Ձախողվում է հատկապես սերնդափոխության ապահովման գործընթացը. Ռազմիկ Գրիգորյան

138
(Թարմացված է 20:21 26.11.2019)
Հայաստանի ազգային հավաքականի առաջին գոլի հեղինակ, երկրի եռակի չեմպիոն և հնգակի գավաթակիր, Հայաստանի ֆուտբոլի հավաքականի մարզչական շտաբի նախկին անդամ Ռազմիկ Գրիգորյանը Sputnik Արմենիայի եթերում անդրադարձել է հայկական ֆուտբոլի այժմյան վիճակին:

Հայկական ֆուտբոլում այսօր ձախողվում է հատկապես բնականոն սերնդափոխության ապահովման գործընթացը: Մանկապատանեկան ֆուտբոլին առնչվող մասնագիտական դիտողություններն ու խորհուրդները մնում են անարձագանք: Պատասխանատուներն իրենց հերթին չգիտեն, թե ինչպես պետք է հայկական ֆուտբոլը դուրս բերեն այս խորը ճգնաժամից: Sputnik Արմենիայի հետ զրույցում այս մասին ասաց Հայաստանի ազգային հավաքականի առաջին գոլի հեղինակ, երկրի եռակի չեմպիոն և հնգակի գավաթակիր, Հայաստանի ֆուտբոլի հավաքականի մարզչական շտաբի նախկին անդամ Ռազմիկ Գրիգորյանը։  

Մեղավորը միայն Վանեցյա՞նն է, կամ երբ ԱԱԾ տնօրենն էր, ֆուտբոլում ամեն ինչ լա՞վ էր

«Ի վերջո, վճարվող հսկայական գումարների դիմաց պատասխանատվություն ստանձնած մարդիկ պետք է ցույց տան կոնկրետ արդյունք»,-նշում է Գրիգորյանը` մատնացույց անելով հատկապես իսպանացի մասնագետներին, որոնք Հայաստան են ժամանել մեր ֆուտբոլի ֆեդերացիայի հրավերով, սակայն այս մեկ տարվա ընթացքում էական հաջողություններ չեն արձանագրել:

«Ժողովուրդն ինչ ուզում ա, ստացել ա...». Ռուբեն Հայրապետյանը` Վանեցյանի ու ֆուտբոլի մասին

Ռազմիկ Գրիգորյանի դիտարկմամբ՝ պետք է ոլորտի փորձառու մասնագետները միավորվեն ու փորձեն ընդհանուր ուժերով շտկել իրավիճակը, մանավանդ որ, ֆուտբոլը դինամիկ զարգացող մարզաձև է, մրցաշարերը հաջորդում են մեկը մյուսին, և շուտով հավաքականները կներգրավվեն նոր մրցաշարերում: 

138
թեգերը:
Ռազմիկ Գրիգորյան, ֆուտբոլ, Հայաստան
թեմա:
Sputnik զրույց (296)
Ըստ թեմայի
Փորձ է արվում քաղաքականացնել ֆուտբոլը. Red Eagles–ը քննադատել է նախարարի հայտարարությունը
«Հայկական ֆուտբոլը գնալով ավելի է քաղաքականացվում». Արարատ Ճաղարյան
Առանց Հենոյի. ինչպես են մարզվում մեր ֆուտբոլիստները «վերջին հույսի» խաղից առաջ. տեսանյութ
Բրազիլացի ֆուտբոլիստը պատմության մեջ ամենաանհեթեթ 11 մետրանոցն է իրացրել. տեսանյութ

Մարությանը շարունակում է պայքարել ապօրինի շինությունների դեմ. հերթը Քանաքեռ–Զեյթունինն է

19
(Թարմացված է 11:26 03.08.2021)
Երևանի քաղաքապետարանը հրապարակել է հերթական տեսանյութը, որում երևում է ապօրինի շինությունները քանդող բուլդոզերի աշխատանքը։

Երևանի քաղաքապետ Հայկ Մարությանի հանձնարարականով շարունակվում է ապօրինի շինությունների դեմ պայքարը։ Արդեն  ապօրինի շինություններ են ապամոնտաժվել Շենգավիթում, Էրեբունիում և Նոր Նորքում, Դավթաշենում, այժմ հերթը Քանաքեռ–Զեյթուն թաղամասինն է։

Երևանի քաղաքապետարանը հրապարակել է հերթական տեսանյութը, որում երևում է, թե ինչպես է բուլդոզերը քանդում ապօրինի կառույցները։

