«Շատ կարևոր է, որ ՀՖՖ ապագա նախագահն ունենա պրոֆեսիոնալների թիմ». Դոխոյան

159
(Թարմացված է 11:24 29.11.2019)
«Լեգալ սպորտ» ֆուտբոլային գործակալության գործադիր տնօրեն Կարեն Դոխոյանը և Ազգային հավաքականի ներկայացուցիչ Խորեն Քալաշյանը Sputnik Արմենիայի եթերում անդրադարձել են հայկական ֆուտբոլում ստեղծված իրավիճակին և ՀՖՖ ղեկավարի գալիք ընտրություններին:

ՀՖՖ գործադիր կոմիտեի` ֆեդերացիային առնընթեր ՀԿ-ները զտելու խոստման իրականացումը կնպաստի հայկական ֆուտբոլի առողջացմանը: Այս մասին Sputnik Արմենիայի եթերում ասաց «Լեգալ սպորտ» ֆուտբոլային գործակալության գործադիր տնօրեն, Հայաստանի ազգային հավաքականի նախկին անդամ Կարեն Դոխոյանը։

«Շատ կարևոր է, որ ՀՖՖ ապագա նախագահն ունենա իսկապես պրոֆեսիոնալների թիմ: Եվ նա պետք է բաց լինի բոլոր շահագրգիռ անձանց ու կազմակերպությունների առջև, որպեսզի քննարկի նրանց հետ ֆուտբոլային հանրությանը հուզող հարցերը»,- նշեց նա:

Քալաշյանը անդրադարձավ նաև ՀՖՖ սպասվելիք բախտորոշ ընտրություններին, որոնցից կախված է հայկական ֆուտբոլի ապագան, հետևաբար, ձևավորվելիք ղեկավար կազմում, ըստ նրա`պետք է ընդգրկվեն ֆուտբոլային անձինք ու կազմակերպություններ, որպեսզի կարողանան հայկական ֆուտբոլի առջև ծառացած հարցերը լուծել: 

ՀՖՖ նախագահի 1 թեկնածու արդեն կա, քանի՞սը դեռ կլինեն

«ՀՖՖ ապագա նախագահը պետք է լինի հեղինակավոր անձ, ֆուտբոլային աշխարհում ունենա մեծ կապեր, որպեսզի դրանք ծառայեցնի հայկական ֆուտբոլի զարգացմանը: Այս հանգամանքը մեր իրականության մեջ փոքր- քիչ աղավաղված են պատկերացնում»,- ասաց Քալաշյանը:

Ալեքսանդր Գրիգորյանը նշանակվեց «Ուրարտուի» գլխավոր մարզիչ

Հիշեցնենք, որ ՀՖՖ նախագահի պաշտոնում թեկնածուների առաջադրման վերջնաժամկետը դեկտեմբերի 3-ն է: Ընտրությունները նախատեսված են դեկտեմբերի 23-ին:

159
թեգերը:
Ընտրություններ, Հայաստանի ֆուտբոլի ֆեդերացիա, Հայաստան
թեմա:
Sputnik զրույց (293)
Ըստ թեմայի
Մինասյանի թիմի ռեկորդն ու Գրիգորյանի նորամուտը. ովքեր կպայքարեն Հայաստանի գավաթի համար
Գրիգորյանի դեբյուտը հաղթական էր. «Ուրարտուն» անցել է Հայաստանի գավաթի կիսաեզրափակիչ
«Ժողովուրդն ինչ ուզում ա, ստացել ա...». Ռուբեն Հայրապետյանը` Վանեցյանի ու ֆուտբոլի մասին
Բրազիլացի ֆուտբոլիստը պատմության մեջ ամենաանհեթեթ 11 մետրանոցն է իրացրել. տեսանյութ

Ինչպես պետք է լուծվի տարածքային վեճը. Սարգսյանը`մոլորյալ մոտեցում ունեցողների մասին

