Դեռևս անցած տարի Երևանի քաղաքապետ Հայկ Մարությանը հայտարարել էր, որ քաղաքում արգելելու են փողոցային առևտուրը, բայց դա անելու են ոչ թե պայքարի, այլ բացատրական մեթոդներով։ Sputnik Արմենիան շրջել է Երևանի կենտրոնով` պարզելու համար, թե ինչ ազդեցություն են ունեցել բացատրական մեթոդները։

Press office of the Police of RA

Երևանում փողոցային առևտրով զբաղվողներին թրաֆիքինգի են ենթարկել. տեսանյութ

Փողոցում գումար վաստակողները հրաժարվեցին խոսել իրենց խնդիրների մասին։ Իսկ գետնանցումներում վաճառքով զբաղվողները բարձրաձայնեցին իրենց խնդիրները։

«Ես ինքս զզվում են ըստեղից, սիրտս խառնում ա, հաճախորդը կգա էստեղ, առևտուր կանի՞։ Իհարկե, չէ», - նշում է վաճառողուհիներից մեկը։

Նրանք քաղաքապետարանին խնդրում են մի փոքր բարելավել անցումների վիճակը։

«Խնդրել ենք քաղաքապետարանին, տեղ ա տվել, բայց պայմաններ չկա՝ ո՛չ տուալետ կա, ո՛չ ջուր կա, վեդրոներով բերում, ջուրը լցնում ենք, ասում ենք` մարդ ենք, կանգնած ենք, գիշերը գնում ենք տուն 9–ին, 10–ին։ Մյուս օրը էլի նույն վիճակն ա»,-պատմում է մեկ այլ վաճառողուհի։

Նրանք վստահեցնում են, որ գետնանցումներում նույնիսկ էլեկտրականություն չի եղել, քաղաքապետարանը վերջերս է այդ հարցը լուծել։

© Sputnik / Andranik Ghazaryan

Երևանում պայքարում են քաղցր բամբակի դեմ. ի՞նչ են մտածում վաճառողները. լուսանկարներ

Անցորդներից քչերն են կողմ փողոցում և գետնանցումներում առևտուր անելուն։

«Երբեք այստեղից բան չեմ գնում, որովհետև այ էսքան տառականներ են ամեն մի գիշեր»,– պատմում է անցորդներից մեկն ու ձեռքով ցույց տալիս խավարասերների չափը։

Sputnik Արմենիան փողոցային առևտրի թեմայով զրուցել է նաև Երևանի քաղաքապետի խոսնակ Հակոբ Կարապետյանի հետ։ Նրա խոսքով` փողոցային առևտրի դեմ պայքարը մեկանգամյա գործողություն չէ ու գտնվում է քաղաքային իշխանության շարունակական վերահսկողության ներքո: Կարապետյանի համոզմամբ՝ փողոցային ապօրինի առևտրի դեմ պայքարում քաղաքապետարանը հաջողությամբ համագործակցում է իրավապահ մարմինների հետ, իսկ արդյունքը կլինի կատարյալ այն ժամանակ, երբ հարցը լինի կանոնակարգված կամ իսպառ ձերբազատվենք այդ խնդրից:

Նշենք, որ Երևանի քաղաքապետարանը նախաձեռնել է օրենսդրական փոփոխություններ, որոնց համաձայն՝ ապօրինի փողոցային առևտուր իրականացնողների ապրանքը կարող է առգրավվել։

«Առևտրի և ծառայությունների մասին» օրենքում առաջարկվել են շրջիկ և շարժական առևտուրը կարգավորող մի շարք փոփոխություններ, ինչպես նաև օրենքի խախտման դեպքում սանկցիաների կիրառմանը վերաբերող դրույթներ:

Իրավիճակը ցույց է տալիս, որ ՀՀ նախագահ Արմեն Սարգսյանը համաձայն չէ վարչապետ Նիկոլ Փաշինյանի որոշման հետ և այդ պատճառով էլ չի ստորագրում ՀՀ ԶՈւ Գլխավոր շտաբի պետ Օնիկ Գասպարյանի պաշտոնանկության հրամանագրի նախագիծը։ Sputnik Արմենիայի հետ զրույցում իր այս տեսակետը հայտնեց Թևան Պողոսյանը։

Նրա խոսքով` ՀՀ նախագահը Սահմանադրական դատարան է դիմել «Զինվորական ծառայության և զինծառայողի կարգավիճակի մասին» օրենքի վերաբերյալ, քանզի համարում է, որ այնտեղ կան ինստիտուցիոնալ մոտեցման հետ կապված խնդիրներ, որ զինվորականներին նշանակելու և հեռացնելու համար շատ դեպքերում կան հայեցողական դիրքորոշումներ, որոնք անընդունելի են և սխալ մոտեցման արդյունք են։

«Եթե իշխանության և ընդդիմության միջև լինեն համապատասխան բանակցություններ, միգուցե հնարավոր է ամեն ինչ շատ հանգիստ անել ու գտնել բոլորի համար ընդունելի լուծում կամ հակառակը` գործընթացը կարող է հանգեցնել այնպիսի իրավիճակի, որի առթիվ լավ կանխատեսումներ չունեմ»,– նշեց «Մարդկային զարգացման միջազգային կենտրոնի» ղեկավարը։

Պողոսյանի կարծիքով` լարվածության հետագա սրացման դեպքում կարող են լինել ռեպրեսիաներ ու վենդետաների երևույթներ` չնայած, որ իշխանությունները դեռ 2018 թվականին են հայտարարել, որ վենդետաներ չեն լինելու, բայց հետո ականատես ենք եղել բազմաթիվ դեպքերի, երբ մարդկանց առանց իրավական հիմքերի հեռացնում էին աշխատանքից, կամ տեղի էին ունենում ինչ–որ գործընթացներ։