«Մայրաքաղաքի ապօրինի կառուցված շինությունների ապամոնտաժումը շարունակվում է: Տեսանյութը Քանաքեռ-Զեյթուն վարչական շրջանից է», – գրված է տեսանյութին կից։

Ապամոնտաժվել են ոչ միայն տաղավարներ և քարե կառույցներ, այլև մեքենայի կայանման համար նախատեսված ձողեր։

Դալմայի այգիներում ապօրինի շինություններ են ապամոնտաժվում

19
թեգերը:
Հայաստան, Երևան, Հայկ Մարության, տեսանյութ

Լոռիում և Շիրակում պարեկ դառնալու հնարավորություն կա․ մանրամասներ աշխատանքի մասին

77
(Թարմացված է 23:06 02.08.2021)
Ընդունելությունն իրականացվում է «Ոստիկանական գործ» մասնագիտության «Պարեկ» որակավորմամբ նախնական մասնագիտական կրթական ծրագրով: Դիմորդը պետք է ունենա 160 սմ-ից ոչ պակաս հասակ։

Ոստիկանության նոր պարեկային ծառայությունը հասանելի կլինի նաև Լոռիում և Շիրակում։ Տեղեկությունը հայտնում է ՀՀ ոստիկանության մամուլի ծառայությունը։

Նշվում է, որ հուլիսի 26-ից օգոստոսի 7-ը պարեկային ծառայությունում պաշտոնի նշանակվելու նպատակով ոստիկանության կրթահամալիրում անցկացվում է միասնական ընդունելություն-մրցույթ։ Մրցույթին մասնակցում են ինչպես ոստիկանության ծառայող չհանդիսացող անձինք, այնպես էլ ոստիկանության ծառայողները։

Ընդունելությունն իրականացվում է «Ոստիկանական գործ» մասնագիտության «Պարեկ» որակավորմամբ նախնական մասնագիտական կրթական ծրագրով:

Ընդունելություն-մրցույթի համար սահմանված է 570 տեղ, որից 258-ը՝ Լոռու մարզի, 257-ը՝ Շիրակի մարզի համար, նախատեսված է ևս 55 տեղ՝ Երևան քաղաքում պարեկների թիվը համալրելու նպատակով։

354 ահազանգ առաջին օրը. ինչպես են պարեկային ծառայողները լեզու գտնում խախտում արածների հետ

Ընդունելության համար կարող են դիմել միջնակարգ ընդհանուր կրթություն ունեցող, Հայաստանի Հանրապետության 18-ից 35 տարեկան և 160 սմ-ից ոչ պակաս հասակ ունեցող այն քաղաքացիները, որոնք անձնական հատկանիշներով, առողջական վիճակով և ֆիզիկական պատրաuտականությամբ ունակ են կատարելու ոuտիկանության ծառայողի պարտականությունները:

Դիմորդը կրթահամալիր պետք է ներկայացնի անձը հաստատող փաստաթուղթ, կրթության մասին վկայական, 4 լուսանկար (4x6 չափսի), եթե արական սեռի ներկայացուցիչ է՝ զինգրքույկ, մերձավոր ազգականների անձնագրերը, տեղեկանք բնակության և հաշվառման վայրերից և «B» կարգի վարորդական իրավունքի վկայական՝ պատճենով, կամ պարտավորագիր՝ դասընթացները սկսելու օրվանից երկու ամսվա ընթացքում «B» կարգի վարորդական իրավունքի վկայականը ներկայացնելու վերաբերյալ։

Քահանան օրհնության կարգ կատարեց, և պարեկները ծառայության անցան Երևանում. տեսանյութ

77
թեգերը:
Լոռի, Շիրակի մարզ, պարեկային ծառայություն
Ըստ թեմայի
Պարեկային նոր ծառայության մեքենաների արտաքին ձևավորումը առաջիկայում կփոխվի. Հովսեփյան
Դիմավորեք. Երևանում ծառայության են դուրս եկել պարեկային ոստիկանության ծառայողները
Հուլիսի 1-ից Երևանում ՃՈ–ի փոխարեն կգործի նոր Պարեկային ծառայություն
ՔԿ

Ադրբեջանցիների կրակոցներից վնասված ավտոմեքենայի դեպքով քրեական գործ է հարուցվել

0
Հակառակորդը մի քանի օր առաջ կրակոցներ էր արձակել ՀՀ ՊՆ N զորամասի պահպանության շրջանի մարտական դիրքում շարժման մեջ գտնվող «ԶԻԼ» մակնիշի ավտոմեքենայի ուղղությամբ։