65
(Թարմացված է 16:10 29.07.2021)
ՀԽՍՀ Կրասնոսելսկի վարչական շրջանի նախկին ղեկավար Զարեհ Սարգսյանն անդրադարձել է հայ–ադրբեջանական սահմանին տիրող իրավիճակին, հատկապես Գեղարքունիքի հատվածում ծավալված ռազմական գործողություններին։

Ադրբեջանն այսօր մարտնչում է Արծվաշենի մոդելով։ Sputnik Արմենիայի հետ զրույցում նման կարծիք հայտնեց Զարեհ Սարգսյանը։

«Ժամանակին, քանի կար Արծվաշենը, Ճամբարակում և հարակից շրջաններում լարվածություն չկար, սակայն Արծվաշենի անկումից հետո ադրբեջանցիներն ընդհուպ մոտեցան Հայաստանի սահմաններին, և այսօրվա գործողություններն այդ առումով հիշեցնում են 1990-ականնների դեպքերը»,– ասաց նա։

Սարգսյանի խոսքով` մենք, ճիշտ է, զբաղված ենք եղել սահմանի պաշտպանության խնդիրներով, բայց պարզվեց, որ դա այդքան էլ արդյունավետ չենք արել և մեր դիրքերն ամրապնդելու համար շատ ժամանակ ենք բաց թողել։

«Այսօր էլ, ցավոք, կան մարդիկ, որոնք մտածում են, թե մեր երկրի սահմանների պաշտպանության խնդիրը մերը չէ, ՀԱՊԿ–ինն է, ուրիշինը, բայց ոչ մերը, մինչդեռ վերջին ամիսների, օրերի իրադարձությունները ցույց տվեցին, որ դա մոլորյալ մոտեցում է, հետևաբար պետք է հասկանանք, որ մեր սահմանների անառիկության երաշխավորը միայն մենք ենք ու գործելու պարագայում կունենանք և՛ զորակցողներ, և՛ օգնողներ»,– ասաց ՀԽՍՀ Կրասնոսելսկի վարչական շրջանի նախկին ղեկավարը։

Սարգսյանի համոզմամբ` բոլոր տարածքային վեճերը պետք է այնպես լուծվեն, որ դրանց այլևս անդրադարձ չլինի, ուստի անհրաժեշտ է, որ սահմանազատման հարցերը լուծվեն հնարավորինս արագ։

Արծվաշենի իրական ճակատագրերը. գյուղապետի կանաչ «Մոսկվիչն» ու լքվող տանը մոռացված երեխան

 

65
թեգերը:
Արծվաշեն, Սահման, Ադրբեջան, Հայաստան
Ըստ թեմայի
Ալիևի ուզածը մեկն է. Հովհաննիսյանը` հայ–ադրբեջանական սահմանի լարվածության մասին
ՌԴ-ն օգնում է վերականգնել հրադադարի ռեժիմը Հայաստանի և Ադրբեջանի սահմանին. Պեսկով
Իրադրությունը հայ–ադրբեջանական սահմանագծի երկարությամբ չի կայունանում. Փաշինյան

Հայկ Մարությանն այցելել է Երևանի վերականգնվող այգիներ. տեսանյութ

132
(Թարմացված է 10:18 29.07.2021)
Առաջիկայում հանգստի գոտիների վերականգնման մի քանի նախագիծ քաղաքապետարանն ավարտին կհասցնի ու կհանձնի բնակիչներին։

Երևանի քաղաքապետ Հայկ Մարությանն այցելել է Երևանի վերականգնվող այգիներից երեքը։ Տեղեկությունը հայտնում է քաղաքապետարանի մամուլի ծառայությունը։

Դրանցից մեկը՝ Քանաքեռի ՀԷԿ-ի մոտ, տասնյակ տարիներ շարունակ անխնամ վիճակում էր, իսկ հիմա արդեն լրիվ նոր կահավորմամբ հանձնվում է բնակիչներին։

