Երևանում «Գազելների» վարորդների մոտից դանակներ են հայտնաբերվել. տեսանյութ

206
(Թարմացված է 20:50 21.11.2019)
Ոստիկաններն ուժեղացված ծառայություն են իրականացրել մայրաքաղաքում, թիրախում հայտնվել են հասարակական տրանսպորտի վարորդները։

Նոյեմբերի 21-ին ոստիկանության Երևան քաղաքի վարչության, ենթակա տարածքային բաժինների ու ճանապարհային ոստիկանության առաջին սպայական գումարտակի ծառայողները ուժեղացված ծառայություն են իրականացրել մայրաքաղաքում: Նրանք տարբեր իրավախախտումների համար կանգնեցրել են հասարակական տրանսպորտ հանդիսացող միկրոավտոբուսներ, արդյունքում որոշ «Գազելների» վարորդների մոտից հայտնաբերել դանակներ։ Այս մասին հայտնում է ՀՀ ոստիկանության կայքը։

Ջրամատակարարում, աղբահանություն, հասարակական տրանսպորտ. Փաշինյանի մոտեցումը` խնդիրներին

«Վարորդների նկատմամբ կազմվել են վարչական իրավախախտման վերաբերյալ արձանագրություններ։ 8 միկրոավտոբուս տեղափոխվել է ճանապարհային ոստիկանության պահպանվող հատուկ տարածք, քանի որ վարորդները չեն ունեցել համապատասխան վարորդական վկայական»,–ասվում է ոստիկանության հաղորդագրության մեջ։

Խայտառակ վիճակ Երևանում. ո՞ւր է կորել հասարակական տրանսպորտը

Նշվում է, որ ուժեղացված ծառայության նպատակը հասարակական կարգի ու երթևեկության անվտանգության ապահովումն է եղել։

Ուժեղացված ծառայությունները շարունակական են լինելու։

206
թեգերը:
դանակ, Տրանսպորտ, վարորդ, Ոստիկանություն
Ըստ թեմայի
Ստրիպտիզ հասարակական տրանսպորտում. կախե՛ք Ձեր զգեստը ներս մտնելուց առաջ
Խայտառակ վիճակ Երևանում. ո՞ւր է կորել հասարակական տրանսպորտը
Հայկ Մարությանն օգտվում է հասարակական տրանսպորտից. տեսանյութ
Երևանի հասարակական տրանսպորտի նոր ցանցի վերջնական նախագիծը ներկայացվել է Հայկ Մարությանին

Մասնակցելո՞ւ եք ընտրություններին և ինչո՞ւ. հարցախույզ Երևանում

103
(Թարմացված է 22:44 06.05.2021)
Sputnik Արմենիան հարցում է անցկացրել Երևանում և պարզել` ՀՀ քաղաքացիների մեծ մասը պատրաստվում է մասնակցել հունիսին նախատեսված արտահերթ ընտրություններին։

Sputnik Արմենիայի հարցման մասնակիցները համարում են, որ ընտրություններին մասնակցելը յուրաքանչյուր քաղաքացու պարտքն է։ Գնալու են քվեարկության, որովհետև մտավախությունները շատ են, իսկ ընտրություններից հետո շատ բան կարող է փոխվել։

Քաղաքացիներից մեկի կարծիքով՝ մեր միակ հույսը հզոր զենք ստեղծելն է։

«Մենք ուրիշ ճար չունենք», -ասաց նա։

Առաջիկա ընտրությունները հեշտ չեն լինելու. Ռոբերտ Քոչարյանը` փողոցային պայքարի մասին

Տղամարդկանցից մեկն էլ շեշտեց, որ ոչ մի դեպքում չի մասնակցելու ընտրություններին։

«Հերս էլ բանակից գա՝ չեմ մասնակցելու։ Նիկոլի ժամանակ եղել եմ, Ռոբերտի ժամանակ եղել եմ, Սերժի ժամանակ եղել եմ, Պարույրի՝ ևս, բայց ինչի՞ տեղ անցավ»,– նշեց նա։

Որպեսզի իմանաք, թե ինչ պատասխաններ են տվել հարցման մյուս մասնակիցները, դիտեք Sputnik Արմենիայի տեսանյութը։

Ընտրողները 2 հոգու են տեսնում վարչապետի պաշտոնում. քաղտեխնոլոգը` ընտրությունների մասին

 

103
թեգերը:
Հարցում, Երևան, Ընտրություններ, Հայաստան
Ըստ թեմայի
Ընտրությունները ՀՀ պետականության անփառունակ վախճանի նոր էջ կբացեն․ Աշոտյան
Եթե Փաշինյանն անգամ ընտրություններում պարտվի, միևնույնն է, ինքնակամ չի հեռանա. քաղաքագետ 
Լինելու են ՀՀ պատմության մեջ ամենավատ ընտրությունները. տեղամասերում կլինեն բախումներ