ԵՐԵՎԱՆ, 3 օգոստոսի – Sputnik. Հակառակորդի կրակոցներից վնասված ավտոմեքենայի դեպքով քրեական գործ է հարուցվել 2 հոդվածով։ Տեղեկությունը հայտնում է ՀՀ քննչական կոմիտեն` ներկայացնելով դեպքի մանրամասները։

Նշվում է, որ 2021թ. հուլիսի 31-ին` ժամը 18:30-ի սահմաններում հակառակորդի անհայտ զինծառայողները դեռևս տեսակը չպարզված հրազեններից կրակոցներ են արձակել ՀՀ ՊՆ N զորամասի պահպանության շրջանի մարտական դիրքում իր ծառայողական պարտականություններն իրականացնող, ավտոմոբիլային ջոկի ավագ վարորդ, պայմանագրային զինծառայող Ա.Պողոսյանի վարած «ԶԻԼ» մակնիշի ավտոմեքենայի ուղղությամբ։ Սակայն նրանք իրենց կամքից անկախ հանգամանքներով ապօրինաբար դիտավորությամբ կյանքից զրկելու հանցագործությունն ավարտին չեն հասցրել։ Արձակված կրակոցների հետևանքով վնասվել է վերը նշված ավտոմեքենան, որի հետևանքով զգալի չափերով նյութական վնաս է պատճառվել զորամասին: Պողոսյանը վնասվածքներ չի ստացել:

Դեպքի առթիվ ՀՀ քննչական կոմիտեի զինվորական քննչական գլխավոր վարչության ութերորդ կայազորային քննչական բաժնում ՀՀ քրեական օրենսգրքի 34-104-րդ հոդվածի 2-րդ մասի 2-րդ, 6-րդ, 13-րդ կետերով (սպանության փորձ` անձի կամ նրա մերձավորի` կապված այդ անձի կողմից իր ծառայողական գործունեության կամ հասարակական պարտքի կատարման հետ, ազգային, ռասայական կամ կրոնական ատելության կամ կրոնական մոլեռանդության շարժառիթով) և 185-րդ հոդվածի 2-րդ մասի 4-րդ կետով (ուրիշի գույքը դիտավորությամբ ոչնչացնելը կամ վնասելը, որը կատարվել է ազգային, ռասայական կամ կրոնական ատելության կամ կրոնական մոլեռանդության շարժառիթով) հարուցվել է քրեական գործ, և կատարվում է նախաքննություն։

Հիշեցնենք` հուլիսի 28-ին ադրբեջանական ԶՈւ ստորաբաժանումները հերթական անգամ դիմել էին սադրանքի և խախտել հրադադարը հայ-ադրբեջանական սահմանի հյուսիսարևելյան հատվածում: Հայաստանն ու Ադրբեջանը համաձայնել էին Մոսկվայի միջնորդությամբ դադարեցնել կրակը։

Հայկական կողմն ուներ երեք զոհ, հինգ վիրավոր։

Հուլիսի 29-ին` ժամը 03:00-ի սահմանում, հայ-ադրբեջանական սահմանի Գեղարքունիքի հատվածում, Քարվաճառի ուղղությամբ ադրբեջանական ԶՈւ ստորաբաժանումները, խախտելով նախորդ օրը ձեռք բերված` կրակի դադարեցման վերաբերյալ պայմանավորվածությունը, կրկին դիմել էին սադրանքի ու կրակ բացել հայկական դիրքերի ուղղությամբ։

Հուլիսի 29–ի լույս 30–ի գիշերը հայ-ադրբեջանական սահմանի Գեղարքունիքի հատվածում արձանագրվել են ԱԹՍ-ների՝ ՀՀ օդային տարած մուտք գործելու փորձեր։

Հուլիսի 30–ին խոցվել է Ադրբեջանի ԶՈւ սպառազինության մեջ գտնվող «Aerostar» տիպի ԱԹՍ, որի բեկորներն ընկել են Գեղարքունիքի մարզի Վանեվան գյուղից 3.5 կիլոմետր դեպի հյուսիս։

Հուլիսի 31-ին ադրբեջանցիները կրակ են բացել Երասխի ուղղությամբ, փորձել ամրաշինական աշխատանքներ կատարել, ավելի ուշ նրանք կրակել են սնունդ տեղափոխող մեքենայի վրա։

0
թեգերը:
Հայաստան, Ադրբեջան, ավտոմեքենա, կրակոց, Քրեական գործ