Մյուսը՝ «Նոր Արաբկիրը» կամ, ինչպես ժողովուրդն է անվանում, Մոլոկանի այգին, վերջերս բանակցությունների շնորհիվ մասնավորից վերադարձվեց համայնքին, և հիմա սկսվել են հիմնանորոգման աշխատանքները՝ իր հիմնումից ի վեր առաջին անգամ։

«Նոր Արաբկիր զբոսայգին երբևէ չէր վերականգնվել։ Հիմա մեծածավալ աշխատանքներ ենք սկսել։ Մենք ուշիուշով հետևում ենք»,– ասել է Մարությանը։

Երևանյան հնագույն քարայրը. ինչպես Հրազդանի ձորը դարձնել զբոսաշրջության կենտրոն

Քաղաքի սրտում գտնվող Սարյանի պուրակը վերանորոգվել է ըստ «Ակտիվ քաղաքացի» հարթակում հաղթած գաղափարի` պահպանելով այգու մոդեռնիստական կոլորիտը։

Առաջիկայում հանգստի գոտիների վերականգնման էլի մի քանի պրոյեկտ քաղաքապետարանն ավարտին կհասցնի ու կհանձնի բնակիչներին։

Երևանի հասարարական տրանսպորտում կարող են COVID-ը սպանող սարքեր հայտնվել

132
թեգերը:
զբոսայգի, Երևան, Հայկ Մարության, Հայաստան
Ստանիսլավ Զաս

Ուժի կիրառումն անընդունելի է. Զասը՝ Հայաստանի ու Ադրբեջանի սահմանին տիրող իրավիճակի մասին

0
ՀԱՊԿ գլխավոր քարտուղար Ստանիսլավ Զասը նշել է, որ Երևանն ու Բաքուն հակասությունները կարգավորելու համար պետք է բացառապես քաղաքական-դիվանագիտական միջոցներ օգտագործեն:

ԵՐԵՎԱՆ, 29 հուլիսի - Sputnik. Հավաքական անվտանգության պայմանագրի կազմակերպության (ՀԱՊԿ) գլխավոր քարտուղար Ստանիսլավ Զասը մտահոգություն է հայտնել Հարավային Կովկասում լարվածության հետագա սրման վտանգի առնչությամբ:

«Լուրջ մտահոգություն է առաջացնում տարածաշրջանում լարվածության հետագա սրման վտանգը, ինչը կարող է բացասաբար անդրադառնալ եռակողմ ձևաչափով պայմանավորվածությունների կատարման վրա։ Այն պայմանավորվածությունների, որոնք ամրագրված են Ադրբեջանի, Հայաստանի ու Ռուսաստանի ղեկավարների` 2020 թվականի նոյեմբերի 9-ի հայտարարության մեջ», - նշել է ՀԱՊԿ գլխավոր քարտուղարը՝ մեկնաբանելով Հայաստանի ու Ադրբեջանի սահմանին տիրող իրավիճակը:

ՀԱՊԿ կայքում հրապարակված փաստաթղթում արձանագրվում է, որ 2021 թվականի հուլիսի 28-ի գիշերը Հայաստանի ու Ադրբեջանի սահմանին տեղի են ունեցել մարտական բախումներ, որոնց հետևանքով հայկական զինված ուժերի երեք զինծառայողներ են զոհվել, չորսը՝ վիրավորվել:

Զասը ցավակցություն է հայտնել զոհվածների ընտանիքներին և շուտափույթ ապաքինում մաղթել վիրավորներին:

«Ուժի կիրառումն անընդունելի ենք համարում։ Հակասությունները կարգավորելու համար պետք է բացառապես քաղաքական-դիվանագիտական միջոցներ օգտագործվեն», – ընդգծել է ՀԱՊԿ գլխավոր քարտուղարը։

Նա ողջունել է Ռուսաստանի ջանքերը՝ ուղղված տարածաշրջանային իրավիճակի կայունացմանը։

0