Արթիկում 45֊ամյա գյումրեցու մոտ թմրամիջոց են հայտնաբերել

31
Ոստիկանությունում նախապես տեղեկություններ էին ստացվել, որ քաղաքացու մոտ կարող է թմրանյութ լինել։

Արթիկի բաժին բերման ենթարկվածի մեքենայում թմրամիջոցի նմանվող տարբեր քաշերով զանգվածներ են հայտնաբերվել։ Տեղեկությունը հայտնում է ՀՀ ոստիկանության մամուլի ծառայությունը։

Ըստ հաղորդագրության` մայիսի 4-ի գիշերը ոստիկանության Արթիկի բաժնի քրեական հետախուզության բաժանմունքի ծառայողները տեղեկություններ են ստացել, որ Գյումրիում բնակվող 45-ամյա քաղաքացին մեքենայում թմրանյութ ունի։

Նաև տեղեկություններ են ստացվել, որ նա այդ պահին Արթիկ քաղաքում է։

Ոստիկանությունը կասկածյալին հայտնաբերել է Արթիկի Սասունցի Դավթի և Թումանյան փողոցների խաչմերուկում ու մեքենայով հանդերձ բերման ենթարկել բաժին։

Հայաստանում թմրամիջոցների ապօրինի շրջանառության շղթա է բացահայտվել

«Օպել» մեքենայում հայտնաբերվել են թմրամիջոցի նմանվող զանգվածներ։ Նշանակվել է դատաքիմիական փորձաքննություն։ Հանգամանքները պարզվում են։

Թմրամիջոցը Վրաստան չհասավ․ Սյունիքի Շվանիձոր գյուղում թմրանյութի թաքստոց է հայտնաբերվել

31
թեգերը:
թմրամիջոցներ, Ոստիկանություն, Հայաստան
Граждане на проспекте Баграмяна, перед зданием Парламента Армении (2 октября 2018). Еревaн

«Օրենքով գողի» են ձերբակալել. «Նուբարաշեն» և «Արմավիր» ՔԿ–ներում «զոն նայողներ» են եղել

0
(Թարմացված է 13:30 07.05.2021)
Քրեական գործով կատարվում են անհրաժեշտ և համարժեք բոլոր գործողությունները խմբավորման մասնակիցների և դրան ներգրավված անձանց ամբողջական շրջանակը պարզելու ուղղությամբ:

ԵՐԵՎԱՆ, 7 մայիսի - Sputnik. Բացահայտվել են «օրենքով գողի» կողմից քրեական ենթամշակույթ կրող խմբավորում ղեկավարելու, քրեակատարողական հիմնարկում պահվող, «քրեական հեղինակության»՝ քրեական աստիճանակարգության բարձրագույն կարգավիճակ ունեցող տարբեր անձանց կողմից այդ խմբավորմանը մասնակցելու դեպքեր: Տեղեկությունը հայտնում է ՀՀ գլխավոր դատախազությունը։

 2021թ. մայիսի 5-ին հարուցված քրեական գործով 2021թ. մայիսի 7-ին ՀՀ ոստիկանության ՔՈ գլխավոր վարչության ծառայողների կողմից կատարված խուզարկության արդյունքում հայտնաբերվել և ձերբակալվել է «օրենքով գողի»՝ քրեական աստիճանակարգության բարձրագույն կարգավիճակ ունեցող անձը:

Քննությամբ պարզվել է, որ ՀՀ ԱՆ «Նուբարաշեն» ՔԿ հիմնարկում այսպես կոչված «զոն նայողի» գործառույթներն իրականացրել են նույն հիմնարկում պահվող  քրեական աստիճանակարգության բարձրագույն կարգավիճակ ունեցող «Ա.Ա.» մականվամբ և «Կ.Հ.» մականվամբ հայտնի «քրեական հեղինակություն» ունեցող անձինք։ Իսկ «Արմավիր» ՔԿ հիմնարկի 3-րդ մասնաշենքում այդ գործառույթները ստանձնել է «Պ.» մականվամբ հայտնի քրեական աստիճանակարգության բարձրագույն կարգավիճակ ունեցող անձը։

Նրանք քրեական ենթամշակույթ կրող խմբավորման սահմանած և ճանաչած վարքագծի կանոնների համաձայն` տվել են հրահանգներ, ինչպես նաև կազմակերպել և իրականացրել են դրամական միջոցների հավաքագրում (այդ թվում՝ մոլախաղերի միջոցով), տնօրինել անօրինական ստացված օգուտը և  կատարել քրեական ենթամշակույթ կրող խմբավորման հետապնդած նպատակների իրականացմանն ուղղված այլ գործողություններ:

 Ստացված փաստական տվյալների համաձայն՝ ՀՀ ԱՆ «Նուբարաշեն» ՔԿ հիմնարկից այսպես կոչված «զոն նայողի» կարգավիճակ ունեցող «Ն.Ն.» և «Վ.» մականուններով հայտնի անձանց տեղափոխելուց հետո՝ 2020թ. մարտ ամսից սկսած, «Նուբարաշեն» ՔԿ հիմնարկում այսպես կոչված «զոն նայողի» գործառույթներն իրականացրել է նույն հիմնարկում պահվող «Կ.Հ.» մականվամբ հայտնի «քրեական հեղինակություն» ունեցող անձը։ Վերջինս այդ ընթացքում զբաղվել է դրամահավաքով՝ այդ մասին վարելով համապատասխան ցուցակներ և գումարային շարժի մասին «հաշվետվություն» ներկայացնելով «օրենքով գողի» կարգավիճակ ունեցող անձանց, իսկ հավաքված գումարները ծախսելով դատապարտյալների և կալանավորների ընդհանուր կարիքների համար, մասնաբաժին փոխանցելով նաև քրեական աստիճանակարգության բարձրագույն կարգավիճակ ունեցող անձանց:

Մոսկվայում սպանել են ադրբեջանցի «օրենքով գողին». կադրերը հայտնվել են համացանցում

Միաժամանակ, փաստական տվյալներ են ձեռք բերվել այն մասին, որ «օրենքով գողի» քրեական աստիճանակարգության բարձրագույն կարգավիճակ ունեցող «Շ. Ժ.» մականվամբ հայտնի անձը ՀՀ ԱՆ «Արմավիր» ՔԿ հիմնարկի 3-րդ մասնաշենքում այսպես կոչված «զոն նայող» հանդիսացող, «քրեական հեղինակություն» ունեցող Ս.Ա.-ին նախ հանձնարարել է քրեական ենթամշակույթ կրող խմբավորման կողմից ընդունված վարքագծի կանոններին համապատասխան ծեծի ենթարկելով պատժել հիմնարկում պահվող կալանավորված անձին, իսկ այնուհետև իր հանձնարարությունը չկատարելու համար նախաձեռնել է իր հանձնարարությունը չկատարած հիշյալ այսպես կոչված «զոն նայողի» կարգավիճակ ունեցող անձին փոխարինելու գործընթաց։

Այդ նպատակով նա հանձնարարել է «Կ.Հ.» մականվամբ հայտնի անձին «Արմավիր» քրեակատարողական հիմնարկի երրորդ մասնաշենքում քրեական ենթամշակույթ կրող խմբավորման կողմից սահ­մանված ու ճանաչված վարքագծի կանոններով առաջնորդվող, «իրենց խոսքը պահող նորմալ մարդ» գտնել:

Այդ հանձնարարության կատարմանը «Կ.Հ.» մականվամբ հայտնի անձը ներգրավել է ՀՀ ԱՆ «Արմավիր» ՔԿ հիմնարկի 6-րդ մասնաշենքի «զոն նայող» Ա.Բ.-ին, որը երաշխավորել, ապա առաջարկել է քրեակատարողական հիմնարկում պահվող «Պ.» մականվամբ անձի թեկնածությունը, որը ժամանակավորապես ստանձնել է «Արմավիր» ՔԿ հիմնարկի 3-րդ մասնաշենքում այսպես կոչված «զոն նայողի» գործառույթները և 20 օրվա ընթացքում երեք անգամ ծխախոտի, ուտելիքի և այլնի տեսքով «դրսից բերված գրեֆներ» է բաժանել քրեակատարողական հիմնարկի 3-րդ մասնաշենքում պահվող կալանավորված և դատապարտված անձանց, նույն մասնաշենքում պահվող կալանավորված և դատապարտված անձանց հանձնարարել է անկարգություններ իրականացնել:

Քրեական գործով կատարվում են անհրաժեշտ և համարժեք բոլոր գործողությունները խմբավորման մասնակիցների և դրան ներգրավված անձանց ամբողջական շրջանակը պարզելու ուղղությամբ:

0
թեգերը:
Ձերբակալություն, օրենքով գող, Քրեակատարողական հիմնարկ (ՔԿՀ), «Նուբարաշեն» ՔԿՀ, ՀՀ գլխավոր դատախազություն, Հայաստան
Ըստ թեմայի
Վայոց Ձորում քրոջ որդու սպանության մեջ մեղադրվող տղամարդը ձերբակալվել է
«Իմ քայլն» առաջարկում է թույլ տալ մարդուն ձերբակալել առանց նպատակի
Զինծառայողին սպանելու կասկածանքով ձերբակալվել է նրա ծառայակիցը. ՔԿ