու-երեք ժամվա դադարից հետո առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիրքերի ուղղությամբ։

Պաշտոնական տվյալներով՝ Ադրբեջանն ունի 11 զոհ, իսկ հայկական կողմը` 4 զոհ և 5 վիրավոր։

0
թեգերը:
Արծրուն Հովհաննիսյան, Սահման, Տավուշ, հայ-ադրբեջանական, Ադրբեջան, Հավաքական անվտանգության պայմանագիր կազմակերպություն (ՀԱՊԿ), Հայաստան, ՀՀ Պաշտպանության նախարարություն (ՊՆ)
թեմա:
Հայ–ադրբեջանական սահմանին տիրող իրավիճակը
Ըստ թեմայի
Ինչպես է անցել գիշերը հայ-ադրբեջանական սահմանին. ՊՆ խոսնակը մանրամասներ է հայտնել
Մնացականյանն ու Զարիֆը զրուցել են հայ-ադրբեջանական սահմանին ստեղծված իրավիճակի մասին
Մարտերում «զոհվածը» տարկետում ունի. ՊՆ-ն հերքել է ադրբեջանական լուրերը